البطاقة الشخصية للاعضاء

عدل سابقا من قبل في 9/18/2007, 13:19 عدل 2 مرات

بسم الله الرحمن الرحيم

انا طبعا احب اقدملكم الموضوع دة عشان نتعرف على بعض اكتر و من خلال البطاقات هنتعرف على بعض و البطاقات دى عبارة عن اسئلة و المطلوب منك تجاوب على الاسئلة دى ok :
اسمك الحقيقى :
سنك:
اشمعنى سميت الاسم دة اللى عالمنتدى:
اية قدوتك فى الحياة:
مين اقرب الناس ليك:
اية ترتيبك فى البيت:
فى سنة كام:
اية الشهادات اللى حصلت عليها:
اية هواياتك:
بتحب تاكل اية:
سفرت فين ابل كدة برة مصر:
البلد(الجنسية+الاقامة):
اقرب حد ليك علي المنتدي:
اية اكتر مغنى(عربى+اجنبى)بتحبو:
اية اكتر ممثل(عربى+اجنبى)بتحبو:
اية اكتر نادىفى(مصر+العالم)بتحبو:
المهنة:
بتتمنى اية لمستقبل المنتدى:
و احب اختم و اقولوكم ياريت الكل يسجل علشان نتعرف على بعض اكتر وخصوصا الاعضاء الجدد.وشكرا

موضوع: رد: البطاقة الشخصية للاعضاء 9/17/2007, 15:01

عسل الموضوع جدا يا علاء وأنا عايزه أشارك معاك هقول
اسمك الحقيقى : بسمه
سنك: 19 سنه و8 شهور
اشمعنى سميت الاسم دة اللى عالمنتدى: ياعنى بحب أسم بوسى
مين قدوتك فى الحياة: والدى
مين اقرب الناس ليك: اصحابى كلهم أولهم مى وعلاء وحماده
اية ترتيبك فى البيت: أنا الكبيره وليا 3 غيرى
فى سنة كام: فى سنه 2 علوم
اية الشهادات اللى حصلت عليها: لسه مش خلصت دراستى
اية هواياتك: قراءه الشعر وخصوصا فاروق جويده
بتحب تاكل اية:البطاطس
سفرت فين ابل كدة برة مصر: يارييييت والله يالول بس لسه
البلد(الجنسية+الاقامة): مصر_وأنا مصريه طبعا الأقامه فى المحله الكبرى
[]اقرب حد ليك علي المنتدي: والله كل اللى على المنتدى متهيألى هنكون اصحاب بس حاليا غير أصحابى اللى اصلا أعرفهم فالى قريب مننا أمانى
اية اكتر مغنى(عربى+اجنبى)بتحبو:عربى فيروز اجنبى مش قوى ياعنى بس بحب شاجى
اية اكتر ممثل(عربى+اجنبى)بتحبو: عربى بحب احمد السقا وأجنبى بحب براد بيت
اية اكتر نادىفى(مصر+العالم)بتحبو: مصر طبعا الزمالك عالمى بحب مانشستر يونيتد
المهنة: طالبه
بتتمنى اية لمستقبل المنتدى: بتمنى ان تعب كل عضو فى المنتدى يكون على فايده وانشاء الله هيكون منتدانا عالمى انشاء الله
فى النهايه بقى بجد الموضوع حلو وياريت كلنا نشارك وكلنا نقراه عن بعض عشان نعرف بعض كويس

البطاقة الشخصية للاعضاء 686455

[/center]

