بطاقة اعتمادى لاحلى منتدى

السلام عليكم ورحمة الله وبركاته .. كيفكم يا شباب يارب تكونوا بخير
ده اول يوم اسجل في منتدى حدوتة والحقيقة ان اسم المنتدى اكتر حاجة شدتنى لانه فعلاً حدوتة بتعكس واقع الشباب العربي .. ولاحظت ان كل الأعضاء شباب وبنات زي الورد كل واحد فيهم ليه ميول مختلفة عن التانى بس يمكن الحاجة الوحيدة الى بتجمعهم انهم بيخافوا على بعض ومش منتظرين مقابل .. للاسف واقع مجتمعنا فرض علينا ان شباب كتير يكون جواه طاقة مش قادر يستثمرها وبيكون عنده فراغ كبير إلخ .. ومن هنا كان دور منتدانا حدوتة مصرية انه يجمع الشباب ويقتل الفراغ الموجود في حياتهم ؛؛ انا يمكن في حياتى عانيت من قلة الاصدقاء وان معظم علاقاتى مكنتش بتستمر بنجاح بس عمري ما يأست وديما بدور على الاصدقاء الى بيقدروا معنى الصداقة ؛؛ يمكن هما قليلين جداً بس كفاية انهم موجودين .. وكمان هوايتي فرضت عليا انى اعيش منعزل عن الناس لفترة حتى اهلى متعرفوش ان مغنى الراب عشان يوصل لازم يضحي بحاجات كتير ؛؛ واكتر ناس خسرتهم في حياتى كان بسبب غرورهم او تقليلهم منى او استهتارهم بهوايتى مع انى الحمد لله وصلت في المجال ده لدرجة الاحتراف وطول مانا شايل من قاموسي كلمة ( يأس ) اعتقد انى هقدر اكمل المشوار مع ان لسة قدامي كتير .. للتعريف بيا انا اخوكم احمد مواطن اسكندرانى 23 سنة ليسانس حقوق ومن عيلة متوسطة وبتمنى اكون عضو يليق بالمنتدى الناجح ( حودتة ) ؛؛ بشكر كل عضو واداري شارك في نجاح المنتدى
والسلام ختام ......

تسلم يا برنس على زوقك ويارب اشوفك ديما منور المنتدى

اهــــــــلا وسهلا فيك يا احمد..
اكيد يشرفنا وجودك معانا بالمنتدى..
وصدقني هيعجبك اوي..


[quote="Mister.A"]
وديما بدور على الاصدقاء الى بيقدروا معنى الصداقة quote]

احنا كلنا هنكون اصدقائك..
ولو احتجت اي حاجة الكل هيساعدك..كلنا في الخدمة.

بجد يا شباب مش تتخيلوا سعادتى بيكم ؛؛ انا فعلا حاسس انى وسط اخواتى ويارب يفضل منتدى حدوتة منور بيكم ديماااا ..
تحياتى اخوكم احمـــد