بنظره عابره علي الاحداث.......الاهلي خسر اللقاء قبل ان يلعبه

في البدايه نوجه اطيب التهاني لنادي النجم الساحلي التونسي وان شاء الله بالتوفيق للنادي الاهلي في البطولات القادمه.
احصائيه غريبه اوي طرأت علي بالي
مش عارف بقي هتوافقوني عليها ولا ايه؟؟؟؟؟
اولا انا ما بؤمنش بحكايه التشاؤم والتفاؤل وعارف ان كل حاجه نصيب
بس بلغه الارقام
رقم تلاته لعب دور غريب
1-لو كان الاهلي كسب كان هيبقي رصيده من البطولات 103يعني دي البطوله ال3 بعد الميه.
2-الحكم عبدالرحمن العرجون حكم للاهلي قبل كده نهائي2001 ونهائي 2005وده النهائي رقم 3 اللي بيديره للاهلي.
3-الاهلي في البطولتين اللي حصل علي الكأس علي ارضه كسب 3-0 في نهائي 2001 علي صن داونز بثلاثيه لبيبو ونهائي 2005بثلاثيه برده باقدام ابوتريكه وبركات ورأس اسامه حسني والغريب ان النجم كسب برده ب3 اهداف.
وبنظره علي الاحداث قبل الماتش هنلاقي:
1-نهائي بطوله اوروبا كان نسخه من نهائي 2005 بحيث لعب الميلان مع ليفربول وفاز ليفربول في 2005 ولكن الميلان عملها وكسب في 2007.
2-مباراه العوده لنهائي كأس الاتحادالاسيوي كان قبل ماتش الاهلي وفاز فيه شباب الاردن علي الفيصلي الاردني بعد التعادل 1-1 وكان محقق الفوز في مباراه الذهاب 1-0والغريب ان الفيصلي فاز بالبطولتين السابقتين (زي الاهلي ).
دي كانت بعض الظواهر اللي كانت بتشير الي ان الاهلي قد ينهزم في اللقاء ده .
في النهايه بنوجه الشكر للاعبي الاهلي اللي لعبو مباراه كبيره وخاصه بعد طرد عماد النحاس قبل النهايه بنصف ساعه كامله وظهر الارهاق واضحا في اخر اللقاء ولكن اللعيبه عملو اللي عليهم والتوفيق ماكانش معاهم والتوفيق طبعا بتاع ربنا سبحانه وتعالي.
وبرده بنوجه تهنئه لكل لاعبي النجم وجهازهم الفني وكل جماهيره وعشاقه وكلنا وراهم في كأس العالم للانديه في اليابان باذن الله.