عاوز حل والنبي

اولا انا أسمي أحمد

كلية تجاره جامعة طنطا

انا لما بحب.بحب بجد

ببأه عاوز أعمل أي حاجه عشان مش أزعل حبيبتي مني

يعني بفرح اوي لما تطلب مني حاجه حتى لو انا مش هقدر أعملها

وبفرح أكتر لما بجبلها اللي هيا عاوزاه

بحاول بقدر الإمكان مزعلهاش

بكلمها على طول عشان مش تحس اني بعيد عنها

انا كنت بحب واحده أوي أوي

معايا ف الكلية

ف الأول كنت واخد الموضوع كصداقه

وبعدين هيا لفتت نظري ليها وحاولت تغير الصداقه وتبأه علاقه حب

يعني مثلا

قالتلي انا جبت أمبارح طقم جامد

بس انتا لو شفتني بيه هتزعألي

قولتلها وأزعألك ليه.انا مالي

قالتلي طيب

كانت تعمل حركات كتير من دي معايا

لحد ما خلتني آخد بالي منها غصب عني

حبتها بجد

والله العظيم حبتها

كنت بعملها اللي هيا عاوزاه

مكنتش بزعلها

مكنتش بحب أزعألها

أول كلمه بحبك قولتلها كانت يوم الخميس

15/9/2006

الساعه 9 و3 دقايق بليل

يوم عيد ميلادي

قالتلي وانا كمان

فرحت أوي

كملنا مع بعض سنه و8 شهور

لحد ما جه يوم

اتصلت بيها يوم التلات الصبح الساعه 10 ونص

عشان أقومها من النوم عشان أبعتلها شويه مراجع

هقولكم المكالمهة بالظبط

ألو

ألو

أزيك يا ...........(من غير زكر أسماء)

الحمد لله .ازيك انتا يا احمد

الحمد لله

بقولك ايه.قومي بأه عشان........

استنى يا احمد.قبل ما تقول اي حاجه.عاوزه أقولك حاجه مهمة

ها.قولي يا حبيبتي.انا سامعك

أحمد..

نعم يا روحي.

انا بحب واحد تاني.......................

مين؟؟ ولا أقولك بلاش تقولي..خدي بالك من نفسك.لا اله الا الله(دا كله وانا بعيط)

أحمد استنى

وقفلت السكه

عيطت.أول مره أعيط جامد كدا

محاولتش أسأل ليه عملت فيا كدا

عشان كنت عارف السبب

أعدت تتسلى بيا سنه ونص

تعبت بعدها جامد

بعد اللي حصل دا بشهر جات واحده وقالتلي انا بحبك وهعملك كل الي انتا عاوزه

كنت رافض الموضوع

مردتش أحب .عشان كنت خايف

كنت خايف أوي

جات البنت دي وقالتلي حبيبتك الأولانيه هيا اللي قالتلي قوليله انا بحبك وكانت عاوزاني أتسلى بيك

بس أنا بحبك بجد

عيطت تاني

عشان انا معملتلهاش حاجه وحشه

سابتني من غير سبب

وكمان مش سايباني ف حالي

ولما عرفت انها باعته بنت تتسلى بيا معملتش حاجه خالص

عشان كنت لسه بحبها

بدأت أنساها واحده واحده

جربت احب تاني

عملت نفس الكلام معاها

كنت مش بزعلها

دايما معاها

كنت بجبلها اللي هيا عاوزاه.كنا بنشجع بعض ع الصلاه وبنتسابق ف حفظ القرآن.

لحد ما وصلت لدرجه اني مش هقدر اتخلى عنها

روحت لواحد صاحبي ف يوم البيت

حكيتله عنها

قالي اسمها ايه

قولتله كذا كذا

قالي بلاش دي

قولتله دي مؤدبه وأموره وبتحبني أوي

قالي طب أستنى هوريك

لقيته اتصل بواحده ف التليفون

وقالي هتشوف بعنيك

الباب خبط وصاحبي راح فتح.وسمعت صوت بنت مش غريب عليا

لقيتها داخله البيت

لقيتها ادامي

مكنتش مصدأ نفسي

كانت لسه قبلها بيوم معايا وخارجين مع بعض.

هيا كمان مكنتش مصدأه ان انا قاعد ادامها

مكنتش عاوز أعيط

والله الدموع نزلت لوحدها.كنت مصدوم.

سبتها ومشيت

لقيتها بتتصل بيا وبتعيط

قالتلي انا أسفه

انا مش هعرف أعوضك تاني

مش هلاقي حد زيك

قولتلها دي المره الكام اللي روحتيها عنده

قالتلي تالت مره

وآخر مره

مكنش باين عليها

أموره جدا جدا جدا

كانت تمشي ف الشارع تبص ف الأرض

انا تعبت

والله تعبت

حد يشوفلي حل

انا اتعقدت

شكرا على اهتمامك يا شهد

اولا يا احمد باشا

منور حدوته
وانا معاك فى الكليه

المهم بقولك

حاجه بسيطه ومهمه

اللى بيحب عمرة ما بيخون او بيخدع

واللى يبعيك بيعه

ولو كان مين

متحاولش تبقى مطيع اوى لاى بنت وحاول يبقى ليك شخصيه عليها

ومتخليش علاقتك باى بنت تبعدك عن ربنا

وتحاول تخلى عقلك شغال شويه معاهم ومش تغمض عينيك وتقول امين وخلاص

فكر الاول قبل الارتباط

وكل ارتباطات الجامعه دى معظمها بيفشل

فكر فى دراستك ومستقبلك

وشوف الكل بيعمل ايه واعمل زيهم

طبعا فاهمنى

سلام يا برنس

أحمد باشا الاول اذيك

ثانيا بجد كلامك اثر فيا قوي يااة انا حسيتلك ب الظلم سلف

بس حسيت انك راجل ف كلامك والله


بص يا سيدي ومن اري المتواضع

البنت الاولي : يا احمد انا بحب واحد تاني .... ب السلامة يا حلوة وربنا يوفقك وتنساها وش .. وبعد ما عرفت انها باعتة واحدة تتسلمي بيك ..... تلكمها تقولها زمان قولتلك ربنا يوفقك دلوقتي باولك ف داهية ومش عاوز اشوف وشك تاني احسنلي واحسنلك يعني . وتمسحها من حياتك تماما


