علشان قولت أحب !

موضوع: علشان قولت أحب ! 4/28/2009, 09:44

{ علشان قولت أحب }

كتير مننا بيحب

وبنقول كتير

علشان قولنا نحب نضحى

علشان قولنا نحب نعبر عن حبنا

علشان قولنا نحب نواجه الصعب ونتحدى المشاكل

وبرضك قولنا :

علشان قولت أحب

بعدت عن الى بحبه

ممكن تكون أنصدمت

ممكن أكون انجرحت

ممكن تبكى ممكن تحس بالشعور ده ممكن تتأثر

لما تحس بطعم الخيانه من الى بتحبه

وبنقول :

علشان قولت أحب

أستغل الكلمة دى وأضحك بيها على قلوب وأقول كلام فى الهوى وأنساه

وأجرح وأبعد وأخون

كل الى فات ده علشان قولنا نحب

فينا الى كان صادق ونفسه يحب بجد

فينا الى حسها من غير كلام

فينا الى عاش بالاحساس

فينا الى خدع وجرح وخان

الأسئلة هنا ......... >

علشان قولت تحب عملت ايه ؟؟

علشان قولت تحب كانت ايه النتايج ؟؟

علشان قولت تحب قولتها ياترى بضمير من قلبك ؟؟

علشان قولت تحب ؟؟ ياترى هديت ولا بنيت ... ياترى وفيت ولاخنت .. ياترى بعدت ولا قربت

علشان قولت تحب ؟؟ ضحيت وايه كانت التضحية وايه هى معنى التضحية ؟؟

موضوع: رد: علشان قولت أحب ! 4/28/2009, 12:16

علشان قولت تحب عملت ايه ؟؟
ضحيت وبضحى وهضحى وهتحدى اى حد
علشان قولت تحب كانت ايه النتايج ؟؟
النتايج كانت وجع والم بس ربنا معايا

علشان قولت تحب قولتها ياترى بضمير من قلبك ؟؟
اكيييييييييد من قلبى لانى كنت حساها

علشان قولت تحب ؟؟ ياترى هديت ولا بنيت ...
بنيت كتير واتبنالى كتير اوى
ياترى وفيت ولاخنت .. ياترى بعدت ولا قربت
اولا وفيت وفضلت مقربة بس دلوقتى حاسة انى ببعد غصب عنى

علشان قولت تحب ؟؟ ضحيت وايه كانت التضحية وايه هى معنى التضحية ؟؟
اكيد ضحيت ضحيت بحاجات كتير اوى
اما بقا معنى التضحية بالنسبة لى

كل واحد فينا قبل مايحب كان عايش وحيد ولسه معرفش يعنى ايه الاحساس الغريب ده اللى اسمه الحب الاحساس اللى بيخدك لعالم تانى مليان بالاحلام والمشاعر الرقيقه
وتيجى اللحظه السحريه اللى بتخلى قلبك يبدا ينبض اكتر من الاول وتخلى نور الشمس له شكل جديد فى عنيك وتحس انك بدات تعيش فى عالم تانى غير العالم اللى انت كنت عايش فيه

ولما بتحب بجد بتحس انك انت وحبيبك بقيتوا روح واحده روحك بتدخل فيه وروحه بتدخل فيك بتحسوا بالام يعض وبتحسوا بلحظات السعاده مع بعض وبالتالى بقيتوا بتخافوا على بعض اكتر ما بتخافو على نفسكو وتخاف تزعلها او تشوف دمعه فى عينيهاوتلاقيك بتمنع اى لحظه حزن تمر بيها
لتضحيه مش انك تخليك كويس مع حبيبك كل الاوقات وتبقى دايما حنين وعلطول تتفهم اخطاء حبيبك وانك لازم متتاخرش عليه لما يكون عايز يشوفك وانك ماتخلفش وعودك معاه التضحيه مش انك بس تخلص فى حبك او تنسى العالم كله وتفضل فكره
لكن التضحيه انك تعمل كل اللى يسعده ويفرح قلبه حتى لو جه على حساب ماتحب انت ,التضحيه انك تتخلى عن بعض معتقداتك وعاداتك عشان ترضيه ,وعشان تقدر تتوافق معاه فى افكاره ومعتقداته ويبقى فى اهتمامات مشتركه بينكوا ,
يعنى لو انت عايز تعمل حاجه بس هو مش حاببها تلاقيك فى ثانيه قفلت باب هذا الامر وفورا ,او تستنى لحد ماتلاقى بديل اخر يسعده يعنى باختصار شديد التضحيه بتكون فى الاشياء الضخمه التى تغير المصير او انك تغير طباع فيك عشان اللى بتحبه

تقبل مرورى يا شرقاوى
واشكرك على الموضوع

موضوع: رد: علشان قولت أحب ! 4/29/2009, 12:38

نورتينى زومنسيه وشكرا على مرورك وعلى التعليق الجميل جدا ده وخصوصا معنى التضحيه

» { علشان قولت أحب }
» مش عارف احط الصورة فين قولت هنا وخلاص
» للشباب فقط ممنوع دخول البنات انا قولت اهو
» علشان القلب حبك
» قتلت ابوها علشان .............؟؟؟؟؟؟