اطب مساعدتكم فى ( مشروع انتاج عمل كرتونى)

السلام عليكم

بجد انا اول مره الاحظ القسم ده
وبجد اسعدنى ان معانا مجموعة فنانين متميزين فى العمل المسرحى
واسعدنى جدا ان معانا انسان بيفهم فى الاخراج

ليا عندكم طلب
انا اولا مهندس جرفك
لي اعمال كرتونيه 2d & 3d

بس ليا حلم حققت اصعب مافيه بنسبا للعمل لى فقد قمت بعمل شخصيات كرتونيه مصممه من خلالى
انا فقط من املكها كان لدى حلم انا ومجموعه من الافراد بان نقوم بعمل من خلالنا نحن فقط من نملكه نتحكم فى نشره وفى توزيعه وحقوق نشره ولاكن فى كل حلم يكون هناك عوائق تضعف من هذا الحلم
فقدر الله انه لم يتحقق
فسكن كل شى واصبح الحال على ما هوا عليه
ولاكن اجبنى جدا اعضا هذا القسم فى ترابطكم وتماسككم وحبكم للفن والتمثيل المسرحى وهوا من اصعب الفنون

طلبى الشخصى ان نكم مع بعض الحلم ونملكه نحن ونحاول ان نكمله مع بعض
المطلوب منكم
1 القصه مناسبه تناسب عمر 6 الى 12 سنه ويا ريت تكون هادفه و تحتوى على قيم واخلاق
2 اشخاص يشاركوننا فى تسجيل الصوت
3 مخرج يخرج لنا العمل
وفيما بعد ذالك فانا اجيدة
من تصميم ومنتاج وتركيب الصوت وعمل المؤثرات والاضائه والخدع فهذا كله انا اجيده
فربما كل ما يقابلنا من صعبات سهل الا شى واحد هوا تسجيل الصوت واعتقد ان مخرجكم
من الممكن ان يحل لنا هذا الشى بحكم خبرته واعماله
فربما اختيارى المره دى افضل من السابقه
لان الفكره المره السابقه كان ينقصنا مخرج واشخاص يقومون بادوار الشخصيات والخبره
الفنيه وتسجيل الصوت ولاكن الاان انا اخترتكم لان الوضع الان افضل

فئتمنا ان تقبلو مساعدتى
ومن يريد ان يشارك معى فانا على اتم الاستعداد للعمل

وبعد اتمام العمل كل من يشارك من اشخاص سيتم ادماج اسمه فى العمل بلمشاركه
كممثل او مخرج او مهندس صوت ........والخ

اتمنا ان اجد من يشاركنى فى هذا العمل فى هذا القسم الجميل
تقبلو تحياتى
mickey

وانا على اتم الاستعدا للسفر لكم والمقابله معكم للتحدث
وعند اتمام القصه فمن الاكيد ان نتقابل كمجموعة مع مخرجنا ليقون سيادته بتوزيع الشخصيات
والادوار والتحدث فى التفاصيل والعمل

وانا على اتم استعداد للتحدث على الاميل عن العمل والفكره
ونتفق على معاد من خلال رساله على ايميلى الموجود على المنتدى فى صفحتى الشخصيه
وترك رقم تليفون لكى اتصل انا عليه ونحدد معاد للمقابله ولتكن اولا على الاميل
او المقابله الشخصيه ان لزم الامر

انا معاك يا ميكي ف الصوت والموتيفات الموسيقيه

مين معانا يا جماعه ف اول عمل كرتوني من تصميم حدوته

جاري الاعلان عن الموضوع .

وف اقرب وقت نبتدي التانفيذ يا رجاله والعمل هيبقي بتاع كل الي اشترك فيه وبتاع حدوته اولا واخيرا . بسم الله

بعد اذن الجميه الي عاوز يشارك ف العمل يقولنا عشان نبتدي نوظف الادورا صح ان شاء الله

i`m here
وياريت اكبر عدد من اعضاء المنتدي يشاركوا
وبالتوفيق ان شاء الله

تمام جدا بدايه هايله
ميرسى دكتو محمد على المشاركه فى الموضوع
والمشاركه فى العمل

dr_3la2oxford

تمام جدا اتحلت مشكلت الصوت والموتيفات الموسيقيه
وياريت يا صحبى لو تفاجئنى وتقولى انك ممكن تساعدنا فى تظبيط الصوت وتولى انك ممكن
تكون انت مهندس الصوت

