الشياطين الحمر ف اوروبا.....مش هتقدر تبطل ضحك

بدأ الموضوع وأنا كنت في انجلترا كنت رايح اعمل شوبنج كدة وراجع علي طول

المهم أنا كنت هناك

وكنت بشتري كورة اديداس وكانت اخر قطعة

لسة بسأل عن السعر لقيت التليفون بيرن

مين الـ.....اللي بيكلم دلوقتي ده

لقيت واحد بيقولي بسرعة روح قدم طلب عاوزين نلعب في الدوري الانجليزي

طب وانا مالي

يا عم لمبادا انت مش مشرف الاهلاوية

قلت ايوة ايه دخل الاهلي بالموضوع

قالي روح قدم طلب للأهلي انه يلعب في الدوري الانجليزي

وهنا بدأت الحكاية

كل الكلام الجاي بقي بالانجليزي يعني مترجم

وانا بقدم الطلب لقيت هناك بيكهام كان بيخلص شوية ورق كدة

قلتله:بيكهام حبيبي

قالي:ايه ده لمبادا!!!فبنك من زمان يا راجل

محدش بيشوفك ليه-كل ده طبعاً كان بالانجليزي-ازيك عامل ايه

انا قلت:انت بتعمل ايه هنا بس

قالي :ابدا كنت بخلص شوية ورق كدة وراجع امريكا علي طول...وانت بتعمل ايه هنا

قلتله:جاي اقدم طلب ان الاهلي يلعب في الدوري النجليزي اصلنا زهقنا من الدوري المصري محدش عارف يغلبنا اهو

يمكن لما نيجي انجلترا نتغلب

واهو منه نلعب في دوري ابطال اوروبا

قالي:عندك حق...بقولك ايه انا عاوز العب في الأهلي اصلي زهقت من جالاكسي الناس دي شكلهم كدة بيضحكوا عليا

ومشفتش منهم ولا مليم لغايه دلوقتي واهو بردو اخد كام بطوله كدة

قلتله:قشطة...يبقي تنزل معايا مصر وتتفاوض مع الخطيب وحسن حمدي ... دول حبايبي

قالي:ماشي

المهم انا دخلت لرئيس الاتحاد قالي:لمبادا انت فين من زمان يا راجل

قلتله:معلش عاوزين نلعب في الدوري الانجليزي بس خلصلي ورقي بسرعة الله يخليك

قالي:معلش والله ... روح لبلاتر ده حبيبي

قلتله:لا عادي اروحله وماله ما انا فاضي اصلي...ماشي يا سيدي بس المرة الجاية يا ريت تكون فاضي عشان مش

حتعدي علي خير

انا بقي خدت بيكهام وروحت زيونخ

وانا ماشي في الشارع انا وبيكهام الناس قعدت تقول:هو مين اللي ماشي مع لمبادا ده

المهم وصلنا لمقر الفيفا لقيت بلاتر كان طالع بالصدفة عنده حموضة فبيجيب سفن اب كانز

قالي : الله فينك من زمان يا لمبادا...يا مليون خطوة عزيزة... ومين اللي معاك ده

قلتله:ده بيكهام يا بلاتر انت نسيت ولا ايه

قالي:تسدأ فعلاً بيكهام..مش مهم..انا كنت رايح اجيب سفن اجيبلك معايا؟؟

قلتله:بس انا اللي حدفع

قالي:ماشي يا سيدي..والكابتن حيشرب حاجة...قلتلي ده مين

قلتله:ده بيكهام يا بلاتر

قالي:اه صح فعلاً ده انت لسة قايلي...بس ايه الفرص السعيدة دي

المهم واحنا قاعدين نشرب سفن قدام الكشك اللي قدام مقر الفيفا

بلاتر قالي:وايه سر الزيارة العزيزة دي

بيكهام قال:عزيزة دي تبقي....ههههههه

بلاتر قام قايل:لذيذ اوي الكابتن ده...ده بيكهام مش كدة

قلتله:سيبك بقي من بيكهام وعزيزة وخلينا في المهم...احنا دلوقتي عاوزين الأهلي يلعب في الدوري

