معانا برنس منتدى حدوتة مجرم حب

بسم الله الرحمن الرحيم

معانا النهاردا لمدة اسبوع انسان محترم جدا

يتميز بخلاقة العالية

وقلمة الجرىء فى المنتدى من مواضيع وردود

انسان بعتز بصداقتة جدا وربنا يديها علينا يعنى بعد الموضوع دا

mogrm 7ob

:: ونبدأ بأسم الله ::

1 \ اسمك وسنك وعنوانك ودراستك ؟؟

2 \ احكلنا كدة قصة النيك نيم بتاعك كدة لية الاسم دا بالذات ؟؟

3 \ ترتيبك الكام ضمن الاسرة ؟؟ اكثر حد مقرب ليك فى الاسرة ؟؟

4 \ اوصفلنا كدة شخصيتك فى سطرين ؟؟

5 \ احكلنا عن طفولتلك مع كام موقف وانت صغير مش هتقدر تنساة

6 \ اية اللى انت شيفة فى شخصيتك عجبك اوووووووووى واية اللى مش عجبك فى شخصيتك ؟؟

7 \ مين قدوتك فى الحياة بعد الرسول علية افضل الصلاة والسلام ؟؟
هل يوجد حكمة او مقولة انت متبعاها فى حياتك ؟؟

8 \ اوصفلنا كدة اصحابك صفتهم اية ؟؟ كام واحد ممكن تقوليلها اسرارك (( صفتهم اية )) ؟؟ كان حصل قبل كدا حكيت سر لحد وطلعة برة

9 \ اية هوا الحمل المستحيل فى نظرك ؟؟ واية هوة الحلم اللى انت شاء الله سهل انة يتحقق ؟؟

10 \ بما انك مراقب فى منتدى حدوتة اية رايك فى ::

amanii

Mayosh

efrodit

dr_3la2oxford

bosy

مودى

ملكة الاحزان

دكنور محمد

دادا

11 \ بنفكر فى اية دلوقتى يابرنس ؟؟

12 \ هذه بعض الألقاب من يستحقها من أعضاء منتدى حدوته( من وجهة نظرك الشخصية ) ::

من يستحق لقب((شعلة المنتدى))من وجهة نظرك؟؟

من يستحق لقب((شاعر او شاعرة المنتدى))؟؟

من يستحق لقب((العضو المتميز))في المنتدى؟؟

من يستحق لقب((العضو صاحب الاخلاق العاليه))بالمنتدى؟

من يستحق لقب((العضو صاحب افضل ردود))بالمنتدى؟؟؟

من يستحق لقب((العضو صاحب الطله البهيه))؟؟؟

من يستحق لقب((العضو صاحب افضل توقيع))بالمنتدى؟؟

من يستحق لقب (( افضل صوره شخصيه )) بالمنتدى؟؟

من يستحق لقب((العضو البسيط..قليل التواجد والتفاعل))بالمنتدى؟؟

من يستحق لقب((العضو صاحب القلم الجريء))بالمنتدى؟؟

من يستحق لقب((العضو صاحب افضل المواضيع))بالمنتدى؟؟

من يستحق لقب ((العضو صاحب التواجد الدائم))بالمنتدى؟

من يستحق لقب((العضو صاحب العطــــــاء))؟؟

من يستحق لقب (( بسمه المنتدى ))؟

من يستحق لقب (( القلب الجرىء بالمنتدى ))

من يستحق الأشراف (( من الأعضاء من وجهة نظرك ))؟

كلمة لأعضاء منتدى حدوته تقولها من قلبك ؟

كلمة توجهها لمشرف ولعضو فى المنتدى ؟

13 \ اية رايك فى كلا الكلمات الاتية ؟؟

الانترنت

التليفزيون

الموبيل

البحر

الصدق

الامانة

الخيانة

الحب

الاصدقاء

القلم

الليل

14 \ بما انك مراقب معانا فى المنتدى شايف المنتدى ازاى ؟؟ وهل ناقصة حاجة ؟ وتنصحة بأية ؟

15 \ ما هو الحب فى نظرك ؟؟ وامتى الحب دا يكون ناجح ؟؟

16 \ اية رايك فى التعارف والزواج عن طريق الانترنت ؟؟

17 \ اية رايك فى الزاج التلقيدى ؟؟ وايهما تفضل ؟؟ ولية ؟

18 \ اول حب فى حياتك كان فى سن كام سنة ؟؟ وكان اية شعورك سعتها

19 \ معاك 6 وردات تهديهم لمين فى المنتدى ولو معاكى عود ديناميت تهدية ليمن

20 \ اية احلى اسم ولد واحلى اسم بنت ؟؟

21 \ امتى اخر مرة بكيت ؟؟ وكان اية السبب ؟

22 \ اية رايك فى الكدب ؟؟ تفتكر امتى الكدب يكون مشروع ؟؟ انت كدبتى قبل كدة ؟؟ تتذكرى كان اية الموقف ؟؟

23 \ تتذكر موقف ضحكك وموقف تانى حصلك ابكاك من قلبك موقف تالت حصلك كنت فى غاية االحراج والكسوف

