دعوة: حط لسانك فى بقك

ازيكو يا بنات وشباب حدوتة

بصوا بقى كنت بكلم واحدة صحبتى ولسة قافلة معاها واتفقت انا وهى على حاجة جامدة جداااااااا

وعشان كلكوا هنا صحابى واخواتى حبيت اشارككوا معانا

اتفقنا على اييييييييييييييييييييه؟؟؟


ان كل واحد فينا يمسك لسانه شوية يعنى مثلا تلاقى كل واحد فينا من غير ما ياخد باله يلاقى نفسه بيقول
الدنيا دى مبقتش تطاق الناس كلها بقوا.......
باختلاف بقى نوع ال(.....)اللى بتتقال من شخص للتانى

وتلاقى بقى الواحد فينا ياعينى يوم القيامة واقف قادم النااااااااااااااااااااااااااااااااااااس كلهم اللى فى الدنيا عاوزين منه حسنات حق ما شتمهم فى لحظة غضب او حتى فى لحظة هزار وشوف بقى اللحظات دى بقى بتتكرر اد ايه

طيب وعلى ايه كوووول دا؟؟
ما نمسك نفسنا شوية .... انا عارفة انه سعات لازم الواحد يهزء صحابه دى مفيهاش كلام
وانا عن نفسى مش بهزء بس انا ممكن اعضهم واضربهم كمان
بس خلاص بقى قررت امسك نفسى شوية عن العيال دول لحسن انا عارفاهم اكيد هيستندلو يوم القيامة معايا

‏{‏‏يَوْمَ يَفِرُّ الْمَرْءُ مِنْ أَخِيهِ وَأُمِّهِ وَأَبِيهِ‏}

يلا بقى عاوزين نساعد بعض على كدا ونمسك لساننا شوية
واللى يغيظ بقى ان امريكا عاملة يوم للموضوع دا يعنى يوم للادب بمعنى اصح
ازاى يبقوا هما كدا بيدعو لحفظ اللسان واحنا المسلمين سايبين نفسنا للغلط طول النهار والليل
لا احنا احسن منهم ولازم البداية تكون من عندنا
ممكن تتخيلو معايا

كل واحد بدء بنفسه وحفظ لسانه
بعدين دعا صحابه للموضوع دا
وصحابه وافقوا وحفظوا لسانهم هما كمان
وصحابه نشروا الموضوع فى اهلهم وصحابهم وجيرانهم
ياااااااااااااااااااااااااااه
تخيلوا هنكون عاملين ازاى؟؟؟

ها بقى موافق تمسك نفسك ولا خلاص الموضوع خرج من ايديك؟؟
هتقدر تسيطر على لسانك ولا انت مرتاح كدا؟؟؟

متفتكرش ان طالما صاحبك قابل وموافق انك تشتمه انك كدا مش هتتحاسب
لالالالالالالالالالالالا
انت كدا بتخالف اوامر ربنا واوامر الرسول صلى الله عليه وسلم
وربنا مش بيسيب حد خالفه وخالف اوامره واوامر رسوله
زى بالظبط ما بيكافىء اللى يطيعه ويتبع سنه رسوله عليه الصلاة والسلام
يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُمْ بِمَا كَانُوا يَعْمَلُونَ

طيب لو فى حد اقتنع بكلامى
يبقى نتفق
احنا هنبتدى الاول لمدة يومين نحاول فيهم على اد ما نقدر اننا نمسك نفسنا ومنتعصبش على حد
وندخل بعد اليومين دول نقول كل واحد عمل ايه
وبعدين نعمل فترة جديدة وهكذا لحد ما بجد ناخد على الوضع

يمكن اللى يقرا الموضوع يحس انى مدياه اكبر من حجمه بس بجد لما الواحد يحس انه بيسيب حاجة متعود عليها بقاله زمان عشان يرضى ربنا دى لوحدها ليها احساس تانى واكيد فى تغير هيحصل فى حياتك

ومعلش الولاد هيستحملوا اكتر لان هزار الولاد اعرف انه دايما كدا فغالبا ممكن تلاقى حد ممكن يتريق عليك

بس افتكر انك بتعمل كدا عشان ربنا وسيبك منهم

يالا اللى هيبدا معايا الموضوع دا يقولى عشان نتابع بعض

وربنا يكرمنا كلنا ان شاء الله

حلو التوبيك ياروز
بس انا عموما كدة مع صحابى يعنى ومع اى حد
اصل ماما ديما تقولى مثل حلو
وانا مشية بية فحياتى
لسانك حصانك لو صونتة صانك ولو هونتة هانك
وانا مش بحب اى حد يهنى او حتى يشتمنى بهزار
صعب جدا
فابمسك لسانى اوى مع صحابى وهما كمان بيعملوا كدا معايا
مش معنى كدة انى مش بحب صحابى او الهزار معاهم
بس الاحترام حلو وان الانسان يحترم نفسة حاجة كويسة
وانة يخلى غيرة يحترمة دا بقى الاجمل
احترامك للناس بيخليهم يحترموك وانتا بتجبرهم على دا

