نصائح للراغبين بالزواج

موضوع: نصائح للراغبين بالزواج 3/4/2009, 18:36

أبوها : أزاى تعرف من أول مقابلة مع ابوها انه راجل كويس او لأ ؟؟ أول ما تقعد معاه وتطلب أيد بنته حيعمل حاجة من أثنين :<LI>الأولى : حيوطى على ايدك يبوسها ( وده معناه انه راجل محترم وعارف قيمة بنته ومصايبها وعارف قيمة العريس اللى جاى يخطب فى الزمن المهبب ده وعارف معنى ان واحدة حتغور من وشه بس خللى بالك احنا فى موسم الأوكازيونات احسن يطمع و يفاوضك تاخذ عروستين بدل واحدة ويعمل لك خصم على الثانية ) وممكن كمان يدعى لك ان ربنا يصبرك على ما سيبتليك به كما صبره هو على بلواه وسيظل يؤكد انه بيشترى راجل واللى عاوز يشترى يدفع وللا ايه ؟؟

الثاني : حيحط رجل على رجل ويقولك ايوه يا بنى انت قولتللى بتشتغل ايه ؟؟؟ وبعدين عشرين تلاتين سؤال وانت مغمن عليك وهنا سوف تكتشف سبب رائحة مخلل اللفت اللى انت شاممها من ساعة ما دخلت بيت العروسة !!!!!!!
لأ لأ بالراحة كده وأعقل انا مش عاوزك ترد على طول – أفهم الأول- نسبة البنات الى الولاد فى مصر بقت 156 الى 134 يعنى لو كل الشباب اتجوزوا ودة مستحيل طبعا لأن لسه فى شباب عندهم عقل مش زى ناس !! وربنا يكملهم بعقلهم حيفضل 22 بنت من كل 156 من غير جواز فهمت . أتقل بقى. العرايس على قفا من يشيل ولا مواخذه انت قفاك حيستحمل ايه وللا ايه –وآآآآآه يا قفايا- وساعتها حيبقى قدامك رد من اثنين :

الأول : ايه ده يا عمى هوه انا أخطب وللا جاى اتسأل ؟؟ وبعين السؤال ده صعب قوى ممكن اتصل بصديق ؟؟وللا نحذف سؤالين ؟؟ هوه أنت ما تعرفشى انا مين وللا ايه ؟؟ العصر بتاع الأسئلة دى كان زمان يا عمى احنا فى عصر كاميرا النت فاهم حاجة يا باشا ؟؟؟؟ عموما انا حاسيب لك ال إى مييل بتاعى أبقى ابعت لى مييل . وكفى الله المؤمنين القتال .انت شكلك طيب ومش وش بهدلة . والحمد لله اللى انقذك من الحفرة اللى انا رايحلها برجليك .

الرد الثانى (لا انصح به مطلقا ) : يا عمى انا مخلص الكلية من خمس سنين والحمد لله كنت بأوفر كل مليم كان أبويا بيدهولى مصروفى طول السنين الخمسة الماضية وقدرت اعمل جمعية واجهز ثمن الشبكة والخطوبة صحيح مش حتبقى خطوبة كبيرة بس ان شاء الله فى الفرح حنعمل زيطة وزمبليطة وحنوزع حتتين جاتوه وساندوتش بسطرمة على كل المعزوميين وفى هذه الحالة سوف تجد نفسك امام سيل من الأسئلة البايخة مثل : أفهم من كده انت ما عندكشى شقة ؟؟ ولا اشتريت الأجهزة الكهربائية ولا الكمبيوتر ابو مايك وكاميرا يا عينى عليكى يا بنتى عاوزينى أجوزك من غير شات وماسنجر وبعدين ايه قصة حوشت مصروفك هوه انت ما بتشتغلشى أتفضل يا فندى----- ماترد يا فالح مالك كده هنجت ليه ؟ ماهو دى أخرة الدخلة الغلط وطبعا انت الجلالة حتاخدك وتقول اتعارك و اخد حقى بذراعى والنتيجة زى كل خناقة كام رباط ضاغط وشوية علامات زرقا فى وشك اللى بقى شكله وحش وحش