24 \ اصعب لحظة فى حياتك كانت امتى ؟؟ واسعد لحظة فى حياتك ؟؟

25 \ لو انتى الادمن بتاع حدوتة كنت عملت اية ؟؟

26 \ هل انتى راضي عن نفسك اما ربنا ؟؟

27 \ الافضليات ::

افضل مطرب مصرى وخليجلى

افضل مطربة مصرية وخليجية

افضل ممتل وممثلة مصرى واجنبى

افضل موقع

افضل قسم هنا فى المنتدى

يلا جاوب على دووووووووول يابرنس

لحد اما انزلك الاسئلة بقى

شوية ورجعلك

سلام

عدل سابقا من قبل mogrm.7ob في 2/28/2009, 22:12 عدل 2 مرات

DaDa كتب:: بسم الله الرحمن الرحيم

معانا النهاردا لمدة اسبوع انسان محترم جدا

يتميز بخلاقة العالية

وقلمة الجرىء فى المنتدى من مواضيع وردود

انسان بعتز بصداقتة جدا وربنا يديها علينا يعنى بعد الموضوع دا

بجد تسلم ياغالي علي المقدمه الجميله دي انت اللي فعلا من الشخصياتن اللي بعتز بمعرفتها

اما بقي بالنسبه للي هايجرالك استني بقي لغايه ما افكرلك في فكره حلوه

:: ونبدأ بأسم الله ::

يامسهل الحال يارب
1 \ اسمك وسنك وعنوانك ودراستك ؟؟
الاسم:محمد شوقي
السن:22سنه
العنوان:طنطا وكفايه عشان الاهميه وكده انت عارف
المهنه:مدرس رياضيات

2 \ احكلنا كدة قصة النيك نيم بتاعك كدة لية الاسم دا بالذات ؟؟
يعني تقدر تقول انا مجرم في حبي شويتين يعني اي حاجه بتطق في دماغي بعملها طالما ممكن منها اسعد الانسان اللي بحبه تقدر تقول شخصيه اوشكت علي الانقراض شايف اني طالما حبيت بجد بعمل اي حاجه عشان اللي بحبه مهما كانت

3 \ ترتيبك الكام ضمن الاسرة ؟؟ اكثر حد مقرب ليك فى الاسرة ؟؟
انا التالت والاخير اقرب حد ليا اخويا الاكبر مني علطول

4 \ اوصفلنا كدة شخصيتك فى سطرين ؟؟

بحب شخصيتي جدا وليا تصرفات كتير بتعجبني جدا ومواقف كتير كمان .شخصيه اجتماعيه جدا.جاااااااااااااااااااده جدا في المواقف التي تتطلب ذلك .مرح جدا .شخصيه تجيد التعامل مع الاخرين الحمد لله يعني

5 \ احكلنا عن طفولتلك مع كام موقف وانت صغير مش هتقدر تنساة؟

كنت شقي جدا وانا صغير ماكنتش بسيب حاجه في حالها ابدا كان في بيت جدي سلاحف مربينها بقالها كتير جدا

طقت في دماغي اشوف ظهرها الصدف ده بيتكسر ولا لا السحلفه الاولي وقفت علي ظهرها طلعت بتتكسر فرتكتها

والتانيه رمتها من البلكونه طلعت بتتكسر برده والباقي خدوه مني

6 \ اية اللى انت شيفة فى شخصيتك عجبك اوووووووووى واية اللى مش عجبك فى شخصيتك ؟؟

بحب ثقتي في نفسي وبحس اني بعرف اتعامل مع الناس اللي بقابلها

اللي مش عاجبني عصبيتي وخصوصا لما بضايق

7 \ مين قدوتك فى الحياة بعد الرسول علية افضل الصلاة والسلام ؟؟
هل يوجد حكمة او مقولة انت متبعاها فى حياتك ؟؟

قدوتي في الحياه ابي بعد رسول الله صلي الله عليه وسلم

الحكمه اللي متبعها :اصرف ما في الجيب يأتيك مافي الغيب

8 \ اوصفلنا كدة اصحابك صفتهم اية ؟؟ كام واحد ممكن تقوليلها اسرارك (( صفتهم اية )) ؟؟ كان حصل قبل كدا حكيت سر لحد وطلعة برة
اول حاجه بخترها في اصحابي انه يكون راجل بمعني الكلمه يعني يكون مرايتي وعشان كده مش كتير اللي ممكن اقولهم اسراري هو واحد بس او اتنين

الحمد لله محدش طلع سري بره قبل كده

9 \ اية هوا الحمل المستحيل فى نظرك ؟؟ واية هوة الحلم اللى انت شاء الله سهل انة يتحقق ؟؟

مافيش حاجه اسمها حلم مستحيل طالما حلم يبقي مش مستحيل وطالما عندك ثقه بنفسك يبقي خلاص
اما بالنسبه ل احلامي كتير جدا وربنا يقدرني واقدر احققها يارب واول حلم ليا اكت بره البلد

10 \ بما انك مراقب فى منتدى حدوتة اية رايك فى ::

amanii

حبيه قلبي مفيش كلام شخصيه من الشخصيات الجميله جدا وبعتز بصداقتنا
Mayosh
شخصيه جدعه
efrodit
علي النحو الشخصي انسانه رقيقه جدا ومحترمه جدا جدا وبجد نعم الانسان المخلص وطبعا مبدعه حدوته
dr_3la2oxford
شخصيا متميزه زات خلق عالي وسعيد جدا بصداقه هذا الانسان الجميل
bosy
شخصيه مرحه
مودى
انسان جدع وعلي خلق وشخصيه نشيطه جدا ومرحه