موضوع: رد: البطاقة الشخصية للاعضاء 9/17/2007, 21:11

[اسمك الحقيقى : أمنيه
سنك: 16
اشمعنى سميت الاسم دة اللى عالمنتدى: أفروديت أله الجمال ومفيش حد ما يحبش الجمال
اية قدوتك فى الحياة: مامتى
مين اقرب الناس ليك: أنتم عارفين بوووسى
اية ترتيبك فى البيت: التانيه وليا 3
فى سنة كام: 3 ثانوى عام
اة الشهادات اللى حصلت عليها: معايا 10 شهادات استثمار فى الموسيقى و2 تقدير و2 استثمار فى المسرح و2 تقدير برده فى المسرح انما الشهادات العلميه انا لسه بدرس
اية هواياتك: الغناء والتمثيل وبعزف ناى والشعر طبعا
بتحب تاكل اية: بكره كل الاكل
سفرت فين ابل كدة برة مصر: هههههه ياريت
البلد(الجنسية+الاقامة): مصريه والاقامه المحله الكبرى
اقرب حد ليك علي المنتدي: لسه مش كونت صداقات على المنتدى بس انشاء الله اعرف كل اللى عليه
اية اكتر مغنى(عربى+اجنبى)بتحبو: عربى جورج وسوف اجنبى ريكى مارتن
اية اكتر ممثل(عربى+اجنبى)بتحبو: عربى كريم عبد العزيز اجنبى نيكولاس كيدج
اية اكتر نادىفى(مصر+العالم)بتحبو: مصر الزمالك العالم بقى مانشستر
المهنة: طالبه
بتتمنى اية لمستقبل المنتدى: انشاء الله يكون منتدى عالمى وكل الاعضاء فيه يشاركوا بمواضيع فعاله
موضوع جميل ياعلاء ومش بقول جدا جدا عشان انت مش بتحبها

موضوع: رد: البطاقة الشخصية للاعضاء 9/18/2007, 04:13

اسمك الحقيقى : مـــــى
سنك: 19 و 3 شهور و كام يوم
اشمعنى سميت الاسم دة اللى عالمنتدى: اسم الدلع بتاعى
اة قدوتك فى الحياة: بابا
مين اقرب الناس ليك: اصحابى و هما كتير و ماما
اة ترتيبك فى البيت: انا الكبيره العقله هههههههه و ليا اخوات 2 ولاد
فى سنة كام: فى تانيه
اية الشهادات اللى حصلت عليها: طبعا و بلا فخر الثانويه العامه و عقبال السهاده الجامعيه
اة هواياتك: بموت ف القرأه و بحب كره الطائره
بتحب تاكل اية: مش اكيله اصلا
سفرت فين ابل كدة برة مصر: يسمع من بقك ربنا
البلد(الجنسية+الاقامة): مصريه ابا عن جد و من بلدى الغاليه المحله الكبرى
اقرب حد ليك علي المنتدي: طبعا البت بوسى و امانى غير دادا و علاء طبعا
اية اكتر مغنى(عربى+اجنبى)بتحبو: عربى ايهاب توفيق و اجنبى ..........
اية اكتر ممثل(عربى+اجنبى)بتحبو: عربى محمود ياسين واجنبى ........
اية اكتر نادىفى(مصر+العالم)بتحبو: مصرى الاهلى و اللون الاحمر انما عالمى مش هتفرق كتير
المهنة: طالبه مع مرتبه الشرف
بتتمنى اية لمستقبل المنتدى: يكون اكبر منتدا و يفيد كل الاعضاء ان شاء الله

مرسيه يا لول ع الموضوع التحفه ده

منتحرمشى منك ياجممممممممممميل

عدل سابقا من قبل في 9/19/2007, 16:40 عدل 1 مرات

شكرا يا بوسي وافرديت ومي .... تم تكوين بطاقة شخصية ليكوا علي المنتدي
اما اكون لنفسي بقي ههههههههه

اقتباس :: اسمك الحقيقى :علاء فتحي

سنك:19 سنة و8 ايام ونورتوني يا جماعة في عيد ميلادي بالمنتدي

اشمعنى سميت الاسم دة اللى عالمنتدى:لان الطبيب الانجليزي هوة افضل طبيب في العالم.ومقياس العالم في مهنة الطب (طبيب شاطر يعني )هههه

اة قدوتك فى الحياة:بعد ماما وبابا يبقي اخويا الكبير..

مين اقرب الناس ليك:اختي

اة ترتيبك فى البيت:رقم 4 ووليا اخ صغير بعدي

فى سنة كام:3 طب عين شمس

اية الشهادات اللى حصلت عليها: اول شهادة رسمية هيا تالت مدرسة في الاعدادية
وشهادين تقدير علمي اعدادي وثانوي .....بس لسة بدرس

اة هواياتك:سباحة وكرة قدم

بتحب تاكل اية:رقاق باللحمة المفرومة

سفرت فين ابل كدة برة مصر:لفيت العالم علي النت.هههههه (لا لسة)

البلد(الجنسية+الاقامة):مصري --->متنقل بين القاهرة والمحلة الكبري

اقرب حد ليك علي المنتدي:كل الناس الحمد للة بس في المقدمة دادا وبوسي ومي واماني .و whisper .ومودي

