يا جماعة عاوزة اقولكم انى عمرى فى حياتى ما كتبت شعر ولا خاطرة ولا اى حاجة من الحاجات دى بس اللى قدامكوا دا حاجة كدا مش عارفة هى ايه بالظبط بس كل اللى اقدر اقولهولكوا انه احساس صادق
هتعمل ايه لما تحس انك تعبان بجد
هتعمل ايه لما تحس انك محتاج اللى يساعدك ومش لاقى حد
هتعمل ايه لما يكون اللى قدامك كله كره وغدر وحقد
هتعمل ايه وانت مش لاقى لصبرك حد
هتعمل ايه لو حسيت انك غلطان فى حكمك على ناس كتير
هتعمل ايه لو حسيت ان طيبتك واخلاصك بقى شىء خطير
هتعمل ايه لو كنت خايف تكون الاخير
من الطيبين فى دنيا مفيهاش كبير
وخلاص يا قلبى جبت اخرك مع ناس كتير
هتعمل ايه لو بتتكلم مع ناس كتير ومش فاهم
اييه قصدهم من كلامهم ومين عالم
يمكن يكونوا بيدبرولك حاجة وانت يا عينى واهم
فاكرهم طيبين ومخلصين بس يا خسارة
جيت تعاملهم بنيتك قالوا عليك اثم
مش مقتنعين ان فى فالدنيا حد لسه فاهم
ان الحياة فيها خير والشر مش عارم
انا بس نفسى افهم احنا ليه بقينا كدا
ليه كل واحد ميخدش نصيبه ويقول رضا
ليه كل واحد عامل للى حواليه مصيدة
يا رب انا كان نفسى اعيش فى سلام
يا رب هما اللى اختاروا ولونوا الايام
يا رب لكل شىء انت اللى علام
عارف ان محدش فيهم يحب ان غيره يكون قدام
وعزتك وجلالك يا رب الانام
مش هنسى فى يوم ضميرى ومش هموت الاحلام
وكل اللى فى ايدى هعمله ومش هبص الا لقدام
كتب:
