معانا النهاردا ولمدة اسبوع بسمة المنتدى bosy

ناخد سؤال فى الجون
بتاع كابتشينو
ايه موضوع الحووشى وياتره جبتو الحوشى ليه ؟

أقولك يا كابتشينو بأختصار
أحنا كنا فى السكن أنا ومــــــــى
وطبعا لأنا ولاهى بنعرف نعمل أى حاجه فى أى حاجه
وكان مفيش أى حد قريب من البيت بتاع أكل ياعنى غير واحد معفن عنده سندوتشات
حواوشى
كل يوم نقول أحنا هنعمل أكل النهارده ومش هنجيب ونروح هناك من الكليه
تعبانين ونكسل نقوم نعمل أيه والموصلات حتى بعيده عن البيت
نشترى حواوشى
وفضلنا على الحوار ده حوالى شهرين
لحد ما الواحد معدته بقيت خربانه بس بقى
وكانت هى دى النهايه لبوسى ومـــــــــى مع الحواوشى

هااااااا
مستر لونلى
يا تعابنى
أخر بارت فى الاسئله
بوسي بفرض أن أعطيتك خمسة رسائل ثابتة بحيث توجهين كل رسالة منهم إلى عضو بعينه .. فإلى من ستوجهين الرسائل التالية؟؟

الرسالة الأولى : إنت (إنتي) شخصية غامضة جداً .. على الأقل بالنسبة لي.
هو كان صديقنا اللى رحل البرنس سمير

الرسالة الثانية : إيه الغيبة الطويلة دي .. إرجع (إرجعي) بقى عاوزينك معانا.
متهيألى مفيش ياعنى حد أتعلقنا بيه وسابنا

الرسالة الثالثة : ليك (ليكي) آراء غريبة جداً !!
مفيش حد

الرسالة الرابعة : بطل (بطلي) رخامة بقى.
ويسبر بهزرا طبعا

الرسالة الخامسة : إنت فاهمني (إنتي فاهماني) غلط.
متهيألى الكل فاهمنى كويس الحمد لله
ولحد دلوقتى مش حصل أى تاتش بينى وبين اى حد او حد فهمنى غلط والحمد لله


















بوسي....
نعمين












عايزك تدي لقب لكل عضو من الاعضاء التالية...












1- دادا: رئيس مجلس الادارة: عاش دادا حبيب الكل
2-لول( دكتور علاء): نائب رئيس مجلس الادارة: حبوب
3-مايوش(مي): المشرف العام: بجد شعله المنتدى
4-ايمان الماحي: مراقبة المنتديات الادبية: فنانه
5-دكتور محمد:مراقب المنتديات الرياضية: شوبير المنتدى
6-سنيور ابراهيم: مشرف الاغاني العربية: مايسترو المنتدى
7- بوسي: مشرف قسم الالعاب والترفيه: مش عارفه
8-مودي: مشرف قسم الحب والرومانسية: حبيب الرومانسيين
9-مستر لونلي: مشرف قسم ابداع: شاعر المنتدى












معلش يا بوسي بس دي مسئولية ولا زم تجاوبي بكل صراحة وصدق..
والله مستر لونلى على قد ما قدرت كنت صريحه جدا معاكم
وأى حد ليه أى تعليق على أجاباتى يقول

جيت يا جماعه

متأخرتش عليكم أهو

ندخل بقى على ويسبر باشا

1- كام مره و قعتى فى الحب ؟
مره واحده


2- احسن لحظه فى حياتك ؟ و لماذا ؟
لما نجحت السنه دى أصلها كانت صعبه اوى


3- اسود لحظه فى حياتك ؟ و لماذا ؟
لما سقطت أول سنه فى الكليه
أصلى كنت شاطراه أوى والله
مش بضحك عليكم حتى اسألوا علاء
فكانت مصيبه أوى أنى أسقطت


4- مواصفات فتى احلامك ؟
واد حبوب ولذيذ
أحس أنه أكبر منى مش سننا ياعنى لأ عقلا وتفكيرا
وأهم حاجه بقى يكون محترم وأمور
وبس


5-هل تؤمنى بالحب من اول نظره ؟ و لماذا ؟
لأ
أصل الحب ده يابنى له مقومات كتير ياعنى لازم يعرفوا بعض ويتكلموا مع بعض ويعرفوا تفكير بعض ازاى
هو ممكن يكون من اول نظره ده أعجاب
اه مفيش مانع أن الأعجاب ده يتحول لحب
بس حب من أول نظره كده على طول ما أعتقدش



6- هل انتى من النوع سهل الوقوع فى الحب ؟ و لماذا ؟
لأ خالص
لأنى مش بدى لحد فرصه أنه يقرب منى فى الحوار ده اصلا
ياعنى أصحاب كويس اصدقاء تمام غير كده لوحسيت حد بيلمح لحاجه
بقلب من نحيته


