اجمل بنوته في العالم .. ميوش

في اجمل يوم من ايام الدنيا .. حبيت اسبق كل البشريه

واهني اللي اغلى عليا من عنيا ... واحب ليا من الدنيا ديا

واقولها ..

كل التوفيق و الهنا ،، يللي شفت بيك اصل الوفا

و كل السعادة و الخير ،، يا اعذب من صوت الطير

و عقبال الـ 100 سنة ،، و يبعد عنك كل الاذى


واقولها كمان ..

كل سنه وانتي اجمل بنوته .. خلقها ربنا

يلة الكل يدخل يبارك ويهني بعيد ميلاد ..... اعز انسانه ع قلبى وتؤامى روحى وحبيبة قلبي



كــــــــــــل عـــــــــــــام وانــــــــــــــــــت بخــــــــــير يــــــــــــا
ميوش

ميوش حبيب قلبي كل سنه وانت طيبه وبخير

الواد فارس سبق في التحيه...ههههههههه...بس يلا مش مشكله..

كل سنه وانت بخير وسعاه ومن نجاح لنجاح وتوفيق في الحياه..

انا عارف ان شهر 6 دا احلي شهر عشان فيه عيد ميلادك وميلادي برضه ..هههههه

وعموما انا مجهز الفطير والبيتزا...فاهماني طبعا ...هههههههه

كل سنه وانت طيبه يا ميوش يا عسل

ميووووووووووووووووش
كل سنه وانتي طيبه يا مي
وعقبال ان شاء الله 100الف سنه
تقضيهم ف خير وصحه وسعاده باذن الله
والسنه الجايه تكوني بئيتي حرم الاستاذ المحترم ... ونفرح فيكي قصدي بيكي

مره تانيه كل سنه انتي طيبه يا مي
وبالتوفيق ان شاء الله

كل سنة وميوشة الحلوة طيبة وبصحة وعافية

يارب تكون سنة حلوة عليك وتحقق كل أمانيك وعقبال

100000سنة كلها حب

يارب أشوفك عروسة أمورة منورة

كل سنة وانتى طيبة يا مى
وعقبال 1000000سنة
ويا رب تحققى كل اللى بتتمنية

happy birth day mayoooosh


happy birth day ya3asal

كل سنة وانتى طيبة ياموشو وعقبال 100 سنة

واشوفك سعيدة ومحققة احلامك كلها ياجميل


انا عايز اعرف بقى مين اول واحد قلك كل سنة وانتى طيبة؟؟؟

وانا كنت الكام؟


كل سنة وانتى طيبة

سوري ياميوشة ع التأخير بجد ماعرفش

كل سنة وانتى طيبة ياجميلة وعقبال 1000000سنة

يا جماعة بما أنكم دخلتم وعملتم الواجب مع ميوشة

وهي مش معبراكم

صعبتم علية أنا دخلت عشان أقول لكم شكرا لمرورك الجميل.

مش دي الأصول؟

يقول الرسول صلى الله عليه وسلم

(ابتسامتك في وجه أخيك صدقة)

فما بالك دول دخلويهنوك ليه متردش التهنأة


شو إنتي أحسن منهم في إيه؟

دلوقتي صدقت والله صدقت مش هقول إيه؟

مرسي يا فارس أنك تعبت نفسك وعملت توبيك

وإنتم يا جماعة مرسي لكم

هههههههههههههههههه
لا تعليق ع كلام الاخت الفاضله امانى

سورى ياجماعه انى اتاخرت ع الرد بس غصب عنى
كنت مسافره المهرجان وامتحاناتى بقى وكده
ومرسيه ع التوبيك يا احلى فارس ف حياتى
ومرسيه اوى لكل انسان محترم دخل هنينى ورد ع توبيكى
وانكم شاركتونى فرحتى وعيد ميلادى 21 ههههههههه

ومرسيه ع رسالتك يادكتور محمد وطبعا احنا اصحاب وانا
تفهمت الموقف بس زى ماقولت بجد كنا مشغولين جدا
حتى فارس وملوكه وانسان عارفين كده لاننا كنا سوا

اولا حمد الله علي السلامة يا مي والف الف الف مبرووك عليكوا المسرحية والتصعيد وانا اسف بجد كان نفسي اجي بس انتي فاهمة الامتحانات وكدة

..................


ثانيا happy birthday


وبردة اسف علي التاخير بس والله انا الايام دي بجد متظبط اخر حاجة ف الامتحانات .. ومش بدخل المنتدي خالص

.....................


ثالثا بالنسبة لكلام اماني

اقتباس :

يا جماعة بما أنكم دخلتم وعملتم الواجب مع ميوشة

وهي مش معبراكم

صعبتم علية أنا دخلت عشان أقول لكم شكرا لمرورك الجميل.

مش دي الأصول؟

يقول الرسول صلى الله عليه وسلم

(ابتسامتك في وجه أخيك صدقة)

فما بالك دول دخلويهنوك ليه متردش التهنأة


شو إنتي أحسن منهم في إيه؟

دلوقتي صدقت والله صدقت مش هقول إيه؟

مرسي يا فارس أنك تعبت نفسك وعملت توبيك

وإنتم يا جماعة مرسي لكم

طبعا يا اماني دة خارج تماما علي القوانين بتاع المنتدي وملهوش اي علاقة بالمنتدي من الاساس

كل واحد لة ظروفة ومحدش عارف التاني وراة اية وحياتة ماشي ازاي
وعلي فكرة المفروض لما حد يغيب نسال عنة مش نقوول دة مش معبرنا واحنا منعرفش ظروفة اية ........

يعني مثلا دة لو كان عيد ميلادي بجد ممكن مخدش بالي لاني مش بفتح المنتدي وحتي لو خدت يمكن انا مبحبش اشتت افكاري ..وبردة كل واحد لة ظروفة .....

