حلقة الرعب..(اللي خايف يروح)

عدل سابقا من قبل cezer86 في 7/22/2008, 12:02 عدل 5 مرات

انا هنا

و أنتم معي

كي نكون الحلقة

حلقه الرعب

اسمع دقات من يطرق الباب

ادخلوا هذا الطارق

فقط ادخلوه بعدما تتأكدوا من شخصيته

تأكدوا ان عينيه ليست مشقوقة من المنتصف

تأكدوا ان له ظل وصورة تنعكس في المرآه

تأكدوا ان له اقدام كأقدام البشر

تأكدوا انه منا وليس منهم

اسمع من يقول من هم؟..

اذا اجلس واستمع..

كل من يجلس داخل الحلقه يمسك بيد من يجاوره

من يحكي يجلس وسط الحلقة تماما

وبذلك لن يستطيع احدا منهم ان يقرب احدا منا

تتسائل ثانية من هم الذين تتحدث عنهم؟

اذاا فلتبدأ الحلقة

************

الحلقه ببساطة عبارة عن قصص

قصص حصلت فعلا

قصص حقيقيه

قصص احنا ابطالها

مين مننا مسمعش عن اشباح بتمشي بالليل

مين مسمعش صوت ضحك وحاجات بتخبط وهو متأكد ان مفيش مصدر صوت تاني ممكن يعمل كده

مين مننا شاف ناس عينيها لونها غريب بيتصرفوا بغرابه

مين مننا مسمعش قصص عن حاجات حصلت في شقق اهلها سابوها فورا

مين حصله ده

ومين سمع عن ده

ومين اتحكالوا ده

وليه بيحصل كل ده

كل واحد فينا هيدخل في وسط الحلقة ويحكي قصة ليه حصلتله هوه شخصيا

او

قصة سمعها من حد بيثق فيه وفي عقله وفي صدقه

او

قصة مشفتهاش بس متأكد انها حصلت وتقول متـأكد ليه

انا نفسي حصلتلي قصة زمان وعمري ما هنساها ابدا

بس مش هكون اول واحد يبدأ

و ياريت كل واحد يدخل ويحكي قصة

يكون متأكد مليون في المية انها حصلت

الموضوع ده مبنى على قصص رعب لأعضاء حدوته

حاجات غريبة عشناها وحسينا بيها

حاجات مشفنهاش بس كنا متأكدين انها موجوده

تجارب غريبة مرينا بيها

اي شيء تحب تحكي عنه احكي

بكل صدق

متخفش

كلنا هنا جنب بعض

ادينا في ايد بعض

احكي بقلب جامد

مستني اول المشاركات

واول القصص

حلقة الرعب..(اللي خايف يروح) 8074

اممممممممممممممممممممممممم

ايه الحلاوه دي وانا قاعد بالليل كده وعاوزني احكي

ربنا يسهل ياحبي الصبح كده في النور وعنيا ليك

هههههههههههههههه

تسلم ياغالي ولك تحياتي

معاك حق

النهار له عنين برده

مستنيك يا باشا

انتا وكل اللي هييجوا معاك

هههههههههههههههههههههههههههههههههه

توبيك يجنن ياسيزر لا جامد بجد

انا متهيالى ان اكتر حاجة كانت بترعبنى هى مديرة المدرسة فى ثانوى
هههههههههههههههههههههههههههههههههههههههههههههههههههههه حلقة الرعب..(اللي خايف يروح) 771205

ربنا ما يوريك متهيالى انت عارف كانت بتعمل ايه بلاش بقى الواحد يفضح نفسه

نايس توبيك بجد وهحاول افتكرللك الحاجات اللى كانت بتخوفنى استنى بس شوية

ههههههههه

توبيك اكتر من رائع
انا بقى اكتر حاجه ممكن ترعبنى
العنكبوتات
مش ممكن اخاف ابدا من اى حاجه تخوف
لا صراصير ولا عفاريت حتى
العنكبوت يأرف
فمش بحبه بحبسه بس
انتوا عارفين انى ممكن احبسه ويقعد فى العلبه اكتر من اسبوع ومش يموت
وفى الاخر اموته انا برده