الانجليزي...ايه

النظام؟؟؟

قالي:يلعب يا باشا..يلعب...ميلعبش ليه..طالما الاهلي عاوز يلعب في الدوري الانجليزي يبقي لازم ولا مؤاخذه نلعبه

رجعت بقي انا وبيكهام مصر وقعدت انا وهو الكابتن حسن حمدي عشان نشوف ايه الكلام...بيكهام حيلعب في

الأهلي

ولا لأ

ههههههههههههههههههههه
جامد التوبيك يادكتور
وسليملى بقى على بيكهام
انا مكنتش عرفة بس انتا عرفتهونى
تسلم ايدك

هههههههههههههههه
جامدة اوى يادوك
مشكور ياباشا
salam

هههههههههههههه
شربتة عصير قطب
اية الهنا دا
مستنية باقى الحلقات

هههههههههههههه
جامدة يالمبادا مستنين الباقى

اولييييييييييييييه اوليه اوليه اوليه
اوليه اوليه

مستنين الباقى ياجوزيه

اقتباس :

اولييييييييييييييه اوليه اوليه اوليه
اوليه اوليه

مستنين الباقى ياجوزيه

يا سلام عليك يا واد يا حمادة
ايوة كدا افتح نفسي

قلتله:مفيش كلام مابينا...انا جاي اقولك انك ان شاء الله حتيجي علي الأهلي وتروح ونبيعك لنادي السكة الحديد...وخلي سيون وبلاتر ينفعوك بقي

قالي:طب بقولك ايه انا عارف معزتك عند الكابتن حسن حمدي...بالله عليك انا عاوز ارجع...انت واقف ليه اتفضل ادخل... البيبسي عالنار والقهوة في التلاجة

قلتله:يا عمي انا مليش دعوة انا مبحبش القهوة...انا ماشي...سلا

مشيت طبعاً وفكتني منه خالص وهو عمال يحاول يرجعني وانا رافض تماماً إني اكلمه

انا بقي ركبت 128 ورجعت علي مصر

واحنا ماشيين علي طريق الاسكندرية زيونخ الزراعي الكاوتش فرقع

نزلت انا وكلمت مين بقي؟؟؟

كلمت بلاتر قلتله:ايوة يا بلاتر العربية عطلت...ابعتلي حد بسرعة

المهم بعتولي واحد ميكانيكي شغال في سويسرا

الراجل طلع نصاب وخد من بلاتر ضعف المبلغ المهم مش موضوعنا

انا رجعت الاهلي وهناك قابلت طبعاً أعضاء النادي كلهم عارفيني عشان انا اللي خليت الأهلي يلعب في الدوري الانجليزي

وعمالة تشاور عليا وتقول البطل اهو وبتاع

وصلت مكتب حسن حمدي لقيته قاعد في المكتب مع الخطيب

قلتلهم:خير

الخطيب قالي:احنا بنحاول نجيب لعيب سوبر بس الموضوع ده ميطلعش برة عشان انت عارف احنا داخلين علي دوري انجليزي وعاوزين نلعب في دوري أبطال اوروبا وبتاع

قلتله: متخافش خالص...روني مستعد ييجي...وكرستيانو كان بيلمحلي انه عاوز يلعب...واحنا عندنا بيكهام وابو تريكة وبركات...نجيب بيتر تشيك وناخد الدوري...والكوكا عليا

قالي:ماشي جيبلنا الناس دي كلها


وسيبنا احنا نكتب تاريخ الحضري للمحامي عشان يشوف هو حيعمل ايه</SPAN>

انا بقي سيبتهم ومكانش في جيبي غير ربع جنيه

نزلت ركبت الترام العابر للقارات واديت للكمسري ربع جنيه قالي لأ ده الترام غلي بقي بنص