اية اكتر مغنى(عربى+اجنبى)بتحبو:عربي يبقي عمر دياب. اجنبي يبقي enrique iglesias و celine dion

اية اكتر ممثل(عربى+اجنبى)بتحبو:احمد السقا وكريم عبد العزيز. براد بت وكولين فاريل

اية اكتر نادىفى(مصر+العالم)بتحبو:مصر يبقي الاهلي.. والعالم مدريد ومنشستر
المهنة:طالب جدا

بتتمنى اية لمستقبل المنتدى:اتمني انة يبقي مقر احترام واهتمام وتقدير كل الاعضاء الي ان نصبح اسرة بجد انشاء الله تسعي فقط في تلبية رغبات الاخرين و رفع اسم وشان المنتدي

زطبعا شكر خاص جدا لمرسل الموضوع الي هوة انا (^_^)

موضوع: رد: البطاقة الشخصية للاعضاء 9/18/2007, 04:36

ونبتدى بأسم الله ::

اسمك الحقيقى : محمد

سنك: 19 وشوية

اشمعنى سميت الاسم دة اللى عالمنتدى: مش الدلع بتاعى اولا بس متعرفشى جت ازاى واللهى ليا اخت وهيا صغيرة كانت بتنادى علية بالاسم دة بمعنا حماده فاخت الاسم دة ودخلت بية عالم المنتديات

اة قدوتك فى الحياة: كل انسان محترم ويحافظ على كرامتة ومجتهد يكون قدوتى

مين اقرب الناس ليك: اصحابى ومش كتيييير

اة ترتيبك فى البيت: الكبير وليا اختين اصغر منى

فى سنة كام: فى 3 كلية تجارة

اية الشهادات اللى حصلت عليها: كتيييييييييييييييير اوى شهادت الابتداية وانا فى سن مش فاكر وشهادة الاعداية وبردة مش فاكر ومش شهادت الثانوية وبردة مش فاكر وشهادة نحو امية قبل دا كلة ههههههههههههه

اة هواياتك: بحب الرياضة عموما بس بعشق السباحة

بتحب تاكل اية: لا الاكل الا الاكل انا بموووووووووووووووووووووووووت فية وبحب كل حاجة والحمدلله ماعدا (( الحاجات الخضروات الخضرة ))

سفرت فين ابل كدة برة مصر: جمصة

البلد(الجنسية+الاقامة): مصراوى محلاوى

اقرب حد ليك علي المنتدي: كلهم اصحابى

اية اكتر مغنى(عربى+اجنبى)بتحبو: عربى اممممم حسام حبيب وتامر حسنى اجنبى سيبك منة

اية اكتر ممثل(عربى+اجنبى)بتحبو: عربى ممكن احمد السقا وحلمى وهنيدى واجنبى سيبك منه

اية اكتر نادىفى(مصر+العالم)بتحبو: فى مصر اسمنت الاقصر وعالمى نادى مش متابع

المهنة: طالب القرب

بتتمنى اية لمستقبل المنتدى: اممممممممم يبقى اكبر منتدى فى العالم كلة ان شاء الله

موضوع: رد: البطاقة الشخصية للاعضاء 9/18/2007, 04:43

اسمى الحقيقى : محمد

السن : 19

اشمعنى الاسم ده على المنتدى : انا حر يا عم علاء انتا هتشاركنى ( عشان لما كنت صغير اوى كانت فيه واحده جارتى اسمها همس كانت جميله جدا جدا جدا و كانت روعه شقراء و عنيها زرقه

بس مكنتش بتشوف و انا لحد دلوقتى لسه فاكرها )

قدوتى فى الحياه : لا والله مليش قدوه ( عامل مشاكل مع ابويا )

أقرب الناس ليا : مش كتير بس منهم علاء فتحى

ترتيبك فى البيت : الرابع برده و فيه اخ بعدى

الشهادات التى حصلت عليها : شهاده تقدير و ميداليه فضيه فى السباحه و سنه خامسه ابتدائى و تالته اعدادى و بس لسه بقى لما اتخرج اخد شهاده ( ابقى قابلنى )

سنه كام : ههههههههههههههههه يا دى الاحراج

هواياتك : بلعب جيتار و بحب الانترنت جدا و السباحه

بتحب تاكل ايه : يا عم قول مش بتحب تاكل ايه انا باكل اى حاجه

سافرت فين بره مصر : تل ابيب ( لسه )

