موضه الحجاب

موضه الحجاب
بقالي فترة ملاحظ حجاب غريب اوي
طبعا نسبة المحجبات في ازدياد ماشاء الله

سواء عن اقتناع او حجاب شعر والسلام
المهم انها فى تزايد
ولكن
يبدوا انه في بعضـ المحجبات بتحاول تتحايل على الحجاب في سبيل خدمة الغريزة
يعني ما البنت برضه عاوزة تبقى امورة وشيك ولابسا ع الموضه
وفي نفس الوقت محجبة
قووووووووووووم اييييييه بقى
تلبسـ الجيب القصير وتحطيه البطلون الملذق على الجسم ( الكرينه ) وترفعه لركبتها غير بقى البطلونات الساقطه والالوانها بقيت ماليه البلد ( الاسود . الاحمر . الفوشيا . الموف . الابيض )
والبديهات القصيره
غير بقى العبايات الواسعه الفضفاضه لكن بقى ايه لازم تعوضـ وطلع نص شعرها
غير بقى المفاجئه الكبرى
الحاجات البنشوفها فى الشوارع ضحـكـ البنات العالى والبرفان المالى الشارع و( المياسه المصطنعه )
باستثناء بقى اللى بيجرى فى الافراح
يعنى تلاقى واحده لابسه حجاب لكنـ الفستان الشفتشي المعتبر
شفاف و ترتر وكله ولكنـ تحته بيكون فيه "بدي" او "بطانة" من نفس لون الجلد
يقوم انت اول ما عينك تقع على الفستانـ تتسرع
يالهووووووووووي
محجبة وضهرها عريان!!
او كتفها ظاهر كله
او او او..........
وياسلام على اخلاقها تقوم ترقص بس تنبه الناس ياريت محدش يصورنى ( أل يعنى )



ولو كلمتها تقولك مهو انا متحجبه اهو ( يعنى اموتـ نفسى ولا اتنقب بقى )
وفعلا مع قليل من التفكير تلاقي انها متغطية ولكن الموضوع كموفلاج عشان تبان انها مش لابسا
السؤال بقى
طب دا صح والا غلط؟
لو بنتكلم عملي
ماهي متغطية الست من كله اهو ومافيش حاجا باينا منها فعليا
لو ها نتكلم شكليا
فهى من الكاسياتـ العارياتـ واعوذ بالله

ها ايه رايكم حد شاف اللى بحكى عنه ده؟
ولو انت ولد ترضى تكون دى ام بناتكـ واولادكـ؟
ولو انتى بنت لما بتشوفى المناظر دى بتعملى ايه ؟
واى حد فيكم يرضى انه يروح ينصحها ؟
وانتو شايفين ان اللى احنا وصلنا ليه ده يرجع للاهل ولا الفضيات ولا هى اصلا مريضه
ولا ايه ؟

هههههههههههههههههه

عجبني اوي طريقة الكلام
________________________

بص انا هكلمك جد شوية فالاول مش هقول ان انا
اللي ملتزمة ومفياش غلطة والكلام دة بس فنفس الوقت
عمري ما عملت اللي هما بيعملوة دة ولا وصلت ابدا للمرحلة دي

بالنسبة بقي للبنات اللي بيعملوا كدة
ياأما في حد لبسهم الحجاب غصب ودون اقتناع
فلازم بقي تعوض وتبان انها بنوتة حلوة وهي من وجهة نظرها
اللي هي بتعملوا دة هو دة اللي بيخليها امورة وحلوة ودلوعة

ياأما هي شعرها وحش واكرت فمغطياة وفنفس الوقت مش هتقفل علي نفسها
لا لازم بردة تبين انها امورة وحلوة والكلام دة

ياأما لبستة عن اقتناع بس بتلاقي البنات حوليها بيعملوا كدة والشباب بيقولوا عليهم حلوين
وهي خايفة تطلع وحشة ما بينهم فبتقلدهم ودة طبعا لان شخصيتها ضعيفة ومعندهاش ثقة بنفسها

ويا أما البنات دي معندهاش وعي ديني ومتعرفش عقوبة اللي بتعملة
وتقولك لما اتجوز هبقي البس عدل اما دلوقتي انا لسة صغيرة
دة علي اساس انها مش بتتحاسب

انا حاولت اجيب بعض الأسباب اللي بيخلي البنات بتعمل كدة
انا من ساعت ما دخلت الكلية وبشوف مناظر غريبة للبنات
معرفش اية الغرض منها يمكن خايفين يعنسوا
او عايزة تحس بانوثتها الله اعلم اية اللي فالدماغ

بجد تسلم ايدك يا مصطفي علي الموضوع الجميل دة
موضوع يستحق المناقشة لانة بقي ظـــــــــاهرة ومعرفش اخرتها اية
ربنا يهدي الجميع تسلم مرة تانية

موضوع حلو اوى بجد
بص اعتقد انها عمليه تربيه ف الاول يعنى الام لازم تكون منتبهة اوى للبس بنتها
يعنى تعدل عليها لان الام والاب اللى هايتحسبوا عليهم
ثانيا لازم نرعى ربنا ف تصرفاتنا
يعنى ربنا يهديهم ياصاصا
اكيد اللى بتعمل كده عشان ترضى رغبتها او تلفت نظر الشباب فهما هايبصولها اه
بس مش عشان علاقه محترمه او انه هايحبها بجد
هيكون بالنسباله علاقه عابره او مجرد تسليه
لانها متنفعش تكون ام
تحياتى ليك ياصاصا ع الموضوع الحلو ده
تقبل مرورى

اقتباس :

باستثناء بقى اللى بيجرى فى الافراح

صاصا ملكشى دعوة باللى بيجرى فى الافراح انا قولتلك اهوة

انت جى توقف حالنا ولا ايييية ؟؟؟

ههههههههههههههههههههههههههههههههههههههههههههه

اة واة وااااااااااااااااة من اللى بحصل

والله انا لو اتكلمت فى الموضوع دا من هنا لبكرة مش هخلص

ومن اول لما نزلت الشغل اللى انا فية

مصدفنتش بنات محترمة ابدااااااااا كلهم بنات هايفة وبيبان عليهم من لبسهم

تلاقى البت متحجة من فوق بس لكن من بعد الرقبة .. (( تيييييييييت تييييييييييييت ))

طبعا مش كل البنات كدا بس دلوقتى بقيت الاغلبية اللبس والمكياج الاوفر

نادر جدا لما تلاقى بنت خارجة من البيت من غير مكياج دا لو نازل تشترى حاجة من البقال اللى جمبهم بتحط ميك اب هههههههههههههههههه

مش كل البنات كدا فية وفية علشان محدش يزعل بس

ربنا يرحمنا برحمته ويبعدنا عن الاشكال دى

تسلم يابوب على التوبيك الجامد دا

تحيتى لك وفى انتظار المزيد