ملكة الاحزان

صاحبه قلم جرئ جدا ومن الشخصيه اللي بتسيب بصمه في كل تعليقاتها
دكنور محمد
انسان محترم جدا بشهاده جميع الافراد وعضو متميز

دادا
طبعا صعب اوصفك ياحبي عشان انت بجد من الشخصيات الجدعه جدا جدا جدا واللي انا بعتز بمعرفتها علي المستوي الشخصي وعلي مستوي المنتدي شخصيه مرحه جميله وجدعه وخدومه وبجد انسان جميل

11 \ بنفكر فى اية دلوقتى يابرنس ؟؟

حاليا بفكر اقوم انام عشان الساعه بقي 9.30صباحا ولسه مانمتش
12 \ هذه بعض الألقاب من يستحقها من أعضاء منتدى حدوته( من وجهة نظرك الشخصية ) ::

طبعا يابوب انت خارج المنافسه لحسن هاكتبك في كل الاسئله بدون مجامله

من يستحق لقب((شعلة المنتدى))من وجهة نظرك؟؟

مودي

من يستحق لقب((شاعر او شاعرة المنتدى))؟؟

افروديت طبعا

من يستحق لقب((العضو المتميز))في المنتدى؟؟

اماني

من يستحق لقب((العضو صاحب الاخلاق العاليه))بالمنتدى؟

عاشقه الياسمين

من يستحق لقب((العضو صاحب افضل ردود))بالمنتدى؟؟؟

كايرو 30

من يستحق لقب((العضو صاحب الطله البهيه))؟؟؟

صاصا طبعا

من يستحق لقب((العضو صاحب افضل توقيع))بالمنتدى؟؟

دكتور لمبادا

من يستحق لقب (( افضل صوره شخصيه )) بالمنتدى؟؟

مجرم حب

من يستحق لقب((العضو البسيط..قليل التواجد والتفاعل))بالمنتدى؟؟

bosy

من يستحق لقب((العضو صاحب القلم الجريء))بالمنتدى؟؟

دكتور علاء

من يستحق لقب((العضو صاحب افضل المواضيع))بالمنتدى؟

ملوكه
من يستحق لقب ((العضو صاحب التواجد الدائم))بالمنتدى؟

علاء باشا

من يستحق لقب((العضو صاحب العطــــــاء))؟؟

معلش بقي انت خارج المنافسه اه بس لازم تتكتب

دادا
من يستحق لقب (( بسمه المنتدى ))؟
نور
من يستحق لقب (( القلب الجرىء بالمنتدى ))
ahmed style

من يستحق الأشراف (( من الأعضاء من وجهة نظرك ))؟

اماني طبعا مش اشراف بس كمان
كلمة لأعضاء منتدى حدوته تقولها من قلبك ؟
بجد ونعم الاعضاء انا عن نفسي بحس اني اعرف كل الافراد يعني الواحد بيحس انه في بيته التاني

كلمة توجهها لمشرف ولعضو فى المنتدى ؟

للباشا بتاعنا دادا بشكرك علي الهديه اللي هدتنا بيها (حدوته)
13 \ اية رايك فى كلا الكلمات الاتية ؟؟

الانترنت سلاح زو حدين وحاجه لاغني عنها

التليفزيون وسيله هامه للترفيه

الموبيل حاجه هامه بس مش لكل الناس

البحر تقدر تقول بلاقي فيه نفسي وشخصيتي ممكن اقعد قدامه 24 ما اتكلمش كلمه

الصدق النجاه واقصر الطرق للحقيقه

الامانة افضل الصفات

الخيانة بكرها جدا جدا

الحب هو الامل وصعب يتوصف في كلمتين

الاصدقاء مقدرش اعيش من غيرهم

القلم وسيله للتعبير عن الرأي

الليل افضل الاصدقاء

14 \ بما انك مراقب معانا فى المنتدى شايف المنتدى ازاى ؟؟ وهل ناقصة حاجة ؟ وتنصحة بأية ؟
بجد المنتدي جاااااااااامد جادا وناقصه بس تفاعل اكتر من الاعضاء
وانصحه انه يفضل ماحافظ علي نفسه
15 \ ما هو الحب فى نظرك ؟؟ وامتى الحب دا يكون ناجح ؟؟
الحب هو الامل الذي يعطي بريق للحياه وبيكون ناجح لما يبقي في توافق
16 \ اية رايك فى التعارف والزواج عن طريق الانترنت ؟؟
مش وحش بس بيحتاج تفكير كتير وقدره علي فهم الانسان الاخر وممكن يبقي وسيله للتعارف لكن عشان يتجوزو من غير مايتعرفو علي بعض كويس ويتقابلو وكده ده يبقي اسمه عبط
17 \ اية رايك فى الزاج التلقيدى ؟؟ وايهما تفضل ؟؟ ولية ؟
لا اعترف بالزواج التقليدي مع اني متأكد اني هاتجوز كده
وطبعا لو كان الزواج عن حب يبقي افضل كتير
مع ان الزواج اللي بيعيش هو التقليدي للاسف
18 \ اول حب فى حياتك كان فى سن كام سنة ؟؟ وكان اية شعورك سعتها
اول حب في حياتي كنت لسه في اولي اعدادي بس للاسف البت سافرت بره وماشفتهاش تاني
وشعوري ساعتها كان شعور عبيط يعني كنت لسه صغير وكل اللي في دماغي اني اشوفها ونتكلم مع بعض وخلاص
19 \ معاك 6 وردات تهديهم لمين فى المنتدى ولو معاكى عود ديناميت تهدية ليمن
الاولي :دادا
الثانيه:افروديت
الثالثه:اماني
الرابعه:ملوكه
الخامسه:عاشقه الياسمين
السادسه:دكتور علاء

