اسئلة تجيب الضغط والله واكتر كمان

ساعات الواحد بيتسأل أسئلة ترفع الضغط وتجيب السكر
والغريبة أن هوا بيتضايق من الأسئلة دي وساعات بيسألها
لأن هي ممكن تكون غريزة عند الإنسان
هو نفسه مش عارف بيسألها ليه

يعني مثلا :

دخلت تنام علي السرير وقفلت النور وفجأة يدخل عليك أخوك ويقولك
أنت نايم ؟ !!!!!!!!!!!!
أكيد لأ أنا بقيس طول السرير

قررت تخرج ولبست ورايح للباب وفجأة حد يسألك
أنت خارج ؟ !!!!!!!!!!!
أكيد لأ أنا بجرب اللبس الجديد

قررت أنك تذاكر دخلت القودة والحمد لله مسكت الكتاب يدخل عليك حد
أنت بتذاكر ؟!!!!!!!!!!!!
لأ يا جماعة أنا بتفرج علي الصوراللى فالكتاب

قاعد مع أصحابك في مكان مثلا ولا ماشي في شارع البحر واحد قريبك شافك بيقولك أنت بتعمل إيه هنا
أكيد جاي أنظم حركة المرور في الشارع ههههههههههه

والله كدة كتير وحرام
وبنقول الناس بيجلها الضغط من اية
مش كفاية اللى بيحصل فالدنيا
يبقى احنا كمان
يالة نكمل

لا وتعالو شوفو قنواتنا العجيبه واسئلتهم !!
مثلا في العيد يقابلوا واحد من الناس شوفو الحوار :-
المذيع :- ااهلا بيك معانا عرفنا باسمك ؟
المواطن :- فلان الفلاني . . . . .
المذيع :- تقول لأهلك إيه بمناسبة العيد ؟ ! ! !
المواطن :- أقولهم كل عام وأنتم بخير . .
((طيب هايقولهم اية بالله عليكم دا كلام ))
يعني السؤال تحفه والمذيع ومعد البرنامج اتحف من السؤال

ولو مذيع قابل أطفال بقي يقولهم
أنت بتحب بابا وماما يا حبيبي
لأ هما اللى جبونا الدنيا هايقولك اية يعنى

برنامج مسابقات على الهوا :-
المتصل :- الوو السلام عليكم
المذيع :- وعليكم السلام اهلا وسهلا بيك معانا على الهوا
بص الكارثة الكبيرة والله المفروض يبقى اكتر من الضغط
المتصل:- ممكن اشارك
طيب اتصلت ليه لما أنت مش هتشارك
بجد بجد بجد حاجة تجيب الضغط

يعني ماشاء الله علي الأسئلة دي

انتو اية رائيكم فالكلام دا بتسالوا كدا بردة

حد بيسالكم

بتجيبوا لحد الضغط

حد بيجبلكم الضغط

بتديقوا حد اوى باسئلة مالهاش لزمة

فى سؤال حد سالهولك واستفزك

ياريت تقولولى رائيكم فالكلام دا

والله توبيك جامد ياتوتة
وفعلا اسئلة تجيب الضغط والسكر كمان
وبتتقال فعلا
وفى كمان مثلا تكلمى واحدة صاحبتك وهيه مسجلاكى عندها
وتقولك مين معايا
هيكون مين يعنى
دى حركة بتضايقنى جداااا
معلش طولت عليكى
salam

ميرسى يامحمد ياقمر
نورتنى ياقمر
ومتهيالى دية حاجات موجودة ومش هاتتغير

فــــعلا ههههه أسـئلة بترفع الضــغط وخصوصا في العــيد لمن بيقول هيك المـذيع سؤال ملوش داعي يسأله يقول

( تقول لأهلك إيه بمناسبة العيد ؟!!)

ههههههه سؤال دائـما بشوفها في المـذيع لكن شو أقول بس تسـلم ايدك تقبلي مروري

ميرسى يامهند نورتنى
بس والنبى مش حاجة تجيب الضغط بجد

طبـعا ياغالية شـي يجيب ضـغط وأشيـاء دائما نسمعها عمرها ماتغيرة تقبلي مروري

والله على رايك اسئله تجيب الضغط
بس بتبقى غصب عن الواحد بيسأل
يعنى مثلا بتكون غالبا بتحصل للشباب
يجى من بره واول ما ابوه او اموه يشوفوا
ايه ده انت جيت
(لاء اكيد لسه بره)

ولا مثلا تكونى نايمه على السرير
وحد ينادى عليكى وتقولى نعم
يقولك انتى نايمه
(اكيد انا نايمه منطقى جدا السؤال والله)

ولا مثلا معلش طولت عليكى بس فعلا افتكرتهم دلوقتى والله
حد بيسأل على حد والتانى يرد عليه هو فى الحمام
يروح يرد عليكى ويقولك بيعمل ايه
(اكيد بيقيس حراره الجو)

والله حاجه غريبه فعلا
مشكور ياتوتا على موضوعك
وده مش جديد عليكى ياقمر

حد بيسأل على حد والتانى يرد عليه هو فى الحمام
يروح يرد عليكى ويقولك بيعمل ايه
(اكيد بيقيس حراره الجو)

لا بجد دي جامدة جدااااااااااااااااا
ههههههههههههههههه
نورتى ياقمر دا الكل طلع شايل بقى
نورتنى ياريهام ياقمر ويارب الموضوع يكون عجبك

» اسكندرية كمان و كمان...(شتـــــاء 2009)
» قصة حب محزنة (والله تبكى الحجر والله)
» اسئلة جريئة جدا
» النهاردة العيد .... وبكرة كمان...
» كيف يكون الزوج الان كمان يومين ههههههههه