اعجاز

طبعاً الإسلام ده دين عظيم و حاجات كتير فيه بيثبت فايدتها كل فترة
و أنا جبت مثالين عرفتهم مؤخراً

1- فايدة النوم على الجنب اليمين اقتداءاً بالرسول عليه الصلاة و السلام : بالسنة لينا المعدة موجودة شمال و الكبد يمين فلما بننام على جنبنا الشمال بيكون الكبد ضاغط على المعدة و كده بتعملك مشاكل مثلاً لو واكل بيضغط على المعدة و ممكت تستفرغ فيها فأنسب وضع للنوم هو الجنب اليمين لان ده أريح وضع للمعدة

2- الرسول عليه الصلاة و السلام علم المسلمين زمان انهم يحنكوا الأطفال لما يتولدوا بمعنى ان الأم تجيب تمرة و تمضغها ببقها و بصباعها تأخد من بقها و تمسح بيها فم البابي من جوة " بالبلدي تلحوس بقه من جوة" مؤخراً أثبت ان الأطفال حديثي الولادة بتكون عندهم قابلية لسيولة الدم عشان فيه باكتيريا معينة مفيدة في الأمعاء الغليظة بتاعتهم لسه ماتكونتش و الباكتيريا دي مهمة عشان تصنيع فيتامين K اللي بدوره مهم لتكوين المواد اللي بتوقف النزيف فاثبته ان التحنيك ده بيساعد الطفل انه يكون الباكتيريا دي في أول أسبوع مش أول شهر زي الطبيعي فبتحميه من سيولة الدم و النزيف لو اتجرح