شكرا يا برنس على االموضوع الجامد دا

انا سمعت كتيييييييير اووووووووووى

بس اللى انا متاكد منة بقى

ان مرات عمى حكتلى مرة من زمان اوووى

من التمانيات كدا كانت بتقولى كانت بتغسل فى مرة بليل

المهم كانت بتكوب مية سخنة على الارض

فسمعت صوت واحد بيزعق من الحمام صوت عالى اوووووى

بس خلاص كفاية كدا

نيس توبيك يا سيزر

تحيتى لك يا معلم

تسلم ايديك سيزر على الموضوع
لا بص انا بقا
كنت مقتنعة تماما و انا صغيرة ان مفيش اي حاجة تخوف
و كنت اقول مش فيلم رعب اللي هيخوفني

بس مع اول فيلم رعب
رفعت الراية البيضا
هههههههههههههههههههه
رفعت الراية البيضا و قلت يا فكيك
كنت اتفرج على نص الفيلم من هنا
و اترعب من هنا و خلاص مش قادرة اقعد اتفرج على باقي الفيلم من الرع
فاروح ادخل اوضتي و اقفل الباب و استغطى ببطانية و لحاف وحاجات كتيرة كده
و كنت انام
بس كنت بقا بقعد اسمع اصوات غريبة
تزييقة الشيش مثلا
ناس بتتخانق و بتهبد و ترزع
حد رما حاجة
كده يعني
بس كان اي صوت اسمعه اقول ده من الفيلم و ده جاي ورايا
حلقة الرعب..(اللي خايف يروح) 585391

تسلم ايديك يا سيزر على التوبيك الجامد دا
الفكرة جديدة فعلا
بص يا سيدى انا هقوللك حاجات حصلت معايا انا شخصيا الله اعلم ان كانت حقيقة ولا تخيلات
بس للامانه هى فى الغالب تخيلات(عشان بس محدش يخاف) لما كنت ببقى قاعدة بلليل لوحدى فى الدراسه كنت بسمع حاجات غريبة وصوت طقطقة كدا زى ما يكون حد ماشى فى البيت وكان بيتهيالى دايما ان فى حد غيرنا فى البيت يمكن مقولتش لحد فيكم يا سيزر بس دا لانى كنت متاكدة من انى بخرف وان الحاجات الغريبة دى تخيلات بتجيلى كل ما اذاكر فيزياء

معلش بقا اصلكوا كنتوا دايما محسسنى ان بتوع الثانوية العامة دول مجانين بس يومين كدا وانزللك بالجديد واقوللك كام قصة رعب من اللى اتحكولى
استنانى

la plus belle rose
ههههههههههههههه

انا كنت زمان ماما لما تعوز تخوفني
لما نكون بايتين في بيت جدي
عشان مطلعش بره باب الشقة
كانت تخوفني بالقطط
القطة هتيجي تاكلك
لحد ما مرة
استغليت ان ماما نايمة
فتحت باب الشقة بكل رعب
و فتحته حبه صغيرين
بس كنت لسه صاحية من النوم ساعتها
يعني ما بين نايمة و صاحية
فشوفت حاجة على السلم نازلة
و بتبصلي
دققت اشوف دي قطة و لا كلب
و لا ايه بالظبط
بس من كتر ما انا كنت لسه نعسانة و انا لسه صاحية
معرفتش اتعرف ده ايه بالظبط
بس كان حيوان عينيه واسعة و له اربع رجلين
عامل كده زي الحيوانات الفضائية
و لقيت الحيوان ده بيبصلي اوي بعينيه الواسعة
فمتت من الرعب ساعتها
و رحت قفلت الباب و دخلت
ده انا مش قفلت الباب
ده انا رزعته من كتر الخوف
ههههههههههه
يلا لما افتكر قصة رعب في حياتي تاني اجي هنا احكيها

