مــــــيــــــــــــن الــســـــبــــــــب

السلام عليكم ورحمة الله وبركاتة

الموضوع دا عن المعاكسات و جات فكرته و انا قاعد انا و علاء و وداد على الشون

بس مكناش بنعاكس اوكى هو منظر مر عليا يمكن محدش خد باله منهم بس علق معايا

المهم ندخل فى الموضوع

البنت تقول:يا ساتر يا رب اية دا هما اول مرة يشوفوا بنات

والله انا زهقت من الحكاية دى كل شوية بالنظام دا....!!

والولد يقول:هما اللى عايزين كدا ما تشوف لابسين ازاى ..

ولا عاملين اية فى نفسهم ..!!

المعاكسات يا جماعة البنت زهقت من المعاكسة فى الشارع

كل ما تنزل من بيتهم تتعاكس لا دى مش سيما بقا لازم حل

ولما سألنا الولد قال هما عاوزين يتعاكسوا طيب ازاى يا ابنى الكلام دا

قال ان البنت ان متعكستش مترتحش ولا تحس انها بنت ...

وكمان طريقة لبسهم والميك اب بتاعهم هو اللى بيخلى الواد يتراخم عليهم

طيب انا بسأل شاب فى مرة

بقولة لية عاكستها ما هى مؤدبة اهى

قالى افرض ان هى مش حاسة بجمالها

مش لازم انببها لية واخليها تعرف ان مثلا عينيها حلوة

قلتلة لا عندك حق

فالمهم مرة عاكس بنت يعنى مش جميلة بقولة طيب لية عاكست بقا

قالى اهو بنكسب فيها ثواب

هههههههههههههههههههههههههههه

استغفر الله العظيم

المهم بردة لاقيت ان الولاد معذورين فى حاجة

بيقولوا لبسهم بيخلى الواحد يعاكس ويتراخم عليهم

يعنى لابسة حاجة ولادى شوية او شوية التقلايع بتاعت اليومين دول

وقالوا كمان ان البنت ان مكنتش تتعاكس تموت ويجرالها حاجة

وبكدا هما بيحافظوا عليكوا

فدلوقتى يا جماعة مين السبب فى المعاكسات

هل هى تصرفات البنت ....... ولا طيش الشباب ...؟

ونخلى بالنا بردة ان فى بنات بيكون فيها اسباب تخلى الولد يعاكسها

موضوع مطرووح ونتكلم فية شوية

مين السبب فى المعاكسات دى؟

[url=javascript:scroll(0,0);][/url]

[color=black]اولا بشكرك ع الموضوع لانه بجد يستحق المناقشه.....

الحكايه دي اعتقد ان المسؤليه فيها علي البنات والولاد

يعني لو الكلام مثلا متوجه للبنات .......

تلاقي الواحده بتقف تتزوق ساعه وبتتفنن في اظهار مفاتنها و الشعريتين الناعمين اللي ف الاول طيب ايه لازمتها الطرحه لما هتبيني الشعريتين دول (طبعا ده للي بتلبس طرحه اصلا اللي مابتلبسش بقي دي بقي ربنا معاها)؟؟؟؟؟؟؟؟؟

وتقولك انا ربنا مديني جمال اخبيه ليه؟؟؟؟؟؟ مش لازم ابينه للناس عشان يوقولو بسم الله ما شاء الله تبارك الخلاق في ما خلق (حسبي الله ونعم الوكيل بقي تضيعي نفسك عشان الهجس ده)طيب بلاش الشكل نيجي للهدوم ليه يا ست البنات بتلبسي لبس ضيق مثلا او شفاف؟؟؟؟؟؟؟

بتقول انها الموضه ....

طيب هو انتي لازم تقلدي اي حاجه وكل حاجه؟؟؟؟؟

مش في حاجه تتقلد وحاجه لا.........

بتقول وانا اعمل ايه يعني ؟؟؟؟؟

مانا لازم اعمل كده عشان ابقي مواكبه للعصر .....طيب ما تواكبي العصر بحاجه تانيه وتبيني نفسك ليه للي يسوي واللي ما يسواش ما تخليك متصانه احسن ولا لازم يعني ترخصي نفسك واللي رايح واللي جاي يتفرج عليكي........طبعا هترد وتقول ماتخليكش حنبلي ورجعي كده خليك اسبور انت من العصر الحجري ولا باين عليك كده معقد ولا ايه ؟؟؟؟؟؟؟؟؟؟

نيجي للاولاد.........

طبعا الباشا مش عاتق اي واحده حلوه وحشه مابتفرقش .......

تقولك يا عم الحاج ليه كده؟؟؟؟؟؟؟

يقولك ما البنات هما اللي بيلبسو ضيق طيب ما تخليك ف حالك انت مالك انت ضيق ولا مش ضيق وبعدين لو اختك دي ترضي حد يعمل معاها كده ؟؟؟؟؟؟؟؟

طبعا هيرد بكل فخر ويقولك انا اختي اشرف من الشرف وما بتلبسش حاجات من دي.......

طيب مانت عاكست المحترمه وقولت بنكسب فيها ثواب ....ثواب ايه اللي هتكسبها بالمعاكسه وبعدين يا اخي حتي لو هي كده ماتخليك ف حالك ومالكش دعوه طبعا الرد هيكون ياعم مشي حالك انت ايه معقد ولا ايه ؟؟؟؟؟؟

ده احنا بنعمل كده عشان نحسسهم بجمالهم والبنت ما تستريحش الا اذا اتعاكست فطبعا ده مايخافش لان في قاعده بتقول "الديان لا يموت اعمل ما شئت فكما تدين تدان" ..........

والمثل البلدي بيقول "كله سلف ودين حتي المشي ع الرجلين".......

