جرام الدهب ... اصبح ازمه جيل

موضوع: جرام الدهب ... اصبح ازمه جيل 8/22/2008, 22:16

جرام الدهب ... اصبح ازمه جيل

جرام الدهب دلوقتى ب 163جنيه دى اخر حاجة سمعتها و فى اشاعه فى البورصه انه هيوصل خلال شهرين ل 200 جنيه
طيب دا اسمه كلام بردوو
. نفترض كدا على سبيل الافتراض انى خلصت كليه و اخدت اعفه من الجيش و ربنا وفقنى بشغلانه و طبعا كل دا مبيحصلش لحد الايام دى بس هنفترض
و الواحد دلوقتى بيشوف الفتن فى كل حته و حبيت اتجوز و اكيد طبعا اهلى هيسعدونى و بالتالى هدور على عروسه
و بالتالى بردو العروسه دى عايزه شبكه و للاسف هيكون التالى الدهب .. طيب هقول لابويا ازاى انا عايز شبكه . هو هيبصلى كدا و يبرق و يقول لنفسه مش الواد دا الى كان و هو صغير كان بيقرفنا ( طبعا كلامى مفهوم ) .. بس ما عالينا .. طيب سيبكم من الدادى بتاع انا

-عمى ( ابو العروسه ) هيقولى و الله يا ابنى البنت بنت اخويا كانت مشبوكه لفلان بيه بمبلغ كذاا .. احنا عايزين اكتر منه اه يا بنى انا عايزك ترفع راسى ادامهم هيقول شوف مرخص البنت ازاى و رقبتى تبقى مكسوره ( متنكسر و انا مالى انا ) .. كفى الله الشر عنك يا عمو انت بتتكلم ازاى ... طبعا دادى هيكون معايا و انا بسمع الكلام دا .. بس احنا قولنا سيبكم منه .. و اقولكم كمان سيبكم من عمى ( ابو العروسه ) ؟

-الماما بتاع العروسه بتاع انا .. هتقولى بص يا بنى انا عايزه عيار 21 و عايزه حاجات مشفتهاش فى ايد بنت قبل كدا اه يا حبيبى البنت منظوره و الف مين يتمانها ... طيب لما نجيى نعلق على كلام طنط ( ام العروسه ) هنفترض ان انا هجيب عيار 21 و هنفترض بردو ان البت قطه و العين عليها
بس حتت مشفتهاش فى ايد بنت دى مش عارف اترجمها الصراحه يعنى اصل ايدها بنتها مش هتكون ايد ديناصور يعنى مهى زى ايد اى بنت و بيبنى و بينكم انا مش عايز اترجمها و اقولكم سيبكم من طنط ( ام العروسه ) .... دى ام بردو و قلبها على البنت عاتى يعنى

-القطه ..الى العين عليها.. الى عايزه شابكه ...الى هتجوزها ... هتقولى بص بقى يا حبيب هارتى انا مش زى الماما و البابا بتاع انا ..لا انت بدهب دنيا الكله بس انا عايزه منك طلب صغنون خالص مالص .. طبعا انا بعد الكلمتين دولت هدوب و هقولها عنيا ليكى يا قطتى
شوف يا حبيب هارتى انا شوفت صالون و قوضه نوم و مطبخ عند صحبه زميله بنت خالت بنت عمت جوز خالت الى سكنه فى العماره الى قدمنا انما ايه روحى امازنج اى كانت ديسكريب ات .. فانا بكل حسن نيه هقولها .. اده يا حبيبتى هو انا الى هجيب الصاولن و قوضه النوم و المطبخ... تقوم هى على طول تقولى طبعا و الانتريه و الستاير كمان و انا هبقى اجيب الباقى ( الباقى = المناشف و الملايات و شويه شربات كدا ) ؟

عبدالحليم حافظ قال ... انى اتنفس تحت الماء ( انا مش عارف هو عاملها ازاى ) ؟
انا عن نفسى بقى هقول انى لا اتنفس خالص......

طبعا دا موجز صغير عن جرام الدهب بس سؤالى بجد لو انا واحد من الناس الى ربنا ناعم عليها و مديها امكانيه تعمل كدا .. فى غيرى مش هيعرف يعمل كدا صحيح انا مش مجبر انى افكر فيه بس انا كان ممكن اكون مجبر اكون فى ظروف زى ظروفه .. انا مش هسال و هقول الحل ايه بس .. عايز اعرف هو ليه الوضع بقى كدا بقى حسبه خد و هات ولازم قد ما تاخد لازم تدى ؟

هههههههههههه اه والله ياعينى على شباب مصر ده انتوا هاتعنسوا يادادا يلا معلش هانعمل ايه يعنى نايس توبيك يادادا وربنا يكون ف عونا

هههههههههههههههههههه
غندك حق يادادا والله
وش الدهب
بس ان كانت ع الدهب تبقى بسيطة
هاتفرق كام يعنى
لكن تعالى اتكلم فى الحديد الى بقى اغلى من الدهب
اللى كان بيفكر يبنى خلاص هايمسى الفكرة دى
واللى كان بييفكر يشترى الشقق بقت غالية جدا
واللى كان هايأجربرضه نقس المشكلة
كله يقولك الحديد غلى
وحاجات تانية كتير
يقولولك الحديد غلى البزين غلى

الله السلام على هاذى البلد

» واااااء .....اصبح لها معني ف اليابان .............