الحب من طرف واحد اقصى انواع العذاب

عاوز اتكلم معاكوا عن الحب من طرف واحد ياترى هو اقصى انواع العذاب

طيب لو وحده جات قالتك انا بحبك وانتا مش بتحبها هتتصرف ازاى ؟

ولو انتى حد جيه قالك انا بحبك برده وانتى مش بتحبيه هتتصرفى ازاى؟

كتير اوى بشوف الموضوع ده بيحصل بس بلاحظ ان فى ناس بترد رد سخيف

وده طبعا بيكون للى رد فعل فظيع على الطرف اللى حب وبيسببلوا عذاب

كبير وفى ناس بتحاول تتعامل مع الموضوع بجديه وبخوف على الطرف اللى حب

وبتوصله لدرجة انه يتفهم انها او انه مش حاسس بنفس المشاعر نحيته

وده من وجهة راى الصح اننا منجرحش حد حس ناحيتنا بمشاعر جميله

عاوز اشوف رايكوا سلام

طبعا موضوع جامد جدا يا حماده وفعلا أحناعارفين أن فى ناس كتير اتالمت بس الحكايه دى
بس هقولك رأى أنا مثلا لو جالى حد قالى أنه بيحبنى وأنا مش بحبه هكون قاسيه فى ردى
مش هغلط ياعنى ولا حاجه بس هو ياعنى هقول الصدق
ممكن ساعتها يتأثر يزعل
بس متهيألى بعد كده أما الموضوع يتنسى شويه هيعرف أنى أتصرفت الصح
وأنا عمرى ما هظلم حد معايا أبدا ياعنى لما أقول بحب لحد هكون متأكده أأأأأألف مره أنه يستاهلها وأنى قدها أنا كمان

موضوع جميل يامان بس يابوسى انا رأيى بلاش الرد االقاسى هو الراجل جاى يعاكس انا رايى رد يكون كويس ومافيهش تجريح طبعا عشان خالى بالك ان اى رد بالرفض ده هايبقى صعب عليه ومحرج وشديد فا مش ناقصة يبقى قاسى كمان ممكن بقى ساعتها يتحول من حب لكره ولا ايه

زائر

يالهوي عليك يا دادا..

انا كنت عايز اتكلم عن الموضوع ده في الموضوع بتاع اسامة منير...
بس ياللا مش مشكلة..
الحب من طرف واحد...
مشكلة ومصيبة...
بس انا رايي ان الحب من طرف من واحد مش معناه ان واحد او واحدة تيجي وتقولك بحبك..
ده كدة هيتحول لطرفين لكنها علاقة لم تكتمل...
بينما الحب من طرف واحد علاقة تفتقد المصارحة والحب يكون شخصي لا يدري به احد سوي الشخص الواقع به...
لسة في بقية للحوار... اعتقد ذلك

حلو اوى موضوعك ده يادادا وحلو كمان الاسم ده انا نفسى حصلى كده بس رديت بمنتهى الوضوح والاحترام اننا زمايل واخوات وانا مافكرش ف كده خالص هو زعل صحيح واتغيرت معاملته فترة صغيره بس رجع زى الاول عادى واقتنع بوجهه نظرى وبقى بيعاملنى باحترام وعادى وانا من راى اننا مانجرحش حد وف نفس الوقت نبقى صرحه عشان مانعلقش حد او نوهمه بحاجات واحنا مش قصدنا وطبعا توبيك حلو موت الحب من طرف واحد اقصى انواع العذاب 651365

الحب من طرف واحد اقصى انواع العذاب 651365

مشكور يا جماعة على المرور والأراء الجميلة دى

انا مر علية نفس الموقف دة بس انتوا عرفين فى حاجة اسمها

الحب المستحيل فمكنشى ينفع انى ابدلها نفس الشعور بالرغم من انى كنت بحبها بردة

بس بردة مكنشى ينفع لأسباب معينة

فعملت زى ما بوسى بتقولى قسيت عليها اووووووووووووووووى لانى اتكلمت معاها كتير فى الموضوع دة انة مش هينفع بس بردة منفعشى علشان كدة قسيت عليها شويتين علشان تنسانى مش عارف كنت غلط ولا لا بس عرفت بعد كدة انى عملت الصح

فعلا دى مش اجراج لة ممكن يتأثر اسبوع اتنين شهر بس بعد كدة خلاص وهنبقى زى الاول اصحاب

لكن لو كلمتة برفق ممكن يحاول انة يفتح الموضوع دة تانى

شكرا على المرور الجميل

تقبلوا منى ارق تحياتى

اولا : موضوع حلو للمناقشه أشكرك عليه
ثانياً:

اقتباس :: عاوز اتكلم معاكوا عن الحب من طرف واحد ياترى هو اقصى انواع العذاب

برغم من انه اقصي معاني العذاب فهو يظل اسمي معاني الحب
بس لو اعترفنا بالقول اللي بيقولان ( الحب مرتبط بالعذاب )
فهيكون الحب من طرف واحد هو العذاب نفسه لان الشخص بيعلق نفسه بحب من غير امل ويبعد عن الواقع ويتجمد في الخيال وبعدين فجاه يصحي يلاقي نفسه مكنش عايش حب حقيقي لان الحب الحقيقي اخد وعطاء فيفضل يتالم بكل لحظه عاشها وضيعها في جزيره حبه المنعزله لحد مكنش بيحس بيه