اختي روز

اختي امنية

سعدت جدا جدا بمشاركتكم معايا

بس انا مقصدتش ان حوديت حلقه الرعب تبقا عن ناظرة المدرسة اللي معقداكي يا روز
ولا عن العنكبوت اللي بتعذبيه يا امنيه

دادا هو واللي فهمني

وهو اول واحد يقعد في وسط الحلقه ويحكي

انا قصدت كده طبعا

حكايات غريبة

ظواهر ملهاش تفسير

قصص رعب حقيقية حصلت لينا

اللي انتي شفتيه يا مريم كان في حاجه اسمها ساعة الذئب

ان شاء الله هبقا اتكلم عنها بعدين في توبيك لوحده بالتفصيل

اما مواضيع وقصص حلقة الرعب

فأنا شخصيا عشت منها عدد مش قليل

وسمعت من مصادر ثقة اكدها ناس تانيه كتير عدد برضه مش قليل من القصص

هحاول ان شاء الله احكيها ليكوا بالتفصيل

بس زي مقلت

اللي خايف

يروح

ايوه هو فعلا الحاجة اللي شفتها دي
او الحيوان اللي شفته ده
كان فعلا عامل زي و شبه الذئب بس مكانش شكله عادي
كان شكله غريب
حلقة الرعب..(اللي خايف يروح) 651365

انا بخاف بس بحب اسمع
فمش هروح
حلقة الرعب..(اللي خايف يروح) 90970

اسمحولي المرادي

انا اللي هقعد وسط الحلقه

والكل هيقعد حوليا

فيه قصة حصلتلي من زمان اوي

كنت في 1 اعدادي

وكنا لسة سكنين جداد في المدينه من المدن الجديده

15 مايو لو تسمعوا عنها..هي اقدم من 6 اكتوبر

مدينتي متقسمة مربعات وكل مربع متقسم احياء وكل حي عبارة عم مجموعة من العماير ومساحة كبيرة من الجناين

مع ان المربع اللي احنا تبعه كان تقريبا سكن كله بالناس

الا ان الحي بتاعي كان لسة مبني جديد ومحدش سكن فيه كتير

والدولة اختارت عمارة من العماير عشان تعملها مستشفى للتامين الصحي

والعمارة كانت فاضية ومقفولة ومحدش بيدخلها ولا بيخرج منها

المهم عادي يعني كنت بننزل نلعب في الجناين ونطلع بيوتنا بالليل والحياه كانت زي الفل

في يوم بالليل

رحت المطبخ اشرب ميه

وشبالك المطبخ كان بيبص على عياده التامين من ورا

سمعت زي متقولوا صوت زعيق وخناقه كده ومعرفش ده ايه

عادي قلت يمكن حد مشغل التليفزيون

او حد بيعلي صوته عادي مع اني عارف كل اللي سكنين معانا وده مش صوت حد فيهم ابدا

برضه قلت مليش دعوة انا مالي

ورحت مشيت

اليوم اللي بعده اتكرر نفس المشهد

انا رايح اشرب ميه من المطبخ وفجأه

سمعت صوت راجل عمال يضحك ضحكة غريبة اوي

هقولكوا والله مش هتصدقوني

انتوا عرفين ضحكة الاشرار في الافلام

اااااااه هاهاهاهااااااااااااااااااااااااااااااا

اااااااااااااه هاه هاه هاه هااااااااااااااااااااااا

بجد صوت مش طبيعي

وهو بيضحك كنت بسمع صوت واحده بتصرخ

بتصرخ بشكل والله ما قادر انساه

طلعت اجري على السرير واتغطيت وخبيت وشي

جت امي وقالتلي مالم فيه ايه خايف من ايه

حكيتلها اللي حصل ..قالتلي متهيالك يمكن حد مشغل التليفزيون

متقولش الحاجات ديه لاخواتك عشان مدش يخاف

وقالتلي انتا كبرت هو فيه راجل بيخاف(لاحظوا ان الحوار ده وانا في 1 اعدادي)

