مع المجتمع ~2~الخيانة الالكترونية

السلام عليكم و رحمة الله اخواني أسعد الله يومكم
اليوم ،، و ضمن برنامج (مع المجتمع ) الذي نناقش فيه قضايا الأسرة العربية
أحببت أن أطرح عليكم موضوعا لا نوليه قدا من الأهمية
انها الخيانة ، و أي خيانة ؟؟

الخيانة الالكترونية

يبد و أن الإنترنت أصبح العدو الأول لاستقرار الحياة الزوجية..فبسببه صارت الخيانات الزوجية أكثر سهولة إذ يكفي أن تضغط على زر الكمبيوتر لتبدأ مغامرتك الصغيرة المثيرة مع صديقة أو عشيقة وأن تتلاقى معها وتتحدث إليها وتناجيها دون أن تتحرك من مكانك أو حتى تقوم بتبديل ملابسك المنزلية، باختصار صارت الخيانة على الإنترنت حقيقة واقعة لدرجة أنها أصبحت الظاهرة الأكثر شيوعا بين الأزواج .
هذه الظاهرة وهي »الخيانة عبر الإنترنت« صارت ملحوظة للغاية خاصة في أوروبا حيث يتعامل الناس بصورة يومية مع الإنترنت، وطبقا لإحصائية المكتب الفيدرالي للإحصاء بسويسرا العام 2002 فإن 60٪ من المتعاملين مع الإنترنت جربوا التعارف و45٪ منهم اعترفوا بأنهم يفعلون ذلك عدة مرات في الأسبوع، وهو ما يفسر الإقبال الكبير على مواقع الدردشة والمقابلات و»الشات« التي تقدم لزائريها دون حرج أو مشاكل فرص التحدث والمناجاة والخيانة على موجات من الخيال والسحر والإثارة .
فالمرأة المتزوجة تدخل إلى عالم الانترنت..فتنبهر بهذا العالم..
فتكلم هذا وتكلم ذاك..وتخبرهم بحياته التعيسة مع زوجها الشرير لترأف قلوبهم..ويعطونها الوعود بتخليصها من هذا العذاب عدى ما يلحق الزوج من الشتم والسباب..
وعندما تمل هذه المرأة من هذا الرجل بعد أحاديث الحب والغرام والليالي الطوال..أو يمل هو منها ..
فتنتقل إلى رجل آخر تعلقه بحبها وتعرض عليه
مأساتها..فتشكي وتنوح من زوجها..
وتتكرر القصة
والرجل المتزوج يصطاد الفتيات..فيغرقهن بالكلام المعسول..ويعشن المغفلات في عالم الأحلام..وبعد أن يمل منها..فقد خلص الكلام..أو انه قد اخذ منها ما يريد..
فينتقل إلى فريسة أخي لكي يصطادها وينال ما يريد منها..

ومن هنا نبدأ الحوار ونطرح التساؤلات :

1- ما سر الإقبال الكبير على هذه المواقع وهذه الخيانة ؟؟ هل هو سهولة وسرعةالخطوات المتبعة فيكفي عدة نقرات على »الفأرة« ويصبح من حق أي شخص إقامة علاقة وهو في مكانه مع عدد لاحصر له ؟؟

2- هل الخيانة عبر النت أخف وقعا على النفس من غيرها؟ أم أن كلاهما متساويا؟

3- هل هذه الخيانة ناتجة عن التقصير أم حب التغيير أم المغامرة والفضول ؟؟

4- ماهي أسباب الخيانة من وجهة نظركم ؟؟ هل هي انتقام ؟؟ أم نزوة ؟؟ أم ماذا؟

المرجوا من الاخوة الراغبين في المشارة الاجابة على الأسئلة في المقام الأول
ثم لابأس باقتراحات و حلول خارجة عن الطرح

في نهاية العدد يتم اختيار عضو او أكثر للانضمام الى فريق العمل

شكرا لكم و بارك الله فيكم

تقبلو تحيات فريق العمل
prince samir

بدايه بشكرك ع الموضوع
الموضوع ده بيهدد اي حياه اسريه وينسفها من جدورها تماما
وبعد اذنك هاحاول ارد ع الاسئله من وجهه نظري الشخصيه
1- ما سر الإقبال الكبير على هذه المواقع وهذه الخيانة ؟؟ هل هو سهولة وسرعةالخطوات المتبعة فيكفي عدة نقرات على »الفأرة« ويصبح من حق أي شخص إقامة علاقة وهو في مكانه مع عدد لاحصر له ؟؟