20 \ اية احلى اسم ولد واحلى اسم بنت ؟؟
ادهم واحلي اسم بنت ملك
21 \ امتى اخر مرة بكيت ؟؟ وكان اية السبب ؟
مش من طبعي البكاء ومابحبوش بس اخر مره بكيت بجد كا يوم وفاه ستي الله يرحمها
22 \ اية رايك فى الكدب ؟؟ تفتكر امتى الكدب يكون مشروع ؟؟ انت كدبت قبل كدة ؟؟ تتذكر كان اية الموقف ؟؟
مابحبووووش خاااااالص ومفيش حاجه اسمها كدب مشروع
الواحد وهو صغير كا بيكدب كتير لغايه مابقي يعرف الصح من الغلط
موقف محدد مش فاكر مش بقولك كنت صغير
23 \ تتذكر موقف ضحكك وموقف تانى حصلك ابكاك من قلبك موقف تالت حصلك كنت فى غاية االحراج والكسوف
موقف اضحكني كتير لما ببقي انا واصحابي
ابكاني ماعدش في حاجه تستاهل
التالت بقي كنت في الكليه وبنت اعرفها من فتره بس ماكناش اتكلمنا ولقتها بتشاورلي وجايه عليا فجأه
وطبعا مديت ايدي علي اساس انها جايه تسلم وفجأه تدي من جمبي وتسلم علي صاحبتها اللي كانت بشاورلها اصلا
24 \ اصعب لحظة فى حياتك كانت امتى ؟؟ واسعد لحظة فى حياتك ؟؟
اصعب لحظه لحظه فراق اعز انسانه لدي قلبي
اسعد لحظه لحظه النجاح
25 \ لو انتى الادمن بتاع حدوتة كنت عملت اية ؟؟
مسؤليه كبيره وماكنتش هاقدر اعمل اكتر من اللي بتعمله
26 \ هل انتى راضي عن نفسك اما ربنا ؟؟
الحمد لله
27 \ الافضليات ::

افضل مطرب مصرى وخليجلى
منير
افضل مطربة مصرية وخليجية
ام كلثوم
افضل ممتل وممثلة مصرى واجنبى
احمد السقا و نور
افضل موقع
حدوته طبعا
افضل قسم هنا فى المنتدى
المنتده كله جامد
يلا جاوب على دووووووووول يابرنس

لحد اما انزلك الاسئلة بقى

شوية ورجعلك

مستنيك يابوب وكله بحسابه في الاخر
سلام
سلام يابوب

ردود جامده جدااااااااااا وكنها من القلب وعن جد ما نسيت اى جزء من الاسئله و ذكاءك بيبن انك كتييير بتعرف تخرج من ضغوط الاسئله و عن جد استفدت كتييير من ردودك لانها بتتميز بالاقناع بكل الاحول شكرا عضوه جديده بالمنتدى نانسى

لكن بدى قول تعليق بسيط انت اسمك مجرم حب و بتحاكينا عن تجارب حب و قلت انك بتسوى اى شى مجنون لخاطر حبيبتك لكن ما حاكيت عن حبيبتك خاااااالص و ما حدا سألك حتى عنها فبحس فيه شوى نقص بالاسئله والاجوبه بتاسف ع ها التعليق لكنك اجبت بصدق ع كل الاسئله المتوجهه الك شكرا مره تانيه

ابو الشوق حبيب قلبى
منور كرسى الاعتراف
ردود جامده وشخصيه احلى
شكله هايبقى اسبوع جامد
ربنا معاك يارب وانا عارف انك ادها
وبالتوفيق دايما يارب

nancy كتب:: ردود جامده جدااااااااااا وكنها من القلب وعن جد ما نسيت اى جزء من الاسئله و ذكاءك بيبن انك كتييير بتعرف تخرج من ضغوط الاسئله و عن جد استفدت كتييير من ردودك لانها بتتميز بالاقناع بكل الاحول شكرا عضوه جديده بالمنتدى نانسى

تسلمي ياقمر علي التعليق الجميل ده وبجد التوبيك منور بيكي والمنتدي كله منور بيكي وكلامك ده شهاده الواحد يعتز بيها

nancy كتب:: لكن بدى قول تعليق بسيط انت اسمك مجرم حب و بتحاكينا عن تجارب حب و قلت انك بتسوى اى شى مجنون لخاطر حبيبتك لكن ما حاكيت عن حبيبتك خاااااالص و ما حدا سألك حتى عنها فبحس فيه شوى نقص بالاسئله والاجوبه بتاسف ع ها التعليق لكنك اجبت بصدق ع كل الاسئله المتوجهه الك شكرا مره تانيه