بدايه مبشره اتمنا المزيد
صدقونى يا جماعه العمل ده هيفدنا كلنا كمجموعه ومنتدا وموقع
وهيفدنا كلنا والعمل هيكون باسم الموقع كامل متكامل وانا اتولا توزيعه واوعدكم
لو العمل اتحقق على اكمل وجه اوعدكم انو يتزاع على القنوات الفضائيه
وانا عند وعدى

بجد فكره اكتر من رائعه انا مش قدره اوصفلكم
مسرح الاطفال ده (العرائس) جميل قد ايه وممتع اوى
جايز علشان انا جربتها قبل كده
انا اكيييييييييييد معاكم ان شاء الله
واشكرك ياميكى ع الفكره وياريت نحقق الحلم ده كلنا سوا

والله بجد فكره جميله جدا ياميكي وانا ان شاء الله معاك فيها..انا اعرف صديق ليا..هو مخرج افلام انيمي واشتغل وليه افلام كتير اسمه محمد عبد الهادي..وانسان اثق فيه جدا في شغله وتجاربه..ممكن اكلمه وياريت نقدر نطلع بحاجه كويسهانما بالنسبه ليا انا..اللي اقدر اساعد معاك فيه..هو القصه..بحكم اني كاتب لسه علي قدي..وكمان ممكن اساعد في موضوع الموسيقي والمؤثرات في برامج الكمبيوتر من تقطيع وتركيب وعمل مكسات..

ميوش بجد انا سعيد انك هتكونى معنا فى العمل
وانشاء الله هنحقق الحلم ونكمله وبئذن الله هينجح
وهنوصل ونحقق نجاح كبير

اعلن انضمامي لكم في هذا العمل
وعلي استعداد لعمل اي شيئ في استطاعتي
وياريت بعد الاتفاق نلتقي لوضع التصورات النهائيه
ميكي اشكرك علي فكرتك ونحن معك لتنفيذها

يا جماعه انا معاكم فى اى حاجه

انا فى الخدمه

good idea

حلو قوي

لا متقلقشي يا ميكي من موضوع الموسيقي ده

وكمان هجيب معايا حسام برنس موسيقي وهيظبط الاداء معانا

اهم حاجة بس بندور عليها يا شباب هوة السيناريوا

حتي ولو كان مجرد اسكتش خفيف نبتدي بيه

يمكن ولا حاجة نعمل برنامج كرتوني يكسر الدنيا

قال المفتش كرمبوا قال

اطب مساعدتكم فى ( مشروع انتاج عمل كرتونى) 278271

اطب مساعدتكم فى ( مشروع انتاج عمل كرتونى) 278271

سمسم 150
ياريت يا صحبى تقدر تساعدنا بصحبك لانو هيفدنا كتير اكيد هوا راجل زو خبره
وهيسعدنا حتى ولو بخبرته وكمان هيقدر يساعدنا فى توزيع العمل ويرشح لينا المكان الصح اللى يتوزع فيه

اما بنسبه للقصه يا ريت يا ريت تقدر تكتب ولو حاجه بسيطه ولو حتى حقه واحده من العمل هيساعدنا كتير جدا
انا مستنى ابداعاتك
وسعيد بئنضمامك معانا

استاذ عبد الرحمن
انا سعيد بمشاركتك جدا
وبتمنا انى اكون عند حسن ظنكم بى واتمنا
اننا نكمل العمل مع بعض
واكيد يا باشا هنتقابل مع بعض والاعضاء المشاركين جميعا
وطبعا هيكون ليا الشرف

وانا منتظر القصه وبعدين هيكون لنا حديث ان شاء الله لان القصه اكيد لازم تتعرض عليك
تقبل تحياتى

lamoor

حبيب قلبى انا سعيد بنضمامك معنا فى العمل
واسف يا مان على التقصير فى حقق واوعدك لما ارجع من السفر
هعمل التوقيع
تقبل تحياتى

بص يا ميكي ياجميل المفروض اني هقابل صديقي دا يوم التلات ان شاء الله لانه مهندس في شركه بترول..واوعدك اني هكلمه وارد عليك في يومها ان شاء الله..اما بخصوص القصه والسيناريو..فانت طبعا عارف انها مش سهله انها تطلع في يوم وليله..علي الاقل عشان نطلع عمل متميز..واوعدك اني بقدر الامكان هحاول اساعد معاكم بأي شئ اقدر عليه..هتكلم مع المخرج الاول واعرف تفاصيل الموضوع ايه وبعدها ان شاء الله هظبط مع دكتور علاء وهو يقولك علي كل حاجه..

