اخطاء العرجون ونكته جماهير الاسماعيلي.....................

هنتكلم النهارده علي اخطاء عبد الرحيم العرجون مش اللي في الماتش ولكن اللي بعد الماتش
فبالرغم من الظلم الواضح الواقع علي لاعبي الاهلي ولا ندري ان كان مقصود ام هي اخطاء فنيه لسوء مستوي الحكم المغربي.
ا\ايهاب صدقي احد رجال الاعمال الاهلاويه تم الاتصال به بعد الماتش من بعض اقارب الاعبين لوجود مشكله مع الحكم المغربي وتوجه رجل الاعمال وعندما التقي بالعرجون قال له حرام عليك احنا لينا ضربتين جزاء مش عايزين الاتنين كنت احسب واحده بس فرد العرجون باسلوب مستفز :لا ده انتو ليكو ست ضربات جزاء .
رجل الاعمال رد وقال ما تخليش اسلوبك مستفز كده فقال الحكم انتو عايزين كل حاجه بالعافيه وقال جمله تعبر عن نيته المبيته ضد الاهلي قال الحكم (هو مفيش الا انتم ) وده طبعا معناه ان راح زمانكو خلاص ولو كان لابد ان احنا نخسر ظلم فهنخسر عشان خاطر الحكم وعشان خاطر ان احنا خدنا 12 بطوله من اصل 13 بطوله دخلناها .
هل الضربيه الواقعه علي الاهلي ولاعيبته انه لازم يخسر ولو حتي ظلم
بيتهيئلي اول مره الاهلي يتعرض لكل هذا الظلم والغريب ان اللي حصل ده بدأ من مباراه سوسه وامتد الي مباراه القاهره.
علي فكره الكلام ده مش من عندي الكلام ده ملخص لما عرضه د.علاء صادق في برنامجه عن الماتش واستضاف الحكم المعتزل الكابتن عبد الرؤوف المرشيدي وده مش اي حكم ده حكم له وزنه وسمعته واتكلم في اخطاء كتيره اوي للحكم كوفي كوتجا حكم لقاء الذهاب في سوسه وللحكم عبد الرحم العرجون حكم لقاء العوده.
نيجي بقي للنكته اللي عملها جمهور الاسماعيلي
والله حاجه تكسف
بعد اللقاء خرجت مظاهرات من الجماهير في الاسماعيليه رافعه اعلام الاسماعيلي واعلام تونس فرحانه بفوز النجم الساحلي.
بالذمه مش حاجه تكسف المفروض ان احنا كلنا مصريين واللي حصل ده عيب علينا جماهير الاسماعيلي نسيت ان 80الف مشجع اهلاوي وقفوا ورا الاسماعيلي سنه سبعين في نهائي افريقيا وكان عدد الجماهير 130الف وكان الاسماعيلي بيلاعب الانجلبير وحصل علي بطوله افريقيا بعد ما كسب 3-1.
القله القليله من جماهير الاسماعيلي نسيت اللي حصل وخرجت شمتانه في الاهلي اللي خسر النهائي مع انه كان بيلعب باسم مصر.
في النهايه بنوجه الشكر لكل المصريين اللي وقفو ورا الاهلي وزعلو لما خسر ظلم من الحم الدولي عبد الرحيم العرجون.