بمعني انك زي ماهاتقول هايتقال لوالدتك او لاختك او لمراتك او لبنتك .............

الصراحه مش عارفين الغلط منين اذا كانو الولاد غلطانين فالبنات برده غلطانين

بس زي ما قولنا المسؤليه ع الاتنين مع بعض ..........

امني اني ماكونش طولت عليكم انا حبيت بس اوضح حاجه بجد منتشره بصوره تنرفز.....

[color:8545=black:8545]وشكــــــــــــــــــــرا

اولا الموضوع حلو جدا و فعلا فى اراء كتير

و لو كنت خت بالك من كام يوم جيه ف برنامج

الناس و انا الموضوع ده و كل السباب و البنات قالوا

ارائهم المهم بقى وصلوا للخر ان دى حاجه ترجع للتربيه

ف البيت و انا مؤمنه بكده جدا لان انا ممكن امشى ف الشارع

ولد يعكسنى و ولد تانى لاء عشان التانى ده تربيته افضل

و ممكن برده البنت تلبس اللى هى عوزه و يرجع برضه للبيت و التربيه

اول حاجه يامحمد والله انت كنت هتيجى فى الموضوع معايا على الشون بس سبحان الله نسيت ياعم خالص

ياله وتانيه حاجه انا بشكورك بجد على المرور بالتوبيك والرد عليه بجد ردك جامد اوى اوى

ميرسى على المرور Mayosh

بيقول ،، البنت الي ما بتتعاكس بتروح وهي زعلانة
علشان عم تشك في جمالهاو و و
ذه كلام بايخ من جنس دايخ

مش فاهم حاجه والله خلاص منك ياجميل

أفهمك يا كابتشينوا
ياعنى مش صحيح أن البنت بتزعل لما مش بتتعاكس
لأ طبعا لأ خالص كمان
وعلى فكره موضوع المعاكسه ده فعلا على رأى مى بيرجع للتربيه
فى بنت تكون نازله من بيتها وهى عايزه ده يبصلها وده يعاكسها وده يقولها ايه الحلاوه دى
فى بنت تحب نفسها شكلها شيك وكل حاجه بس باحترم ولنفسها مش لحد
فى ولد يعاكس أى وحد أدامه حتى لو قرده
وفى ولد لو عدت من أدمه ملكه جمال مش هيعاكس
بس أقولكم ياشباب كلمه من بنت
البنت بتحب الولد اللى مش بيعاكس التقيل ياعنى زى ما بيقولوا

انا بقى ماما دايما تقولى مش مهم البنت تكون لابسه ع الموضه والقصير والمشمر اهم حاجه انه يكون شيك ومحترم ولبس ديننا الاسلامى اما الحجاب بعتبره ستر للبنت اما الولد بيكون راجع برده لتربيهه البيت ده اساس اى حاجه يعنى البيت مسئول برده عننا ومن ناحيه البنات بتحب تتعاكس ياجماعه مش شرط تكون مغروره ممكن تكون عندها نقص فبتحاول تكمله بده وده طبعا برده غلط وف بنات لا بصراحه بقى البنات بجد بقوا حاجه فظيعه جدا ف اللبس معظمهم طبعا والشباب افظع ف اخلاقهم وبرده معظمهم مش كلهم مــــــيــــــــــــن الــســـــبــــــــب 953631

مــــــيــــــــــــن الــســـــبــــــــب 953631

مواضيعك كلها حلوة مش محتاجه كلام

فعلا ياخى بقت حاجة تجنن
اصبحنا فى زمن الكاسيات العاريات
معرفش ليه البنات بيعملوا كده
والشباب كمان اللى بيعاكس بيستفيد ايه من كده

انا الحمد لله عمرى ماعكست واحدة ولا هاعاكس

اللهم اهدنا واهدى فتيات المسلمين

يا عم قبل الحوار دة بقي كلة افهم الجملة دي ؟؟

اقتباس :: الموضوع دا عن المعاكسات و جات فكرته و انا قاعد انا و علاء و وداد على الشون

هوة الشون دة ورايا ورايا ولا اية ؟؟؟؟ ربنا يستر

عموما انا رايي بجد ان البنت المحترمة بتبقي نازلة من بيتها مش حاطة حد في دماغها ومش مستنية اي تعليق لا حلو ولا بايخ ... لانها بتبقي واثقة من نفسها وبعدين يعني لو مفيش ولاد في الشارع تنزل من بيتها معفنة ولا اية ؟؟؟؟

ثانيا بالنسبة للشباب فبصراحة مش ناقصة رمرمة واي بنت معدية ترمي عليها كلمتين ملهمشي اي لزمة يخلوها تبصلك بقرف اققل واجب يعني ولا بيئة ممكن تشتمك كمان .... اما لو بنت ناس بقي وكدة فكفاية انك شوفت انها شيك ومحترمة وكدة وياا ريت متضايقهاش وبصراحة اقولك متنساش انك ليك بردة اخوات بنات (لو ملكشي يبقي مراتك ..او عيالك انشاء الله اما تكبر ) ومن عمل يعمل ولو بعد حين

وبجد والي من اجمل مواضيع المنتدي ....ونقاش هادف بين الشباب والبنات وشكرا

الحمد للة والهي انا مش بعاكس بنات خالص خالص . بس بعاكس اصحابي بس .

تصدق مخدتش بالى الشـــــــــــــــــــــون تانى ياعلاء أنت مش بتحرم
اقول قدام الناس دى على اللى فيها
ولا أقولك خلينى ساكته أحسن
يابتاع الشون ههههههههه

انا والله مش عارف يعنى ايه الشون والحاجات ديه بس والله ياعلاء معرفش حاجه
ههههههههههههههههه
على العموم ميرسى على المرور بالتوبيك