بيتهيئلي السر ف سهوله الموضوع
فالزوج مش محتاج ان يتزين ويخرج ويبحث علي من يخون زوجته معها
فهناك مواقع ومنتديات توفر ده ممن غير اي حرج

2- هل الخيانة عبر النت أخف وقعا على النفس من غيرها؟ أم أن كلاهما متساويا؟
علي نفس الخائن اه لانه بيعتبر الموضوع مجرد تسليه
اما بالنسبه للطرف التاني (الزوج او الزوجه )فالامر سواء والخيانه كلها واحد

3- هل هذه الخيانة ناتجة عن التقصير أم حب التغيير أم المغامرة والفضول ؟؟
بيتهيئلي اي سبب منهم ممكن يدفع الخائن للخيانه
اضف اليهم السهوله والامبالاه باعتبار الامر تسليه وغيرها

4- ماهي أسباب الخيانة من وجهة نظركم ؟؟ هل هي انتقام ؟؟ أم نزوة ؟؟ أم ماذا؟
الاسباب كتير
ولكن اهمها هو انعدام اخلاقي عند الخائن

بصراحه الموضوع صعب علاجه لانه بيتعلق باخلاقيات فاسده اتربي الفرد الخائن عليها
ولكن نتمني ان بالاستخدام الصحيح للانترنت ممكن الاموضوع ده يختفي او حتي يقل

بشكرك مره تانيه
وتحياتي

انا عايز اقول اولا قبل ما اجاوب على الاسئله دى
الموضوع ده
تحفه
بجد تحفه
تسلم الايادى على المجهود ده
ما سر الإقبال الكبير على هذه المواقع وهذه الخيانة ؟؟ هل هو سهولة وسرعةالخطوات المتبعة فيكفي عدة نقرات على »الفأرة« ويصبح من حق أي شخص إقامة علاقة وهو في مكانه مع عدد لاحصر له ؟؟

بص يا سيدى
ده اولا بيكون نقص
واحد مش لاقى حب
حاسس ان عنده حاجه ناقصه
بيروح على النت يقول كل المواصفات الى كان بيحلم بيها تكون فيه
من اسم
لشكل
و الى اخره
يعنى اصلا متهيقلى ده مرض مش عضوى يعنى لا بس هوا مرض نفسى
يمكن انا اكون بالغت اوى لو قولت عليه مرض
و يمكن كمان حب التملك
ده موجود و ده برده موجود

2- هل الخيانة عبر النت أخف وقعا على النفس من غيرها؟ أم أن كلاهما متساويا؟

جميل اوى السؤال ده يا جماعه
بس هقولك
اى شىء مبنى على كذب
بينتهى على كذب
بينهم طبعا مسافات
و مفيش مشاكل
مفيهاش حاجه
بس الخيانه على النت اخف وقع
مش فى كل الحالات
صعب يكونو متساويين

3- هل هذه الخيانة ناتجة عن التقصير أم حب التغيير أم المغامرة والفضول ؟؟

الخيانه فى الحاله دى ناتجه عن الاربعه

التقصير
و حب التغيير
و المغامره
و الفضول

افتكر التقصير
موجود فى كل مكان
مهما كان بسيط ممكن يفرق كتير بعد كده
حب التغيير
اكيد طبعا احنا عارفين محدش بيلتزم بالروتين الى بيعمله كل يوم
و الا يمل
لازم يكون فى شىء جديد يبدأ يشغله
مغامره
دى بقى روح الشباب و البنات
عايزين حاجه جديده
طعم جديد للحياه
بس ده طعم وهمى
عارف
فكرتنى بحاجه حلوة اوى
زى غزل البنات
كبييييييييييييييييييييييييييييييييييييييييييييييير اوى
و تيجى تاكله
يدوووووووووووووووووووووووووووووووووووووووووووووووب

4- ماهي أسباب الخيانة من وجهة نظركم ؟؟ هل هي انتقام ؟؟ أم نزوة ؟؟ أم ماذا؟

اقولك سبب الخيانه
تقدر تقول انتقام
و تقدر برده تقول نزوة
بس الاصح
و الى انا شايفه
الملل
هتحب واحده من على النت
هتتكلم وياها فى ايه
هتزهق
هتمل
مفيش كلام
مفيش اهتمام
خلاص انا حاسس بملل
و من هنا تيجى الخيانه

ارجو مكنش طولت عليكو انا عارف نفسى رغااااااااااااااااااااااااااااااااااى اوى
بس التوبك عجبنى اوى اوى اوى
تسلم اديكو بجد
تحياتى