قلتلها طيب

بس برضه ما قدرتش انسا اللي حصل

ومقدرتش اقول لحد عشان محدش يضحك عليا

المهم سمعت الصوت ده تاني بعد كده

و كنت بقرا قران وبسكت

وبقنع مفسي اني بيتهيالي

لاحظوا انى لو كنت اقنعت نفسي انه حقيقه مكنتش ابدا نزلت لعبت تاني مع صحابي في الجنينه

بس برضه كنت بسمع

الموضوع ده فضل يتكرر لغايه ما جابوا للعمارة اللي هتبقا تامين صحي حارس

وعملولوا كشك وكان بيبات فيه جنبها

الحارس ده كان مشغل القران في راديو كان معاه ليل نهار

اتصاحبنا عليه وكنا بنهزر معاه الصبح

بس مكنش حد بيقعد لغاية بالليل

وطبعا مسالتوش حاجه عشان محدش يضحك عليا

المهم بعد ما جهزوا العياده وكانوا بيوضبوها عشان تشتغل

الحمد لله مبقاش فيه اي حاجه بتحص

افتكرت انا الموضوع ده لما دخلنا ثانوي

واحنا قعدين كدا كلنا في الجنينة اللي قدام بيتنا وقدام العياده سالت صحابي

يا جماعة العياده ديه كان فيها حاجة

لقيتهم كلهم زي ميكونوا مستنيين

اه كنا بنسنع فيها صوت واحد بيضحك

وست بتصرخ

وحكولي حوديت تانيه بصراحة كل واحد طلع بحدوته شكل

ممكن ابقا احكيهالكوا بعد كده

بس الاكيد

ان الصوت ده مكنتش بسمعه لوحدي

واتضح بعد كده كمان ان اخواتي كمان سمعوه

وبرضه محدش كان بيقول

يارب مكنش تقلت و طولت عليكوا

مين بقا اللي هيقعد مكاني

في وسط الحلقه

ويقولنا على قصة جديده

مستني البطل ده

واللي خايف

يروح

المشرف المتميز سيزر احييك تاني علي الموضوع الجميل

وانا كنت وعدتك اني هاحكي بس لما النهار يطلع

وانا جيت اهه عشان احكي

بسم الله الرحمن الرحيم

الكلام ده حصل بجد

كنا زمان واحنا صغيرين لما نيجي نروح البلد فكان طبعا بيت العيله لسه موجود

بس بقاله يجي 30سنه ما اتفتحش وطبعا فضول العيال الصغيره عاوزه تعرف البيت ده فيه

ايه وتخش جواه وكان طبع ده من المستحيلات فكان اهلينا بتقولنا ماينفعش

عشان البيت ده في حاجات مش كويسه وطبعا كنا صغيرين مش فهمين

وجه يوم وحبينا نعرف فيه ايه بقي في البيت ده

جمعنا نفسنا كلنا صبيان العيله كلنا

وقلنا ما احنش ماشيين من قدام البيت ده غير لما نشوف فيه ايه تنتنا قاعدين

لغايه الساعه يجي 1 كده وبعدين العمود اللي كنا قاعدين تحتيه نوره طفي واهلينا في البيت

التاني مش عارفين احنا بنعمل ايه وطبعا الفضول كلنا وماخفناش عشان كنا كتير

بص اللي حصل ماخلاش بقي لا كتير ولا قليل مع اول صوت واول نور اتقاد لوحده

مع العلم ان اليبت الكهربا مفصوله عنه من فتره عشان محدش بيجي

لكن مره واحده النور اتقاد وسمعنا صوت كلام وحركه و..........

