النهاردة العيد .... وبكرة كمان...

النهارده العيد!
وبكره وبعده وبعده كمان!
واضح طبعا وعارفين إن إنتم عارفين!
كل سنة وإنتم طيبين
ده أولا

ثانيا
إحنا -بمناسبة العيد- أخدنا إجازة
أيوه إجازة
يعني لحمة وفتة ولمة ومراجيح وفسح وسينما وكده يعني!

والمطلوب إيه؟
ده سؤال وجيه
وإجابته بسيطة جدا

كل ما هو مطلوب منك..
إنك تحكي لنا عن كل ذكرياتك عن عيد الأضحى
أكتر موقف دمه خفيف تعرضت له يوم العيد..
أكتر موقف صعب وحرج ودمه مش خفيف!
أكتر موقف أثر فيك وخلاك تحس بمعنى العيد فعلا
توصف لنا إحساسك الصبح وإنت رايح تصلى العيد
في أي المساجد بتصلي.. وليه؟
قضيت العيد قبل كده بره مصر.. طب وكان طعمه إيه؟
بتسافر في العيد؟ طب بتروح فين وليه؟
مين اللي بتحب يكون معاك في العيد ومين -بعيد بعيد- ما بتحبش؟
جربت تقضي العيد قبل كده لوحدك... طب إزاي؟
فاكر مراجيح العيد؟ لسه بتركبها صحيح؟
طب والخروف.. بتدبح وكده ولا بتشارك ولا ولا؟

كل حاجة.. كل حاجة..

اولا كل سنه وانت طيب يا ميشو
اكتر موقف دمه خفيف اني كل سنه بستني حد يجيبلي لحمه من الاضحيه محدش بيجيبلي ..مفكرني غني
اكتر موقف حرج ودمه مش حفيف ؟.. ان الفلوس اللي معاك تخلص وانت قاعد في مكان ويخش عليك اطفال كتير محتاج تعيد عليهم
اكتر موقف اثر فيا وخلاني احس بطعم العيد هو النهارده( اول عيد اضحي بعد موت والدي الله يرحمه) العيد من غيره طعم مختلف
احساسي وانا رايح اصلي العيد ان افرح اولادي ومش اخليهم يحسوا باللي جوايا من حزن
بصلي في الساحه اللي جنبي علشان مخليش والدتي تحس بالوحده ومنتأخرش عليها
مسافرتش بره مصر
ساعات بسافر القاهره عند حماتي علشان خاطر مراتي
بحب يكون كل اصدقائي معايا واخواتي طبعا
مفيش حد مبحبش اشوفه .. اي حد محتاجلي لازم احب اكون معاه
العيد لوحدي؟؟؟ طبعا صعب .. مش يبقي عيد
مراجيح!!!!!!!!!!!!كل سنه وانت طيب ؟ يعني ايه مراجيح؟؟؟؟؟؟؟؟
الخروف؟؟؟؟؟؟؟؟؟ انا لسه بقولك بستني حته لحمه ادبح ايه ياسيدي ربنا يسترها معاك
((((((((((((متعرفش حد بيدبح وبيدور علي حد يديله لحمه)))))) كل سنه وانت بصحه وسعاده

مممممممممم
اكتر موقف دمه خفيف وحرج بنف الوقت ان النهاردة انا كنت بسلم على عمامي واولاد عمي..وبعدين ابن عمي نزل فيا غزل قدام الناس..هههههههههه
انا انحرجت والله..بس ضحكت وخدودي احمروا كتير..
وانا العيد بيزكرني بشي مو حلو ابدا..لانه العيد الماضي تركت واحد من اعز الناس على قلبي واليوم تزكرت هالشي وكنت رح ابكي بس مسكت نفسي..
ممممممم واليوم يعني كان حلو بجد ..طلعنا وفرحنا وضحكنا وحسيت بان اليوم كان طويل اوي..
بس كان بييجي ببالي حد انا زعلانة منه كتير وكنت بسرح فيه اوي النهاردة وبفكر في كتييييييير حاجات..
وانا ما عمري جربت اقضي العيد لوحدي..عادة اخواتي وعائلتي حوليا ومعايا..

تسلم ايدك على الموضوع يا ميشو..تحياتي..نور..