السلام عليكم
اولا ارجو ان الموضوع يعجكبوا وتستفيدوا منه
الحب :
هو اجمل واسمى وانبل المشاعر الإنسانية هو احلى حاجة فى الدنيا هو اللى بيحلى حياتنا وبيخلينا نتحمل مشقات المعيشة هو اللى بيطهر روحنا وبينقى احاسيسنا .
والحب ليه اكتر من نوع:
اول نوع حب الله سبحانه وتعالى وحب الرسول صلى الله عليه وسلم وده طبعا انبلهم واسماهم وافضلهم.
النوع الثانى هو حب الوالدين والأهل والأصدقاء.
اما النوع الثالث فهو الحب العاطفى اللى كلنا بنعيش ندور عليه وبنعيش بحلاوته وبنتعذب من مرارته وهو احساس متبادل بين طرفين او من طرف واحد وده بيكون اصعب انواع الحب واقساهم وامرهم .
الغريب دلوقتى والحقيقى والمأساة اللى احنا عايشين فيها كلنا دلوقتى وهى ان الحب بيعيش ايامه الأخيرة بينا وبالفعل مات عند ناس كتير اوى اللى هما مكبرين دماغهم اللى مش عايزين وجع دماغ زى معظم اصحابى اللى عايشين حياتهم ومبسوطين بالخروجات والفسح مع البنات والعلاقات بينهم سواء كانت علاقات شريفة او لأى اغراض تانية وهو ده الموضوع اللى انا عايز اتكلم فيه ان احنا دلوقتى مبندورش على الحب معظم الولاد والبنات ودول بقوا نسبة كبيرة اوى يعنى تقريبا ممكن توصل لحوالى 85% من الشباب اللى هما بيعشوا حياتهم يخرجوا مع بعض ويوهموا نفسهم انهم بيحبوا بعض لكن الحقيقى ان ده مش حب واحلى حاجة انك تلاقى الولد من دول يخرج مع البنت ويسمعها احلى كلام ويفهمها ان هو دايب وبيموت فى التراب اللى هى بتمشى عليه والبنت تصدق رغم ان هى عارفة ان هو بيضحك عليها وطبعا هو بيقول كده عشان طمعان فى مثلا مسكة ايد بوسة كده حضن كده او ممكن توصل لحاجات ابعد من كده زى مثلا ..... اكيد طبعا فاهمين وعارفين وده اللى ودانا فى داهية دلوقتى بتلاقى كل ولد مع بنت فى الجامعات والأماكن العامة وفى كل شارع وفى الكافيهات والسينمات ده مش بعيد تروح البيت تلاقى اتنين قاعدين عندك فى الصالة وطالبين من الهدوء عشان يتمتعوا بلحظة الحب الخالدة اللى عايشنها زى ماهما بيقولوا يعنى والمهم ان هما عارفين انهم بيضحكوا على نفسهم والدليل ان العلاقة بينهم بتستمر شهر او شهرين او سنة بالكتير اوى وبعدها تلاقى الولد ده مع بنت تانية والبنت دى مع ولد تانى ومش بعيد يكونوا صحاب ويبدلوا مع بعض عشان الملل برده والعملية ماشية كده .
اللى عايز اقوله لكل واحد حب بجد واتصدم واتجرح متزعلش الغلط مش فيك الغلط فيهم وفى الزمن لأن دلوقتى محدش عايز حب ولا ارتباط بجد لو انت كانت نيتك سليمة وغرضك شريف ونفسك فى ارتباط رسمى على سنة الله ورسوله مينفعش حتلاقى بتقالك خلينا اخوات او مينفعش وتلاقى نفسك اتكرهت وده عن تجربة شخصية والله حبيت مرتين بجد وفى المرتين اتكرهت وذنبى الوحيد هو انى حبيت بجد وكان غرضى شريف فعلا العيب فينا وفى الزمن مع اعتذارى للشاعر القائل :
(نعيب على زماننا والعيب فينا .. وليس لزماننا عيب سوانا) اانا مع احترامى ليه لكن بقوله ان العيب فينا وفى الزمن مع الأسف وده كله راجع لبعدنا عن ربنا وعن نسيانا لعظمة الخالق دلوقتى كله الشباب والبنات مش هامهم حد ولا الناس اللى شايفهم ولا ربنا اللى شايفهم وشايف الناس وده راجع لقلة الإيمان والدين ودول حتى مينفعش نطلق عليهم مسلمين بطاقة لأن مسلمين البطاقة عندهم ايمان عن دول والله انا معظم صحابى اللى مقضينها زى ما كلوا بيقول دلوقتى انا مبحبش بس مقضيها كل صحابى اللى مقضينها والله بدون مبالغة منهم اللى ميعرفش يصلى ومش حافظ الفاتحة ومنهم اللى ميعرفش عدد الصلوات كام ولا عدد الركعات ولا عارفين القرآن كام جزء بجد حاجة تصدم وتكسف لازم نقرب من ربنا شوية ونرجع تانى نتوب عشان ربنا يسامحنا ويباركلنا فى الحب وينقذ الحب عشان حتى الناس اللى اغراضها شريفة تقدر تتمتع باجمل حاجة خلقها ربنا وهى الحب لان الوضع بقى صعب ياجماعة انا بشوف ناس كتير اوى سب الدين عندهم عادى جدا كانهم بيقولوا صباح الخير ياحسرة على المسلمين لو اللى بيسبوا الدين دول يعرفوا اد ايه نبينا الكريم محمد عليه أفضل الصلاة والسلام اتعذب اد ايه عشان ينشر هذا الدين اكيد مكنوش عملوا كده بجد انا نفسى نرجع لربنا عشان نعرف نعيش ونتمتع بحياتنا ربنا مقلش ان الحب حرام ولكن اللى بنشوفه فى كل حتى هو اللى حرام .
يارب باركلنا فى الحب اللى خلاص بيلفظ انفاسه الأخيرة فى زمانا هذا .
وارجو انى مكنش طولت عليكوا وارجو انى اكون قدرت افيدكوا بأى حاجة واسف مرة اخرى للأطالة .
السلام عليكم .
(اليكى يامن احببتك سنيناً طويلة اليكى يامن تعذبت فى حبك ليالى كثيرة اليكى يامن كنتى احلى احلامى يامن جعلتى ايامى اسوأ ذكرياتى ... اذا لم تسطتيعى ان تحبينى فبالله عليكى لا تجرحينى وتكرهينى)
