1 \ اسمك وسنك وعنوانك ودراستك ؟؟
انا عندي 20 سنه مقيمه في القاهره بدرس في كليه الحقوق جامعه عين شمس
2 \ احكلنا كدة قصة النيك نيم بتاعك كدة لية الاسم دا بالذات ؟؟
انا بحب النيك نيم ده جدااا لانه اسم اول قصقوصه كتبتها وبعتبر عني وكانت هي بدايه موهبه الكتابه عندي
مع كل ابعادالنفس البشريه.....أنا حوريه
مع كل طله فجر اشقشق وفي حضن الليل مستخبيه
انا طله ضحك بتدق علي باب قلبك المكسور
انا حب وخير للكل وفي عز الضلمه انا شمعه نور
مع كل ابعاد النفس البشريه ............انا حوريه
صدقني وحب معايا يا صحبي ومش خسران
ليه تبكي لوحدك ابكي معايا ده الحزن جبان
انا عايزه احبك وبقولها في كل مكان
مش صعب الحب علي حوريه مع كل جنون الانسان
مع كل ابعاد النفس البشريه..........انا حوريه
هات قلب سمأك علي بحري وتعالي نبني بيوت
علي بابها اتنين حراس واقفين للحزن بالنبوت
هنكون مع بعض مش هنسيب العمر يفوت
مع كل ابعاد النفس البشريه............انا حوريه
مهما تشرق وتغرب انا هنا مستنيه
اصلك مش هتلاقي الحب ده كله في انسيه
انا مع كل ابعاد النفس البشريه.حو ريــــــــــــــــــــــــــــــــــــــــــه
3 \ ترتيبك الكام ضمن الاسرة ؟؟ اكثر حد مقرب ليك فى الاسرة ؟؟
انا الاخت الثانيه من بين اربع اخوات واقرب حد ليا امي واختي الكبيره
4 \ اوصفلنا كدة شخصيتك فى سطرين ؟؟
سؤال صعب الصراحه لان محدش بيعرف يوصف شخصيته انما الاخرين هما اللي بيشوفوها ويوصفوها
5 \ احكلنا عن طفولتلك مع كام موقف وانتى صغيرة مش هتقدر تنسية
انا كنت دلوعه البيت وانا صغننه ( ليت الزمان يعود يوماً) وطفولتي تقدر تقول انها بسيطه وسعيده
6 \ اية اللى انتى شيفاة فى شخصيتك عجبك اوووووووووى واية اللى مش عجبك فى شخصيتك ؟؟
اللي بيعجبني في نفسي اني احيانا كتير باتحمل المسؤليه واكتر حاجه مبتعجبنيش في نفسي بقي اني عصبيه وعاطفيه جداااااا
7 \ مين قدوتك فى الحياة بعد الرسول علية افضل الصلاة والسلام
بعد رسول الله صلي الله عليه وسلم هو والدي لانه بجد شخصيه محترمه جداااااا ومكافحه وناحجه واتعلمت منه حاجات كتير جداااا
؟؟ هل يوجد حكمة او مقولة انتى متبعاها فى حياتك ؟؟
لا مفيش حاجه معينه
8 \ اوصفلنا كدة اصحابك صفتهم اية ؟؟ كام واحدة ممكن تقوليلها اسرارك (( صفتهم اية )) ؟؟
انا الحمد لله عندي اصحاب كتييييير بس يمكن اقربهم ثلاثه
صفتهم بقي بيتجمع فيهم انهن طيبات القلب ومحترمات ودمهم خفيييييييف موووووت لما بنتجمع مع بعض بجد بنبقي حاجه فظيعه
بس احلي حاجه انهم بيفهموني وبيشركوني افكاري وطموحاتي
وبثق فيهم جدااااا والتلاته بأتمنهم علي اسراري
كان حصل قبل كدو حكيتى سر لحد وطلعة برة
ايوه حصل بس مش من صديقاتي دول انما مع انسانه وثقت فيها بسرعه وده عيب فيا بثق في الناس وبحبهم بسرعه
واتكلمت معها وبعدين لقيت كلامي في نشره الاخبار
طبعا اتاسفت وحولت ترجع صحوبيتنا تاني بس انا مقدرتش لاني من الناس اللي لما بتفقد الاحترام لحد مبتعرفش تبص له حتي
9 \ اية هوا الحلم المستحيل لدىحورية؟؟ واية هوة الحلم اللى انت شاء الله سهل انة يتحقق ؟؟
الحلم المستحيل مش عارفه احيانا لما ببقي مش متفأله شويه بحس ان حلمي المستحيل هو تحقيق ذاتي ككاتبه لاني بحب الكتابه جداااا ونفسي اقدم حاجه تفرق مع الناس
الحلم اللي بحس انه بعون الله يتحقق هو اني احقق ذاتي كأنسانه واكمل دراستي واعمل دكتوراه في القانون واتمني اكون دكتوره في الجامعه
10 \ اية اخبار المطبخ معاك ؟؟ بتعرفى تطبخى ؟؟ بتعرفى تعملى اكل اية ؟؟
الطبخ ده بقي هوايتي المفضله بحب اعمل الاكل جداااا بس بعشق عمل الحلويات
حصل قبل كدة ان الاكل اتحرق منك او الملح جية
زيادة او او او ........... احكلنا كدة ؟؟ واية كان رد فعل اللى فى البيت ؟؟
بصوا هو غالبا المشكله مبتبقاش في الاكل المشكله بتبقي في الاصابات اللي بتحصلي اثناء عمل الاكل بس علي ما اتذكر مره عملت حمام بالفريك والفريك كان مش مستومي شويه او( شويتين عشان مبقاش كاذبه) فكانوا بيكلوا الحمام مجامله وبابا قعد يتريق ويعمل زي سمير غانم في مسرحيه المتزوجون لما قعد يقول علي الملوخيه هشربها
شكراااااااااااا علي اسئلتك يا دادا
اللطيفه
ومستنيه الدفعه التانيه
