منتهي الملل والسقوط والأنهزامية والتدني هذه العبارة التي صدعت دماغ أبونا على الإذاعات المصرية بالراديو والإعلانات فى التلفزيون
وخاصة إذاعة الشرق الأوسط والتي تتخذ شكل إعلان حكومي موجه ومعاد ومكرر مليون مرة في الدقيقة
وغاية في القرف والملل والتفاهة لتجد نفسك وأنت تقود سيارتك المتواضعة في ظل الزحام والسخام ومسلسل القرف اليومي
وتسمع هذا الأعلان كل شوية " أحسبها صح تعيشها صح "
ياسلام ,, أم حمادة (
ده اكيد مش انا 
)عندها رغيف من امبارح عملت بيه شوية فتة لحمادة (
اكيد مش انا بردو لانى مش بحب الفتة
)! ياسلام فتة جميلة ياحمادة !
وعشان كده قدرت توفر ثمن بامبرز لحمادة (
والله مانا 
)!! مبروك ياحمادة البامبرز !
احسبها صح تعيشها صح ,, وهكذا دواليك في موضوعات خربانة وجربانة وبؤس وحاجة مقرفة ومستفزة وفقرية
تبدأ وتنهي بها يومك علي موجات الإذاعات والتلفزيونات ,, مما يجعلني ألعن حمادة وأم حمادة الفقرية مليون مرة يومياً
وأقول لهؤلاء المتخلفين والساقطين والمفلسين في مجالات الدعاية والأعلان الحكومي الموجه
بداية من المطرب الشعبي المدمن المكوجي اللي عمال يغني لأنفلونزا الطيور ونهاية بالنشيد القومي أحسبها صح !!
أقول لهم يا مغفلين يا مفلسين ,, الناس وصلت المريخ والمجتمع المصري حتي الفلاحين اتغيروا وأكثرهم جامعيين !!
وأنتم مازلتم علي جهلكم وغباؤكم في طرق أعلاناتكم الغبية والمستفزة والمتخلفة !!
وكأن المواطن لن يفهم إلا إذا غني له المكوجي شعبان عبد الرحيم عن انفلونزا الطيور وبطريقة سوقية وبهائمية
وكأن الحكومة الغبية وهي أغبي حكومات العالم المتخلف مازالت في سبات وغيبوبة أهل الكهف
تتعامل مع المواطن المصري علي طريقة " أبلة فضيلة " !!
ياغنم أفيقوا وأصحوا وتعاملوا مع شعوبكم باحترام فأنتم أيها الجهلاء التعساء تتعاملون الآن مع عقول مثقفة وأجيال واعية !!
وبدلاً من أن تقولوا للمواطن وبأعلان سخيف ومتدني وعبيط " أحسبها صح تعيشها صح "
فاحسبوها أنتم يا حكومات الفشل والنهب والسرقة صح عشان المواطن الغلبان يقدر يعيشها صح !!
يعني بطلوا نشل وسرقة ونهب وشفط ودعارة وتخريب في البلد واحسبوها أنتم صح عشان المواطن يقدر يعيش صح !
مش رغيف حمادة هو اللى هايشتري بيه بنطلون ولا حتى Underwear !!
وكفاية حرق دم في الناس وسخافات وتفاهات ياحكومة الكترونية !!
يا حكومة العمدة الآلي !
~~~~~~~~~~~~~~~~
توتى الفرفوتى وفر فى فلوس المخدرات بتاعتة وجاب عربية هامر جديدة
نوسة الملحوسه وفرت من فلوس المكياج وسافرت 3 شهور لفرنسا الصيف اللى فات ولسه مرجعتش
سنيه
المنسيه بتشرب علبة سجاير واحدة بس بدل اتنين وبفلوسها حجزت شهر فى
الفورسيزووووون فى الرويال سويت..وأنا بفكر أوفر علبه أنا كمان وأحصلها
حنكش فنكش خنصر بقيت فلوس العيش اللى مامتة كانت بتيدهولوا وبيهم دفع مصاريف الجامعة الامريكية
عم
شلولح بواب العمارة بتاعتنا وفر التيبس اللى كان بياخدوا منى ومن سكان
العماره واشترى رينالدو بتاع البرازيل يلعب فى منتخب حارتنا اااااااه يابن
الناصحه
زغلول
الحدق صاحب أكبر شركة لتجاره الشاليموهات خصم من كل الموظفين 10 ايام
وبيهم جاب خاتم سوليتر للفيونكة الدلوعة بتاعتة مدام سهير أستك الراقصه
الشهيره
صبحى بطارخ وفر فى اكل الجبنة الروووومى وجاب فيلا فى مجمع المحاكم بالبسين وجاب عوامة وزة كمان
طأطأ
بطل يجيب الكارت ابو 25 جنية وبيجيب الكارت ابو 10 جنية وبالفرق دفع المهر
بتاع عروسته والشبكة كمان وعمل فرحة فى لندن وبيقضى شهر العسل فى الكاريبى
~~~~~~~~~~~~~~~~
يا بايخين ويامتخلفين ,, أرحمونا من أعلاناتكم الساقطة ,!