dr_3la2oxford
انا معاك فى رايك اهم حاجه دلوقتى السيناريو
مفروض هوا اهم ما فى العمل
وطبعا لانو مش موجود كل اللى بنعمله ده يعتبر لسه كلام فقط

انا معاك يا معلم
لاني اصلا بعشق شغل الاطفال
فانا تحت امركم في اي شغل من هذا القبيل وكلنا معاك يا جميل
وبالتوفيق ان شاء الله
فارس

بسم الله الرحمن الرحيم
اخي العزيز _
يسعد فرقة (( اختراق )) المسرحية في ان تشارك في هذا العمل ان امكن
فاحد اعضاء فرقة اختراق هو من اكبر كتاب ادب الاطفال في مصر والوطن العربي وهو الأديب (( فريد معوض )) الحاصل على المركز الأول في مسابقة( سوزان مبارك للطفل )على مدار 3 سنوات متتالية والحاصل على جائزة ( اليونسيف) العالمية لأدب الطفل فاذا اردت ان يتعامل معكم الاستاذ فريد معوض فنرجو الاتصال بالاستاذ _ ابراهيم الطنطاوي وشكرا لكم
مع تحياتي
((اختراق ))

بعد اذن الاستاز ميكي هرد انا
اختراق said

اقتباس :: بسم الله الرحمن الرحيم
اخي العزيز _
يسعد فرقة (( اختراق )) المسرحية في ان تشارك في هذا العمل ان امكن
فاحد اعضاء فرقة اختراق هو من اكبر كتاب ادب الاطفال في مصر والوطن العربي وهو الأديب (( فريد معوض )) الحاصل على المركز الأول في مسابقة( سوزان مبارك للطفل )على مدار 3 سنوات متتالية والحاصل على جائزة ( اليونسيف) العالمية لأدب الطفل فاذا اردت ان يتعامل معكم الاستاذ فريد معوض فنرجو الاتصال بالاستاذ _ ابراهيم الطنطاوي وشكرا لكم
مع تحياتي
((اختراق ))

الاستاز المجهوول اختراق

يا ريت بقي نراعي شويه قوانين المنتدي

كل و احد بيرد بلسانه هوة بس . الا ازا كنت وكيل عن الاستاز فريد او الاستاز ابراهيم الطنطاوي

وبعدين العمل خاص بحدوته اذا شاء هوة انه يشارك فيه يجي حدوته ويشارك انما حدوته ميروحشي ل حد

انتوا ليه محسسني ان الفن لنجره وفرد واستعراض علي الناس

المطلووب سناريو لعمل كرتوني . هتشارك ب النيابه عنه ب العمل الكرتوني هنكوون شاكرين جد ا ليك واذا جه هوة برده هنكون شاكرين ليه وهيبقي عضو من العمل

وبعدين ما الاستاز ابراهيم موجود ف المنتدي انت ليه بترد مكانه ما هوة يرد عن نفسه .

وانا يعني عاجز اني ارصلك 15 اسم من كتاب حدوته وادخل القسم الادبي بنفسك واتفرج هتلاقي ما شاء الله الناس منوره جوه . محدش قالك اني طالب محترف عالمي
ما فيه قصص كرتونيه موجوده جاهزم ممكن ننفذ علطوول
وانا ممكن اكلف حد فيهم اجباري يعني ومحدش هيرفضلنا طلب
واجباري مش عشان انا نائب المدير لا تبقي فاهمني غلط
اجباري عشان الناس دي عارفه انا مين وبتكلم من منطلق ايه وهدفي ايه واما اكلفه اجباري يبقي هوة مميز عندي قد ايه

انما هنعد نلنجر ف الكلام ونفلجر علي بعض . و ف الاخر تقولي روح دور علي س من الناس وترصلي سي في اتناشر ورقه ومصر والشرق الاوسط والعالم وكوكب المريخ و ف لاخر من غير سناريو ولا حتي اسكتش وروح دور ..... لا احب اقولك حدوته مبيدورش .

اسف يا ميكي علي التدخل

الطبيعي دلوقتي ان اختراق تقولي طيب احنا مش هنشارك معاك واتبروز انا ف الغلط

لا انا بقولك اهه هات السيناريو وانا مستني اشوف منك الشغل وتبقي كسرت كلامي وانك راجل بتاع شغل مش تهريج . ومستنيك اهوة

ومحدش هينكر شغلط اطلاقا

بالعكس اي فرد هيشارك هيتكتب اسمه وهيبقي عضو ف المشروع زي كل الاعضاء . وانا فخور اني اكون ان شاء الله عضو ف العمل .

