قصيدة (( سارة )) شعر ياسين محمد عبده

(((( سار ة ))))

سارة
هي السهم
الخارج من قوس السماء
بغضب شديد
ليصيب بدقة متناهية
ويخترق
قلب العطن
وقلب الغباء
ويفجر
في العقول
القاحلة
الجرداء
أنهار التمرد
وينابيع الكبرياء
ويغرس في أعلى رأس الخوف
مرفرفا
علم الجسارة
سارة..

سارة .
هي فتاة
بيني وبينها البرزخ
ولكن
توسمت
في محيطاتها وجبالها وسمواتها
الإطاحات
والإجتياحات
والثورات
على كل المعقول والمنطقي
وعلى
البجاحة
وعلى صناديق الفكر المنتشرة
في الشوارع
وأكوام الآراء المبعثرة
التي يقف عليها الذباب
والحشرات
وعلى كل من لكرباج
التقاليد
يرضخ
بإعجاب
وسماجة
وتحت عجلات الجهل المستبد
لا
لا يصرخ
فهي الآتية
المخلصة من كل هذا
لا هوادة
والرعد
والبرق
والصواعق
في عيونها
النبوءة
العظمى
والإشارة
سارة ...

سارة
هي
قائدة
جيوش السحاب
القوي العفي
والأشجار المشاغبة
والبحار الشرسة للغاية
والوديان الثائرة
وهي من معها الغد
في حافظة شجاعتها
فمن يجن جنونه
ويقاوم رسالتها
سيفنى
تحت أقدام طيبتها
ما بالكم
بقسوتها ؟؟!!!
وقسوة قلب عواصمها
فلتفتح أبواب التاريخ لها
أو تقفل
هذا لا يعنيها
سيركع التاريخ أمامها يوما
ويتوسل لها
كي يذكر هو فيها
فالسلام على من اتبع البنت السماوية
السلام على من اتبع الجنون
السلام لكم حين تهتفون
بحناجر عيونكم
لها
وباسمها
حين تشاهدونها قادمة
أوفي غيبتها
وهي لا تغيب ابدا
وتظل الهتفات مشتعلة
مشتعلة
فلا محالة
فقد اندلعة
وستستمر
الى
وقت الخلاص
الشرارة
سارة ..

جان دارك
أو سارة
فتاة من فرنسا
أو من مصر
من
مدينة المحلة
لا فرق
لا فرق
نعم
لا فرق
ما دام يسود الخرس
ويباع
في سوق العهر الجرس
ويركب الجبن
صهوة الفرس
لا فرق
ما دامت الأوطان
تترنح
ومادامت العصافير
على المقاهي
وعلى ناصية كل الشوارع
تهتك أفكارها
وتذبح
وما دامت الحرية
جالسة على الرصيف
بملابسها الرثة
تبكي
وتستجدي
بعض فتات النور
وتتجرع الخيرزان
والمرارة
سارة ...!!!!!

..........................
شعر ياسين محمد عبده

بجد احسنت وعجبتني قوي القصيده دي

وعجبتني الفكره عمه كمان بس انا برده مش قادر احدد

يا تري ساره دي رمز للتغير ف القصيده بتاعتك ؟

اما ساره دي بنت عاديه انت شايفها زي الملاك ؟ وشايف فيها التغييير سواء كان لنفسك او للمجتمع من حولك ؟

طيب لو كانت رمز للتغير او حتي بنت ؟ ليه وصفتها ب الابيات دي ؟

اقتباس :: فالسلام على من اتبع البنت السماوية
السلام على من اتبع الجنون
السلام لكم حين تهتفون
بحناجر عيونكم
لها
وباسمها
حين تشاهدونها قادمة
أوفي غيبتها
وهي لا تغيب ابدا

