أسف ياصحبى ((مش هى دى الرجولة))

بسم الله الرحمن الرحيم

النهاردا انا قولت اعمل التوبيك دا لان فى ناس كتير مش فاهمة يعنى اية معنى كلمة راجل
الاول سلامى لكل الاعضاء...كتيير منا فاهمين معنى الرجولة غلط خااالص وبالذات الشباب ..الرجولة عن كتير من الشباب هى أنك تمشى على مزاجك ماتعملش حساب لكلمة أهلك تشرب سجاير ومايهمكش حد تشيش من غير ماتكح ((راااااجل اوى)) وشويه شويه تدخل فى طريق المخدرات علشان تكتمل رجولتك أدام اصحابك وتعاكس بنات بصوت عالى ((ونعم الرجال)) وأى خناقه تروح تجامل فيها كل يوم تخدع بنت وتسيبها وتخدع غيرها وكتير وكتير يعنى عايش حياتك بدماغك مش بتعمل حساب حد ,,دا معنى الرجوله عند شباب كتييير أوى وفى ناس تانيه فاكرة ان الرجوله هى التحكم فى اى حد ادامه وفرض رايه حتى لو غلط مثلا لو واحد خاطب او متجوز لازم لما يقول لخطيبته او مراته أعملى كذا يبقى لازم تعمل كذا , كدة يحس أنه راجل فعلا وامثلة كتير عن الفهم الغلط لمعنى الرجوله وأنا اقف واقول لكل الى فاهمين معنى الرجوله بالطريقة دا ((أسف ياصحبى مش هى دى الرجوله)) دى معناها الاصح (( الهمجيه )) .. أما الرجوله الحقيقيه بقى فمعناها.. الرجولة كلمة شرف وعزة...الرجولة هى البذل والعطاء والتضحية.. هى الاحسان الى من أحسن اليك .. الرجوله هى أن تحترم أراء الناس ولو صح تاخد بكلامهم..الرجوله هى انك تقول الحق مهما كان بدون أى مجاملة لحد..الرجوله انك تدى لكل واحد حقه وماتستغلش الضعيف ابدا..الرجوله هى المعامله الحسنه لاهلك سواء ابوك وامك او مراتك ..الرجوله هى انصاف واحد مظلوم ولو حتى اقرب الناس ليك هو الى ظالمة..الرجوله انك تساعد اى حد محتاجلك على أد ماتقدر.. الرجوله أنك تمسح بايدك دمعه من على خد أى حد مهموم..الرجوله أنك تنام مرتاح الضمير من نحيه نفسك .. وطبعا صعب فى زمنا نلاقى راجل كامل بالمواصفات دى بس فى الاول والاخر ((( هو دا معنى الرجوله الصحيح)))... فاياترى كم راجل فى زمننا هذا ... ومن أى الرجال أنت ؟؟؟

بجد تسلم ياحبي

بس قليل جدا اللي بيشوف نفسه غلط ومحتاج للتعديل

ومحدش هيقول علي نفسه حاجه وحشه

الراجل بيتعرف من تصرفاته والناس هي اللي بتحكم عليه

وانا ولله الحمد عارف نفسي علي ايه

ولا ايه يادادا

تسلم ياباشا كمان مره

بجد موضوعك تحفة ياداد انت كلامك صح مية فى المية

وماعتقدش ان فى حد فى الزمن ده فاهم معنى الرجولى صح

تسلم يا شوقى على المرور

وتلسمى يا ملوكة على المرور

عايز بس اوضح حاجة

ان فى رجالة اكتر من كدا كمان بجد

ومش مفيش ولا الرجالة ماتوا فى الحرب ولا الكلام دا

لا فية ناس كويسة جدا جدا جدا وعرفة يعنى اية بجد معنى الرجولة

هقولكم اى حد بيحترم نفسة وبيحترم الاخرين يبقى تاكدوا ان دا عارف فعلا معنى الرجولة

نورتوا التوبيك كمان مرة

تحيتى ليكوا

» ماهو مفهوم الرجولة الحقيقية في نظر المراة؟