امتحان الثانويه العامه

موضوع: امتحان الثانويه العامه 2/25/2008, 22:41

[size=21]من قصيدة أواخــر الـشـتــا[/size]

للشاعرة/ إليسا أبو ماضى

كنا فى أواخر الشتا قبل اللى فات

زى اليومين دول عشنا مع بعض حكايات

أنا كنت لما أحب أتونس معاه

أنا كنت باخد بعضى واروح له من سكات

أجب عن الأسئلة التالية:
1- علام يدل التعبير بصيغة الماضى؟ ولماذا اختصت الشاعرة الشتا قبل اللى فات؟
2- فى أى فصل من فصول السنة كتبت هذه القصيدة؟ (مستدلا على ما تقول)
3- علام يدل التعبير (أنا كنت باخد بعضى وأروح له من سكات)؟
4- أيهما أفضل (أنا كنت باخد بعضى) أم (أنا كنت باخد تاكسى)؟ ولماذا؟
5- اختر الإجابة الصحيحة مما بين القوسين:
- الجمال فى قولها[b] (عشنا - معاه): (تصريع - جناس - حسن التفات)
- (أروح له من سكات) المقصود ! بها:[size=21] (دكاكينى - دحاليبى - ذرابيئى)
[/size][/b]- مصدر كلمة (أتونس): (تَوَنًّس - تُونِس - تَنَاسَى)
- (زى اليومين) مجاز مرسل علاقته: (الكلية - المدرسة - الحضانة)

*****

والناس فى عز البرد يجرو ويستخبو

وأنا كنت باجرى وأخبى نفسى قوام فى قلبه

ولحد لما الليل يليل بابقى جنبه

وأفضل فى عز البرد وياه بالساعات

أجب عن الأسئلة التالية:
1- هات من الأبيات مضاد (النهار), وكلمة تؤدى معنى (معاه)
2- يرى بعض النقاد أن تكرار (فى عز البرد) أضعف المعنى. وضح ذلك مبينًا رأيك.
3- إلى أى مدرسة شعرية تنتمى الشاعرة؟ وما أهم سماتها؟ (بدون غلط)
4- هل ترى أن هناك علاقة بين (عز البرد) و (عز الدخيلة)؟ أم أنها تشابه أسماء؟!
5- أيهما أفضل (ولحد) أم (ولغاية)؟ ولماذا؟

*****

على سهوة ليه الدنيا بعد ماعشمتنا

وعيشتنا شوية رجعت موتتنا

والدنيا من يوميها ياقلبى عودتنا

لما بتدى حاجات قوام تاخد حاجات

أجب عن الأسئلة التالية:
1- اختر الإجابة الصحيحة مما بين الأقواس:
- (على سهوة) تفيد: (السرعة - العجلة - الموتوسيكل 'البجاج الهندى أبو 7')
- (عيشتنا - موتتنا) تفيد: (التضاد - التأكيد - الحيرة فى اتخاذ القرار فى السقعة)
- كلمة تؤدى معنى (شوية): (بعضشى - حفان - قيمة مقطف)
- المقصود بـ (يوميها) فى الأبيات: (يوم العاركة - يوم الخناقة - يوم الكرامة)
2- اشرح الأبيات شرحًا مفصلا باختصار.
3- أيهما أفضل (ياقلبى) أم (يانضرى)؟ ولماذا؟
4- يتضح فى الأبيات أن (الدنيا ملهاش أمان .. خالص). وضح ذلك مستدلا على ما تقول.
5- استخرج من الأبيات مايدل على:
- عشمنى بالمحبة وشعلقنى بالهوا، حايلته حبة حبة زودها واتلوى.
- زألطنى الحب زألوط، نمت فى بنها صحيت فى أسيوط.