احب اشكرك علي الاهتمام بقرائه الموضوع وبجد منوراه مره تانيه وبخصوص الاسئله فلسه الاسبوع طويل ياقمر احنا لسه في اول يوم ولكي ايضا حريه ترك اي سؤال في اي وقت واكون سعيد جدا بذلك

تحياتي ليكي ياقمر

CaiRo30 كتب:: ابو الشوق حبيب قلبى
منور كرسى الاعتراف
ردود جامده وشخصيه احلى
شكله هايبقى اسبوع جامد
ربنا معاك يارب وانا عارف انك ادها
وبالتوفيق دايما يارب

مصطفي باشا ربنا يخليك ياحبي وتسلم علي الكلام الجميل ده

ودعواتك ليا بقي

تسلم ياغالي

مجرم حب على كرسي الاعتراف

معانا برنس منتدى حدوتة مجرم حب 205366124

هلت الانوار واشرقت الزهور
هيكون اسبوع جامد جدا
بجد منور الكرسي
طبعا هسألك اسئله كتيييييييييير بس مش دلوقتى
استعد بقا
هرجع تانى استنانى

اهلا بيك يا ابو الشوق على كرسى الاعتراف
منوووووووووووووور
وعايزينك بقى زى الشطور كده تجاوب بصراحه
وانا شخصيا متاكده انك اكيد هتجاوب بصراحه

1- كم مره دق الحب بابك؟ وكم مره أخطأت فى حق من تحب؟(طبعا محدش معصوم من الخطأ فالسؤال عام)
2- كم أمراه دخلت حياتك بمن فيهم والدتك ؟ثم أهدى لكل منهم اما مقطوعه من اغنيه او بيت شعر توضح فيه ما تريد ان تقوله؟
3- رسالتين تريد ان ترسلهم ولا تجد الطريق فأكتبهم هنا؟
4- تريد ان يعود بك الزمان ..الى اين؟؟ ولماذا؟؟
5- بحبك يا (..............)
بكرهك يا (................)
وحشتنى يا (...................)
صديق بجد يا (..................)
انا من غيرك ولا حاجه يا (.................)
كنت فاهمك غلط يا (...............)

فاصل ونواصل
راجعالك تانى يا أبو الشوق
معانا برنس منتدى حدوتة مجرم حب 91521

يا هلا يا هلا ابو الشوق عندنا معانا برنس منتدى حدوتة مجرم حب 226694

منور الكرسى يا باشا ونسال كام سوال كدة بعد اذنك طبعا .نبدا

1: فاى قرار بتتاخذة يا ترى بتحكم عقلك ولا قلبك؟ ومن الاسبق فى التحكم ؟

2:القمر... الشمس .... النجوم .... ايهما تفضل ؟ ولية ؟

3:حلم لا تستطيع تحقيقة ؟

4: اكلتك المفضلة ؟ مشروبك المفضل ؟فصيلة دمك؟

5:اية هو اصعب حب بنظرك ؟

نورتنا وفاااااااااااااصل ونوووووووووووووووواصل

انااااااااااااااااااااااااااااا جييييييييت تانى
ومعايا شويه اسئله صغنونين اوى اوى

1- موقف غير حياتك؟

2-حاجه عملتها وندمت عليها اوى ؟

3-اكتر حاجه بتعصب شوقى (انت طبعا)؟

4- كام سنه وانت قاعد على النت وايه فوايده واضراروا بالنسبه ليك؟

5- ديه شويه مواقف هتتصرف فيها زاى
أ- ادبست فى عزومه ومكنتش عامل حسابك
ب- واحده وقفتك ومصممه انها تعرفك وانت اول مره تشوفها
جـ-حد صحاك من عز نومك وبيقولك قوم نتكلم شويه

6- موقف حسيت انك كنت فيه صبور اوى؟

7-لو مكنتش شوقى تتمنى تكون مين؟

8- معنى الصداقه من وجهه نظرك؟
ولو خيروك بين صاحبك وحبيبتك هتختار مين؟

9- ايه هو السؤال اللى انت خايف حد يسألوا ليك؟ وبصراحه!

10- طبعا انت مدرس رياضيات لوبقيت وزير التربيه والتعليم ايه اول قرار هتخدوا؟

11- دى اجزاء من الاغانى تقولها لمين
أ- مكنتش ناوى
ب- جرح تانى
ج-وهى عامله ايه دلوقت
د- بعدت ليه
هـ- الله يباركلى فيك

خلصت الاسئله
فاصل وانواصل
انا راجعه تانى ســــــــلام

احم احم احم

ازيك يا شوقى عاملة اية يابرنس

ربنا معاك يا صديقى

فاصل وارجعلك

معانا برنس منتدى حدوتة مجرم حب 838984

عاشقه الياسمين كتب:: مجرم حب على كرسي الاعتراف

هلت الانوار واشرقت الزهور
هيكون اسبوع جامد جدا
بجد منور الكرسي
طبعا هسألك اسئله كتيييييييييير بس مش دلوقتى
استعد بقا
هرجع تانى استنانى