تسلمى ياقمر

جزاكم الله خيرا يا شباب

انا كنت بكتب التوبيك ومش متوقعة انه حد يرد عليا

نورتونى وربنا يعيننا ان شاء الله

موضوع جميل يا روز
وفكره حلوه اوي
جزاك الله خيرا عنها

نورت مرة تانية يا مهند

ان شاء الله ربنا يعيننا كلنا ونقدر ننفذ

دكتور محمد
جزانا واياك ان شاء الله
بس انت مقولتش انت معانا ولا ايه؟؟

تولين يا قمر
منورة يا جميل وفى ميزان حسناتنا كلنا ان شاء الله
خلاص يبقى بكرة ان شاء الله كل واحد يدخل يقول عمل ايه
مستنياكى

نايس توبيك



عن معاذ بن جبل -رضي الله عنه- قال: قلت: يا رسول الله، أخبرني بعمل يدخلني الجنة، ويباعدني عن النار
قال: لقد سألت عن عظيم، وإنه ليسير على من يسره الله -تعالى- عليه
تعبد الله ولا تشرك به شيئا
وتقيم الصلاة، وتؤتي الزكاة، وتصوم رمضان، وتحج البيت
ثم قال رسول الله -صلى الله عليه وسلم-: ألا أدلك على أبواب الخير؟
الصوم جنة، والصدقة تطفئ الخطيئة كما يطفئ الماء النار، وصلاة الرجل في جوف الليل، ثم تلا قوله -تعالى-: تَتَجَافَى جُنُوبُهُمْ عَنِ الْمَضَاجِعِ حتى بلغ: يَعْمَلُونَ
ثم قال رسول الله -صلى الله عليه وسلم-: ألا أخبرك برأس الأمر وعموده وذروة سنامه؟ قلت: بلى يا رسول الله
قال: رأس الأمر الإسلام، وعموده الصلاة، وذروة سنامه الجهاد في سبيل الله،
ثم قال:
ألا أخبرك بملاك ذلك كله؟ قلت: بلى يا رسول الله. فأخذ بلسانه وقال: كف عليك هذا. قلت: يا نبي الله، وإنا لمؤاخذون بما نتكلم به؟ قال: ثكلتك أمك يا معاذ، وهل يكب الناس في النار على وجوههم، أو قال: على مناخرهم إلا حصائد ألسنتهم

جزاك الله خيرا يا مودى

نورت التوبيك

نور
مهند
تولين

يلا كل واحد يقول عمل ايه

انا اول يوم طبعا وغصب عنى بكلم واحدة من صحابى وقلتلها اللى فيه القسمة بقى
بس فى النص كدا افتكرت وقلتلها انا مش ههزءك لمدة 48 ساعة وفهمتها ليه المهم البت ما صدقت وخدت بتارها منى ونزلت تهزىء وانا ماسكة نفسى وعمالة اقلها الله يسامحك مش هرد عليكى
وقعدنا نضحك وهى مش راضية تلم نفسها
تانى يوم مسكت نفسى اكتر وهما طبعا مبسوطين وواخدين راحتهم ع الاخر
المهم بقى لقيتهم هما كمان شوية كدا ومسكو لسانهم هما كمان وعجبتهم الفكرة

يلا بقى انتوا عملتوا ايه؟؟

السـلام عليـكم

بصـراحة يـاروز أنـا اشـجع الفـكرة بـتعتك لـكن بصـراحة بـدون مـا أكذب عليكم

مـابحب بي الـوجه العلـني أقـول شـو سويت أو شـو قـولت لـي أني بعرف نفـسي كـويس

و ممـكن يكـون كـلامي شـوية مـتشـائم بعـض الشـي

فـا اعـذريني يـاروز وفـي أنـتظار بقـية الاعضـاء

تقـبلي مـروري

يا ساتر يا رب
ربنا ميجيبش تشاؤم
عادى يعنى الموضوع اسهل من كدا بكتير
عموما اهم حاجة الموضوع يتنفذ مش مشكلة انك تقول المهم الهدف من الموضوع وصلك
منور يا مهند وربنا يعينك باذن الله

حلو التوبيك يا روز
وفعلا كلامك كله صح

تحياتي

نور يا قمر برافو عليكى استمرى على كدا

منور التوبيك يا حسام يلا عاوزينك معانا