اقتباس :: ولو انتى حد جيه قالك انا بحبك برده وانتى مش بتحبيه هتتصرفى ازاى؟

حصلت لي بس ساعتها في الموقف نفسه اتجمدت في مكاني ومعرفتش ارد بكلمه يمكن لانها كانت مفجاه بالنسبه ليا
ولكن بعدين قلت للشخص ده بطريقه حسيت انها مناسبه من غير جرح بس هو اكيد انجرح لان مفيش طريقه لطيفه تقول بيها لحد بيحبك انك مش بتبادله الحب ده

ولكن تبريري الوحيد هو اني مضحكتش عليه وعيشته الحب وانا مش بحبه
اسفه طولت عليكم وشكرا علي الموضوع مره تانيه

بصراحة الموضوع حلو اووووووي
انا نفسي فوجئت بواحد بيقولي بحبك و عمال يضغط عليا و عاوز يعرف انا ردي عليه ايه
و انا مش حاسة باي حاجة ناحيته
و كانت غلطتي اني مقسيتيش عليه من الاول و صارحته باني مبحبوش
لان فعلا لما يكون الطرف اللي بيحبك بيلاقي الكلام و الردود مفيهاش قسوة
بيحط امل و بيكون متعشم كتير انه هيلاقي الرد اللي بيتمناه من الشخص او الشخصية اللي بيحبه او بيحبها مهما كان ده قاسي عليه او عليها او كان هيجرحه او هيجرحها بل هو او هي بعد كده هيرجعوا يقولوا فيه و فيها الخير انه و انها صارحني و صارحتني من الاول ففعلا هو لازم المصارحة من اول مرة بشعورك الحقيقي من ناحيته او من ناحيتها عشان ميجيش يلومك بعد كده او حتى يفتكر انك كنت بتلعب بيه و بتتسلى عليه

و بالنسبة لرد مشرف الرومانسية ان الرد القاسي ممكن يحول المحبة لكره
فانا مش معاك الصراحة لان اللي بيحب مبيعرفش يكره اه بيحس انه مجروح اوي و بيحس انه مش بيحب الشخص ده و يحس انه بيقول لنفسه ياريتني ما عرفته و لا حبيته بس بيجي مع نفسه بيلاقي انه برضه مبيكرهش و بتكون فترة اليمة عليه بعد مصارحة الطرف الاخر له بس بيرجع بعد كده لحياته الطبيعية و بيبتدي يدور من تاني على الحب الحقيقي اللي بيتمناه

على الموضوع الجامد و الحلو ده

يا جماعه انا ملاحظه ان كل الى اتكلم ورد على دادا كان فى موقف المهاجم,الى متالمش ولو للحظه,كلكوا كنتوا فى موقف انكوا اتحبيتوا مش حبيتوا.

ومهما كان تخيلكوا عن مدى معاناة الشخص الى اترفض فده واحد على مليون من الى جواه ,وكمان لو بيحب بجد.
بيبئ بيموت والله ومش زى مانتوا بتقولوا بيقعد اسبوع ولا شهر ,لالالالالالالالالالالا خالص ده يبئ كان عاوز يتسلى.
بصوا انا يمكن بنت اه لكن انا موقفى كان وحش اوى,لانى كنت مرتبطه بيه وفجاه اتحول حبى لحب من طرف واحد.
وشفت كل انواع الردود والصد الى انتوا بتقولوا عليه,بس منكرش انى متحطتش فى موقف ان حد حبنى قبل كده والح عليا.
وكان تصرفى قبل ما ارتبط غيردلوقتى,كنت الاول بصد وبتعامل بقسوه,لكن لما جربت,صدقونى اتعاملوا برقه وذوق ومن غير جرح ولو حاول ان الموضوع يتفتح هنا اقولك تصد وتبعد بدل ما تجرح.
واسفه للاطاله لكن فى مثل حطوه قدام عنيكوا دايما قبل ماتتصرفوا تصرف قاسى"ان الحياه يوم ليك,ويوم عليك"

الموضوووووووووع حلووووووووو اوى ومهم كمان
لو حد بيحبنى وانا مش بحبه وقالى هحاول احبه ولو مقدرتش اكيد هعرفه انى مش بحبه بطريقه لطيفه مش تجرحه لانه مينفعش نجرح حد حبنا واهتم بينا الحب من طرف واحد اقصى انواع العذاب 651365

الحب مفيش فيه غير العذاب اصلا حتى لو الاتنين بيحبوا بعض اكيد برضه كل واحد فيه حاجات تضايق التانى وبالتالى اكيد فيه عذاب
سامحونى فى الرد بس داه رايى وعن تجربه
وميرسى كتير على التوبك

((حبك عذاب ياما تحملته))

تسلم ايدك..موضوع نايس..

» انواع الحب
» انواع الحب
» شفوا الحب اللى محدش يعرفة واحد وخطيبتة بيتكلموا فى التليفون
» آيات العذاب
» حمار الحب .... آخر صيحات الاحتفال بعيد الحب ...........