دا نورك طبعا ياقمر انتم السابقون ربنا يعديها علي خير بقي

مستنيكي ياقمر

ابوق الشوق حبيب قلبى

عامل ايه يابرنس

واحشنى ياريس

ومنور الدنيا والله
وربنا معاك

هأسألك كام سؤال كده

مين اقرب حد ليك فى اصحابك؟ وقلنا حاجة عنه؟

مين اقرب حد ليك فى المنتدى؟

ايه بيمثلك يوم 14\2؟
معانا برنس منتدى حدوتة مجرم حب 91521

فى حد ندل معاك قريب؟

انت بتشتغل ولا عااااااااااطل؟

يلا جاوب على دول دلوقتى على مارجعلك

EFRODIT كتب:: اهلا بيك يا ابو الشوق على كرسى الاعتراف
منوووووووووووووور
وعايزينك بقى زى الشطور كده تجاوب بصراحه
وانا شخصيا متاكده انك اكيد هتجاوب بصراحه
ربنا يخليكي ياقمر بجد الكرسي منور بوجوده واكيد هجاوبك بصراحه

1- كم مره دق الحب بابك؟ وكم مره أخطأت فى حق من تحب؟(طبعا محدش معصوم من الخطأ فالسؤال عام)

دق الحب بابي مرتين ومره قبل كده كنت في ا اعدادي ماتتحسبش خالص

اخطأت في حق من احب مره واحده عشان ظلمت انسانه معايا وهي ملهاش اي ذنب غير انها حبتني
2- كم أمراه دخلت حياتك بمن فيهم والدتك ؟ثم أهدى لكل منهم اما مقطوعه من اغنيه او بيت شعر توضح فيه ما تريد ان تقوله؟
كم امرأه دخلت حياتي زي ماقلتلك هما 2 وطبعا ست الكل امي

اهدي لكل منهم مقطوعه بقي امي :طبعا كلام الدنيا كله مايوصفهاش ومايعبرلهاش عن اللي جوايا اغلي ما في الوجود بالنسبالي
الحب الاول :مكتوب عليا انك تفضل حبيبي ولاعمري مره هاقولك ياحبيبي
الحب الاخير :انساني مابنساك ومابزعل منك ياحبيبي ل اني بهواك
3- رسالتين تريد ان ترسلهم ولا تجد الطريق فأكتبهم هنا؟

رسالتين :الاولي ل من اخذت كل المشاعر الصادقه وكل الوفاء (نسيت الحب من بعدك نسيت احساسي في عيونك)
الثانيه : الي جدتي الله يرحمها اتمني من الله عز وجل ان تكوني في جنه الخلد بأذن الله

4- تريد ان يعود بك الزمان ..الى اين؟؟ ولماذا؟؟
كل وقت من الاوقات فيه الحلو وفيه الوحش عشان كده بتمني افضل في وقتنا الحالي افضل
5- بحبك يا (............)امي
بكرهك يا (................)الحمد لله مفيش حد
وحشتنى يا (...................)قلبي اللي فقدته من فتره
صديق بجد يا (..................) ناس كتير مش حد معين الحمد لله
انا من غيرك ولا حاجه يا (.................)طبعا والدي ربنا يخليه ليا
كنت فاهمك غلط يا (...............) اعز الاصدقاء

فاصل ونواصل
راجعالك تانى يا أبو الشوق

تنوري ياقمر في اي وقت مستنيكي

يا هلا يا هلا ابو الشوق عندنا
معانا برنس منتدى حدوتة مجرم حب 226694

منور الكرسى
يا باشا ونسال كام سوال كدة بعد اذنك طبعا .نبدا
ربنا يخليك ياريس انت اللي منور والله
اسأل براحتك طبعا يابوب

1: فاى قرار بتتاخذة
يا ترى بتحكم عقلك ولا قلبك؟ ومن الاسبق فى التحكم ؟
اي قرار بالنسبال بيقي عن طريق عقلي اولا واخير ولا مجال للعواطف حتي في اشد المواضيع التي تتطلب القلب
2:القمر... الشمس ....
النجوم .... ايهما تفضل ؟ ولية ؟
اكيد القمر طبعا بحس انه وحيد طوال الوقت يسطع في وقت ينام فيه الاخرون وصديق كل العشاق

3:حلم لا تستطيع تحقيقة ؟
زي ماقلت ياريس طالما حلم يبقي مفيش حاجه اسمها مستحيل الحلام مافيهاش مستحيل

4: اكلتك
المفضلة ؟ مشروبك المفضل ؟فصيلة دمك؟
اكلتي المفضله مكرونه بالبشاميل والبيتزات طبعا
مشروبي المفضل قهوه دوبل سااده
فصيله دمي o
5:اية هو اصعب حب بنظرك
؟
اصعب حب هو الحب من طرف واحد وخصوصا اني جربته سنه كامله

نورتنا وفاااااااااااااصل ونوووووووووووووووواصل
انت اللي نورت ياغالي ومستنيك تاني

اقتباس :: عاشقه الياسمين
انااااااااااااااااااااااااااااا جييييييييت تانى
ومعايا شويه اسئله صغنونين اوى اوى

