امتحان لغة عربية مستوى رفيع

موضوع: امتحان لغة عربية مستوى رفيع 7/20/2008, 21:08

من قصيدة أواخــر الـشـتــا

للشاعرة / إليسا أبو ماضى

كنا فى أواخر الشتا قبل اللى فات
زى اليومين دول عشنا مع بعض حكايات
أنا كنت لما أحب أتونس معاه
أنا كنت باخد بعضى واروح له من سكات

أجب عن الأسئلة التالية:
1- علام يدل التعبير بصيغة الماضى؟ ولماذا اختصت الشاعرة الشتا قبل اللى فات؟2- فى أى فصل من فصول السنة كتبت هذه القصيدة؟ (مستدلا على ما تقول)
3- علام يدل التعبير (أنا كنت باخد بعضى وأروح له من سكات)؟
4- أيهما أفضل (أنا كنت باخد بعضى) أم (أنا كنتباخد تاكسى)؟ ولماذا؟
5- اختر الإجابة الصحيحة مما بين القوسين:
الجمال فى قولها (عشنا - معاه): (تصريع - جناس - حسن التفات)
- (أروح له من سكات) المقصود ! بها: (دكاكينى - دحاليبى - ذرابيئى)
- مصدر كلمة (أتونس): (تَوَنًّس - تُونِس - تَنَاسَى)
- (زى اليومين) مجاز مرسل علاقته: (الكلية - المدرسة - الحضانة)

*****

والناس فى عز البرد يجرو ويستخبو
وأنا كنت باجرى وأخبى نفسى قوام فى قلبه
ولحد لما الليل يليل بابقى جنبه
وأفضل فى عز البرد وياه بالساعات
أجب عن الأسئلة التالية:
1- هات من الأبيات مضاد (النهار) , وكلمة تؤدى معنى (معاه)
2- يرى بعض النقاد أن تكرار (فى عز البرد) أضعف المعنى. وضح ذلك مبينًا رأيك.
3- إلى أى مدرسة شعرية تنتمى الشاعرة؟ وما أهم سماتها؟ (بدون غلط)
4- هل ترى أن هناك علاقة بين (عز البرد) و (عز الدخيلة)؟ أم أنها تشابه أسماء؟!
5- أيهما أفضل (ولحد) أم (ولغاية)؟ ولماذا؟

*****
على سهوة ليه الدنيا بعد ماعشمتنا
وعيشتنا شوية رجعت موتتنا
والدنيا من يوميها ياقلبى عودتنا
لما بتدى حاجات قوام تاخد حاجات

أجب عن الأسئلة التالية:
1- اختر الإجابة الصحيحة مما بين الأقواس:
- (على سهوة) تفيد: (السرعة - العجلة - الموتوسيكل 'البجاج الهندى أبو 7')
- (عيشتنا - موتتنا) تفيد: (التضاد - التأكيد - الحيرة فى اتخاذ القرار فى السقعة)
- كلمة تؤدى معنى (شوية): (بعضشى - حفان - قيمة مقطف)
- المقصود بـ (يوميها) فى الأبيات: (يوم العاركة - يوم الخناقة - يوم الكرامة)
2- اشرح الأبيات شرحًا مفصلا باختصار.
3- أيهما أفضل (ياقلبى) أم (يانضرى)؟ ولماذا؟
4- يتضح فى الأبيات أن (الدنيا ملهاش أمان .. خالص). وضح ذلك مستدلا على ما تقول.
5- استخرج من الأبيات مايدل على:
- عشمنى بالمحبة وشعلقنى بالهوا، حايلته حبة حبة زودها واتلوى.
- زألطنى الحب زألوط، نمت فى بنها صحيت فى أسيوط.

*****

وسط الشوارع ناس كتيرة مروحين
والناس ياقلبى هما هما وهو فين
وأنا ماشية باتلفت وباسأل كل يوم
بيعمل إيه دلوقتى وبيحلم بمين

أجب عن الأسئلة التالية:
1- يتضح فى الأبيات الشوق اللهفة وتطلع الشاعرة لرؤية (المحروس). اشرح
2- يؤخذ على الشاعرة (وأنا ماشية باتلفت). وضح ذلك
مبينًا مدى التعارض مع قواعد المرور
نيااااااااااااااااااااااااااهاهاهااهاهاهاااهاهاهاهاهاهااااااااااااااااااا

امتحان لغة عربية مستوى رفيع 771205

منقول

هههههههههههههههههههههههههههههههههههههههههههههههههههههه

اية الامتحان الجااااااااامد دا

ياريتها كانت الحاجات دى على ايامنا

ههههههههههههههههههههههه

تسلمى على التوبيك

تحيتى ليكى

جميل الامتحان ده

تسلم ايدك علي النقله الجميله

ولكي تحياتي

عندك حق والله يا دادا

تخيل فعلا لو امتحان العربى يتاع الثانوية العامة كان جالنا السنة دى كدا

ياسلاااااااااااااااااااااااام مكنش حد غلب

ميرسى على مرورك ومشاركتك

ميرسى يا مجرم حب على مرورك وعموما توقع ان امتحانات السنين اللى جاية هتكون

اصعب من كدا يعنى مثلا ممكن يجيبولنا اغنيه لجورج وسوف ويقوللك فسر اللى هو بيقوله

احتمال يعنى مفيش حاجة بعيدة دلوقتى بعد اللى حصل فى امتحانات السنة دى

» امتحان لغة عربية سنة 2056
» انذل رسالة عربية في العالم
» امتحان الثانويه العامه
» امتحان فيزياء ثانوية عامة 2020
» محشش عنده امتحان نحو وقواعد