خلي قلبك اكس لارج

أهم جزء في جسم البني ادم ....الحته اللي كل العلما والفلاسفة والشعرا والاطبا وقفوا عندها وقدروا يحكموا علي الانسان هو عايش ولا مش عايش طيب ولا خبيث....بيحب ولا حجر..بيحس ولا بارد...عارفها طبعا...
"القلب"

كلامنا عن حجم القلب!....قلبك يا تري قد ايه؟.....لارج ولا اكس اكس لارج ولا يمكن "small" علي قده يعني.

معروف ان حجم قلبك قد قبضة ايدك بالظبط بس ازاي وهي بالحجم دة هاتساع كل الناس اللي حواليك؟!
وتخليك تقول لأي واحد بتحبه " انت في قلبي " وتحاول تطلع واحد من قلبك عشان خلاص اتغير...وهو القلب زي "الأوضة""! بس يا تري أوضه كام متر وليه مايبقاش فيلا أو قصر أوبلد تساع كل البشر.... يلا نخلي
قلبنا اكس اكس لارج



الخطوة الاولي ...خلي شعارك ...قلبي مفتوح واوعي في يوم تقفله مهما شفت ومهما اسيت..لو اتقفل مره هيضيق ويبقي "small"


الخطوة التانيه ...اتعلم تحب ازاي وتعبر عن مشاعرك بطريقه صح من غير افراط ولا تفريط مش كل دقيقة
تقول بحبك !


الخطوة التالتة... تواضع ثم تواضع .هاتنول حب الناس بالتواضع


الخطوة الرابعة...سامح واغفر وقابل الاساءه بالاحسان وابتسم في وش كل الناس


اخر خطوة....بص في قلبك كويس واملاه بحب الله وخلي حبك لخلقه من حبك له وابعد عنه الحاجات اللي تخليه
ضيق مايسعش حد معاك زي الغيره والحسد والنفاق وانت لوحدك هتعرف قلبك حجمه قد ايه ..

يا رب يكون اكس اكس لارج

شكرااااااا علي التوبيك الرائع يا د/ لمبادا

مرسيه كتير يا جماعة علي المرور الجميل ده

انا حسيت ان الموضوع مش عجبكم بس هو مش وحش الموضوع بيقولك خليك متواضع واملي قلبك بحب ربنا ومتهيلي الكلام ده مش يزعل حد خالص واحنا ممكن علي الاقل ناخد الجزء الايجابي منه ونسيب الباقي

لكن علي العموم انا مبسوط جدا بمروركم وارائكم علي راسي وانا مش اقدر علي زعلكوا ويا رب المواضيع الجايه تعجبكم

نايس توبيك يا لامبادا , كلام حلو ...هية ديه المواضيع ولا بلاش ..

انا قلبي ناو xxxxxxxxxxxxxxxxxL

hahahaha

تسلم ايدك ,,