البلد : المحله الكبرى مساكن الشركه عماره 25 شقه 4 الدور التانى على الناصيه هههههههههههههههههههههههههههههههههههههههههههههههههههه

اقرب حد ليك على المنتدى : دكتور علاء و المدير العام و امانى

اكتر مغنى ( عربى + اجنبى ) بتحبه : عمرو دياب و نانسى عجرم

اما اجنبى Jojo \Avril lavigne\Brian adams\

اكتر ممثل عربى و اجنبى بتحبه : خد عندك ( كريم عبد العزيز و احمد حلمى )

اجنبى خد عندك ( mel gibson\nicolas cage )

اكتر نادى فى مصر + العالم بحبه: طبعا الاهلى عالميا برشلونه

المهنه : طالب و بشتغل بعد الظهر

بتتمنى ايه فى المستقبل للمنتدى :

يا رب يكبر كده و يبقى تمام اوى و يدخل الجامعه الامريكيه و يجيب عربيه قادر يا كريم و مش كده و بس لا ده يسافر و يتعلم بره و يبقى تمام

ههههههههههههه ( يارب يبقى احسن منتدى فى الوجود و بتمنى كل واحد فى الكره الارضيه يدخل يشوف شباب و بنات المحله الكبرى بيعملو ايه )

WhiSpeR

موضوع: رد: البطاقة الشخصية للاعضاء 9/18/2007, 04:48

على رأى الراحل العظيم نجيب الريحانى

ايييييييييييييييييييييه ده كله

ايييييييييييييييييييييييييييييييييه ده كله

تسلم ايدك يا علاء الموضوع جديد من نوعه

و الناس مصدقت و كله اعد يكتب

حتى انا

امووووووووووووووووووووووة على بوزك

WhiSpeR

موضوع: رد: البطاقة الشخصية للاعضاء 9/18/2007, 10:21

اسمك الحقيقى : محمد راضى
سنك: يوم 6اكتوبر الجاى ابقى 19 سنة
اشمعنى سميت الاسم دة اللى عالمنتدى: اسم الدلع بتاعى
اة قدوتك فى الحياة: بابا
مين اقرب الناس ليك: ماما واصحابى
اة ترتيبك فى البيت: الاول وعندى اختين
فى سنة كام: تالتة طب
اية الشهادات اللى حصلت عليها: شهادات تقدير بالهبل من هنا ومن السعودية
وشهادة استثمار من الحزن الوطنى لا مؤاخذة اصلى ألدغ
اة هواياتك: اى حاجة الا القراءة
بتحب تاكل اية: مابحبش انواع اكل كتير
سفرت فين ابل كدة برة مصر: السعودية
البلد(الجنسية+الاقامة): المنوفية عظم الله شأنها مصرى
اقرب حد ليك علي المنتدي: لسه مافيش بس لولو طبعا معايا ع طول
اية اكتر مغنى(عربى+اجنبى)بتحبو: مش هاوى اوى
اية اكتر ممثل(عربى+اجنبى)بتحبو: مش بحفظ اسماء
اية اكتر نادىفى(مصر+العالم)بتحبو: الاهلى بس بيصعب على الزمالك فى اوقات
المهنة: المستقبلية دكتور ناجح وله طموح كبيرة بحلم انى اكون وزير عشان افرح بابا
بتتمنى اية لمستقبل المنتدى: يارب ينجح ويبقى فيه ناس كتير والناس اللى فيه يبقىوا متواصلين
مع بعض نفرح سوا ونزعل سوا ربنا مايجيب زعل يارب

ده بكل بساطة انا حد عنده اعتراض شكرا يا لولو على الموضوع المتميز ده

موضوع: رد: البطاقة الشخصية للاعضاء 9/18/2007, 13:25

بسم الله الرحمن الرحيم ..

