الفنان خالد الصاوي يفوز بجائزه مسابقه الخواطر علي الفيس بوك

فى اجمد مسابقة على الفيس بوك علي جروب

( بتعرف تكتب خواطر طيب قول وسمعنا)

حصل على المركز الاول الفنان خالد الصاوى
والمركز الثانى احمد منصور
والمركز الثالث احمد سالم

انا حبيت انقل الموضوع ده لان الادمن بتاع الجروب ده واحد مننا و مش غريب
عن حدوته

اقروا الموضوع الاول وبعدين هقولكوا عليه



ـــــــــــــــــــــــــــــ

المركـــــــــز الاول:


خالد الصاوي

وحشتني القمة العربية

وكلامها الحلو الكداب

وعيونها المايصة العسلية

وقرار الشجب الخلاب

وإيديها النونو بتتعفرت

وتدق جميع الأبواب

والصوت السيكا بيغرد

ويلقح ...لكن بحساب

وادي يا بني فرق التربية

وادي قمة ما يغلبها غلاب

حبيتها علشان رقتها

حبوها معايا يا أحباب

القمة المزة العربية..

وفحولها شجر اللبلاب!

وحشتني النخوة الشربتلي

والكرافتات الممضية

والشعر المصبوغ والغنجة

واللغوة والديبلوماسية

وبيان الفتحة والقفلة

ولا الأحاديث الجانبية

يا اخوتي عليها اما تهدد

وتحدف قطن وحنية

وتخاصم ...لكن من برة

ما كفاية السحنة الملوية

أهي دي اللي تعيش يا بلدينا

شارية ومكسوفة وعشرية

ما هي بنت ذوات مصروف فيها

قوت الملايين الفقرية!

وحشتني خلاص انا مش قادر

ودوني يا عالم بيروت

أتملي من البشرة الناعمة

وأملس ع الخد التوت

وافديها بروحي من الحاقد

واديله خمسين نبوت

قال يعني مش عاجبه صفارها

علي ايه بتلوم الكتكوت؟!

يجرحها عشان متربية

باصة في الأرض مفيش صوت؟؟

الله لا يسامحك يا جاحدها

يا مبجح فيها يا سفروت

وتعيش القمة العربية

لو حتي العربية تموت

!!!!

ــــــــــــــــــــــــــــــــــــــ


ايه رايكوا

بجد فنان موهوب جدا مش في التمثيل بس

لا في الشعر كمان

المركز الثاني:

احمد منصــــــــور

انا آسف يا حبيبتي

آسف أني أنا

ليتني قد كنت غيري

كي تعشقيه

آسف لأن صورة رسمتيها ببالك

او ان حبا بدأ ينمو داخلك او قد بدا لك

ضاعوا وظلت صورتي وانا ضعيف في خيالك

آسف أني

ما عدت املك غير قلب

تملئينه

انت لي اجمل هديه

لم يرعها شوق وحب

ما كنت أعلم

ان للحب طقوس

ظننته روح و روح

عند جرح عندها او عنده

التقيا

و ما اكثرها من جروح

جنة للروح ليست للنفوس

مذنبٌ قلبي حببيبي دون ذنب

اجرحيني ارفضيني

اقتليني

ضيعي في الطريق

هل عاد يخشى الماء

انسان غريق

ليتني لم اعرفك

قد كنت قبلك اعتقد

انني سأقابل الحب الأكيد

لكنني من بعد حبك

ما عدت اقدر ان احب

يكفيني ان ابقى بحبك ذا شهيد

آسف لا لست بطلك

لا املك الفرس الجميل

وعندما لا استطيع حماية الحب الوليد

هل استطيع حمايتك

بطل ورق

يروي الحكاية في الورق

يغشى الحروب على الورق

اما الحقيقه

فخير ما فعل الغرق

آسف يا حبيبتي

المركز الثالث:

احمد ســـــالم



هعاند وهعافر

هبعد عنك بعيد وهسافر

انا مش قدك ولا قد سجنك

اللي عمره ما فرق

بين مؤمن وكافر

سجنك له باب واحد

للي داخل بس

واللي يفكر يعاود

مش هيلقالك بيبان

بس هيلقى المفتاح

سجنك من غير انوار

ابيض واسود

مش الوان

خوفوني كتير منه

وقالولي زي اوضة الفيران

جواه قلب هيشدك

وبسرعة يقفل وراك

وتختفي حتة الجبنة

ويختفي السجان

سجنك من غير محكمة

حكم مسبق بالحب والحرمان

بس ليك حرية الاختيار

عايز حزنك عادة ولا انهيار...؟؟

حكولي عن سجنك حكايات

اساطير

اشكال والوان

وروايات

وقالولي هتبقى سندباد

وابن بطوطة

وممكن تبقى فطوطة

وحسن ونعيمة

واما نعيمة

نعمين

خلي عليوة

يحكي للحليوة

عن غنوة الحنين

الحكم في سجنك مؤبد

ومتسألش على حيثيات

ولا شاهد نفي

ولا اثبات

وانا مش داخل مش داخل

انا اصلي مجبتش مجموع

يدخلني كلية الدموع

والاحزان

سجنك زحمة ومليان

سجنك خمس نجوم

فطار وعشا

واوضة نوم

بس معييش الحساب

وانتي طبعك قلاب

معلش مش هقدر

اعذريني

حسي بيا

سيبيني

وبلاش تحاسبيني

متشدينيش ارجوكي

واعتبريني زي اخوكي



اه كنت هنسي

الادمن بتاع الجروب ده علي الفيس بوك هو العضو

محمد علاء

mohammed3alaa

بجد كلام رائع

مواهب حقيقيه

نمازج رائعه للخاطره

وبجد خالد الصاوي يستحقها عن جداره

شكرا دادا علي مرورك

وشكرا شيكو