حلقة الرعب..(اللي خايف يروح)

ههههههههه

برضه الفرجة مهمة

والله منورانا يا مريم بجد

حلقة الرعب..(اللي خايف يروح) - صفحة 2 669720

مش كده برضه
الفرجة مهمة برضه
الواحد بيستفاد برضه
:D

اية الرعب دة

انا بقا هقولك حاجة حصلتلى بجد

عند بيت جدى لما كنا بنبات هناك

كنت انا وبنت عمى احنا اد بعض كنا بنقف فى البلكونة وكان فى بيت مهجور قدام بيت جدى مفهوش حد

كنا كل يوم لازم نشوف نور احمر وازرق طالع من الشباك ويبقا الشباك مقفول الصبح ويتفتح باليل لوجدة والله وكان فى حيوانات بتقف لنا فى الشباك

بس الحمد لله الناس هدت البيت خلاص

كفاية كدة لانى قاعدة لوحدى

هههههههههههههه
مشكورة يا قمر
في مزيد من الرعب

اوووووووووووو
تمااااااااااااااااااااااااااااااام كدا
ميرسى يا رومانسية على الحكاية دى
وفى مزيد من الرعب

على فكره ياسيزر حلقه الرعب اللى عملتها دى تحفه
وانا بعشق حاجه اسمها الرعب بس خوافه مووووت بس مش هاروح برده
وان شاء الله هابقى احكى اى قصص حقيقه اعرفها لو افتكرت حاجه
ميرسى ياسيزر

شكرا يامان/////////////////////////////انا هئولك على حاجة بس ياريت محدش يخاف .....حكاية كده حصلت زمان لواحد قريبى وهى كانت السبب فى هدايته ............كان قاعد فى امان الله فى بيتهم ولوحده وفجاة دخلت عليه واحدة منقبة ورمت عليه السلام تخيل ايه كان رد فعله مجراش ولا صرخ ولا اى حاجة كل اللى عمله انه رد السلام فى هدوء وبعد كده قام اتوضى وصلى وبئى مواظب على كل الصلوات وقراءة
القران ومعدش بيفوت فرض والحمد لله ربنا هداه وبئى انسان كويس عكس ماكان عليه ..........................بس السؤال هنا .......من هذه المراة المنقبة وما سر مجيئها لهذا الشخص بالذات ولماذا كانت سببا فى هدايته ارجو ان محدش يخاف وربنا يهدى البشرية كلها.......................

طب انا بئى سمعت قصة يقال انها حصلت عندنا فى مقابر المنصورة (ترب العيسوى) كان فى قبر الناس بيتكلموi عنه دايما ان كل الى بيقرب منه بيموت -فكان فى اتنين شباب بيتحدوا بعض فواحد قال للتانى لو دقيت المسمار ده فى القبر هديلك 100جنيه وطلعلوا ال100جنيه راح صاحبنا الشجاع وهو خايف ومرعوب بس عايز ياخد ال100جنيه ومسك الشاكوش وبدا يدق المسمار فى القبر وكانت الدنيا
dark وبعد كده خلص دق المسمار بعد الرعب اللى كان فيه وصاحبه واقف يتفرج عليه من بعيد فبعد اما خلص حب يجرى ياخد الفلوس - عارفين ايه اللى حصل . مات فى مكانه والتفسير بسيط جدا كان الجدع ده لابس جلابية فلما جه يدق المسمار دقه فى كوم الجلابية ولما جه يجرى اتشد لورا فمات من الخضة

اوووووووووووووووووووووووووووه

مممم ممكن تحصل بجد

لا سانكس يا محمد على القصة بجد

فى مزيد من الرعب يا دوك

انا هقولكم على موقف غريب

ممكن بوسى تكون فاكراه
جات فتره كده كنا بنحضر عفاريت
لعبه اسمها الميت مات
كنا بنيم حد فى وسطينا ونلف سبعه حواليه
واول حد فى الاعده اللى قاعد عن راس اللى نايم
بيبدا يقول التعويذه للى جنبه من غير ما حد يسمع
والتعويذه تلف على واحد واحد لحد ما ترجعله
وفى الاخر نلمس كلنا النايم بطرف صوابعنا
وبعدين يقول شيلوا الميت ونبدا نرفع بس احنا لامسين بس
ومش بنرفع ايا كان حجم اللى نايم بيترفع عالى جدا
وهى لعبه غريبه جدا
فمره بنلعبها فأقترحت عليهم نطفى النور
وماما قالت لأ عشان بتخاف من اللعبه
ففتحت الباب شويه ووقفت جنبه علشان النور اللى ادام الباب
وبنلعب واول ما بدأنا نرفع كوبايه ازاز كبيره مليانه مايه انكسرت
من غير ما حد ييجى جنبها والمايه اتكبت وغرقتنا كلنا كأن حد بيرشها علينا
ماما سمعت صوت الكوبايه طلعت برا الباب على طول
ومش رضيت تدخل الا لما نورنا الشقه وشغلنا قرأن
لأننا كنا لعبناها مره قبلها وصورناها وكان فى حاجه غريبه ظاهره فى الفيديو
واليوم ده والله مش فى حد فينا عرف ينام فى الشقه
كلنا كنا خايفين من يوميها احنا حرمنا نلعب اللعبه دى تانى