تم ايضا تكوين بطاقة لكل من dr_3la2oxford الي هوة انا
والادمن dada
وmody radi حبيب قلبي طلعت اصغر مني يا كتكوت

اما whisper بقي يا معلم بطاقتك كمان شهر عشان مخبرين المنتدي يظبطوك
ولا اقولك انت حبيبي بردة تم التكوين بنجاح

وشكرا لكل الاعضاء علي المرور ويا رب باقي الاعضاء كلهم .عشان يبقي ملف رسمي ...وشكرا دادا علي التثبيت
سلام

موضوع: رد: البطاقة الشخصية للاعضاء 9/18/2007, 14:14

انا كتكوت ماشى طالما انا اصغر وطالما انت الكبير بقى تبقى الفرخة يابيضة
وانت طنشت البنات ولا ايه مالهمش ملفات شخصية احسن برضه

موضوع: رد: البطاقة الشخصية للاعضاء 9/18/2007, 14:51

السلام عليكم و رحمة الله

dr_3la2oxford كتب:: بسم الله الرحمن الرحيم

انا طبعا احب اقدملكم الموضوع دة عشان نتعرف على بعض اكتر و من خلال البطاقات هنتعرف على بعض و البطاقات دى عبارة عن اسئلة و المطلوب منك تجاوب على الاسئلة دى ok :
أهلا و سهلا، على الرحب و السعة
اسمك الحقيقى :سمير
سنك:21 سنة و11 شهر بضعة أيام
اشمعنى سميت الاسم دة اللى عالمنتدى: لأنه الحقيقي
اية قدوتك فى الحياة:بعد رسول الله ، الأب الغالي
مين اقرب الناس ليك: الأم العزيزة
اية ترتيبك فى البيت: الأخير
فى سنة كام: اعتزلت الدراسة
اية الشهادات اللى حصلت عليها: باكالوريا في العلوم التقنية
اية هواياتك: كرة القدم(ممارسة و متابعة) و البرمجة
بتحب تاكل اية: أكلات مغربية
سفرت فين ابل كدة برة مصر: أنا مغربي لم يسبق لي أن سافرت خارجه
البلد(الجنسية+الاقامة): مغربي+ المغرب
اقرب حد ليك علي المنتدي: الكل
اية اكتر مغنى(عربى+اجنبى)بتحبو: لا أحد
اية اكتر ممثل(عربى+اجنبى)بتحبو: لا أحد
اية اكتر نادىفى(مصر+العالم)بتحبو: في مصر أشاهد الندية العملاقة أحيانا مثل الأهلي و الزمالك و الاسماعيلي و الأنبي +في المغرب أفضل نادي الرجاء البيضاوي و الوداد و الجيش الملكي + و عالميا أعشق النادي الاسباني برشلونة و أتابع الأرسنال الانجليزي و ميلان الاطالي و باييرن ميونخ الألماني و أجاكس الهولندي و اللائحة طويلة
المهنة: تقني في تصميم الملابس + تركيب و تطوير أجهزة الاستقبال التلفزيوني
بتتمنى اية لمستقبل المنتدى: النجاح و الجدية
و احب اختم و اقولوكم ياريت الكل يسجل علشان نتعرف على بعض اكتر وخصوصا الاعضاء الجدد.وشكرا
شكرا لك يا أخي ،، نحن في حاجة الى هذه المعلومات عن بعضنا
بارك الله فيك
أخوك سمير
أهلا دوما

موضوع: رد: البطاقة الشخصية للاعضاء 9/18/2007, 20:12

هههههههههههههههههههههههههههههه

واد whisper انتا نسيت تكتب رقم التلفيون بتاعك

ابقى خلى بالك ياعم من الحاجات الصغيرة دى متفوتكش

هع هع هع هع هع هههههههههههههههه

بجد انا سعيد جداااا بكل اللى اشترك فى الموضوع الجامد دة

يارب نفضل كلنا مع بعض طوووووووول العمر ان شاء الله

تحيتى للجميع

موضوع: رد: البطاقة الشخصية للاعضاء 9/18/2007, 22:56

اسمك الحقيقى :.......أماني

سنك:....19 سنة وسبعة شهور

اشمعنى سميت الاسم دة اللى عالمنتدى: ...عشان إسمي الحقيقي

اية قدوتك فى الحياة:....كل واحد ناجح

مين اقرب الناس ليك:...ماما وأختي

اية ترتيبك فى البيت:..أنا التالثة فيه إتنين قبلي وتلاتة بعدي

فى سنة كام:....التانية لغات

اية الشهادات اللى حصلت عليها:....لسة بدرس

اية هواياتك:....الرياضة والتعارف

بتحب تاكل اية:...أيي حاجة بتعملها ماما بأكلها

سفرت فين ابل كدة ....فرنسا إسبانيا هلندا لندن بلجيكا والمغرب

البلد(الجنسية+الاقامة):...الجنسية بلجيكية من أصل مغربي الإقامة بلجيكا

اقرب حد ليك علي المنتدي:...كلهم حبايبي وبموت فيهم

اية اكتر مغنى(عربى+اجنبى)بتحبو:..أجنبي..celinediom...usher
عربي تامر حسني وعمر دياب