*****

وسط الشوارع ناس كتيرة مروحين

والناس ياقلبى هما هما وهو فين

وأنا ماشية باتلفت وباسأل كل يوم

بيعمل إيه دلوقتى وبيحلم بمين

أجب عن الأسئلة التالية:
1- يتضح فى الأبيات الشوق اللهفة وتطلع الشاعرة لرؤية (اسم النبى حارسه). اشرح
2- يؤخذ على الشاعرة (وأنا ماشية باتلفت). وضح ذلك مبينًا مدى التعارض مع قواعد المرور.
3- فى الأبيات لوحة فنية رائعة للناس اللى مروحين والمطرة اللى خلصت وبعد ما الخناقة انفضت قام شريف الظالم
أفكار يا أفكار فين راحت أفكار؟! رد ابنه عليه ومنين ارتاحت أفكار ما انت السبب السبب يابا فرقت بين حبيبين
آه يابا آه يابا على قلبك فرقت بين حبيبين أفكار كانت راحة ابنك وابنك كانت راحة أفكار. نسيت كنت عايز أسأل فى إيه.
4- لماذا غضبت أفكار وتركت البيت؟ ولمَ كثر عتاب الابن لأبيه؟
5- ((حُذف من قِبَل الرقابة))

موضوع: رد: امتحان الثانويه العامه 2/26/2008, 04:11

هههههههههههههههههههه
جامده ياويسبر
انا بقى ماعرفتش اجاوب الا على السؤال ده
4- هل ترى أن هناك علاقة بين (عز البرد) و (عز الدخيلة)؟ أم أنها تشابه أسماء؟
الاجابه هى
هناك اشاعة تقول ان عز قام بشراء اسهم في البرد ولذلك كان سببا في ارتفاع اسعار البرد وانخفاض درجات الحرارة بشكل ملحوظ
:nn:

موضوع: رد: امتحان الثانويه العامه 2/26/2008, 04:44

ههههههههههههههههههههههههههههههههههههه

كويس انى خلصتها من زماااااان

نايس توبيك يامان

تحيتى لك

موضوع: رد: امتحان الثانويه العامه 2/26/2008, 10:05

ههههههههههههههههههههههه.

لا بجد تحفه الله يكون فى عون اختى الصغيره ,اصلها ثانويه عامه.
بيتهيالى انه فعلا لو الامتحانات جت كده والله للعيال يعدوا هوا.

موضوع: رد: امتحان الثانويه العامه 2/26/2008, 13:51

بقولوكو ايه
مش عايزاشوف حد بيتكلم مع الى جمبه
و المصحف هسحب ورقته

موضوع: رد: امتحان الثانويه العامه 2/26/2008, 14:59

ههههههههههههههههههههههههههههه

توبك جااااااامد ياويسبر ياجااااااامد

موضوع: رد: امتحان الثانويه العامه 2/26/2008, 16:44

ههههههههههههههههه
نورت التوبك يا بيبو

موضوع: رد: امتحان الثانويه العامه 2/27/2008, 16:50

تصدق يا وسيبر جامد بجد الامتحان انا مش كنت مصدقة وانت بتقولة بس انت عارف فى سوال بيقول اخد بعضى ولا تاكسى انا شايفة ان تاكسى اسرع ولا اية رايك

موضوع: رد: امتحان الثانويه العامه 2/27/2008, 21:25

لا التاكسى اسرع
مش انا قولت كده برده ؟
ههههههههههههه
نورتى التوبك يا جميل

موضوع: رد: امتحان الثانويه العامه 2/28/2008, 14:20

ههههههههههههههههههههههههه

لا حلوة ياااااااااا عسل

موضوع: رد: امتحان الثانويه العامه 2/28/2008, 15:19

بجد والله مش عارف اقولك ايه
............
...........
.............
حط انت ف النقط اي حاجه تعجبك بقي
عشان مش لاقي حاجه حلوه احطها
انا كاتبهالك علي بياض اهو وانت اكتب علي زوقك بقي

موضوع: رد: امتحان الثانويه العامه 3/1/2008, 00:37

Dr.mo7amed كتب:: بجد والله مش عارف اقولك ايه
..(عسل ياد) قليل عليا برده
..(شربات ياخواتى) لالالا انا عايز حاجه اجمد
.(سكر يا جدعان ) اه ممكن دى حلوة
ههههههههههههههه

حط انت ف النقط اي حاجه تعجبك بقي
عشان مش لاقي حاجه حلوه احطها
انا كاتبهالك علي بياض اهو وانت اكتب علي زوقك بقي

موضوع: رد: امتحان الثانويه العامه 3/1/2008, 00:38

نورتونى فى اللجنه الى احنا فيها دى
ربنا يستر علينا