معانا النهاردا ولمدة اسبوع بسمة المنتدى bosy

أخر سؤالين ليك يا لول

14 بوسي والرياضة ... بوسي والسينما... بوسي والانترنت ....بوسي والعيال الصغيرة في الشارع ههههههه
بوسى والرياضه
أظنك أكتر واحد عارف ياعنى أحنا كنا زمايل فى حمام السباحه
كانت أيام حلوه أوى والله
كنا دايما أنا وأنت وحسونه فى الخمسه متر
دى أول حاجه
بعدين شويه كده لعبت رفع أثقال وكنت بمرنك فاكر ؟؟
ولعبت شويه العاب قوه
وأخر حاجه وأكتر حاجه استمريت فيها كره اليد
وأكتر حاجه حبتها بس بقى من السنه اللى فاتت وانا أنشغلت ومعتش بلعب أى حاجه بس
فى البيت كده مع نفسى بحب ألعب شويه كده ياعنى للياقه مش أكتر


بوسى والسينما
مش قوى والله أصلى مليش فى الأفلام العربى قوى
بس فى الصيف بقى بنقضيها أفلام رعب

بوسى والأنرنت
كان ياعنى فى الأول مش ليا فى غير مثلا أفتح الميل وأكلم صحابى
بس شويه بشويه بقيت بستعمله فى حاجات كتير
ياعى لو عوزت أى حاجه بقيت أعرف أجيبها سوأ ترفيهى أو دراسى أو أى حاجه ياعنى

بوسى والعيال الصغيره فى الشارع
ههههههه أنا بقى ياعم بحب العيال الصغيره فى أى شكل بيلعبوا فى الشارع فى البيت فى أىحته بحب الاطفال بس مش بحب عياطهم أبدااااااااا



15 طريقة الوصول الي قلب بوسي ..........
صعب أوىىىىىى
مش أى حد ياعنى يقدر يوصل لقلبى




سلامي ليكي ... وشكرا
ألف سلامه ليك يا لول
وان شاء الله نشوف تعليقك يوم الخميس على الأجابات

كابتشينو

أنا جيتلك أهو
بسم الله الرحمن الرحيم

بدون بجد مجامله انتى بتكلمى بصراحه جااااااااااااامده اوى
ميرسي ليك يا كابتشينو


بس انا برده عندى اسئله مش هسكوت يعنى فرصه ليه
براحتك وأنا معاك



اول حاجه عرفت ان انتى اختك هنا منوره المنتدا معانا حق الموضوع ده ؟
اه اسمها bOSY SISTER



2. طيب مين الكبير انتى وله هى ؟ طب والفراق اد ايه ؟
أنا الكبيراه
أكبر منها ب4 سنين




3. طب ياتره لو بوسى وبسمه اعدين فى البيت والاتنين عوزين يعوده على النت مين الابيعد ؟ طب وليه
أنا اللى باعد أكيد
عشان سبب بسيط أوى هى فى ثانوى وليها حاجات كتير أهم




كتييييييييير بيحصل لينا موقف وحش فى السفر ياتره انتى حصل ليكه حاجه زعلتك اقبل كده ؟
هو اكيد ياعنى
أكتر حاجه كانت بتخنق الواحد لما يجيلك شاب كده شايف نفسه ويقولك لو سمحتى يا أنسه
أنا بشوفك كل يوم وأنتى بتسافرى معانا
وممكن نتعرف (على اساس أننا على شات )
بس الواحد ياعنى الحمد لله كان بيعرف يتصرف



ياتره فى موقف محرج حصل ليكه فى السفر ؟فى مصر ؟
محرج اه
كانت معايا واحده فى المدينه وهى من المحله وأنا كنت مسافره وهى كمان
فتقابلت معاها عند رمسيس
طبعا مشيت معاها وبتاع
هى كانت بنت جريئه شويه
المهم عيل صغير كده شايل على كتفه زى خشبه كده
عمال يجى نحيتنا ويخبط بدلع كده ياعنى عادى
المهم أنا قلتله بس يا بابا ألعب بعيد
جه عند صاحبتى دى وأم خابطها امت شخطه فيه راح الواد جاب مامته
ومش هقولك بقى زميلتى دى كانت صوتها عالى أوى ومامت الولد ست بيئه
وعلى اللى جره ميدان رمسيس كله شاف العركه دى
وطبعا كان شكلى وحشششششششش
لأنى كنت واقفه مع زميلتى دى
وهى ما شاء الله مش سابت حقها ياعنى