عامه انا عجباني فكره القصيده وطريقتها ونايس توبك

سلام

أولا شكرا لمرورك وشرفت حقيقة بمرورك
ثانيا . سارة هنا هي الرمز للبطولة وهي الخلاص وإذا لاحظت ستجد أني ذكرت ((جان دارك
أو سارة
فتاة من فرنسا
أو من مصر
من
مدينة المحلة
لا فرق
لا فرق
نعم
لا فرق
ما دام يسود الخرس
ويباع
في سوق العهر الجرس
ويركب الجبن
صهوة الفرس
لا فرق ))
إذا فجان دارك وسارة ( الرمز ) هما فتاة واحدة . وأحب أن أذكر ان هذه القصيدة كتبت من أجل مسرحية ( محاكمة جان دارك ) لبريخت .. وكان من المقرر ان تقوم بدور البطولة الفنانة التي أحترمها كثيرا وأقدرها ( سارة عادل ) فأحببت أن أمزج بين شخصية جان دارك وشخصى سارة كي أقول لكل فتاة تشاهد المسرحية أو تقرأ القصيدة ( أنت لست أقل من جان دارك ) وبالطبع أيضا أقول لسارة أنت لست أقل من جان دارك إذا وضعتك الظروف في نفس ما وضعتها فيه .. وللعلم لمن لا يعرف فجان دارك كما ذكر كانت تسمع أصواتا تاتيها وتلهمها ما تفعله وسيمت لذلك ( القديسة جان دارك ) فهم يقولون أنها كانت مؤيدة من السماء ونحن نختلف أو نتفق مهم لا ننكر أنها قامت بأعمال بطولية لتحرير فرنسا من الإحتلال الإنجليزي .
شكرا لك
وللمنتدى
ياسين عبده

افهم من كده ان القصيدخ خصيصا عشان كولاج بين شخصيه ساره عادل
والقديسه جان دارك .. يبقي السوال بيطرح نفسه

ايه وجه الشبه بينهم والي دفعك تعمل كولاج ؟

ودة طبعا انا مش لاقي له اجابه لاني مشوفتش المسرحيه :d

تسلم ايدك بجد قصيدة جامدة جدا
هستنى الجديد

قصيدة (( سارة )) شعر ياسين محمد عبده 587403

انا حكيت وقلت يا علاء ان ساره هي اللي كانت هتعمل المسرحيه حبيت امزج ما بين ساره وجان دارك .. وبعدين ساره أنا شايف بالفعل انها ما تقلش عن جان دارك لو جاتلها الفرصه وانا من اشد المتحمسين لها كممثله ويا ريت تقرا كلامي تاني اللي كتبته عشان بجد انا قلت ان ساره مش أقل من جان دارك لو اتحطت في موقف مشابه يعني برضه هتدافع عن وطنها وببطوله وممكن تقود جيش بالفعل (( ما تستغربش )) الانسان بيكتشف نفسه في المواقف ومش بيكون عارف نفسه قبليها بس أنا شايف انها كده

شكرا يا صديقتي القريبه لقلبي جدا جدا وانتي بتقري الجديد أول بأول قبل أي حد يا كابتن فعادي يعني

علاء .. هقولك شيء إتسألته كتير أوي بسسب القصيده دي بالذات والقصيده دي بالذات سببت ليا حاجات كتير وأسئله كتيره (( هل القصيده لساره فعلا ولا لجان دارك )) وانا بقولها لأول مره عشان عارف إن (( حدوته )) بيقراه ناس كتير يعني هيوصل الكلام .. ( ( القصيده أصلا لساره )) وجان دارك قناع وانا بهديها لساره صحبتها الأصليه الآن ..

على فكره الكلام اللي قلته ده هيريح ناس كتير أوي يا علاء لإن بالفعل كان تعبهم الموضوع ده أوي وهل القصيده لساره ولا لجان دارك بس لو قروا السطر اللي قلت فيه ((سارة .
هي فتاة
بيني وبينها البرزخ )) كانوا عرفوا إنها بتاع ساره مش بتاع جان دارك همه قعدوا يبعتوا ليا رسايل على الفيس بوك كتير اوي عايزين يعرفوا وأهه عرفوا إنها بتاع ساره وجان دارك قناع وساره تستاهل أكتر من كده بكتير تستاهل مليون قصيده رغم إن ( بيني وبينها البرزخ )