ها يا كتاب حدوته و يا فناني اختراق

السيناريو هييكون جاهز علي امتي ان شاء الله

تحياتى لهذه الفكرة والتى تدل على رغبتك فى الجديد ..
فكرتك جميلة والأجمل حين نجد دائمآ من يرغب فى التعاون لتنفيذها
الأفكار العظيمة تحتاج الى تخطيط جيد لتحقيقها.. فلا تأخذك الانبهار بالفكرة وتعتمد على من لايفهمها فتضيع وسط محاولات هؤلاء لتنفيذها ..
خطط جيدآ لتنفيذها خصوصآ وأن لديك التصور الكامل لها وحدد اختيارات بعناية لمن سيتعاونون معك فى التنفيذ ..ولاتتنازل عن اختيار الأفضل فى كل شىء ثم اجمع الفريق كله ليتناقش كل شخص فى كيفية تنفيذه لعمله وليكن شعار الجميع الكل فى واحد.ولاتتعجل الظهور قبل أن تكتمل الفكرة فحتمآ سيكون هناك ثغرات ومعوقات ..فالمثابرة والعرق هى ضريبة الوصول للأفضل
ويسرنى أن أشارك معكم بأى شكل فنى أو اعلامى.
ودعواتى أن يرى هذا العمل النور لنستمتع جميعآ به ونفخر أنه انتج على يد أصدقاء ومبدعين من أقاليم مصر .

أسعدنى التفكير فى هذا المشروع حيث طلبناه من المفكر الكبير ورائد أدب الأطفال يعقوب الشارونى :أن يكون لدينا أفلام كرتونية مصرية خالصة مائة بالمائة (من الهواة).
أنا معكم قلبآ وقالبآ فى تنفيذكم لهذا المشروع الفنى .وتحياتى لكم جميعآ

فكرة حلوة قوى يا ميكى
و اتمنى المشاركة
و كمان اتمنى اننا ننتج عمل كويس و مفيد و هادف
يكون السبب فى تعليم ولادنا حاجة مفيدة

قشطة
انا معاكوا ف الليلة دي
يلا شد حيلكم يا شباب

ميكى بجد فكرة هاااااااااااااااااااايلة وجميلة اووووووووووى
وبجد يارب تكمل وتكون حاجة جامدة جدا لحدوتة
وانا بجد زعلانة جدا انى مش هاقدر اشارك معاكم كان نفسى بجد اكون معاكم
بس من المحلة لاسكندرية يالة بئى مش مشكلة
البركة فيكم وان شاء الله يكون عمل هااااااااااايل بكل اللى فية
وان شاء الله ربنا يوفقكم ويكملكم الفكرة على خير
واكيد اكيد باذن الله هاكون متابعة معاكم اول باول
واشوف معاكم اخر الاخبار يعنى على اد ماقدر ان شاء الله
ربنا يوفقكم كلكم

اولا كلام الاستاذ _ dr_3la2oxford جميل جدا المفروض ان يكون في شغل لكن المفروض اننا نتقابل ونتفق على الخطوط العريضة لا يصلح اننا نتكلم هنا فقط والاستاذ فريد ممكن يجي في اي مكان تحبوه ولو حصل وكان عنده مانع لظروف ما مثلا انا الذي سيكتب السيناريو ولا يصلح اننا نحضر سيناريو جاهز لان كما فهمنا ان اشخاص العمل الكرتوني صممت بالفعل فلابد الكتابة تتواءم معها ويكون الحوار خارج من الشكل والشخصية يعني لازم تفصيل حسب الشخصيات التي صممت بالفعل .[/b]
واخيرا
نحن لا نهدف من تقديم الاشخاص اي شيء لانهم كلهم (( محلاويه )) وكما اننا بنفتخر بكل من هو في (( حدوتة )) بنفتخر بكل ما هو (( محلاوي )) او من (( الغربية )) وحين ذكرنا انه حاصل على جوائز في كتابة الطفل كنا نقصد انه متمكن من الكتابة للأطفال ولا نقصد غير ذلك ونحب ان نوضح ان (( اختراق )) هي عضو من اعضاء حدوته ايضا .
وشكرا
مع تحياتي
(( اختراق ))

» انتاج سيارة امريكية جديدة
» مسحراتى اليوم 18 (مشروع ...في حياه كل صائم )
» مسحراتى اليوم 21(مشروع ... في حياه كل صائم)
» مسحراتى اليوم 25 (مشروع ..في حياه كل صائم)
» مشروع منتجع السلام من أضخم مشاريع البحرين