ومن ساعتها والحمد لله مات الفضول اللي كان جوانا

وبقينا نسمع الكلام من غير حتي مانتناقش

لك تحياتي ياغالي

وهناك المذيد

اوووووووووووو

جامدة جدا يا مجرم حب معلش بقا تعيش وتاخد غيرها

وكمان حكايتك يا سيزر بس انت معملتش اللى ماما قالتلك عليه وجيت حكتلى اللى انت سمعته
على فكرة يا جماعة سيزر اخويا
ولما كان بيسمع الاصوات دى كان بييجى يحكيلنا ومن كتر ما كان بيحكى حسيت كمان انى سمعت الاصوات دى بس فعلا الموضوع اللى حكاه دا حقيقى وكلنا كنا بنسمع الاصوات دى
بس انا لحد دلوقتى بقنع نفسى انها كانت تخيلات
احكيلكم انا بقا حاجة جامده جدا فى عندنا فى العمارة شقة صاحبها سايبها بقاله سنيين ومبيجيش خالص ....الشقة اللى تحتنا على طول ....... الجميل بقا اننا دايما بنسمع فيها اصوات حاجات بتتحرك زى مثلا ما يكون كراسى وكدا وهى اصلا مفيهاش ولا كرسى على البلاطة يعنى
وابقوا اسالوا سيزر عشان هوا كمان بيسمع الحاجات دى المهم بقا انى بسمع الحاجات دى بالليل يعنى يا صباح الرعب خصوصا لو كانت الدنيا ضلمة ومحدش معايا فى الاوضة
والجميل برضه انى بقنع نفسى انها تخيلات وبنام بعد ما اقرا قران واستعيذ بالله من الشيطان الرجيم حلقة الرعب..(اللي خايف يروح) 716739

صدقونى يا جماعة قراءة القران بتطرد اى حاجة وحشة وبتحرق كل الشياطين والحاجات التانية بقا..........

احنا لو قعدنا نعد فى حكايات الرعب مش هنخلص فنصيحة يعنى اللى يسمع حاجة او يشوف حاجة يعمل مش واخد باله علشان نعيش

اية الحكاوى الجامدة دى يا جماعة

امال انا مش بشوف الحاجات دى لية

طيب الحمدلله بقى

انا بجد معنديش حاجات بس ممكن اقولكم الحكاية بتاعت جدى

ودى بقى حقيقة سيزر عرفها بس انا هقولها تانى بقى من مصدر موثوق منة

سلام مؤقت

يا جمالو يا جمالو
في انتظار قصص الرعب بتاعتكم
حلقة الرعب..(اللي خايف يروح) 105655

حبيب قلبي ابو الشوق
نورت الحلقه يا ريس..حكايتك جامده موت
وكانت هتبقا اجمد لو كنت دخلت البيت وقلتلنا فيه ايه حلقة الرعب..(اللي خايف يروح) 105655

ههههههههههههه
مستنيين حوديت تانيه يا باشا
سمعت عنها او اتحكتلك
شكرا ياريس
***********
اختي روز
يا جماعة الكلام اللي بتقوله عن اصوات الحاجات اللي بتتحرك ده صح والله
بس انا مبقتش اسمع حاجات زي كده من 5 سنين
معرفش هيا ليه لسة بتسمعها
ما علينا
لو عندك حاجة مخبياها تاني طلعيها هنا ما تخافيش
***********
دادا بقا
يا جماعة الراجل ده عنده حدوته عن جده جامدة جدا ..بجد ان شاء الله عايز اعرف تفاصيلها منه
تشرف يا بوص حلقة الرعب
مستنيك
************
مريم
اسعدتني مشاركتك جدا جدا
واسعدني اكتر اهتمامك ومتابعتك للحلقة
مش لازم يكون موقف عشتيه بنفسك
ممكن يكون موقف اتحكالك بس من حد بتثقي في كلامه وانه مش هيالف عليكي حوديت
بالنسبة لموضوع شكلة ذئب انا مكنتش اقصد ان ساعة الذئب يبقا شكله ذئب
تابعي مواضيعي قي قسم ما وراء الطبيعة وانتي بأذن الله هتعرفي عن ظاهرة ساعة الذئب وكمام هنتكلم عن ظاهرة ديجا فو..او الرؤى السابقةdeja veux
**********
تحياتي للجميع
وفي انتظار البطل التاني
اللي هيقعد وسط الحلقه ويحكيلنا
ونسمعله
وزي كل مرة
اللي خايف
يروح