انتم شيلتوا التعديل والحذف ؟؟ هههههههههه عشان ما امسحهاش يعني ؟؟؟ ولا إيه؟؟ لا بكرر كلامي أهه
(( ساره تستاهل أكتر من مليون قصيده ))
أيوه أنا ما كلمتهاش غير مره وجها لوجه بس أعرف صاحبات ليها بثق في رأيهم جدا جدا جدا ( واكدوا ثقتي وظني في إنها تستاهل مليون قصيده وعرفت إنها جدعه جدا جدا جدا ثم انا عجبني تمثلها جدا واحساسها في التمثيل وده اللي شجعني اكتبها ليها . طبعا القصيده لفتاه مش موجوده على الارض عشان أوصافها الأسطوريه اللي في القصيده وما اتخلقتش ومش هتتخلق ولو كانت موجوده هتبقى هي ساره أو ( نفرتيتي ) ده اسم مستعار لزميله ليا محدش يعرفها .
شكرا لمنتدى حدوته وانا هتابعه على طول وهحط فيه شعري وهيكون له السبق في أي قصيده أكتبها .
(( إعجابي بساره مش حب لكنه إجاب بفنانه وإنسانه محترمه وده انا عرفته بنفسي ما حدش قالي عليه )

(( القصيده بتاع ساره وهديه مني ليها )

(( المتمرد ))

محدش شال التعطيل ولا الحذف
هو بيتشال لوحده

وبعدين محدش بردو بيزعل من الصراحه
ولا حد بيزعل من المدح فى مخلوق لو كان يستاهل
ساره عادل تستاهل اكتر من كده بكتير
مش دى القصيده اللى تمدحها

اختراق كتب:: علاء .. هقولك شيء إتسألته كتير أوي بسسب القصيده دي بالذات والقصيده دي بالذات سببت ليا حاجات كتير وأسئله كتيره (( هل القصيده لساره فعلا ولا لجان دارك )) وانا بقولها لأول مره عشان عارف إن (( حدوته )) بيقراه ناس كتير يعني هيوصل الكلام .. ( ( القصيده أصلا لساره )) وجان دارك قناع وانا بهديها لساره صحبتها الأصليه الآن ..

انت قولت كده.........وانت بردو قولت اللى جاى ده
05 يناير، الساعة 12:22 صباحاً‏ إبلاغ
جائني هذا الكلام ردا على قصيدة ( سارة ) في رسالة وجائتني رسائل اخرى وأردت أن عمل كوبي لهذه الرسالة كي يعرف من ليس له في الشعر ما هو الشعر ((Mohamed Sobhy 04 يناير، الساعة 10:34 مساءً إبلاغ
انت شكلك هيمان بيها قوى )) وقد ارسلت له ردي وهذا هو ردي كي من لا يعرف الشعر و اساليب الكتابة من أقنعة وتناصات وشبه هذه الأساليب الإبداعية يعرفها (((اولا انا هنشر القصيده على جروب أشاوس مسرح المحلة ولو عايز تقول رأيك أهلا بيك ثانيا انا وضحت في اخر القصيده ان ده عمل فني كنت أنوي عمله عن مسرحية جان دارك وسارة هي لا صدقتي ولا ليا كلام معاها اصلا وما اعتقدش اني هيكون ليها او ليا كلام مع بعض اساسا وأنا أفضل ده لكن هي كانت هتقوم بدور جان دارك وكان يجب اني أرى ساره هي جان دارك عشان أكتسب المصدقيه يعني القصيدة ليست لسارة ولكن سارة قناع لجان دراك يعني القصيدة لجان دارك مش لساره وانا استخدمت اسلوب المثيولوجيا في القصيدة لإعطاء جان دارك القيمة التي تستحقه والقصيدة بها تعدد أصوات وكان يجب أن تقرأ الكلام المكتوب في آخر القصيدة كي لا تقول هذا الكلام وشكرا لك

الراجل اهه مطلعش جاهل ولا طلع لا يعرف الشعر واساليب الكتابه والكلام اللى اتقال ده كله
ما طلع بيفهم اهه يا بتاع الميثولوجيا
بلا ميثولوجيا بلا بتاع بقى

ولما انت جرئ كده كان فين ده من الاول
ولما انت بتكدب
مش كان لازم تتشد اوى كده وتبعت الرساله لكل الناس اللى فى الجروب
ولا ايه؟؟؟
المرتين اهه ادامك
كله كلامك
مجيبناش حاجه من عندنا