يا جماعة انا قريت فكرة عجبتنى جداااااااااااااااااااااااااااا واتمنى انكوا تقولولى رايكم
متهيالى ان مفيش حد فينا مبيعملش ذنووووووووووووووووووووب دا اكيد طبعا واللى هيقول انا يبقى ميكملش الموضوع معانا علشان الموضوع دا للى بيعملوا ذنوب بس(الناس كلها يعنى)
الفكرة بقى ايييييييييييييييييييييييييييييييه؟
الفكرة بسيطة جدا .............................................
كل واحد فينا هيجيب صندوق
(يجيبه من اى مكان باى حجم مش عاوزين حجج وخلاص)
والصندوق دا يكون مقفول يعنى مثلا يكون شبه الحصاله مفتوح يعنى من فوق فتحة صغيرة
نيجى بقى للكلام الجامد.................
احنا طبعا طول ما احنا قاعدين عمالين بنعمل فى ذنوب خصوصا لو كنت بنت وعاملة قاعدة نميمة مع صحباتك
المهم يعنى ان كل ذنب بنعمله طول اليوم هنكتبه فى ورقة ونحطه فى الصندوق(الحصالة) مهما كان الذنب دا كبير او صغير
ونيجى بقى على اخر اليوم نكون جمعنا كام ورقة جوا الصندوق ونعد الورق دا ونفتحه(ما احنا هنطبق الورق قبل ما ندخله)ونقرا الذنوب اللى عملناها طول اليوم هنلاقى طبعا ذنوب صغيرة اللى بنقول عليها هفوات وذنوب اكبر
نمسك اكبر ذنب فيهم ونستغفر ربنا عليه باخلاص وصدق ونتوضى ونصلى ركعتين وطبعا مننساش نستغفر لباقى الذنوب لانها فى الاول وفى الاخر معاصى ربنا بيحاسبنا عليها مهما كانت صغيرة
ونبقى بالطريقة دى استغفرنا ربنا على الذنوب الصغيرة اللى بنعملها تلقائى وكمان على الذنوب الكبيرة بس المهم اننا نستغفر باخلاص وصدق مع الله
لحد كدا كويس؟؟؟؟؟؟؟؟؟؟؟؟؟؟؟؟؟؟؟؟؟
نكمل............>>>>
كل واحد فينا طبعا اول ما هيبتدى الموضوع دا هيلاقى ان عدد الورق اللى كتب فيه الذنوب اللى هوا عملها كبييييييييير
بس شويه شويه طالما هو مقتنع بالموضوع ومن جواه نفسه يتغير ويبطل يعصى ربنا على قد ما يقدر هنلاقى بعون الله عدد الورق هيقل شويه شويه ودا هيكون حافز لينا اننا نحاسب فى كلامنا وتصرفاتنا مع اللى حوالينا ومع نفسنا واننا نقرب من ربنا اكتر وناخد بالنا لان الموضوع دا لو نفذته يبقى انت بتساعد نفسك بجد لانك لو انت مبتكتبش فخليك متاكد ان فى رقيب وعتيد هيكتبوا بس ساعتها مش هتلحق تغير حاجة
ومقصدش طبعا ان دى الطريقة الوحيدة للاستغفار بس كل اللى اقصده ان دى طريقة هتساعدنا كلنا اننا نعمل حساب لكل صغيرة وكبيرة فى تصرفاتنا ودايما نتذكر قول الله تعالى فى سورة الكهف (ووضع الكتاب فترى المجرمين مشفقين مما فيه ويقولون يا ويلتنا ما لهذا الكتاب لايغادر صغيرة ولا كبيرة الا احصاهاووجدوا ما عملوا حاضرا ولا يظلم ربك احدا)صدق الله العظيم
يعنى المهم اننا نكون دايما فاكرين وعلى يقين ان مفيش حاجة بنعملها الا وهنسال عليها
وبس خلاااااااااااااااااااااص هى دى الفكرة وحبيت انى اقولهالكم ويارب تعجبكم وعلى الاقل تحاولوا تعملوها انا عارفة يا جماعة اننا ممكن منكونش فاضيين اننا طول ما احنا ماشيين نمسك ورقة وقلم بس محلوله قولولى ازاااااااااااااى؟؟؟؟؟؟؟
اقولكم......................
انت كل اللى عليك انك زى ما قولنا هتركز اوى فى كلامك وتصرفاتك ولو مش فاضى طبعا او حاسس ان الموضوع هيخنقك او مش هتقدر تعملة هتعمل حاجة بسيطة جدا
كل اللى هتعملة انك هتحاول تفتكر كل كبيرة وصغيرة انت عملتها طول اليوم وتكتبها فى الورق دا وتبتدى تستغفر ربنا عن الذنوب
ممكن اوى حد يقولى انه بيستغفر اخر اليوم عن كل الذنوب اللى هو عملها من غير ما يعد بقى والكلام دا
بس يا جماعة الغرض من الموضوع دا اننا مش بس نستغفر لا احنا كمان بنحاول نقلل من الذنوب دى ونحاول نبقى احسن اكتر واكتر فى سلوكنا وفى خوفنا من ربنا لانى زى ما قلت موضوع الورق دا هيشجعك كل مرة يقل اكتر واكتر
مش عارفة بس احنا يعنى لو تخيلنا (ولله المثل الاعلى طبعا) انك كل يوم بتغلط فى حق واحد تعرفه غلطااااااااااات كتييييييييييييييييييييييييييييييير اوى انت نفسك متعرفش عددها وفى اخر اليوم بتروح تصالحه وكل يوم بيتكرر الكلام دا وبتغلط فى حقه وبتزعله وهو بيسامحك بذمتك مش هتبقى مكسوف من نفسك وهتحاول على قد ما تقدر انك مش بس تتاسفله لا كمان بتحاول تقلل من غلطك فى حقه لانه انسان كريم
طبعا لله المثل الاعلى بس هو دا اللى انا قصدته اننا بس مش نستغفر لا كمان نقلل ذنوبنا دى بطريقة او باخرى
واكيد كتير منكم عنده طرق تانيه ممكن تكون فعاله اكتر من الطريقة اللى قولتهالكم دى قياريت تقولوهالى ونستفيد كلنا
واخر حاجة احب اقولها............(حاسب نفسك قبل ان تحاسب)
(اللهم اغفر للمؤمنين والمؤمنات والمسلمين والمسلمات الاحياء منهم والاموات انك سميع قريب مجيب الدعوات يا رب العالمين)
(سبحان الله وبحمده عدد خلقه ورضا نفسه وزنة عرشه ومداد كلماته)
اسالكم الدعــــــــــــــــــــــــــــــــــــــاء