انما البنت التانية الي لقيتها ف شقة صاحبك جاية دي والله اعلم كانت رايحة عندة تعمل اية بس شكلها كدة بنت نص كم ( متزعلش مني )

ودي شرف ليك انك اساسا متعرفهاش تاني

اخيرا انت بجد كبرت ف نظري واحترمت طريقة تعاملك
بس انا عاوز اقولك اوعي تككوون ف يوم ضعيف قدام اي حب ملهوش لازمة واوعي تزعلي علي بنت متستاهلش ولا تقدر حبك

ودة نعمة من ربنا عليك اساسا انك تفركش مع ناس زي دوول واهي تجربة اتعلمت منها وهتنساها مع الوقت متقلقشي

مش دة بدل ما لقدر الله كنت تتجوز حد منهم وتلاقيها ف بيت صاحبك ولا اية ؟

احمد ربنا يانبي والله واكيد ربنا مش راضي لك بدوول وهيبعتلك الي انت فعلا تستحقها وهيا تستحقك

اخيرا احب احييك علي شجاعنك ف عرض الموضوع

سلام يا صديقي

الســـلام عـليكم يـا أحـمد يـارب تكون بـي الـف الخـير يـارب

بـنسـبة لـي مـوضوعك أنـا قـريته كـامل وشفـت ردود الأعضـاء مـاشـاء الله كـفو ووفـو فـي رد

وكلـنا نحـيك علـى صـراحتك وأنك ظـاهر بي حـقيقتك وهـذا شـي جـميل

طـيب شوف يـاغالي

البـنت إلـي حـبيتها سـاسا خـانـتك لـي أنـها بتحـب واحـد ثـاني

وانـت مسـكين قـاعدة سنـة ونصـ عـلى بـالك انها

تحـبك وهـي لـي الاسـف خـانتك أو بمـعنى أخـر ( انها تتسـلى بـيك )

يـعني مـاصـرحة من البـداية وقـالت اني بحـب واحـد ثـاني

وثـانـية كـذالك وكـانت كـلها فـي الاخـير مجـرد تسـلية بـيك ولي مشـاعرك بـس

لـكن بـدي أقولك عـلى نقـطة وانـا لا حـظتها يـا أحمد انـك لـي

الأسـف عـدت نفـس شـي بـدون اي تفـكير وهـي إلـي عـقدتك

ـــــــ ـــــــ ـــــــ ــــــ

أنـك مشـيت بـي قـلبـك قـبل مـاتمشـي بـي عقـلك يـا أحـمد وهـذا الـواضـح جـد لـي

أنـك حـبيت وحـــــدة ثـانية بـدون أي تفـكير بـدون مـاتسـال هل هي حبت مـن قبل ولا لا

وتسـالها كـل صغيرة وكـبير منها وتخـتبرها

وأنت لـي الاسـف عـلى بـالك أنها بتحـبك وانـت بتحـبها حـب صادق وهـنا مـشكلة

لـي أنـك مشـيت ورا قـلبك يـاغالي

ـــــــ ـــــــ ـــــــ ــــــ

وشـوف يـا أحـمد حـل مـافي غـير أنـك تنـسى إلـي فـات واعـتبره درس لـيك علشـان مـرة ثـانية

لـو صـادفك أنـك حـبيت أو تبـغ تحـب قـبل كــــــــــــــل شـــــــــــــــي فـكر بـي عقـلك أولا وحـط تحـت الـبنت

والحـب مـليون خـط عـلشان مـاتنـصـدم بي أي صـدمات قـوية

والله يـوفقـك ويـرزقك بي بنـت الحـلال

تقـبل مروري

في رعـاية الله

انا في الاول لازم احييك يا احمد على حاجات كتير
اهم حاجه فيهم انك مع ربنا
وصدقني اللي حصلك ده حصل لناس كتير بس احسن حاجه فيك انك بتلجا لربنا دايما
ونصيحه من اخوك اوعى تخلي الموضوع ده يعقدك من الحب ونصيحه تانيه متحولش ترتبط وانت في الكليه خلص الاول وبعدين ربنا ان شاء الله حيرزقك ببنت الحلال

وحياة ربنا انتا اتكتبلك عمر ..
احمد ربنا انه كشفهالك قبل الارتباط الرسمي
بص متسعاش للحب خليه يجيلك لحد عندك ووفكر بعقلك وقلبك
انتا حد طيب بجد وربنا هيعوض عليك ياللي تملى عينك وتحبك وتصونك
وكمش معنى تجربه فشلت ان الدنيا خلصت
لا لسه الحلو جاي ...

فارس

انا اخر حد رد وتقول يا فارس بدل ما اسحب كلامي
ههههههههههههههههههههههههههههه
ايه ده .. حسبي الله
فارس