عايزين كلنا نتعاون ونشجع بعض على العمل الخير

بسم الله الرحمن الرحيم ...

اولا يا سمسم احب اشكرك علي التوبك بجد تذكرة لينا كلنا

بص انا بصراحة كدو كان بقالي بتاع 4 او 5 شهور بصلي كل الفرووض وكان كتيير منهم كمان في المسجد والله

لكن من يوم مبدات الاجازة كدة وانا سارح شوية .....

امم ربنا يا رب يهديني ويهدي الجميع ....

مش عارف اشكرك علي التوبك ولا ادعيلك بصراحة ..... الاحسن اضم صوتي معاك واقول

يالة نشجع بعض ....وندعي لبعض

ربنا يهدي الجميع

والله يا دادا موضوعك خلاني أعيط بصراحة

أنا بشكرك عليه موضوع مهم جدا

أنا هقول الصراحة. أنا مكنتش بصلي مع أني بعيش وسط أسرة متدينة جدا وبابا وماما دايما

بكلمونة عن الصلاة فكنا مرة بنصلي وبعدين نقطعها بنتحجج في الإمتحنات ومفيش وقت

وشعري مضبوط مش عايزة أتوضأ عشان شعري حاجات زيي كدا.لكن أنا لما كنت في

منتدى سيف العرب كنت بدخل منتدى الإسلامي وبشوف الكل بيتكلم عن الصلا ة ولما تعرفة

عن المصريين حببوني في الصلاة من ساعتها وأنا بصلي بنتظام

ولحد دلوقتي أصحابي لبكلمهم عن النت كلهم بصلو الأوقات

أنا صراحة حبيت الصلاة

خلوني أشكر لبحببني في الصلاة أكتر دكتور محمد وواحد تاني إسمه عمرو بشكرهم من كل

قلبي

شكرا يا دادا موضوعك خلاني أقول حاجة تسلمنا دايما

ياربي إجعلنا من عبادك المصلين

اولا احب اعتذر عن تاخيرى فى الرد بس زى كل مرة والله اول مرة اشوف التوبيك
انا مش عارفة ازاى دى بس كمية الردود اللى جت انا متهيالى توبيك بالاهمية دى الناس كلها المفروض تتابعه كل يوم وترد عليه دا غير انه من اهم الموضوعات اللى كتير مننا دلوقتى بيغفل عنها
بص يا دادا انا شايفة ان بسم الله ما شاء الله الاعضاء هنا كلهم زى الاخوات يعنى مش هيبقى فيه حرج بيننا ولا حاجة
يعنى مثلا ايه رايك لو كل واحد يدخل كل يوم ويقول انا الحمد لله صليت كل الفروض النهاردة وغيره يقوله لا يا عم انا احسن منك انا صليت كل الفروض والسنن وواحد تالت ييجى يقوللهم انا احسن منكم انتوا الاتنين انا صليت الفروض والسنن وقمت صليت قيام الليل وقرات قران والله بجد الموضوع هيشجعنا كلنا واللى مش بيصلى هيصلى ان شاء الله والولاد اللى بتصلى فى البيت هيصلوا فى الجامع واللى بيصلى الفروض هيصلى كمان السنن
انت عارف بصراحة التوبيك بتاع فرصه لكل الاعضاء دا مخلينى مش مكسلة عن القران خالص والله بالرغم من كووووووول الحاجات اللى عليا وبالرغم من انكوا سبقتونى بس انا برضه مصممة الحقكم ان شاء الله لانى عارفة والله انه طالما النية موجودة يبقى ربنا هييسر
فانت ايه رايك فى اللى انا قولته؟
اللى هو انك تعمله زى توبيك فرصه لكل الاعضاء وكل واحد يدخل يقول الحمد لله الصلاة النهاردة تمام لان بجد موضوع الصلاة دا فعلا بقى عبء على شباب كتيييييير وبجد الموضوع كبير وميستحملش التاجيل
وبعد اذنك يا افرو معلش يعنى انا مع نورى يعنى انتى المفروض يا حبيبتى تجتهدى شوية اكتر من كدا لانك هتبقى ام ان شاء الله وهتتسالى عن اولادك وعن صلاتهم دا غير صلاتك طبعا
اسفة جداااااااااااااااااااا على الاطالة بس الموضوع فعلا مهم
جزاك الله خيرا