اية اكتر ممثل(عربى+اجنبى)بتحبو...عربي ماجد المصري

أجنبي توم كروز

اية اكتر نادىفى(مصر+العالم)بتحبو:...مبفهمشي في الكرة
المهنة:..................طالبة
بتتمنى اية لمستقبل المنتدى......بتمنى للمنتدى الرقي والإزدهار ويبقى أكبر منتدى عربي في العالم

موضوع: رد: البطاقة الشخصية للاعضاء 9/18/2007, 23:44

بسم الله ما شاء الله الموضوع عامل ققلق في المنتدي وبجد متظر جميـــــع الاعضاء بلا استثناء .....

وتم استخراج بطاقة مصرية مغربية خاصة لكل من prince samir واماني وبجد نورتوا الموضوع ..... سلام

عدل سابقا من قبل في 9/19/2007, 15:16 عدل 1 مرات

موضوع: رد: البطاقة الشخصية للاعضاء 9/19/2007, 15:13

اسمك الحقيقى :هاله
سنك:20
اشمعنى سميت الاسم دة اللى عالمنتدى:عشان ده دلعى وبحبه زيى اسمى واكتر
اية قدوتك فى الحياة:مامى
مين اقرب الناس ليك:مامى
اية ترتيبك فى البيت:الكبيرة
فى سنة كام:3
اية الشهادات اللى حصلت عليها:لسة محصلتش بس هحصل ع بكالوريوس طب بعد عمر طويل ان شاء الله
اية هواياتك:افتح نت
بتحب تاكل اية:كل الاكل حلو مفيش حاجة اسبشيال
سفرت فين ابل كدة برة مصر:نوووووووووووووو
البلد(الجنسية+الاقامة):مصرية ولى الشرف
اقرب حد ليك علي المنتدي:علاء فتحى
اية اكتر مغنى(عربى+اجنبى)بتحبو:حليم وتاركان
اية اكتر ممثل(عربى+اجنبى)بتحبو:احمد حلمى وتوم كروز
اية اكتر نادىفى(مصر+العالم)بتحبو:الاهلى
المهنة:طالبة غلبانة
بتتمنى اية لمستقبل المنتدى انه يكون احسن منتدى طبعا وتكون الاستفادة منه جامدة

موضوع: رد: البطاقة الشخصية للاعضاء 9/19/2007, 15:38

نورتي ملفات المنتدي وتم استخراج بطاقة شخصية ليكي يا lolla
يالة يا جماعة مين لسة مطلعشي بطاقة ؟؟؟؟؟

موضوع: رد: البطاقة الشخصية للاعضاء 9/19/2007, 15:56

الله الله الله

انتو شكلكو كده

عاملين الليله عليا

شكلكو كده بتهزرو هزار بوابين

على العموم ياسطى انتا و هوا

البطاقه لو مجتش

انا هقدم بلاغ

انا كمان ابويا محامى هيوديكو فى داهيه

الى خد البطاقه يجبها احسنله

WhiSpeR

موضوع: رد: البطاقة الشخصية للاعضاء 9/19/2007, 16:55

أنت ياد ياعلاء أنت نستنى ولا ايه عايزه بطاقه

زائر

اسمك الحقيقى :أحمد
سنك:20
اشمعنى سميت الاسم دة اللى عالمنتدى:اولا ده اسم اغنية لاكون..بس حسيت انها بتكلمني انا
اية قدوتك فى الحياة:كل شخص بيعرف هو عايز ايه
مين اقرب الناس ليك:مفيش حد قريب مني اوي
اية ترتيبك فى البيت:الكبير
فى سنة كام:3 حاسبات ومعلومات القاهرة
اية الشهادات اللى حصلت عليها: لسة بادرس
اية هواياتك:اكتب شعر وافتح نت
بتحب تاكل اية:اي حاجة ماما تعملها
سفرت فين ابل كدة برة مصر:العراق
البلد(الجنسية+الاقامة):مصري ولى الشرف
اقرب حد ليك علي المنتدي:دادا,اماني
اية اكتر مغنى(عربى+اجنبى)بتحبو:عبدالحليم,Enrique iglesias
اية اكتر ممثل(عربى+اجنبى)بتحبو:هاني سلامة والسقا وحلمي,Nicolas cage,Tom Cruise
اية اكتر نادىفى(مصر+العالم)بتحبو:الاهلى,AC Milan
المهنة:طالب
بتتمنى اية لمستقبل المنتدى انه يكون عالمي بجد ويكون فيه مليووووووووون مشترك

