معانا النهارده ولمده اسبوع مشرفتنا الرقيقه Mayoosh

هاى ازيك يا مى

عاملة اية ؟؟ اية عاملة اية دى مهو انا لسة مكلمك دلوقتى ما علينا من دا
صحيح ما انت عارف انا عمله ايه
الندم دا اكتر حاجة توجع عند الانسان واصعب حاجة انك لسة عايشة فية لحد دلوقتى

اممممممممممممممممممممممممممممممممممممممممم
ام اي بس ع فكره هو مش ندم بمعنى الكلمه
اية الندم الرهيب اللى عندك دا ؟؟؟؟
هو مش ندم هو زعل ومش ع شخص
لا انا زعلانه ع ضياع الحب
اية سببة ؟؟
السبب بقى انه كان اول حب ف حياتى
وخصوصا ان الحب كان شىء مستحيل بالنسبالى
وحسى بكدا لية ؟؟
جايز عشان انا انسانه حساسه زياده عن اللزوم
ولية مرجعتيش وتصلحى بدل اما تعيش فى الندم دا كلة طالما هوة كان فارس احلامك ولسة مأثر فيكى لحد دلوقتى ؟؟
هو مأثر فيا عشان كان اول حب ف حياتى واول حد اثق فيه
بس مينفعشى نرجع تانى خالص لاننا بقينا اتنين مش واحد
كانت عيوبة اية ؟؟
كان عصبى وديكتاتورى
وكانت ممكن تصلح ولا لاء ؟؟
مممممممممممممم
كانت صعبه اوى تتصلح وغصب عنه
لان الطبع يغلب التطبع
وياترى انتى عيوبك اية (( وبلاش تقولى الطيبة )) ؟؟
مممممممممممم اوك
انا متقلب اوى

تعريف الصداقه من وجهت نظرك ؟

الصداقه
تعنى الصدق فى كل شئ فالصداقة تغذى الأخلاق
واعتقد لا يمكن الاستغناء عن الصداقه ف الوقت الحالى

اصحابك كتير (( مش زميلك اصحابك )) ؟؟
ممممممممممممم يعنى بس مش كتير اوى
بس انا بطبعتى مش بعرف اخبى
اغلبهم صبيان ولا بنات ؟؟
اكيد اغلبهم بنات بس برضه ف ولاد
حدودها بتكون ازاى ؟؟
اصحاب بقى بمعنى الكلمه مافيش تقريبا حدود
الا الحاجات الشخصيه جدا

لية دايما انتى حاسة بالوحدة ؟؟
تقريبا لان صعب حد يفهمنى واحس انه قريب منى
مش جايز علشان انتى مش بتدى يبقى مش هتاخدى (( فهمانى كويس ))
مممممممممم وجهات نظر
بس انا بحاول ع قد مقدر مقصرشى مع حد
الا لو كان بقى غصب عنى
تعتبرى نفسك من الناس اللى مدلعة اكتر من الازم بما انك الوحيدة يعنى ((فى البنات ))؟؟
مممممممممم فعلا
اية رايك فى الانترنت ؟؟ (( عيوبة _ مميزاتة _ استفدتى منة اية ))
مممممممممممم الانترنت
عيوبه كتير منها اننه بيضيع الوقت
مميزاته بقى انك بتعرف ناس جديده
وبتعرف حاجات كتير
استفد منه ايوه كتير انى عرفت ناس كنت ممكن معرفهمشى
وهما بالنسبالى حاجه مهمه زى اخواتى
وفادنى كتير ف دراستى ابحاث بقى وبتاع
من امتى وانتى بتستعملى الانترنت ؟؟
من حوالى 4 سنين او اكتر
دخلتى على مواقع شات وبتعملى شات ؟؟ قبل كدا او دلوقتى
اه دخلت موقع شات اول ما استخدمت النت
بس بقالى حوالت 3 سنين مدخلتش خالص
اكتر موقف احرجك كان اية (( كفاية موقفين تذكريهم )) ؟؟
مممممممممم حرجنى
يوم وكان خميس كنت قعده فالنادى وبتكلم
حد قالى واسمه علاء انتى بتقطعى ف الكلام كده ليه

موقف تانى مش فاكره

شايفة نفسك ازاى ؟؟
عادى يعنى انسانه بسيطه
عندى شؤيه مبادى بحاول منسهاش
نفسى جزء من احلامى يتحقق
شايفة انك خجولة ولا جريئة ؟؟
ع قد ما انا لمضه بس بتكسف اوى
مرتاحة نفسيا ولا لاء ؟؟
حاليا الى حد ما مرتاحه
الحمد لله
السؤال اللى انا سالتة كتير مش لاقى اجابة لة

اشمعنا انتى اللى اختاروكى للتمثيل فى المسرح فى قصر الثقافة هنا ؟؟ اشرحيلى بقى الحكاية دى واحدة واحدة وبراحة اصل انا بصراحة حاقد عليكى هههههههه
ههههههههههههههه

الحكايه جالى تليفون من المخرج وقالى عوزينك تمثلى معانا وبتاع
ولما سئلتوا اشمعنا انا قالى انا شيفك ف الدور وعارف
انك هتعملى فيه حاجه جامده
بس ياسيدى
رؤيه مخرج بقى انا اعمل ايه
مش عايز اطول فى الاسئلة لانى لو طولت يبقى ملهاش معنى
طبعا انت مش منحقك اصلا تسئل
لو افتكرت حاجة تانى هبقى اقولك عليها

اوك سلام يا قمر
سلاموز يادادا