انا قلتله:طب انا حدفع بعدين

قالي:براحتك ... انت نازل فين

قلتله:انا نازل في مدريد البلد

قالي:طب بسرعة عشان فاضل محطتين علي مدريد

بالصدفة قابلت كرستيانو في الترام

فرحت سلمت عليه

وطبعاً دفعلي هو وقلتله عالحكاية والرواية وانه لازم ييجي يلعب في الأهلي


قالي:ماشي ... عشان انت اللي عرضت عليا انا حفسخ عقدي مع الريال واجي العب في الأهلي


قلتله:بقولك ايه متروح تكلم الواد روني عشان ييجي يلعب عندنا..ولو قابلت تشيك قوم معاه بالواجب</SPAN>


طبعاً رونالدو ميقدرش يرفضلي طلب

راح كلم روني وتشيك والحمد لله وافقوا

................

يتبع


</SPAN></SPAN>

ههههههههههههههههههههه
جامدة اوووى الحلقات دى يا دوك
تحياتى

هههههههههههههههههههههههههههههههههههه
هههههههههههههههههه
ههههههههه
ههه
جامدة كيييييييييييييييييييييييك يالمبادا
مستنيين الباقى ياريس

يالا كمل القصه يا دوك
هههههههههه
بجد قصه جااااامده

الحلقه الرابعة (في تهييس كتير محدش يركز)


طبعاً يا جماعة زي ما انتم عارفين ان الأهلي حيلاعب تشيلسي في أول ماتش


عشان كدة كان لازم نوقف بيتر تشيك حارس عشان هو ادري بلعب تشيلسي


بس الحمد لله كان في استاد الأهلي اللي في مدينة أهلي سيتي اللي بنيناها في شارع سوريا..يا
عمي في هناك شارع سوريا مش عندنا احنا بس

طبعاً بقي الجمهور كان كتير جداً رابطة الأهلي جت ورانا لانجلترا


و ايدو قاعد في المدرجات اهو


انا شيفوه


قبل الماتش بـ3 دقايق أنا قاعد جمب البدري


لالبدري يقوم يدي التعليمات للاعيبة


بدأ الماتش الكورة مع تشيلسي...دروجبا يديها لكالو ...كالو مسابش حد الا وعداه...مرة واحدة وائل جمعة وقع علي الأرض مصاب...ايوة يا عم ما هو كبر خلاص وعجز


عملنا التغيير وائل جمعة خرج ولقيناش حد ينزل بداله جبنا واحد من الجمهور ونزل بداله والموضوع اتحل...بس للأسف طلع ايدو


الكورة تاني مرة مع تشيلي...جون تيري ...لدروجبا ...دروجبا وايدو..دروجبا وايدو


دروجبا وايدو دروجبا والجون...واحد صفر لتشيلسي


واحد بقي من جماهير تشيلسي رمي طوبة علي عين تشيك الواد وقع مقدرش يكمل


وامير في نفس ذات اللحظة جالة مغس


بدلنا تشيك ونزلت انا مكانه بقي


تشيلسي كمان هجمة خطيرة...وهوبا انا طلعت غلط المهم دروجبا عداني وخلاص دروجبا علي خط الجون ولسة حيحطها


رحت انا ناطت من علي نقطة ضربة الجزاء وضربت دروجبا ومسكت الكورة


الحكم حسب بنلتي واداني انذار


دروجبا قال بقي:وربنا لادخلها فيك يا حارس يا .............مش مهم تعرف قال ايه


قلتله:طب والله ما هي دخلة


قالي:حنشوف


دروجبا عمل نفسه حيشوط...انا نطيت غلط


قام شاط النحية التانية


رحت انا وانا في الهوا مغير اتجاهي وناطت وراها


تيجي يمين انا وراها...شمال انا وراها...لحد ما مسكتها

طبعا جمهور الأهلي كله قعد يقول...ارقص يا لمبادا


وانا مبعرفش ارقص


المهم...كرة خطيرة كمان هبا دروجبا داخل دروحبا والجون وهوبا ضربة جزاء...هو دروجبا ده موراهوش غيري ولا ايه؟؟؟


????? ?? ?????? ?????