ياتره انتى كنتى متعوده تعمله حاجه كل ماتسافره ؟ فى مصر ؟
اه
بنااااااااااااااااااااام فى لحظه



ياتره التغير من القاهر الى طنطا جميل وله زعلته ان انتى روحتى طنطا ؟
فى الأول كنا زعلانين عشان مش واخدين على الجو بس
بس بعد كده بقى لقينا أنه فى طنطا أحسن لنا كا بنات عشان البهدله فى السفر وفى المدينه وكده ياعنى


عملته حاجه وندمته عليه ايه هى ؟
الحمد لله الواحد مش وصل فى حياته لمرحله الندم دى



صعب الانسان يحس ان هو لوحده حصل ليكه الموقف ده اقبل كده . وليه ؟
اه
ايام النتيجه
اصحابى كانوا بعاد عنى بس مش بمزاجهم
أنا كنت مفصوله أيامها عن الناس كلها



ممكن تبكى ادم حد يعنى ممكن انتى تبكى ادام حد من اصحابك ؟ طب حصل الموضوع ده قبل كده ؟وليه ؟
اه ممكن جدا
أنا من النوع اللى لما بتخنق حتى لو موقف بسيط بعيط ياعنى لما تصعب عليا نفسى بعيط على طول
حصل كتير جدا



انتى بتحبه تعدى لوحدك كتيييييييير وله مع اصحابك ؟ طب وليه ؟
حسب الحاله النفسيه
بس الاغلبيه بحب أكون مع أصحابى حتى لو زعلانه ياعنى بعوز حد معايا يخفف عنى
بس ساعات كده الواحد يحب ياعد مع نفسه يعيد حساباته فى حوارات معينه
يشوف حياته مايشه صح ولا غلط
كده ياعنى


كفايه اصل انا مش مركز شويه معلش بقى المره الجايه
ههههههه
كل ده ومش مركز
أومال لو ركزت
أأأأأأأأأأأى خدمه

نستاذن من الدكتور محمد
هناخد سؤال صغنون من نورى على الخفيف كده

وبعدين معاك

نا بقى سؤالى صغنطط يابوسى ليه او ماهو سبب الفراق عن الحبيب؟ وشكرا

بصى يا نورى هو فى الأول وفى الأخر نصيب
بس هقولك برده
العمليه كلها أنه لسه أدامه كتير أوى
وأنا برده لسه أدامى كتير على ما والدى يوافق على حد
فحسيت أن العمليه كده هتطول
هنربط نفسنا ببعض والواحد مش عارف النصيب فين
ففضلنا اننا نسيب الموضوع للقسمه والنصيب
واللى فى الخير بقى ربنا يقدمه

أنا هكمل اللى باقى عليه أهو

دول الأول باقى اسئله كابتشينو

مكنتش واخده بالى منها
طب وخدى دول كمان
أوكى

ياتره حد فى مره نفضلك يعنى مشى وسابك ؟
متخلقش يابنى


فى حد بص ليكه من فوق لتحت كده ومشى على طول ؟
اه
بص واحده بنت
مكنتش أعرفها بس تقريبا هى مكاانش عاجبها شكلى أو حاجه


ياتره بقى مره اختك مش سمعت الكلام بتاعك ؟
أكيد
بس مش فى حاجات كبيره ياعنى
حاجات صغيره
ياعنى أقولها طبقى اللبس تتطنش
دخلى الأكل كده ياعنى
أنما لو حاجه كبيره ياعنى دى من صاحباتك تكلميه دى لأ
اللبس ده تلبسيه ولا لأ
متقدرش تقولى لأ


ياتره بقى انتى هترد عشان اكمل الاسئله وله لا؟
أدينى رديت أهو ياعم محمد لو عندك تانى
ياعنى براحتك ياعنى

