معانا برنس منتدى حدوتة مجرم حب

انا جيت تااااااااااااانى

ومالك مستعجل علي ايه يابوب مش قولنا لسه بدري عموما نورت

مين أكتر حد فى الدنيا ممكن تزعل عليه لما يضيع منك ؟

احيد الصديق المخلص هو اكتر حاجه يتزعل عليها

2- لو انت بتحب بنت ايه أكتر حاجه ممكن تخنقك منها ؟ وليه ؟

اكتر حاجه مابحبهاش هي كتر الزن مابحبش اللي يزن كتير اللح ده بكرهه ومش بحب ابدا احس اني مضغوط

3- لو حبيبتك طلبت منك انك تبعد عن حد من اصحابك عشانه مش كويش والحد ده فعلا كده ... هتبعد عن صحبك ولا هتزعل حبيبتك

اكيد هي بتقول كده من خوفها عليا وانا بحب جدا الانسانه اللي بتخاف علي حبيبها

- بالنسبه للنت وحوارات النت
هل فى قبل كده انك أعجبت ببنت ع النت .. وبعد كده لقيت ان كله وهم وان كله مجرد كلام
وان البنت مش الصوره اللى كنت راسمها ليه ؟ لو الاجابه نعم .. قولنا الحكاية
مش عارف الناس بقت غريبه كل واحد بيسأل سؤال وعارف اجابته
ماشي يادادا هاجاوبك ياريس
انا اولا ماحبتش قبل كده من علي النت بس مره اتفهمت غلط يعني واحده بنت حلال فهت كلامي علي اني بحبها
ورسمت في دماغها صوره لكده وانت عارف اخوك طبعا مابيفوتش فرصه
انا بالنسبالي الموضوع مش اكتر من اصحاب وكنت بعاملها علي كده لكن عشان تقول في كلام ماحصلش
يبقي تستاهل ضرب الجزم

_ حصل قبل كده ان فى بنت ع النت أو بره النت حاولت تلمحلك انها معجبه بيك أو بتحبك
وانت مكنش الموضوع فى دماغك نهائى ؟ ولو الاجابه نعم .. احكى لنا خرجت من الموقف ازاى_

ايه أكتر موقف محرج حصلك ع النت ؟

حصل قبل كده في الكليه وجت بنت كانت كل علاقتي بيها انها معايا في الدفعه ولقتها جايه تقولي انا بحبك

بعد اول مره اتكلمنا فيها مع بعض وبتقولي بحبك من زمان

وطبعا اخوك بكل بجاحه قالها انا مرتبط البت عيطت ومشيت

اكتر موقف محرج علي النت الحمد لله مفيش

صفة تحبها؟

الوفاء
صفة تكرهها؟

الخيانه
هواية تمارسها دائما

كمال اجسام

متى تغضب؟

مش في اوقات معينه
اجمل ما في الدنيا؟

الحب
عادة لم تفارقك؟
مابعرفش اقول لحد لا

ماهى طموحاتك؟

الحمد لله طموحاتي بلا حدود
مواصفات شريكة حياتك؟

تكون محترمه حبوبه حنينه وجميله واخلاقها عاليه وتقدر قيمه الانسان اللي معاها
افضل موضوع قرأته بالمنتدى؟

مواضيع المنتدي السياسي القديمه
أجمل كتاب قرأته؟
رباعيات صلاح جاهين

شاعرك المفضل؟
الابنودي طبعا

ما هو الحلم الزى لم تحققه اللى الان؟

السفر الي الخارج
برنامجك المفضــل...
العاشره مساء
بلد تحب تزورها ...
فرنسا

يطلع مش راجل بمعني الكلمه

_ وانت طفل صغير كنت بتحلم تكون ايه ؟
ضابط

ولما كبرت حققت الحلم ده ولا لاء ؟

لا ياحبي بس الحمد لله كده احسن

ولو محققتوش هل ده أثر معاك نفسيا ؟

لا يابوب
_ ايه رأيك فى السياسه اللى احنا عايشين فيها فى مصر النهارده ؟
هههههههههههههههههههه