لاول شكرا على كل اللى رد على التوبيك

التوبيك قديم من شهر او اكتر تقريبا

وانت يا روز احيتى التوبيك بافكارك دى والله

ياريت والله يتعمل زى بتاع القران وكل يوم الناس تدخل وتقول كدا

بس الموضوع هيبقى صعب بس احنا لازم تكون الخطوة من عندنا الاول

فكرتك حلوة اووووووووووى اووووووووووووووووووى بجد

اكيد اللى هيسمع ان غيرة عمل اكتر منة اكيد هوة هيتشجع علشان يحصلة

بجد نفسى اننا نشجع بعض

خلاص يا دادا طالما كدا يبقى نبدا كلنا من دلوقتى

انا الحمد لله لحد دلوقتى صليت كل الفروض والسنن

وان شاء الله هدخل بلليل برضه اقول كدا

يلا يا شباب نبدا مع بعض ونشجع بعض مبقاش فى وقت خلاص ومحدش فينا صغير على الصلاة وكلنا دلوقتى فى سن هنتسال فيه على صلاتنا وكل افعالنا

يا رب نداوم بجد على الموضوع دا واللى مش واخد على الصلاة بلاش ياخدها قفش من الاول يعنى يمرن نفسه واحدة واحدة يعنى مثلا النهاردة يصلى فرضين بكرة تلاتة لحد ما يتعود ويتم الخمسة باذن الله وربنا طبعا غفور رحيم المهم كل واحد يعقد النية

وان شاء الله التوبيك هيستمر يا دادا بس الموضوع محتاج تشجيع من كل الاعضاء

جزاكم الله خيرا يا شباب وربنا يعيننا كلنا

خلاص تمام

انا كمان الحمدلله صليت وكلة تمام

بس حكاية السنن دى مش اد كدا

ان شاء الله هحاول اظبط فيها

ولا يهمك واحدة واحدة ان شاء الله هتتعود

بص هى السنن كالاتى

1-قبل الفجر ركعتين

2-قبل الظهر اربع ركعات (ركعتين ركعتين) وبعد الظهر ركعتين

3-العصر مفيش سنن

4-بعد المغرب ركعتين

5-بعد العشا ركعتين دا غير طبعا الشفع والوتر والتراويح فى رمضان

انا كمان اول لما بدات مبداتش اصليهم كلهم الاول كنت بصلى سنة المغرب بس لحد ما اتعودت عليها وبقت جزء من الصلاة مش بحش انى خلصت صلاة المغرب الا لما اصلى السنة
بعد كدا اخدت الشفع والوتر معاهم وفضلت اصليهم برضه لحد ما اتعودت وبقت زى سنة المغرب

بعد كدا اخدت السنة فى الفجر وبرضه نفس الكلام وفى الاخر خالص سنة الضهر عشان كنت سايباها للاخر عشان متعبش من الاول

بصراحة الموضوع خد منى وقت لحد ما اتعودت بس طالما النية موجودة ربنا بييسر

وعلى فكرة اللى بيصلى السنن دى بيتبنيله كل يوم قصر فى الجنة دا غير شلال الحسنات اللى بينزل عليه باذن الله وغير رضا ربنا عنه وشفاعة سيدنا محمد صلى الله عليه وسلم

تتخيل بقا قصور الدنيا بنتبهر بيها ازاى امال بقا القصور اللى عند ربنا؟

جرب واحدة واحدة وان شاء الله تتعود بس زى ما قلتلك اعقد النية الاول

اه بجد ان شاء الله يا نورى

وثواب ربنا اعظم من اننا نتخيله بعنينا

وان شاء الله كلنا نشجع بعض

انا مبسووووووووووووطة بيكى اووووووووووووى

الحمدلله النهاردا عدى زى الفل

والترويح وكلة اينعم فى بعض الصلوات مش فى الجامع ربنا يغفرلنا بقى

ربنا يجزيكم خير

ايه يا جماعة انتوا سكتوا ليه؟

انا الحمد لله النهاردة تماااااااااااام صليت كل الفروض والسنن وصليت كمان التراويح جماعة

وقريت قران الحمد لله

يلا بقا يا شباب مين فيكوا هيحصلنى؟

انا كمان صليت كلة والترويح الحمدلله

وانا الحمد لله صليت كلو لحد دلوقتى والسنن كمان

انا الحمد لله تمام من اول رمضان وميه وميه

موضوع جاااااااامد ميرسى ع التعليمات الجميله ده

انا الحمدلله تمام

بس الواحد مش عارف لية لما بيصلى فى البيت مش بيصلى السنن

شكرا يا جماعة على المتابعة فى التوبيك

جزاكم الله خيرا

انا كمان الحمد لله صليت امبارح كله والسنن الحمد لله

والنهاردة لحد دلوقتى برضه كله تمام الحمد لله

صحيت النهاردا متاخر وصليت لحد دلوقتى كلة فى البيت

الحمدلله