نورتي من تاني ياقمر والله كنت مستنيكي
1- موقف غير حياتك؟
وفاه جدتي الله يرحمها غير حياتي 180 درجه للاحسن الحمد لله
2-حاجه عملتها وندمت عليها اوى ؟
الحمد لله كلمه ندم مش موجوده في قاموس حياتي ما اتعودتش اندم علي حاجه حصلت خلاص عشان الندم مش هايفيد
3-اكتر حاجه بتعصب شوقى (انت طبعا)؟
الغباء اكتر حاجه ممكن تجنني مش بحب الشخص الغبي
4- كام سنه وانت قاعد على النت وايه فوايده واضراروا بالنسبه ليك؟
انا الحمد لله مابتشدش لحاجه خالص يعني ممكن اقعد اسبوع ما اقعدش علي النت من غير سبب
ومن ناحيه الفوايد بجدهو حاجه لا غني عنها وفي نفس الوقت ممكن يكون ضار جدا علي حسب اللي بيستخدمه
5- ديه شويه مواقف هتتصرف فيها زاى
أ- ادبست فى عزومه ومكنتش عامل حسابك
تليفون ل اي حد يجي يحل الموقف بسرعه
ب- واحده وقفتك ومصممه انها تعرفك وانت اول مره تشوفها
احساس لذيذ جدا ومين قالك اني هاعمل مش عارفها اكيد طبعا هاتبقي صديقه عزيزه حتي لو اول مره اشوفها جـ-حد صحاك من عز نومك وبيقولك قوم نتكلم شويه
طبعا في الواقف اللي زي دي بيقي في رد فعل غير طبيعي يكني ممكن يسمع شتيمتين علي كام يد في وشه ماتخليهوش يتكلم تاني
6- موقف حسيت انك كنت فيه صبور اوى؟
مواقف كتير مرت عليا في حبي الاول
7-لو مكنتش شوقى تتمنى تكون مين؟
الحمد لله بحب شخصيتي جدا وبحسد نفسي عليها
8- معنى الصداقه من وجهه نظرك؟
الصداقه هي الحياه
ولو خيروك بين صاحبك وحبيبتك هتختار مين؟
طبعا عندي اولويات اولها اسرتي وبعدين اصحابي وبعدين حبيبتي
9- ايه هو السؤال اللى انت خايف حد يسألوا ليك؟ وبصراحه!
لا بجد الحمد لله مفيش اسأله خايف منها طالما قعدت علي الكرسي يبقي متوقع اي سؤال

10- طبعا انت مدرس رياضيات لوبقيت وزير التربيه والتعليم ايه اول قرار هتخدوا؟
الموقف ده بيفكرني بالاغنيه بتاعه شالو سنه 6 جابو سنه 6 عالم رايقه وفاضيه المفروض كل من اساء لهذه الوزاره يحول اللي مسائله قانونيه تنتهي بالاعدام
بس عشان تبقي المؤسسه التعليميه بهذه الدرجه من التدهور يبقي حرام بجد

اول حاجه هاعملها ها عيد بنا المنظومه من البدايه من اول سنه اولي ابتدائي
11- دى اجزاء من الاغانى تقولها لمين
أ- مكنتش ناوى حد ظلمته معايا
ب- جرح تانى ل قلبي
ج-وهى عامله ايه دلوقت الحب الاول
د- بعدت ليه الحب الاول
هـ- الله يباركلى فيك امي طبعا

خلصت الاسئله
ما لسه بدري ياقمر
فاصل وانواصل
مستنيكي تاني ياقمر
انا راجعه تانى ســــــــلام
مستنيكي تاني بس خدي وقتك بقي لسه بدري يعني

اقتباس :: دادا
احم احم احم

ازيك يا شوقى عاملة اية يابرنس
الحمد لله يابوب مش ناقصني غير اني اشوفك ياويلك ياحبيبي
ربنا معاك يا صديقى

فاصل وارجعلك
يابوب تعالي براحتك ماتستعجلش عشان الدنيا بتشتي

منور الكرسى والله والاسبوع شكلة اسبوع جامد هما بصراحة متوصين بيك على الاخر مش سيبين اسئلة خالص بس ردودك على الاسئلة اسبتت انها من جوة المنهج ههههههههههه

مودي

اقتباس :: ابوق الشوق حبيب قلبى

عامل ايه يابرنس
انا الحمد لله يابوب انت واحشني اكتر والله
واحشنى ياريس

ومنور الدنيا والله
وربنا معاك

الدنيا منره بيك ياباشا
هأسألك كام سؤال كده
براحتك ياريس اسأل كل اللي انت عاوزه

مين اقرب حد ليك فى اصحابك؟ وقلنا حاجة عنه؟
مش واحد بس الحمد لله بس اكتر مايميزهم فعلا يستحقو يكونو اصحاب
ناس بتخاف علي بعضها وبتتمني الخير لبعض
مين اقرب حد ليك فى المنتدى؟
الحمد لله ناس كتير مااقدرش احدد
ايه بيمثلك يوم 14\2؟

فرحان انت من ساعه ماعرفت مع انك عارف الاجابه بس مش مشكله يوم 14/2 كان يوم نهايه اول واجمل قصه حب

ماتستغربش اه يوم الفلانتين
فى حد ندل معاك قريب؟
الحمد لله لا

انت بتشتغل ولا عااااااااااطل؟

الحمد لله شغال المشكله ان كلنا عاوزين مكاتب نقعد عليها و 1000جنيه كل شهر بس الزمن ده انتهي خلاص وماعدش راجع تاني
يلا جاوب على دول دلوقتى على مارجعلك