والانذار التاني ليا بس الحكم نسي يطلع الطرد


هههههههههههههههههههه


انا بقي واقف


دروجبا شاطها من مرة واحدة وانا رحت ناطت وراها صاددها


راح دروجبا قايل:وربنا لاقول لأمي


المهم بقي فاضل 5 دقايق والماتش فرب يخلص


تاني كالو شاط شوطة من برة منطقة الجزاء أنا رحت ناطت جايبها وحطيت الكورة عالارض


وقلت:الهجمة دي جون التعادل


انا رحت ماشي دروجبا دخل عليا عديته


[وبعدين بلاك عديته وسبت الجون فاضي ورايا


عديت نص الملعب انا جاي اشوط خلاص...راح تيري مزحلق عليا...رحت انا واقع واخدت ضربة حرة مباشرة علي حدود منطقة الجزاء


ابو تريكة جاي يشوط جاله شد


نزلنا بقي مين؟؟؟


بيكهام بدل ابو تريكة


بيكهام جاي يشوط وقع علي الارض اتصاب وطلع برة الملعب يتعالج


قلنا خلاص...جلبرتو يشوطها...جلبيرتو خلاص داخل

بيكهام نزل جري وقام شايط الكورة
... وجووووووووووووووووووووووووووووووووووون


التعادل...اخيرا...الاهلي سيتي بقت حمرا...والجماهير بقي...اووووووووو اهلاوي.....اوووووووووووو اهلاوي


والبدري جالي مخصوص وقالي:فعلاً يا لمبادا انت اللي كنت ناقص الفريق


انا رجعت علي طول علي جوني طبعا بطل بقي


تشيلسي بيسنطروا


هبا دروجبا شاطها جامدة جدا بس الحمد لله جت في العارضة وطلعت اوت


انا بقي استغليت الفرصة..ناديت الواد ايدو قلتله:انا حباصيهالك وانت باصيهالي عشان اشوطها في الجون


قالي:طبعاً يا باشا


انا لعبتها لايدو ...ايدو لعبهالي


وشوطة...عالية..وهوبا ...الحارس طلعها كورنر


ورحت انا العب الكورنر


رحت هناك لقيت كل لاعيبة تشيلسي واقفين في الجون خايفين مني


بس لاحظت ان في ما يعادل خرم دبوس في الجون ممكن ادخل منه جون


رحت لافف الكورة في الجون دروجبا عمل فيها ناصح وكان عاوز يشوتها بس معرفش


وجووووووووووووووووووووووووووووون...التقدم للأهلي عن طريق اللاعب المتألق لمبادا


في أخر ثانية


دروجبا شاط الكورة من نص الملعب رحت انا بدل ما امسكها عكستها علي الجون بتاعهم...وهوبا الكورة جت في العارضة الحكم صفر


والحمد لله كسبنا


وطبعاً اخدت احسنلاعب في المباراة...والجماهير قعدت تقول ارقص يا لمباداا

ووالبدري: انا مش عارف حنعمل ايه من غيرك...في خمس دقايق تسببت ف جونين...احمدك يا رب واشكر فضلك


في الحلقة القادمة ...الأهلي يلعب امام مدلسبرة..وميدو يسجل هدفين في أول دقيقة...انتظرونا


يتبع

ههههههههههههههههههههههههههه
جامدة كيك والله يالمبادا
بس عاوز اسأل سؤال
انتو بتلعبو فى ملعب خماسى ؟
اصلك ماقولتش فى الاهلى الا انت وايدوا وابو تريكة وبيكهام وجلبرتو
وفى تشيلسى دروجبا اللى بيقف فى كل حتى وكام لعيب كده
هو بصراحة يشبه للكابتن ماجد

كمل ياريس
الواحد هيس تهييس