7- تحبى تعيشى من غير قلب و يكون عندك عقل ؟ ولا من غير عقل و يكون عندك قلب ؟ و لماذا ؟
أحب أعيش من غير قلب ويكون عندى عقل
لأن دايما اللى يمشى وراه قلبه بس من غير ما يحكم عقله يندم
بس فى نفس الوقت أزاى الواحد يعيش من غير قلب
ياعنى من غير أحساس ولا مشاعر ولا حب
برده بصراحه يا ويسبر الاتنين صعبين
بس اختيارى أفضل أصل اللى يعيش بقلبه بس ده غلط أوى


8- رأيك ايه فى الجمله الى بتقول ( تعلمت المرأه من الحيه ثلاث اشياء الرقص و الخداع و طوله اللسان ) ؟
غلط والله
المرآه يابنى والله كائن رقيق جدا
والراجل بقى الذكى هو اللى يقدر يملكها مهما كان تفكيرها مهما كانت المرآه دى
أنما بقى الخداع مش صح خالص
طول اللسان ده بقى احيانا بس مش هيكون زى الولاد ياعنى
الرقص بقى ؟؟؟؟؟؟؟ لا تعليق




و كفايه عبال ما افتكر

براحتى يا ويسبر
أنا معاك ليوم الجمعه الجاى

ندخل بقى على الاسئله بتاع لول

1 فصلي شخصيتك في سطرين
أولا متهيألى محدش يعرف يقول شخصيته بالظبط بس أنا هحاول
أنا شخصيه بسيطه بحب المرح والهزار بس فى وقتهم واضحه عمرى ما كنت غامضه
بحب الصداقه جدا وبقدرها فىا عيب جامد اوى أنى لما بشيل من حد جامد حتى لو سا محته
قلبى مش بيصفى بينى وبين نفسى

2 يعني اية قوة ويعني اية ضعف في الشخصية من وجهة نظر بوسي
القوه فى الشخصيه دى انسان يعرف هو عايز ايه مش متردد فى قراراته لو حد غلط فى حقه عارف أمتى لازم يسامح وأمتى يعاقبه
الضعف فى الشخصيه بقى أنسان متهاون فى حق نفسه مش بيقدر ياخد قراراته لوحده

3 امتي بوسي ممكن تسامح وامتي تقول لا دي مينفعشي التسامح فيها
والله عادتا بسامح
أمتى بقى أقول دى مش ينفع اسامح فيها لو حد غلط فى حقى أوى بس عشان مش أكون بكدب لو حد غلط فى حقى أوى ومثلا ياعنى أعتزرلى وعرف أن غلط خلاص ياعنى مش هكون قاضى بس بينى وبين نفسى هفضل شايله

4 اية هيا الصفات الي بوسي ترفض تماما انها تكون في فتي احلامها وهل هناك تجاوزات ؟؟؟؟؟
بس يا لول هو السؤال ده بنجاوب عليه كده من أحلامنا
بس الحق بقى أن الانسان أنه لما يحب حد مش بيفكر جات أزاى طب ده فيه كذا وأنا كنت عايزه كذا بس هو بيعمل كده وأنا كنت عايزه كده
بس عموما أرفض أنه يكون متحكم أوى مثلا من الناس اللى قلبه مش حلو ياعنى مش طيب كده ومتسامح
وأرفض أنه يتدخل فى حياتى أكتر من المفروض


5 واية هيا الصفات الي بوسي تتمني انها تكون في فتي احلامها ؟؟؟
عادى ياعنى زى أى بنت مش شارطه حاجه معينه ياعنى بس واد محترم وابن ناس طيب وقلبه حنين كده ياعنى ,اهم حاجه يحبنى

6 هل بوسي من الناس الي بتحب تملك الحبيب ..... واي نوع من التملك ؟؟؟
يعني بوسي ممكن تطلب من الحبيب انة يحاول يبقي كزا ويبعد عن كزا ... ويا سلام لو فية امثلة
بص يا لول
أنا مش بحب حب التملك لأ خالص ياعنى لو بحب حد أكيد هيكون ليا تدخل فى حياته بس بحدود ياعنى عشان أنا مش هسمحله يدخل فى حياتى برده الا بحدود
بس ممكن أطلب منه يعمل كذا وكذا
اه طبعا
بس لو فى الصح هطلب وهحكم رأى
ياعنى زاكر واحضر محاضراتك
مفيش سجاير
البنت دى ممكن تكلمها دى مش ينفع كده ياعنى
بصراحه فى الصح بتمسك برأى