نصائح عامة لأول لقاء مع والدها :
• بلاش نظام البدل وبلاش نظام جيل الشعر المعفن ده وبلاش كمان الجينز المقطع وبلاش حد من اهلك يروح معاك اول مرة خليها حلوة .كلمة من هنا وملاية تتفرش من هناك حتبقى سلطة وبعد اول زيارة مش حتقدر تغمض عينيك ( من الوجع طبعا)
• بلاش نظام الشيكولاته الغالية والجاتوهات الفخمة اول زيارة – انا عارفك سخى وصريف( قال يعنى من جيبك مش من جيب ابوك)- خليهم تالت رابع زيارة ان كان فى. ماهو مش معقول نتشتم وندفع وللا انت رأيك ايه؟؟؟
• بلاش تشرب اى حاجة عندهم اول زيارة لأن ناس كتير كانت عاقلة وبعد ما شربت راحت شربت من كعانهم بقية عمرهم
• بلاش نظام مكالمة صاحبك اللى انت مرتبها معاه وانت قاعد مع ابوها يتصل بيك ويقولك الف مبروك العملية ام نص مليون جنيه رست عليك –بقت قديمة دور على حاجة تانية-
• لو ابو العروسة قام شوية ماتقلقشى حتلاقى قدامه شوية مواعيين عاوز يغسلهم او حتتين غسيل مستعجليين عليهم وطبعا لا داعى للأحراج عند عودته عندما تجد أثار الصابون على يده –كلنا لها -

المرة الجايية احكيلك عن حماتك القنبلة البيلوجي

موضوع: رد: نصائح للراغبين بالزواج 3/4/2009, 23:51

اية التوبك الجامد كيك دة :d

لا بجد نصايحك عل عيني وعلي راسي يا باشا

بس انا شايف اني بدل ما اروحلة واتعب نفسي . ابعتلة ميل احسن

او اقولة هات المدام وبنتك الي هيا العروسة وتعالوا زورونا

اهو كدة هما الي يجيبوا الشيكولاتات والجاتوهات واللذي منة

نصائح للراغبين بالزواج 256966

موضوع: رد: نصائح للراغبين بالزواج 3/5/2009, 08:05

• بلاش نظام البدل وبلاش نظام جيل الشعر المعفن ده وبلاش كمان الجينز المقطع وبلاش حد من اهلك يروح معاك اول مرة خليها حلوة .كلمة من هنا وملاية تتفرش من هناك حتبقى سلطة وبعد اول زيارة مش حتقدر تغمض عينيك ( من الوجع طبعا)

ههههههههههههههههه
توبيك جامد تحياتى وتقبل مرورى
SaSa

موضوع: رد: نصائح للراغبين بالزواج 3/5/2009, 23:34

شكرا يا جماعه على المرور و الردود
وده يدينى دافع انى اشتغل اكتر فى المنتدى الجامد ده

موضوع: رد: نصائح للراغبين بالزواج 3/6/2009, 08:46

انت مش بتنصح انت بترعب الناس من الخطوبه والكلام دة
ميرسي ليك يا جميل
نورت حدوته والله
مستني المزيد منك يا بطل
تقبل مرورى

موضوع: رد: نصائح للراغبين بالزواج 12/13/2009, 23:49

ههههههههههههههههههههههههههههههههه
جامد يا باشا تسلم ايدك
وفعلا معلومات قيمة جدا جدا

موضوع: رد: نصائح للراغبين بالزواج 12/27/2009, 23:23

توبيك جامد يا قمر في انتظار المزيد

» ياباني يطلق حمله للسماح بالزواج من .....الشخصيات الكرتونيه
» من نصائح الرسول (ص)
» نصائح للامتحانات
» ايه رأيك بالزواج من شخص أكبر منك فى السن " سؤال للجنسين "
» نصائح اسلامية بالصور..