موضوع: رد: البطاقة الشخصية للاعضاء 9/20/2007, 02:09

علاء فين بطاقتى انا كماااااااااااان

انا عوزاها بقى مستعجل

موضوع: رد: البطاقة الشخصية للاعضاء 9/20/2007, 03:14

whisper

اقتباس :: شكلكو كده بتهزرو هزار بوابين

على العموم ياسطى انتا و هوا

البطاقه لو مجتش

انا هقدم بلاغ

الكلام دة يا معلم تعملة علي اي حد تاني
وعشان عندك دة بقي هتكون بطاقتك اخر الشهر وابقي وريني بقي هتعمل اية .... عاوز تبلغ بلغ يا مان احنا مبيهمناش
..........................................................................

بوسي

اقتباس :: أنت ياد ياعلاء أنت نستنى ولا ايه عايزه بطاقه

بالفعل يا بوسي تم استخراج بطاقة رسمة ليكي وان قولتلك قبل كدة
عموما طبعا انتي عارفة اني عمري ابدا منساكي ...والله عيب عليكي تقولي كدا . ونورتي التوبك
...........................................................................

مي

اقتباس :: علاء فين بطاقتى انا كماااااااااااان

انا عوزاها بقى مستعجل

خليكي كدة يا مي مستعجلة لحد متلخبطيني في الاوراق الرسمية للمنتدي .. عموما بطاقتك جهزت من زمــــــــــان ....ونورتي التوبك
..........................................................................

mr lonly

اقتباس :: اشمعنى سميت الاسم دة اللى عالمنتدى:اولا ده اسم اغنية لاكون..بس حسيت انها بتكلمني انا

الاغنية دي بتاعت الفنان akon .....
هدية مني ليك يا مان موجود الكليب بتاعها في قسم الكليبات الاجنبي .
ونورت وشرفت التوبك ....وتم استخراج بطاقة رمسية لية في المنتدي .

.....................................................................
باقي الاعضاء الي لسة مشاركتشي في التوبك يا جماعة
الحق دورك قبل منقفل السجق المدني .....hehe'

bye

موضوع: رد: البطاقة الشخصية للاعضاء 9/20/2007, 14:52

اسمك الحقيقى :إيمان الماحي

سنك:22 سنه ويوم

اشمعنى سميت الاسم دة اللى عالمنتدى:بحب إسمي جدا و معروفه بيه كدا

اية قدوتك فى الحياة:أكيد الرسول عليه الصلاة والسلام

مين اقرب الناس ليك: أصحابي السته ثم بابا

اية ترتيبك فى البيت:الأولي بعد بابا و ماما

فى سنة كام:خلصت جامعه أهو الحمد لله

اية الشهادات اللى حصلت عليها:بكالوريوس علوم

اية هواياتك:القراءه والكتابه

بتحب تاكل اية:شكولاته

سفرت فين ابل كدة برة مصر:مفيش بس ربنا يسهل وتحصل

البلد(الجنسية+الاقامة): طنطا

اقرب حد ليك علي المنتدي:أماني ومحمد وعلاء

اية اكتر مغنى(عربى+اجنبى)بتحبو:فضل شاكر

اية اكتر ممثل(عربى+اجنبى)بتحبو:صلاح السعدني

اية اكتر نادىفى(مصر+العالم)بتحبو:الأهلي

المهنة:لم أعمل بعد

بتتمنى اية لمستقبل المنتدى:يضم موضوعات جامده و اعضاء من كل أنحاء العالم

شكرا

زائر

شكرا ليك يا علاء..

علي البطاقة وعلي الكليب بس يا مان الكليب اكيد موجود عندي من زماااااااان

دي علي اسمي...ههههههههههههههه

شكرا ليك يا مان بجد

» اسئله للاعضاء (جاوبو بصراحه)
» شرح طريقة وضع اغنية في موضوع جديد (للاعضاء الجدد)
» من انا الشخصية رقم 10
» من انا الشخصية رقم 11
» من انا الشخصية ال 12