ولنا عوده كمان شويه

ده سؤال جامد
عشان كده لوحده أهو
7 بوسي مع اختها نوسا .... بوسي مع حسونة اخوها .... بوسي مع مي .... بوسي مع مامتها ...... بوسي مع البوب ..... بوسي مع اصدقاءها؟؟؟؟؟؟؟
(اكيد طبعاا فية فرق بس يا ريت توضحي طريقة التعامل واية مكن تقولية واية ممكن تخبية ومدي رقب كل منهم اليكي )
بوسى مع أختها نوسه
بكون صديقه جدا جدا لها لما تحكيلى على حاجه
بس بصراحه ساعات كتير بكون قاسيه عليها أوى لما أحس أنها عملت حاجه غلط
حتى لو كان الغلط ده بسيط وأنا فى سنها مثلا كنت ممكن أعمله
بس فى الاول وفى الأخر عشان أنا نفسى تكون أحسن منى مش تحكم أنا بقى مش بخبى
أى حاجه على نسمه أختى بس لو حاجه حاسه نص نص أنها ممكن يكون فيها حاجه تهز صورتى ادامها مش أحكى ونوسه بقى ملهاش أى رقابه عليا
الا مثلا ممكن فى اللبس تقولى ده حلو ده وحش زوق بس وده عشان بنلبس زى بعض أنما أكتر من كده ملهاش
بوسى مع أخوها حسونه
متهيألى أنا وحسونه اصحاب أكتر مننا أخوات
مفيش حتت بقى أنها أخويا الولد ولا الحكايه دى لأ بالعكس خالص
حسونه بقى ممكن أحكيله على أى حاجه حصلتلى ياعنى أصحاب أصحاب
حسونه بقى مش من النوع المتسلط ياعنى لو حاجه مش عاجباه يقول بس عمره ما يجبرنى أعمل كذا ولا كذا
برده أنا الكبيره فى الحته دى ومحدش بيتعدى عليها
بوسى مع مى
أحنا أصحاب بجد وبحس أن مى من أكتر الناس اللى بتفهمنى
عارفه أنها بتستحمل منى حاجات كتير بس برده هى من الناس اللى لو عملت أى حاجه عمرى ما أستغنى عنها وعلى فكره مش كلام والله يا جماعه ده بجد بجد
مى بقى أكتررررررر أنسانه عارفه عنى الكبيره والصغيره فى حياتى قبل أى حد
وطبعا لو فى أى حاجه قالتلى عليها عملتى كذا مش صح أو قلتى كذا مش لازم كنتى تقوليه هتقبل منها

بوسى مع مامتها
بنتخانق كتيييييييييير أوى ياعنى يوميا
مامتى رسملى صوره عايزانى أكون عليها مش شبهى ياعنى عايزانى هاديه ,انا مش كده خالص دايما تقولى وطى صوتك وأنت بتتكلمى لازم وأنتى بتكلى تعملى كذا بدال أعدت النت عندى كتاب شعر حلو أقريه
وأنا بصراحه بحب أتعامل على طريقى متفتكروس أنى طريقتى وحشه ياعنى
بس مش بحب أكون على مزاج حد
بس أكون بوسى زى ما أنا كده بدماغى ياعنى حلو أو وحشه بس دى شخصيتى الحقيقه مش مصتنعه
مامتى بقى لو سألتنى على أحولى مع أصحابى وحياتى وكده مش بكدب عليها وبحكى
بس من نفسى كده مش بروح أحكيلها
مع أن مامتى طيبه جدا بس زى ما فهمتكم وجهة نظرنا مش بتتفق فى الغالب
وطبعا مامتى ليها الحق أنها تتكلم فى اللى أى أم تتكلم فيه ياعنى اللبس
راحه فين وجايه منين كده ياعنى
بوسى مع البوب
مختلفه نهااائى
البوب بقى ده مفيش حاجه معاه أسمها لماضه ولأا أقول ده مش عاجبنى ولاحتى فى أعتراض على اى حاجه
على فكره رغم كده أنا البوب مدلعنى جدا أنا البنت الكبيره ياعنى
ياعنى اللى هو عمرى ما طلبت منه حاجه وبايده يعملها ويعزها عنى أبدا
أكتر واحده فى أخواتى متعلقه بيه
بفهم البوب بقى من نظره عينه
بابا لما يكون حاجه فيا مش عاجباه مثلا فى لبسى أو خرجى ولا حاجه يقول لماما تقولى أول مره تانى مره بقى ؟؟
مش لازم
البوب عمرى ما حكتله أسرارى ولا كده ياعنى