ايوه ما انا عارفة يا سيزر انك متقصدش انه شكلة عامل زي الذئب
بس هو فعلا كان عامل زي كده شكله
ذئب او ضبع
مش عارفة الصراحة
و في انتظار قصص تانية
حلقة الرعب..(اللي خايف يروح) 955605

سيزر باشا كما وعدتك ياغالي ان هناك مذيد من الحكايات الحقيقيه التي حدثت فعلا

واليك هذه الحكايه التي يقشعر لها بدني كلما اتذكرها

الموضوع ده حصل من 8 سنين تقريبا كنا في الاسكندريه

في شقه عمي وبطبيعه عمله كا كيميائي فهو غير متواجد في الشقه طيله الوقت

وفي مره من المرات كنا في الشقه وبعد يوم من التعب والارهاق طوال اليوم

يعني من البحر والخروج وخلافه فطبعا جينا اخر اليوم

ونفسنا ننام وكان معانا اقاربي كانو لسه صغيرين شويه المهم دخلنا ننام

وسبناهم يلعبو بالكوره في الشقه وطبعا قفلنا باب الشقه بالمفتاح عشان محدش منهم

يطلع يلعب برده والشقه اصلا كانت كبيره جدا

والمهم صحينا الصبح لقيناهم بيقوللنا ان اصحاب عمي جم خبطوا بالليل

وفتحو بالمفتاح اللي هو النسخه الوحيده بتاعته معانا احنا وعمي ماكنش موجود ساعتها اصلا

خبطوا وبعدين فتحوا وقالولنا انهم داخلين ينامو جوه واحنا ماعرفناش نقولهم حاجه

عشان احنا ماشفناهمش وهما داخلين

وعليه بقي ياغالي خدنا حاجتنا وسبنا الشقه في ساعتها

والشقه اتباعت وبعدها اكتشفنا انها كانت اللهم احفظنا

ولك تحياتي ياغالي انا اعصابي بتتعب ياعم كان ليه بس التوبيك

الروعه ده ربنا يحفظنا جميعا

ولك خالص تحياتي

ههههههههههههههههههههههههههههههههههههه

اللى بيخاف ميبصش

حلقة الرعب..(اللي خايف يروح) 771205

هههههههههههههههههههههههه
نايس والله
اللي يخاف يا جماعة ميبصش و لا يركز معانا

حلقة الرعب..(اللي خايف يروح) 771205

مممممممممممممممممممممم

بصوا يا جماعه المواضيع عن الحاجات دى كتيييييييييييير اوى

بس مش عارفة انا حاسة ان الكلام كتير فيها مش كويس

بس عموما انا معاكوا للاخر

واللهم انى قد بلغت اللهم فاشهد

la plus belle rose
تسلمي يا قمرة
ربنا يخليكي على التبليغ
بس انا هبطل كلام
انا هتفرج بس
:D:D:D

شكلكوا ابتديتوا تخافوا ولا اييييييه

انا مش عايز الناس تبطل كلام وتتفرج وبس

انا عايز الناس متخفش

تحكي عن كل حاجة

تحكي منغير خوف

كلنا حوليك

وكلنا هنسمعك

ياترى مين البطل الجاى اللي هيقعد وسط الحلقة

ويحكي

لا مش خوف و لا حاجة
بس انا ممريتيش بمواقف من دي كتير
اللي مريت بيه حكيته يعني
و مهتميتيش اسال على الموضوع ده
فعشان كده هتفرج
:)

» خد اللي يحبك ومتاخدش اللي تحبه.........................
» خد اللي يحبك ومتاخدش اللي تحبه ؟؟؟؟؟
» خايف..
» قصة قلب خايف
» مسلسل على حافة الهاوية ....مطلوب آخر حلقة اذا ممكن