النظرة الأولى

موضوع: النظرة الأولى 7/5/2008, 17:57

مساء الخير عليكم جميعا الاول
انا اول مرة اشارك بموضوع
بس هو الموضوع بصراحة اجا على بالي و قعدت افكر فيه كتير و حبيت اعرف ارائكم اكيد كل واحد له وجهة نظره في الموضوع ده

موضوع النظرة الأولى
انا بقصد بالنظرة الأولى لما شاب بينبهر ببنت بالنظرة الأولى و لما بنت بتنبهر بشاب من النظرة الأولى
اوقات بيكون الانبهار ده لأول وهلة كده بس لما بيتعامل مع البنت دي و لما بتتعامل مع الشاب ده
بيحسوا ان الانبهار و الانجذاب ده اختفى فجأة و معادش في اي انجذاب و لا اي شعور ناحية الاخر .
بيكون الانبهار بالاخر لأول وهلة للمظهر العام لطريقة النقاش و التعامل و مجرد ما بيتعاملوا مع بعضيهم زي ما بنكون بندور على السلبيات قبل المميزات و بيختفي الانبهار ده بس المشكلة انه بيكون الطرف الاخر هو كمان انجذب و بل ممكن يكون اتعلق بينما ما تكون انت و انتي انجذابك نحو الطرف الاخر خلاص انتهى .
فانتم ياترى ايه رايكم؟؟؟

مستنية ردكم عليا
ميرسي ليكم

موضوع: رد: النظرة الأولى 7/6/2008, 01:19

صباح الخير على الجميع

احب اشكرك على الموضوع الجميل دا

انا ليا وجهت نظر فى الموضوع دا

الاعجاب والحب من اول نظرة

انا من يؤمن بهذا الشىء جدا بصراحة

بس انا لو شوفت بنت اكيد اول حاجة بتلفتنى فيها هوة الشكل والاستيل فى اللبس وكدا

بعد الاعجاب بشكلها لما اتكلم معاها اكيد خلاص انا هعمل اية بقى بالشكل

اشوف بقى عقلها دا عامل ازاى واسلوبها فى الكلام وكدا

بس اكيد اول حاجة بتلفتنى للبنت هوة الشكل دا الطبيعى يعنى

زى ما انتى بتقولى بيكون فى انبهار وانجاز للاخر وفجأة بيختفى لية

لان الانبهار والانجاز بيكون للشكل واللبس وكدا حاجات سطحية يعنى

بس لما الطرفين يتعمقوا بقى فى شخصية كل واحدة

بيعرفوا بقى اكتر الشخصية اللى ادامهم دى عاملة ازاى بتفكر ازاى سماتها اية كدا

علشان كدا ممكن النظرة الاولى فى الانبهار تختلف من اول لقاء ودا شىء عادى

مسى يا مريم على التوبيك الجميل دا

تحيتى ليكى وفى مزيد ان شاء الله

موضوع: رد: النظرة الأولى 7/6/2008, 02:50

بسم الله الرحمن الرحيم

اور بجد احب احييكي علي الموضوع ويا رب تبقي بداية موفقة

اممم انا كمان بردة بعترف جدا جدا بالانجزاب الي من اول نظرة بس فعلا
غالبا بيبقي مجرد انجزاب بس .. فعلا ممكن يقلب علي تعلق وانشغال وكدة في طريقة للحب بس لو كان الانبهار من الطرفين ...

بس اكييد يعني بعد كدة بيبقي فيى تدخل من العقل ويوشوف الي انا انجزبتلها دي هيا البنت الي بدور عليها ولا لا ؟؟؟

اصل الحب لازم يبقي بالقلب والعقل معا.. واحد بس ميكفيش .....

امممم بس فكرة الانجزاب خلص وكدة .... يبقي التاني هوة الي متسرع شوية .
واوعدنا يا رب بالانجزاب دة hehe

ثانكس يا مريم علي التوبك وبداية موفقة ان شاء الله
سلام

موضوع: رد: النظرة الأولى 7/6/2008, 11:27

صباح الخير عليكم
ميرسي على ردودكم و ارائكم
و ربنا يوفق الجميع يارب
:pp:

[/center]

موضوع: رد: النظرة الأولى 7/6/2008, 20:37

موضوع جميل اوى يامريم احكى عليه
بس انا مختلفه معاكى ف موضوع انه بيدور
ع السلبيات قبل المميزات لانه مش بتحصل كده
ممكن الانجزاب ده يكون ف الشكل او الاستيل
انما لما تتعرفى اكتر ع الشخصيه التفكير بيختلف
وتلاقى العكش تماما لان اللى يهمنا زى مادادا قال
الشخصيه والتعامل مش الشكل ولا الاستيل
تحياتى لكى ولطحك المتميز ياجميل

موضوع: رد: النظرة الأولى 7/6/2008, 21:28

ميرسي يا ميوش على رايك
بس مش المقصود ان الواحد بيدور على السلبيات انه بيدور على السلبيات و خلاص
لا بس هو الواحد بيكون انجذب للمظهر العام الاول
و بعد كده لما بنيجي ندور على نقاط التشابه و على التفكير و الطباع و الشخصية اوقات بيظهر لنا السلبيات قبل المميزات
و بعدها بيشدنا الفضول لنقطة اللي هي في ايه سلبيات تانية ياترى
و في ايه مميزات تانية ياترى
و اما عن الشكل و الستايل و الموضة و كده ده بيكون في المظهر العام للشخصية اللي قدامي
و كل على حسب زوقه بيكون مظهره قصادنا

» قصص حب واقعيه(القصه الأولى)
» جامعه كلوج تلحق بالأهلى الخسارة الأولى بمعسكره الاعدادى
» تشهد الجولة الأولى من منافسات المجموعة الثالثة ضمن دوري أبطال أسيا قمتين عربيتي