مشكور يا سمير على التوبيك الجامد دا

ولى عودة تانية للرد على الاسئلة

تحيتى لك وفى مزيد ان شاء الله

اول حاجه طبعا كلامى مش هايوصف مدى ان بجد موضوعك تحفه بجد اوى وجديد اوى ان حد يتكلم فيه وهاجاوب على الاسئله من وجهه نظرى

ومن هنا نبدأ الحوار ونطرح التساؤلات :

1- ما سر الإقبال الكبير على هذه المواقع وهذه الخيانة ؟؟ هل هو سهولة وسرعةالخطوات المتبعة فيكفي عدة نقرات على »الفأرة« ويصبح من حق أي شخص إقامة علاقة وهو في مكانه مع عدد لاحصر له ؟؟
ف نظرى انه مرض نفسى او نقص وده كمان راجع للتربيه واحترامه لنفسه ولاخلاقه ولدينه وكمان ده انسان خاين اللى يعمل كده يعنى لو واحد محترم وبيحترم نفسه لو حتى كل المواقع المحرمه ديه قدامه عمره ماهيفتحها مع انه سهل اوى انه يدوس نقره ع الموس ويعمل اللى عاوزه بس اخلاقه ماتسمحلوش
2- هل الخيانة عبر النت أخف وقعا على النفس من غيرها؟ أم أن كلاهما متساويا؟
ده للانسان اللى الخيانه ف دمه اللى بيبرر لنفسه سبب الخيانه انه تسالى وانه مادام مابيعملش حاجه يبقى عادى لكن الخيانه انواعها كتير بس عقابها واحد وتسميتها واحده خيانه
3- هل هذه الخيانة ناتجة عن التقصير أم حب التغيير أم المغامرة والفضول ؟؟
بيتهيألى نتيجه كل اللى قولته بس الاكتر انه نقص نفسى واخلاقى انه يعمل كده
4- ماهي أسباب الخيانة من وجهة نظركم ؟؟ هل هي انتقام ؟؟ أم نزوة ؟؟ أم ماذا؟
اسباب الخيانه هى نزوه بس بيدفع تمنها غالى اوى من عمره اللى فات وهو بيخون وكمان زى ماقولت مرض نفسى وعدم قربهمن ربنا وعدم احترامه لدينه انه يخش مواقع محرمه زى ديه وكمان لو هو متزوج

ولتانى مرة بحييك ع الموضوع واسلوبك الراقى ف مزيدمن المواضيع اللى بتبهرنا بيها

باك مرة تانية للرد على اسئلتك يا غالى

1- ما سر الإقبال الكبير على هذه المواقع وهذه الخيانة ؟؟ هل هو سهولة وسرعةالخطوات المتبعة فيكفي عدة نقرات على »الفأرة« ويصبح من حق أي شخص إقامة علاقة وهو في مكانه مع عدد لاحصر له ؟؟

امممممممممممممممممممممممممممممممم
بصراحة مش عارف بس اكيد هوة شايف ان فى تقصير فى اى حاجة بقى
بيحاول يملىء التقصير دا باقامة علاقات على النت دا من راى

2- هل الخيانة عبر النت أخف وقعا على النفس من غيرها؟ أم أن كلاهما متساويا؟

متهيلىء اخف شوية
لان على النت دا نت بس لو مزدتشى عن حدود نت
لكن الخيانة التانية اكيد دى بتكون صعب
بس الاتين اسمهم خيانة

3- هل هذه الخيانة ناتجة عن التقصير أم حب التغيير أم المغامرة والفضول ؟؟

تقصير ويؤدى الى فضول الى عالم تانى (( النت ))

4- ماهي أسباب الخيانة من وجهة نظركم ؟؟ هل هي انتقام ؟؟ أم نزوة ؟؟ أم ماذا؟

امممممممممممممممممممممم
اسبابها قولنا بيبقى عن الراجل تقصير
اينعم ممكن مفيش تقصير ولا حاجة بس من وجهت نظرة
ان فى حاجة نقصاة فبيتجة الى عالم تانى اوسع وشامل هوة النت

شكرا مرة تانية يا اخى على الموضوع
تحيتى لك وفى مزيد ان شاء الله

شكرا جزيلا لكم جميعا
آسف لأني لم أتمكن من التعليق على ردودكم لأني كنت مريض طيلة الاسبوع
ردودكم كلها كانت راقية و راقية

هنا سنختار العضو الذي سينظم الى فريق العمل
تجدونه في العدد القادم

» مع المجتمع 1 الأسرة و الهجرة
» مع المجتمع 3 اسرة في الطرق الى التفكك