كل واحد يخش ويقول ايه اكتر جملة بيسمعها من دووووول

اوعى خيالك المريض يهيالك انك ممكن تاخد منى فلوس تانى.

انتا مالك من ساعة ما دخلت البيت و انتا فرحان انتا جاي من انهي غرزة.

ذاكر ياموكوس مش فالح غير فى الهيافه والكلام الفاضى.

خلصي اكلك وناميلك شويه عشان تقومي تزكريلك كلمتين.

ذاكر ساعتين بتركيز كأنك ذكرت اليوم كلو (الغريب اما تقعد تذاكر ساعتين يقولو و هي دي مذكره).

مذاكرة ايه دي اللى على السرير.

يا ابني تعالي اقعد معانا ولا انت ماجر اوضه جوه البيت ......

ابقي نشف الحمام بعد ما تخرج منه.

يا خويا ياريتك حافظ الدروس اللى عندك زى ما انت حافظ الاغانى كده .

اعملى حسابك اول م الدراسه تيجى الرسيفر هيتشال هو والتليفزيون.

قبل الفجر: ارجع بات في المكان اللي انت جاي منه.

لو كانت اللي علي التليفون طنط سلوي قوليلها ماما نايمة .

ابقى قابليني بكرة تاخدي بالجزمة وتاكلي كل حاجة غصب عنك.

امشى جاتك مشش فى ركبك .

جتها نيلة الى عايزة خلف تيجى تشوف .

متحطيش الموبايل جنبك و انت نايمه هيجبلك تخلف عقلي .

متتأخرش وهات عيش وانت جاى .

هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجيلك تخلف عقلي منه .

كل يوم هات هات لمة ربيتلى الهتهات (بابا طبعا) مع انى مش عارف اية الهتهات ده بس ماشية مع الجملة.

هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا بابا).

أوعا حد يضحك عليك ويقولك جرب السيجارة دي.

ابقى ورينى مين حينفعك فى الاخر من شوية الصيع الى انت مشيلى معاهم .

وطي المدعوق ده شويه .

مش ملاحقه علي التليفون ولا الموبايل عملالي فيها الست المهمه.

برة البيت بتضحك وجوة البيت لاوى بوزك ............ اما اشوف صحابك الصيع حينفعوك في ايه.

كريم دا عيل بايظ وماتمشيش معاه تاني .

مين منى دي انتى كل يوم تصاحبي واحدة جديدة ؟.

هياا الوزيرة معندهاش وزاره النهارده قومى يا حبيبتى الساعه10 .

انت مبتكلش جزر ليه .. اجيبلك برتقانه. طب كل سلطه .

قومي ساعدي امك ده اللي هيتجوزك أمه داعية عليه.

يا ابني حرام عليك الى بتعمله فينا ده.

لمى هدومك انتى مش عايشة فى زريبة بكرة اشوف بيتك هيبقى عامل ازاي.

ابقي قابليني لو فلحتي ...بس دايما مش بيقولوا نقابلهم فينّ!!! غربيه .

كفايه رغي في التليفونات .

اطفي التلفزيون وقوم ذاكر ولا و خش اوضتك .

بلاش تمشى حافى البس شبشب وانته داخل الحمام .

فلوسك بتروح فين يا هبله انتي بتصرفي عالشلة ؟

مع ان الواحد كل سنة بينجح و رغم كدة يقولولك ابقى تف على وشى لو نجحت .. كل سنة الكلام دة .

ماتتأخرش علشان عندك كلية بكرة بدرى.

انا عارفة ازاى ألمك .

انا : يوووووووو يا ماما بقى؟؟؟
ماما:مووو لمـا يــــــخدك .

ادلعى ياهبة فى ايامك المهببه .

ده منظر اودة بني آدم ، انت عايش فيها ازاي؟.

هو انا الخدامه الى ابوكم جابهلكم .

الى يطلع من الاوضه يطفى النور وراه .

أبوك عندك أهو اتصرف معاه .

اللي بيشيل قربه مخرومة بتخر عليه لوحده ..

لو مش فاهم حاجه ارفع ايدك و قول للأستاذ مش فاهم .. متتكسفش .

يأبنى المذاكره مابتخلصش .... نفسى اشوفك مره ماسك كتاب.

اعمل حسابك مش حندخلك جامعه خاصه.

قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

مالكش دعوة بالسياسة .. وماتمشيش في مظاهرات .و امشي جنب الحيط .

احمد ربنا الاكل الى مش عجبك ده فى ناس مش لاقينه .

والله لو منضفتي المطبخ ومسحتيه ما فيش نزول النهرده .

قومي سخني الأكل لأخوكي.

ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر كده ؟؟
.........................................
كل واحد بقى يقولنا اكتر جمل بتتقاله 

معرفتش انام لحد ما تيجي .. كنت قلقانه عليك اوي .. ماما
تسلم يا حماده
فارس

يا ابني تعالي اقعد معانا ولا انت ماجر اوضه جوه البيت
نفس الكلام بيتقالى كتير بردوا اكمنى قاعد فى الاوضه على طول
جامد ياريس
تحياتى

ابقى قابلينى بكرة غصبن عنك تاكلى كلة دا وهاتقولى ماما قالت

لا والاغرب كمان نفس الكلمة بابا كمان بيقولهالى

دا كلة علشان مش باكل اغلب الاكل

تسلم ايدك توبيك جامد

fares
dr.lambada
70sam 
dina
tota
منورين التوبيك 
وشكرا على مروركم

ابقى قابلينى بكرة غصبن عنك تاكلى كلة دا وهاتقولى ماما قالت

دي ماما وبابا بيقولهالى لما ماما تعمل سبانخ او كوسة لانى مابحبهمش خاااااالص وماما تقولى يارب يودعدك بواحد يموت في السبانخ الى مش بتطيقى ريحتها دي اصلها لما بتكون عندنا مابتغداش فالبيت خاااااااالص

لمى هدومك انتى مش عايشة فى زريبة بكرة اشوف بيتك هيبقى عامل ازاي.

دي انا بقولها لاختى عشان دايما رامية هدومها

كفايه رغي في التليفونات .
ماما بتقولى كدة عالطووووووول لما اكون طبعا برغي فالتليفون ومايحلاش الرغي غير ايام الامتحانات طبعا

قومي ساعدي امك ده اللي هيتجوزك أمه داعية عليه.

دي انا باقولها لأختى البرطة

مذاكرة ايه دي اللى على السرير.
ماما وبابا بيقولى كدة دايما انا مابعرفش اركز غير لما انام عالسرير او عالأرض

ده منظر اودة بني آدم ، انت عايش فيها ازاي؟.
انا بقولها لأخويا وماما برضوا بتقولنا كدة دايما حتى لو مش انا الى رامية هدومي

ابقي نشف الحمام بعد ما تخرج منه.
ماما طبعا بتقول كدة لأخواتى انا لاء

احمد ربنا الاكل الى مش عجبك ده فى ناس مش لاقينه .

ماما دايما بتقول كدة لينا

أبوك عندك أهو اتصرف معاه .
طبعا ماما بتقول كدة

مالكش دعوة بالسياسة .. وماتمشيش في مظاهرات .
بابا بيقولى كدة كتير لما بيكون في اعمال شغب او ماهرة او احتجاج


معرفتش انام لحد ما تيجي .. كنت قلقانه عليك اوي .. ماما
دي الواحد بيسمعها كتير من الام والاب مش التاخير الى هوة للآخر الليل دة لالا دماغكم ماتروحش بعيد تأخير نص ساعه او ساعه بالكتير


طبعا انا طولت عليكم معلش بس الجمل دي انا بسمعها كتير وفي جمل بقولها كتير برضوا ولو ان الموضوع عن الجمل الى بسمعها كتير معلش بقى ياحمادة سماح المرة دي

لا ولا يهمك يابوسى 
انتى تطولى زى مانتى عاوزة 
بس انتى منورة التوبيك والله

نورتى التوبيك يانور 

شكرا على مرورك يااحمد 

منورة ياملوكة 
بس مش انتى بس اللى بتسمعيه 
دى مصر كلها بتسمعه ومخنوقة منه 
تحياتى ليكى

يا خويا ياريتك حافظ الدروس اللى عندك زى ما انت حافظ الاغانى كده .
ماهما لو عملوا المذاكرة على موسيقى كدة ولا تامر حسنى شرحلنا درس هو يا سلاااااااااااام

امشى جاتك مشش فى ركبك .
هو يعنى اية مشش ؟؟

جتها نيلة الى عايزة خلف تيجى تشوف
هههههههه لما يكونوا عاوزين حاجة مننا يقولوك حبيبة قلبى انتى اللى ليا فى اخواتك وبعد كدة تسمع الكلام دة

مش ملاحقه علي التليفون ولا الموبايل عملالي فيها الست المهمه.
عاملالى فيها مهمة يا اختى يارب يجيلك صنج كدة عشان نخلص ههههههههه

نجوى 
شهد 
منورين
ومعلش ياشهد يابنتى بكرة تعرفى 
ههههههههههه
salam

اقتباس :

7amada
لا ولا يهمك يابوسى
انتى تطولى زى مانتى عاوزة
بس انتى منورة التوبيك والله

توبيك بجد جامد وجديد زيي ماقالت ملوكة تحياتى ليك

منورة يابنوتة
شكراع مرورك

هههههههههههههههههههههههههه
كله على فكرة بيتقال بس دى اكتر حاجة بتتقالى
خلصي اكلك وناميلك شويه عشان تقومي تزكريلك كلمتين.
تسلم ايديك

شكرا على مرورك ياجميل
تحياتى ليكى