نوري ومحمد وروز وافروديت

شرفتوني والله

والحلقة نورت بيكوا

انا المرادي هحكي حكاية حصلتلي

حاجة كده سريعة لان مفيش وقت احكي على التقيل

كذا مرة كنت بروح اعدي على واحد صاحبي اسمه محمد علاء (فيه كتير في المنتدى يعرفوه)

واقف تحت بيتهم وانادي عليه واستناه لما ينزل

كان فيه عمارة جديدة بتتبني جنبهم

وانا كنت بستناه جنب العمارة ديه

مرة بالليل بعد ما ناديت وقالي نازلك قعدت اتمشى رايح جاي كده قدام العمارة

كان قدام العمارة فيه حاجة زي بلاعة كده بس متغطية مش فاكر بايه عشان محدش يقع فيها

انا مخدتش بالي وعديت عليها

اول ما وقفت فوقيها بالظبط حسيت ان الدنيا بتلف بيا وكان الارض هتبلعني

حسيت بدوخة وكان الارض مش شيلاني

قلت لنفسي انا هدوخ وبدال ما اقع في الشارع اسند على العربية الي جنبي

العربية كان ىبينها وبين البلاعة او الحفرة ديه حوالي مترين رحت مادد رجليا وعديت البلاعة بسرعة عشان الحق نفسي واسند على العربيه

الغريب بقا اني لقيت نفسي اول ما عديتها سليم وزي الفل ومش محتاج اسند ولا حاجة ولا فيه دوخة ولا حاجة

امال فيه ايه بس

قلت اعدي تاني كده بس المرادي كنت خايف

يا جماعة بجد كل لما كنت بقرب من المكان ده بحس بدوخة

قلت ابعد عنه خالص واكلم محمد

لما نزل وحكيتله قالي عادي

العمال كمان بيحكوا عن الحوار ده وعشان كده غطوها زي منتا شايف وهيردموها قريب بيقولوا ان فيه ناس قبل كده وقعت وماتت في البلاعة ديه ايام ماكان الشارع ده ضلمة من زمان

قالي انتا بس اللي مزاجك تعدي من فوق البلاعات

الموضوع ده متكررش تاني لان العمال فعلا ردموا البلاعة ومابقالهاش اي اثر خالص

والعمارة اتبنت

والحياة بقت فل وعادي جدا

فيه عندي حواديت تانيه

حصلت ليا

ولغيري

بس دلوقتي انا مستني بقا البطل اللي هياخد مكاني في الحلقة وهيحكيلنا عن حاجة حصلتلوا او سمع عنها من مصدر ثقة

يا جماعة نمتوا ليييييه

لو محدش حكى انا بقى اللي هديكوا قصة تانية تموت من الرعب

يلا سمعونا حكاياتكوااااااااااااا

محدش يخاااااااااااف

صباح الرعب انا جييييييييييييييييت ده احنا غاوييين كل حكايات الرعب بس انا عندى حكايتين
واحدة لبابا حصلتله من زمان فى الستينات كده .
وواحدة تانية لماما و اختة الصغيرة فى اوائل التسعينات
انا هبدأ ببتاعة ماما و اختى.

كان النور مقطوع من المنشية كلها و بعدين ماما و اختى خرجو سوا علشان يشتروا حاجة مش فاكرة ايه .بس كان القمر منور
و هما طالعين لاقو واحد طويييييييييييل قوى و ماسك فى ايده سيجارة ساند على عمود النور اللى جنب البيت اللى قصادنا و مكنش من الطبيعى ان فى حد طوله يكون نص عمود النور فرفعو راسهم يشوفو ملقوش له راس مشيو و كل واحدة معرفتش التانية اللى شافته بس مرجعوش الا لما النور جه .
و بعدين اختى قالت لماما كان فيه واحد طويل بيشرب سيجارة و من غير راس ماما قالتلها انتى شوفتيه انا مرضيتش اقولك علشان متخافيش .
بس هما الأتنين حكو نفس الحكاية مش معقول يكون وهم

يا خبر

طويل ونص عمود

ومنغير راس

طب بيشرب السيجارة ازاي حلقة الرعب..(اللي خايف يروح) - صفحة 2 850576

طبعا مصدقك

لان موضوعنا قائم على مواقف حقيقيه حصلت فعلا

او اتحكت من مصدر ثقة

وان شخصيا اعرف قصتين مشابهين لموضوع راجل طويل ده

بس مش هحكي حاجه دلوقتى

برحب بيكى يا ام يوسف

ومنتظرين منك القصة التانية

نورتي حلقه الرعب

مين بقا البطل اللي هيقعد في وسط حلقه الرعب دلوقتى

ويحكيلنا عن حدوته تانيه

» خد اللي يحبك ومتاخدش اللي تحبه.........................
» خد اللي يحبك ومتاخدش اللي تحبه ؟؟؟؟؟
» خايف..
» قصة قلب خايف
» مسلسل على حافة الهاوية ....مطلوب آخر حلقة اذا ممكن