طبعا لاتعليق

شوف مواضيعي في المنتدي السياسي وانت تعرف رأيي في البلد

ولو جه الحظ لصالحك وبئيت جمال مبارك هتعمل ايييييييه ؟

ما اتمناش اكون في المكان ده

سيدنا عمر ابن الخطاب قال

لو تعثرت بغله في العراق ل سؤل عنها عمر

وكان يحكم البلاد من اقصي اليمين اللي اقصي اليسار وكان يخاف من ان تتعثر بغله

في احنا بقي وفين الحكومه والناس نايمه تحت الكباري


ويا ترى ايه موقفك مع أبوك اللى هو الرئيس محمد حسنى مبارك فى الحاله دى ؟

ربنا يتولاه بقي ويرحمه يوم لا ينفع مال ولا بنون
_ عندك استعداد تعمل ضميرك نايم عشان تحقق هدف بتتمناه ؟

مش هاكدب عليك واقولك كلام شعارات اه ممكن اعمل كده عشان بلدك كلها بتعمل كده
_ لو ربنا رزقك بمبلغ هو مش كبير أوى بس اهو كويس برضه مبلغ 250 ألف جنيه

هتعمل بيهم ايه بالظبط ؟؟؟؟؟؟؟؟؟؟

اولا وبلا مجامله ان شاء الله الربع لله تعالي والباقي طبعا هاظبت بيه نفسي انا واخواتي

والبيت طبعا



_ شوقى ممكن تفكر انك فى يوم تكفل يتيم ؟
ان شاء الله ربنا يقدرني يارب

ولو عملت كده هيكون انك نفسك تعطف على حد يتيم ؟ ولا مجرد حاجه لوجه الله ؟

اكيد الاطفال دي مش ذنبها انها بقت كده ومن واجبهم علينا يعيشو زينا
_ والدتك ربنا يخليهالك يارب بتمثلك ايه ؟ ولو زعلت منك زعل جامد بتحس بايه وقتها ؟

ويا ترى بتحاول تروح تصالحها ولا بتطنش ؟

امي طبعا دي هي الدنيا كلها عندي ولا تقولي بقي حبيبتك ولا صاحبك ربنا يخليهالي ويباركلي فيها

ومابطقش تزعل مني واكيد لما بزعلها بروح اصالحها

دمعة المرأة ماذا تعني لك؟؟
نقطه ضعفي بس لما بحس انها صادقه

دمعة الرجل ماذا تعني لك؟؟

لو قلتلك لو املك اهد الدنيا عشان ما اشوفهاش هاعمل كده
كم مرة قلت كلمة لا وندمت عليها؟

مره واحده
وكم مرة قلت كلمة نعم وندمت عليها؟؟
الحمد لله مفيش

ما هي اللحظات التي تنتظرها بفارغ الصبر؟؟

اللحظات التي اشعر فيها بتحقيق الذات
جاوب على دول لحد اما انزل بالاسئلة بتاعتى

الاسئله ايه ياحلو انت امال دول كانو ايه



وعموما تسلم ياحبي مستنيك يابوب
سلام

ورجــــــــــــــــعت تانى

نورتي تاني ياقمر

هسأل كام سؤال على السريع قبل ما انزل الجامعه

ياخبر احنا المفروض نعمل احتفال عشان الخبر السعيد ده دا عيد قومي ياقمر

1\ مقوله او حكمه فى بالك على طول؟
اصرف ما في الجيب يأتيك ما في الغيب
2\اكتر كلمه بتحبها وديما بتقولها؟
كلما ت كتير ياقمر كل كلمه بيبقي ليها الموقف بتاعها حددي انتي الموقف وانا املاها كلمات
3\اكتر كلمه بتعصبك لما تسمعها ؟
الحكومه
4\احلى تعليق اتكتبت فى موضوعك وايه هو الموضوع؟

ابدعت فتميزت في english forum
5\احلى توقيع عجبك؟

دكتور لمبادا
6\ اغنيه محمد فؤاد(لو ليا حق ) مفكرتش تقولها لحد ؟

زي ماقلتلك ياقمر انا ما اتعودتش اجرح حد حتي لو عمل فيا ايه عشان مهما كان اكيد كان له معايا موقف ولو واحد كويس افتكرهوله واكيد الشخص ده كان حاجه كبيره في حياتي في يوم من الايام
كفايه كده اسئله