ياااااااااه قربت أخلص

ندخل بقى على الدكتور محمد

ايه يا جماعه بالراحه ع البنيه شويه
قولهم والنبى


اولا ازيك يا بوسي
الحمد لله تمام


معلش العيال تاعبنك شويه بس مش مشكله بقي انت زي خالتهم قصدي مامتهم
مقبوله منك برده


المهم
ها


يا ريت يعني تسمحيلي بالكام سؤال دول
من عييييييينى

وماتحمرقيش في الاجابات .......
مع أنى مش فاهمه ياعنى ايه ما تحمرقيش
بس صدقنى مش هحمرق


اوك؟؟؟؟؟؟؟؟
أوك


مين اول حد قالك خبر انك قعدت ف اول سنه ؟؟؟؟
واحده صاحبتى اسمها هناء


ايه اول قرار اتاخد ضدك ف البيت بعد الخبر ده؟؟؟؟؟
ممنوع خروج من باب الأوضه


مين اول حد بشرك بخبر النجاح السنه دي؟؟؟؟؟؟؟؟؟؟
أنا اللى عرفتها من على النت


كان في هدايا ف البيت بعد النجاح ولا حمرقو وكان كلام ف الهجايس عشان تتجدعني وبس؟؟؟؟؟؟؟؟؟
ولا أى حاجه والله
هو أنت كنت عايزنى ما نجحش بعد تانى سنه ولا ايه



طبعا الناس كلها عارفه ان علوم طنطا من اصعب الكليات اللي ف قاره افريقيا كلها مش ف مصر بس...........انما ناويه لما تتخرجي تعملي دراسات عليا ولا ما هتصدقي؟؟؟؟؟؟؟؟؟؟؟
أنا ناويه أدخل أكادميه الشرطه
بس قبلها هعمل دبلومه تحاليل
ياعنى هو ده كله أمانى هتحقق ولا لأ فى علم الغيب بقى
على فكره بجد والله صعبه جدا جدا أوى


هتنصحي اختك تدخل علوم تاني وتسيبيها تجرب ولا هتخليها تتدخل حاجه تانيه؟؟؟؟؟؟
هى كليه مستقبلها حلو بس صعبه
انا لو جاتلها هنصحها تدخل وأكيد أنا هساعدها بقى
بس أتمنى أنها يجيلها أحسن منها أن شاء الله

(على فكره بقيت بكتب أن شاء الله صح أهو ...)


لما ربنا يرزقك بابن الحلال ان شاء الله (سامعك بتقولي امين)هتعملي فرح اسلامي ولا هيصه وزمبليطه وكلام من ده؟؟؟؟؟؟؟؟؟؟
بصراحه
هيصه طبعا يابنى ده يوم فى العمر


انت كاتبه انك عاوزه تسمي بنتك رماج......يعني ايه بقي رماج؟؟؟؟؟؟؟ولا هو اسم كده وخلاص زي باقي الاسامي؟؟؟؟؟؟؟؟؟
هو الأول أسم واحده صاحبتى وعاجبنى أوى وهى كانت قايلالى أنه ياعنى الحب أو الحنان بالهندى بس الله أعلم برده
بس هو عموما عشان عاجبنى


ايهما افضل بالنسبه لبوسي حنان الام ولا طيبه الاب؟؟؟؟؟؟
بص مش هينفع نقارن أبدا بين الاتنين
ياعنى الواحد ولا عمره يستغنى عن حنان أمه ولا عن طيبه باباه
بس أنا بحكم أن بابتى مسافر دايما
فامى هى اللى أقربلى


يارب ما كونش تقلت عليكي
أبدا أبدا أبدا


وتكون اسئلتي خفيفه وليكي حريه الاختيار يا اما تجاوبي يا تجاوبي


هههههههههههه


بهزر معاكي


اللي مش عاوزه تجاوبي عليه بلاش .........
أنا جاوبتلك على كله أهو أى خدعه

وليكي مني اجمل تحيه....................
ميرسييييييييييييييييييييييييييييييييييييييييي