واخر دليل علي كدة انا كنت عامل ل دادا التوبك بتاع عيد ميلادة وبالفعل هوة اتاخر ف الرد مع اني قولتلة علي التوبك بس دة كان لظرووف امتحاناتة ......

اخر حاجة مينفعش تعتزري بالنيابة عن حد من غير ما يوليكي .

اما بالنسبة ل

اقتباس :

شو إنتي أحسن منهم في إيه؟

دلوقتي صدقت والله صدقت مش هقول إيه؟

مرسي يا فارس أنك تعبت نفسك وعملت توبيك

بجد لا تعليق طبعا لان دة كلام غريب علي منتدي حدوتة بما اننا كلنا هنا فعلا اخوات والمفروض بنحب بعض .


بس مقدرش اقوول غير اعتذار رسمي من ادارة منتدي حدوتة ل مي

واخيرا happy birthday mayoosh

وحصل خير يا اماني

salam

حقى طبعا يا علاء انى اقفبل الاعتذار او لاء
انا عارفه ان محدش ليه زنب وانت بذات
عارفه انك داخل تصلح موقف
بس انا عوزه توبيك مخصوص فيه اعتذار رسمى من امانى
وبرده حقى انى اقبله ولا لاء وده هيبقى اقل حاجه ممكن اوافق بيها
غير كده انا اسفه .... وانا فهمنى يالول

أهلا بيك وأخيرا شرفتي

أنا عايزة أقلك أنا عارفة أنكي مشغولة في المسرح والإمتحنات

.لدخلو هنوكي دول كمان كان عندهم إمتحنات

وإنتي كنتي بتدخل وبتطنش الموضوع

ودختي موضوع توتا بتاع المو بايل دا وجاوبتي مع أنه موضوع طويل وبياخد وقت

كان لزم حد يعمل لعملتوجات مني مش نادمة

أختك الفاضلة مش هتعتدر لك لالالالا

أهلا يا علاء حبيبي
لو شايف لعملتو خارج عن قانون حدوتة فأنا آسفة
جدا جدا جدا
لكن أعتدر لمي دا لمش ممكن أبدا أبدا

فعلا كلنا كنا مشغولين يا اماني بين امتحانات ومهرجان مسرح
واكيد دا مش متعمد يا اماني .. ومش لازم نزعل من بعض
لاننا اخوات زي ما قال علاء .. وكل واحد عنده ظروفه
فارس

اولا اسمحلولي اقوول سلامو عليكوا



بالنسبة ل مي .

متهيالي اعذار رسمي من ادارة منتدي حدوتة اكبر بكتييير قوي قوي قوي من اعتذار من اي عضور ف المنتدي

وانا ممكن اعمل التوبك دة ولو اني شايف ان كدة نبقي بنكبر الموضوع اساسا

واحنا المفروض كلنا كبار يعني ودماغنا اكبر من كدة





بالنسبة ل اماني

اذيك الاول عاملة اية

بصي انا مش مع حد يا اماني بس طبعا اة انتي فعلا كلامك كان خارج طبعا عن شروط المنتدي وبصفة خاصة عن شخصيتة الي اتعود عليها منك
معرفش بقي دة بسبب خلافات شخصية انتي ومي ولا اية بالظبط بس المهم يعني
مشكورة جدا علي الاعتذار للمنتدي

اما بالنسبة ل حكاية انك تعتزري لمي دي ف انا مقدرش اتدخل فيها بس انا قدمت لمي اعتذار من الادارة بالنيابة عن المنتدي كلة .



اخيرا بالنسبة ل فارس حبيب قلبي

الف مبرووك يا صاحبي علي المسرحية وعقبال القومي يا رب

ومشكور علي التوبك



اخر كلمة انا عاوز اقولها

Happy birthday Mayoosh

أهلا يا علاء كيفك إنت أنا كويسة حمد الله

أنا عايزة أقلك شخصيةأماني لتعودتم عليها لسة هي هي

أعتدر لإدارة حدوتة ولدادا حبيبي ولكل عضو في المنتدي

هذا المنتدى يتوفر على 978 عُضو أنا أعتدر من977 عضو في حدوتة

لكن مي لأ لأ لأ وألف لأ

يا علاء ياحبيبي وكل الأعضاء خلوكم في مزاكتكم ومتشغلوش نفسكم بموضوع تاااااافه

مع إحترامي وتقديري للإدارة الموقرة

ان اللي اسف ليكم بجد
لو ليا خاطر عند حد فيكم .. بجد لو حد فيكم بيحب فارس
لو ليا اي موقف حلو مع حد فيكم .. خلاص ينهي الموضوع ده علشان كلنا حبايب
انا فاكر كويس سؤالك يا اماني على ميوشه وعلى اخبارها مني وكل شويه تقوليلي طمني عليها
وفاكر كويس كلامك يا ميوش عن اماني وانها حد كويس اوي وانك بتحبيها
فبلاش علشان خاطري .. دا لو كان ليا خاطر

يا اماني والله انا ما مستني منك اعتذار ل مي اساسا

انا اعتذرت بالنيابة عن المنتدي كلة ل مي

والموضوع خلص علي كدة خلاص يا جماعة

فارس بجد مداخلتك حلوة جدا تسلم يا صديقي

اماني حصل خيير

مي الموضوع انتهي علي كدة

علاء ربنا معاك ف امتحاناتك سمعونا دعوة بقي يا جماعة

جاري غلق التوبك واخيرا happy birthday mayyosh

خدي بالك دي تالت مرة اقولها ومشوفتش ولا حتة تورتة ولا جاتوة ولا بيبسي ولا اي حاجة خالص

الموضوع مغلق بعد اذن فارس