ليه بس ياقمر دا انتي منوراني
فاصل وانواصل

مستنيكي ياقمر

انا جيت تانى قصدى جيت تالت

ياباشا انت نورت تاني او تالت او رابع
شوية اسئلة كدا يا وبوب على السريع علشان داخل انام
ماكنت تنام من غير اسئله لازم تكلف نفسك
عندك كام ايميل ؟ كام واحد مضاف عندك ؟ كام بنت ؟؟ (( عايز تجاوب جاوب ))
عندي 2 بس والناس المضافه كتيييييييييييييييييييييييييير كام بنت لا بلاش عشان الحسد
كام مرة قولت فيها كلمة انا بحب بجد ؟؟ وكام مرة قولتلها لعب عيال ؟؟
هي مره واحده : اما بقي لعب العيال دي لا مفيش الحمد لله
كام مرة سمعت فيها كلمة انا بحبك ؟؟ وعملت اية ساعتها ؟؟
4 مرات : انت عارف اخوك يابوب مابيعديهاش كده عملت الواجب وزياده
اية رايك فى الاختلاط بين الولد والبنت ؟؟

انا شايف ان من وجهه نظري بقي سمه ماتقدرش تغيرها في المجتمع ده بس لازم يكون بحدود

مش سايبه كده لازم يكون فيحدود اللي اتربينا عليه
لو لقيت البنت اللى بتحبها بتكلم شاب زميل ليها وانت مش تعرفة او تعرفة تعمل اية ؟
لو الكلام في حدود الادب وحدود الدراسه يبقي خلاص اما غير كده فا اللي هاخترها اصلا مش هاتكون كده
لو طلع عليك اتنين حلوين كدا وقالولك ياض طلع اللى فى جيبك بدل اما نغزك هتتعامل معاهم ولا هطلع اللى فى جيبك ؟
انا عندي ممكن اموت ولا اعمل حاجه غصب عني وكمان هي موته ولا اكتر

لا يابوب دا احنا كنا اشقيا اوي يعني بس الزمن بقي
لية بتحب ايام جمال عبدالناصر عن السادات وكمان عن حسنى مبارك (( دا انت نهارك مدوحس)) ؟؟

انا من وجهه نظري ان افضل ايام عاشتها مصر كانت ايام عبد الناصر علي الاقل كانت البلد الناس اللي فيها عايشه

كويس ومبسوطه وراضيه بقليلها وكان في مساواه بس معظم الناس مش زي الايام اندثرت الطبقه المتوسطه

ورغم ان كان في قسوه بس كانت الناس حابه ده عشان شايفه ان هي كده بتعيش في سلام

وعلي الاقل كان عبد الناصر من الناس وعايش بين الناس

وده المختصر لكن عشان احكيلك بالتفصيل ولا 100 ورقه تكفي زمن عبد الناصر
ممكن تسامح حد غدر وخانك بيك ؟؟

اسامح في اي حاجه الا الغدر والخيانه
اية هو العيب اللى واجهك بية احد الاشخاص وفعلا فيك ؟؟
العصبيه
انت مغرور ؟؟ امتى بتكون مغرور ؟؟
لا بس الحمد لله واثق في نفسي جدا........مابحبش الغرور خالص عشان زي مابيقولو كلنا ولاد 9
انت بتحب نفسك ؟
اكيد محدش مابيحبش نفسه
كلمات مش بتحب تسمعهاا ؟؟
الخيانه الغدر الكدب
حصل قبل كدا وابوك طردك من البيت ؟؟ وكان اية السبب (( احكى احكى ))
لالالالالالالالالالالالالا الحمد لله ماحصلش وماينفعش يحصل
واجبك اية اتجاة شعب فلسطين اليوم ؟؟ وعملت قبل كدا حاجة ليهم ولا لاء
الدعاء لعل الله يرفع عنهم هذا الظلم ........اه الحمد لله
لو انت حاكم البلاد العربية دى كلها كنت عملت اية ؟؟
كنت ولعت فيها
فى الاخر بس عايز نصيحة منك يا بوب ليا
خلي بالك من مذاكرتك ياريس وربنا يكرمك ويحققلك كل اللي انت عاوزه
سلام لو فية وقت جيلك تانى قصدى رابع بقى

مستنيك ياريس دا انت تنور