مستنيك يابوب

mercy_angle

اقتباس :: منور الكرسى والله والاسبوع شكلة اسبوع جامد هما
بصراحة متوصين بيك على الاخر مش سيبين اسئلة خالص بس ردودك على الاسئلة
اسبتت انها من جوة المنهج ههههههههههه

ربنا يخليكي ياجميل الكرسي اذداد اشراق بوجودك

اما عن الاسئله دي من خارج المنهج خالص

الناس زي ماتقولي ماصدقت

تمام ياشوقى بيه
نسيت اقولك حلوة البتعة اللى اتبعتها دى
لما البنت كانت جاية تسلم عليك
احم احم
قصدى على صاحبتك

mody كتب:: تمام ياشوقى بيه
نسيت اقولك حلوة البتعة اللى اتبعتها دى
لما البنت كانت جاية تسلم عليك
احم احم
قصدى على صاحبتك

اكيد يابوب يعني يرضيك امشيها زعلانه طبعا مايصحش

تبقي قله زوق وكمان حد بيسلم عليا اكسف ايده

انا جيت تااااااااااااانى

مين أكتر حد فى الدنيا ممكن تزعل عليه لما يضيع منك ؟

2- لو انت بتحب بنت ايه أكتر حاجه ممكن تخنقك منها ؟ وليه ؟

3- لو حبيبتك طلبت منك انك تبعد عن حد من اصحابك عشانه مش كويش والحد ده فعلا كده ... هتبعد عن صحبك ولا هتزعل حبيبتك

- بالنسبه للنت وحوارات النت
هل فى قبل كده انك أعجبت ببنت ع النت .. وبعد كده لقيت ان كله وهم وان كله مجرد كلام
وان البنت مش الصوره اللى كنت راسمها ليه ؟ لو الاجابه نعم .. قولنا الحكاية

_ حصل قبل كده ان فى بنت ع النت أو بره النت حاولت تلمحلك انها معجبه بيك أو بتحبك
وانت مكنش الموضوع فى دماغك نهائى ؟ ولو الاجابه نعم .. احكى لنا خرجت من الموقف ازاى_

ايه أكتر موقف محرج حصلك ع النت ؟

صفة تحبها؟

صفة تكرهها؟

هواية تمارسها دائما؟

متى تغضب؟

اجمل ما في الدنيا؟

عادة لم تفارقك؟

ماهى طموحاتك؟

مواصفات شريكة حياتك؟

افضل موضوع قرأته بالمنتدى؟

أجمل كتاب قرأته؟

شاعرك المفضل؟

ما هو الحلم الزى لم تحققه اللى الان؟

برنامجك المفضــل...

بلد تحب تزورها ...

لو طلب منك تغيير اسمك المستعار فما هو الاسم الجديد؟
_ ايه ممكن يزعلك من أصدقاءك القريبين منك أوى ويخليك تبعد خالص وتاخد موقف

_ وانت طفل صغير كنت بتحلم تكون ايه ؟

ولما كبرت حققت الحلم ده ولا لاء ؟

ولو محققتوش هل ده أثر معاك نفسيا ؟

_ ايه رأيك فى السياسه اللى احنا عايشين فيها فى مصر النهارده ؟

ولو جه الحظ لصالحك وبئيت جمال مبارك هتعمل ايييييييه ؟

ويا ترى ايه موقفك مع أبوك اللى هو الرئيس محمد حسنى مبارك فى الحاله دى ؟

_ عندك استعداد تعمل ضميرك نايم عشان تحقق هدف بتتمناه ؟

_ لو ربنا رزقك بمبلغ هو مش كبير أوى بس اهو كويس برضه مبلغ 250 ألف جنيه

هتعمل بيهم ايه بالظبط ؟؟؟؟؟؟؟؟؟؟

_ شوقى ممكن تفكر انك فى يوم تكفل يتيم ؟

ولو عملت كده هيكون انك نفسك تعطف على حد يتيم ؟ ولا مجرد حاجه لوجه الله ؟

_ والدتك ربنا يخليهالك يارب بتمثلك ايه ؟ ولو زعلت منك زعل جامد بتحس بايه وقتها ؟

ويا ترى بتحاول تروح تصالحها ولا بتطنش ؟

دمعة المرأة ماذا تعني لك؟؟

دمعة الرجل ماذا تعني لك؟؟

كم مرة قلت كلمة لا وندمت عليها؟؟

وكم مرة قلت كلمة نعم وندمت عليها؟؟

ما هي اللحظات التي تنتظرها بفارغ الصبر؟؟

جاوب على دول لحد اما انزل بالاسئلة بتاعتى

سلام

» معانا النهاردا نجم من نجوم منتدى حدوتة (( كابتشينو ))
» معانا النهاردا نجم من منتدى حدوتة صاحب الابتسامه والفكاها Whi$per
» معانا النهاردا نجم من منتدى حدوتة صاحب افضل المواضيع CaiRo30
» النهارد عيد ميلاد نجمه لامعة فى سماء منتدى حدوتة ....
» أبـــجديـــة أحـــلى منتدى .....منتدى حدوته.¸