ابتدى انا واحكيلكوا عن موقف مضحك اوى حصلى فى المينيباص,انا مسمياه يوم التهزيئ العالمى
كنت مع صحابى وكنا كلنا بنات,وواحد كبير هو وصاحبه عاكسونا ورخموا علينا اوى,
وانا صحباتى هبل اوى وواحده فيهم عملت فيها فلوطه وزعقت له وبعدين الراجل اتجنن علينا راحت مكموشه فى نفسها ,طبعا الراجل لقاها كششششت راح طخ طخ يا شتايم وطاح فينا,
صاحبتكوا طبعا مسكتتش,الى هيا انا قمت اتعاركت معاه,مانتوا عارفين الاسكندرانيه دمهم حامى,
وربنا مايوريكوا ,بجد متهزاتش فى حياتى قد اليوم ده.بس فى الاخر بردو انا الى كسبت وقلت للسواق يوقفنا عند القسم عشان اوريله مقامه راح الراجل خاف ونزل.
بس اتقلنا كلام بعمرنا كله.ههههههههههههههههههههههه.لايمكن انسى ابدا اليوم ده.
مستنيه اسمع مواقفكوا بئى.