بوسى مع أصدقائها بقى
بحب الصداقه جدا وبحترمها
بس هو المشكله فيا أن لو حسيت لحظه أنى مش ليا مكانى فى حيات صديقتى دى مثلا
ببعد على طول
ياعنى بصراحه مش بحب أكون على الرف
الناس مفكره أن ليا أصداقاء كتير
بس ده مش صح أنا ليا صحاب كتير أه هنا وهنا وهنا
أنما أصدقاء ياعنى أصدقاء مش كتير أوى
اصدقائى اللى هما درجه أولى عندى اسمحلهم أنهم ينقضونى فى حاجه ياعنى يدخلوا حياتى
أنما بقى اللى هما مش اوى لأ

نسيت حاجه مهمه
بوسى مع فارس
حبيييييييييييييييييبى جدا محدش بيدلع عليا أد ميسو أخويا
وعيل غلس كده بس أنا بحب هزاراه معايا أوى

وبوسى مع أيمان
دى بقى ياجماعه أنتيمتنا التلاته
أنا ومى وايمان
دى بقى حاجه ما تفرقش عن أيمان فى طيبه قلبها
الفرق بقى فيها عننا
أنها عاقله شويه
أنما أنا ومى مروشين
ياعنى ايمان دى هى اللى بتدعل الكفه ياعنى

كفااااااااااااايه ولنا عوده كمان شويه

نكمل بقى لول على الخفيف كده

8 امتي بوسي بتحتاج مساعدة ؟؟؟ ومين اول حد بيخر في بالك عشان يساعدك ؟؟؟؟ (بس مساعدة بجد .... مش نصيحة يعني )
متهيألى مساعده مساعده ياعنى مش حصلى موقف معين ياعنى حسيت أنى محتاجه مساعده من حد
ملحوظه ( طبعا لما أكون عايزه فلوس مين هيساعدنى غير مامتى ولو بره البيت مثلا وأتزنقت فى فلوس أكيد هيكون مــــــــــــى )


9 بخبرتك كبنت .... ا ية هيا حقوق البنت علي البني ادم الي بترتبط بية ؟؟؟؟؟ من وسط الحقوق دي اية الحق الي البنت لو مخدتهوش فيهم ممكن تفركش الموضوع بسببة ؟؟
أقولك
الحقوق دى كتير منها أنها تكون عارفه أنها أول حاجه فى أهمياته ومفيش قبلها أى حاجه
تحس ياعنى أنها أميره فى حياته
وليها الحق برده أنها تقوله أعمل ده ومش تعمل ده بدال الكلام فى الصح
ليها الحق أن أى بنت يعرفها غيرها تكون عارفاها وتوافق أو ترفض حتى لو صديقته
ليا الحق أنه يسأل عليها ويطمن عليها على طول
وأكيد فى حاجات كتير بس مش فى بالى ياعنى
اللى يسببب بقى أنها ممكن تفركش الموضوع فى وسط دول كلهم
أنها متحسش بأهميتها فى حياته
ياعنى يكون فى أهتمامته حاجات كتير قبله


10 متي تضطر بوسي الي الكذب ؟؟؟ وخصوصا مع مين ؟؟؟
الحتة دي غريبة ----> امتي بوسي بتكدب وتبقي راضية عم نفسها ؟
الحمد لله أنا مع الناس كلها صريحه ومش بكدب
بس ممكن أخبى
أمتى أكدب واقول عادى فى حاله واحد بس
لو كدبت على بابا
اصلى بصراحه بخاف أوى من ردود أفعاله

11 السبب الحقيقي في استغناء بوسي عن موبايلها ؟؟؟؟؟
هى الأول كانت بسبب معاكسه قلت هغير خطى وبعدين كنا فى الأجازه وأنا مش بستعمله كتير ياعنى معظم اصحابى بيكلومنى على البيت أعدت أأجل
وبعدين الدراسه جات خدت على أنه مش حاجه مهمه أوى ياعنى
جبت خط جديد بس اللى هو مش بشيله الا وانا راحه الكليه الصبح وبقيت اليوم ياعنى مرمى


12 منظر خوف بوسي ورعبها
مبخاااااااااااااااااااافش
واللى بيخاف يطلع بره


موقف شكك بوسي في اقرب الناس ليها ؟
واحد كانت من أعز أصحابى عرفت أنها قالت فى حقى كلام وحش
مع أنها كانت من الناس اللى غاليه عندى
اعدت فتره كبيره مش بثق فى حد
بس عادى ياعنى الموقف عدى وخلاص ياعنى


حوار لفف بوسي حوالين نفسيها ؟
ما أنت عارفه يا لول

13 متي شعرت بوسي بالظلم ومتي بكت علي نفسها ؟
عارف برده
هههههههه
هو أنت فى حاجه بتستخبى عليك


وللحديث بقيه

سؤال فى الجون يا نانوسه

سنتك سوده معايا

هجاوبك بس مش دلوقتى

بليل أنا وأنتى فى الرواقه كده هحكيلك على كل اللى أنتى عايزه