ازاى تاكلى مع عريسك فى فتره الخطوبه

حبيت اجيبلكوا توبيك مفيد

يالا يا حلوه انتى وهى
ركزى معايا كويس اوى

آنستي العزيزة..

فإليكِ نصائحي

حتى تأخذي بخطيبك من مركب الخطوبة
الى محدش عارف هاترسى على ايه..
الى مثواه الاخير
قصدى قفص الزوجيه السعيد

اجمل مافى الخطوبه العزومات الرومانسيه
على احلى محلات اكل فى البلد اللى عمرك ماهاتشوفيها بعد الجواز

المهم..
نصايحى لكى عند اى عزومه مع خطيبك
انتى محتاجه شوية حركات نص كوم

1-انتى محتاجه تعرفى ان الشوكه والسكينه بيتمسكوا من ايدهم
من الطرف يعنى مش من النص ولا من البوز زى الخنجر
ولا من فوق طبعا

2-العيش:اوعى تفضحينا وتقطعيه بسنانك ولا تقطعى الرغيف
نصين بإيدك .. العيش بيتقطع بالسكينه فى الطبق وبعدين تاخدى
لقمه لقمه بالعافيه ال يعنى نفسك مسدوده اضغطى على اعصابك
وبعدين لما تروحى ابقى لوغى زى ماانتى عايزه

3- الشوربه ..ابوس ايدك بند الشوربه ده مهم جدا
الشوربه تتشرب من غير صوت خالص ومن غير ما تنفخى فيها
زى القهوجى اللى بينفج فى الحجر للزبون
وتشربيها بالمعلقه وبدون صوت ..سخنه مولعه بردو من غير صوت

4-المكرونه الاسباجتى بردو بالشوكه تتلف ع طرفها
لحد ماتخلص وبعدين تحطيها فى بؤك من سكات
مش تشفطيها عود عود وتفضحينا

5-الرز طبعا بيتاكل بالشوكه....اوعى ايدك تتمد ع المعلقه
بالشوكه قولتلك اهو وكانك بتبوسيه مش بتاكليه

6-السمك .. آه من السمك مشكله .. شوفى
بتفصلى اللحم عن الشوك ازاى ؟؟
اقولك.. تقطعى اللحم من النص بالطول
وبعدين تفردى اللحم على الجانبين
ولما تخلصى ناحيه ماتقلبيش السمكه بلاش فلاحه
شيلى السلسله بالشوكه والسكينه وحطيها فى جمب الطبق
وكملى اكل النص التانى
وبدل الفيلم الهندى ده نصيحه ماتكليش السمك خالص
قوليله مش بحبه وخلصى نفسك

7-الجمبرى .. اول ماطبق الجمبرى ينزل بصيله بقرف واحتقار شديد
ال يعنى زهقانه من اكله فى البيت واتنهدى جامد وقولى بردو؟؟
وتروحى قاطعه راس الجمبريايه بالشوكه
فى عرضك انسى المصمصه خالص

8-البطاطس.. سواء مسلوقه او محمره .اوعى تهرسيها وتدبيها ع الرز وتدى لا لا لا بالشوكه حته حته

9- الفاكهه .. ولو الفاكهه ببزر طلعيه من بؤك براحه وحطيه فى ايدك وهى مقفوله وبعدين فى طفاية السجاير اللى ع التربيزه
اوعى يا حبيبتى من نظام التفتفه للبزر... انسى

10- ولما تخلصى اكل تحطى ايدك على بطنك (اللى عصافرها بتصوصو من العينات اللى أكلتيها )وتقوليله مش ممكن انا عمرى ما اتفجعت كده
انا قدامى اسبوع هابطل فيه اكل

وبعدين تمسكى الفوطه اللى دايما موجوده ع التربيزه
من غير لزمه وتبوسيها .ال يعنى بتمسحى بؤك

وبعدين تستأذنى منه تعملى الميكب بتاعك وتدخلى التواليت
وتطلعى من شنطة ايدك .. لفة الفول والطعميه اللى جيباها معاكى
واديها اكل ... وبالهنا والشفتشى

وربنا يجيب العواقب سليمه لحد ماتخلص فترة الخطوبه دى

ههههههههههههههه

شو هدا يعني لزم أعمل كدا مو حرام

أنا لو علية بسبوسة بالسمن البلدي في أي محل كفاية

أنا راحت علية ربنا يكون في عون الخطاب الجدد شو ها التعب لمستنيهم

تسلم يا عاشقة الياسمين

ههههههههههههههههههههه

توبيك جااامد يا عاشقة الياسمين ويبقى احسن لو مخرجتش تاكل معاه برة

تقبلى مرورى

هههههههههههههه
مرحتش عليكى ياامونه ابدا ياجميل
يسلموا مرورك ياقمر
احساس حدوته نورت التوبيك والله
هههههههههه وعلى رايك بلاش خروج من الاول
بس لو حكمت الظروف يعنى هتعمل ايه
مشكورين على المرور