ياريت الكل يجاوب ع السؤال دة خصوصا الشباب الي موجودين فالمنتدى؟؟وبكل صراحة

حياتك ولا السيجارة؟؟!!

حياتك ولا السيجارة؟؟!!
سؤال منطقي!!!!!!

فى زمن الناس مش عارفه تجيب رغيف العيش
فى بلد نص اهلها تحت خط الفقر
لسة عندنا "مزاج" اننا نقتل نفسنا بدخان سيجارة!!!
لفت نظري امبارح وانا بشتري علبة مناديل واحد عجوز داخل يشتري علبة السجاير....
الراجل بص على العلبة وهو بيدفع الفلوس واخدته حالة من الذهول!!!
انا استغربت الاول وبعدين ببص على علب السجاير عند الراجل لقيت حاجة غريبة اوي...
فاكرين الكلمة اللي كانوا بيكتبوها على علبة السجاير ببنط صغير جدااااااااا
التدخين ضار جدا بالصحة وقد يسبب الوفاة!!
لقيت العلب كلها متغيره..
بقى نص العلبة عبارة عن صورة لواحد فى سرير مستشفى ومركبينله ماسك اوكسجين ومتربط باجهزة وكاتبين بالبنط العريض
التدخين ضار جدا بالصحة وقد يسبب الوفاة!!!
بيني وبينكم.... الواحد كان فرحان جدا لما شاف المنظر ده اتحط على علب السجاير وطبعا فهمت سبب نظرة الذعر على وجه العجوز..
بس طبعا جه فى بالي سؤال صغير...
ليه الناس مش عايزة تفكر شوية هي بتعمل ايه؟؟؟!!
ليه ندمر حياتنا بايدينا؟؟!!
مطلوب ايه تاني عشان تفكر تبطل سجاير؟؟
يا اخي ان لم يكن عشانك فعشان اسرتك واولادك ....
ذنبهم ايه يتعبوا معاك فى صحتهم الاول "بالتدخين السلبي"
وكمان فى معيشتهم!!!
بتصرف كام على السجاير دي -بعد ما غلت كمان- مش اسرتك او اولادك اولى بيها !!!
معاك فلوس كتير يا سيدي فى غيرك مش لاقي ياكل ساعده تاخد حسنات بدل ما تقتل نفسك!!!
التدخين فى مصر مشكلة كبيرة..
حجم مشكلة التدخين

حجم مشكلة التدخين في العالم :

1. يبلغ عدد المدخنين في العالم حوالي 1.3 مليار مدخن ومن المقدر أن يصل إلى 1.7 مليار مدخن بحلول عام 2025م.
   
2. من 80 ألف إلي 100 ألف شاب يصبحون مدخنين منتظمين يوميا كل عام.
   
3. تبلغ الوفيات من أمراض ناتجة عن التدخين في العالم 4.9 مليون حالة وفاة سنويا ( 7% من إجمالي الوفيات ), أي حالتين وفاة كل 13 ثانية من أمراض وثيقة الصلة بالتدخين.
   
4. بحلول عام 2025م من المقدر أن تكون الوفيات من أمراض ناتجة عن التدخين في العالم 10 مليون حالة وفاة سنويا ( 16% من إجمالي الوفيات ) منها 7 مليون حالة في الدول النامية.
   

رئة مدخن
رئة غير مدخن
حجم مشكلة التدخين في مصر :

• يبلغ عدد المدخنين في مصر حوالي 13 مليون مدخن منهم 500 ألف تحت عمر 15 سنة و 73 ألف تحت عمر 10 سنوات.
  
• يتم استهلاك 80 مليار سيجارة سنويا ( 4 مليار علبة سجاير ) في مصر.
  
• يبلغ حجم الأنفاق القومي سنويا على التدخين نحو 5 مليارات جنية سنويا، أي أنه يمتص حوالي 22% من دخل الفرد المدخن شهريا، تصرف الأسرة المصرية 5% من دخلها في التدخين، 2% في العلاج، 1.5% في الترفيه.
  
• يقدر المبلغ المنصرف لعلاج الأمراض المتعلقة بالتدخين حوالي 3 مليار جنية مصري سنويا.
  
• 500 مليون من أحياء اليوم سوف يقتلهم التبغ بحلول عام 2030م وسوف يكون نصف هؤلاء في أعمار منتجة يحرمهم التدخين من 20 إلي 25 سنة من حياتهم.
  
• زيادة نسبة المتغيبين عن العمل بين المدخنين أكبر بنسبة 50% عن الغير مدخنين.
  

المصدر :
قطاع الشئون الوقائية
إدارة مكافحة التدخين



الكلام ده من سنة من موقع وزارة الصحة والسكان

يا جماعة رمضان
وهو افضل وانسب فرصة للاقلاع عن التدخين ...
لازم يكون عندك انت الدافع مفيش حد هيساعدك غيرك!!!
انا بفكر بجد اننا نحاول نعمل حملة توعية مكثفة خلال ال3 اسابيع دي ...
ياريت الناس تشارك بأفكرها....
ويارت يكون الكلام مباشر ومركز وميكونش كلام كتير يزهق الناس مننا
واللي عنده تجربة يا ريت يحكيهلنا

او يقولنا اية هية الخطوات الفعلية للاقلاع عن التدخين

السلام عليكم و رحمة الله و بركاته
شكرا جزيلا على هذا الموضع الهام و هو موضوع الساعة
للأسف لدينا أشخاص يعيشون بيننا يلقون بأيديهم الى التهلكة و هذا الأمر نهى عنه الرحمن في قوله عز و جل (( و لا تلقوا بأيديكم الى التهلكة ))
و مصيبة التدخين لا أحد منا و من عامة الناس يغفل عن أضرارها و أخطارها
لكن مع ذلك الانسان يظل هو العدو الأول لنفسه ،، و يصر على تحديها بكل ما استطاع
الذي يثير اشمئزازي هو أن المدخن يتمنى أن يقلع عن عادته السيئة التي هي التدخين و يقول (( اللهم اعفوا عني من هذه العادة)) لكن ((لا يغير الله ما بقوم حتى يغيروا ما بأنفسهم))
و من جهة أخرى المدخن السلبي (( الذي يتواجد بمكان به دخان سجائر )) هو المتضرر الأكبر ،، حيث أنه يتلقى دخانا ساما و محملا بشتى الأمراض ،، و كلنا في هذه الأيام مدخنون سلبيون ،، للأسف لأنه لا يوجد أي قانون مطبق يمنع التدخين في الأماكن العامة
فلا حول و لا قوة الا بالله ،، و الحمد لله لأني لست ممن ألقوا أنفسهم الى التهلكة
بارك الله فيك و جازاك عنا ألف خير

طيب ممكن تقولنا او تحكيلنا ازاي بطلت يادادا تجربتك في التدخين بحيث انك تفيد الأشخاص المستمرين في التدخين دووول اذا كنا في حد بيدخن واحساسك قبل وبعد التجربة

انا من وجهة نظري دي تعتبر جهاد النفس وده اعظم من الجهاد في سبيل الله