رأيك من فضلك!

مير سي ليكي يا افروديت بجد على تقديم النصيحه وربنا يساعدنى

lamoor كتب:

بسم الله الرحمن الرحيم

اعزائى واخوانى اريدكم ان تعطونى رايكم ونصيحتكم لى لو كنتوا مكانى فى موقفى هذا

انا كان ليا واحد صاحبي عزيز عليا اوى مكناش بنفترق الا عالنووووم.

وبعد فترة انا ارتبط بانسانه ودى كانت حب عمرى كله وحلم من احلامى اللى كنت بتمناه وهوة شجعنى على دة

وساعدنى كتير فى الارتباط بيها ولكن دارت الايام مع انشغالى بالارتباط ومشاكله انشغلت عنه واتلم على جروووب مبيحبونيش خالص وجروة لسكه التدخين وما وراءة وبدأوا يحرضوة عليا لدرجه انه بعد عنى خالص وخد جنب منى وعمل معايا مواقف عيال خالص متتعملش مع اتنين اكتر من الاخوات لدرجه انى اليومين دول بعد ماتصارحنا بين اصحابنا وطلعنى انا اللى انانى انى ارتبط بانسانه وسيبته وكأنى كنت واعده انى ارتبط بيه هوة مكانها بس انا نسيت دة كله وفتحت صفحه جديدة لحد ماجه الوقت اللى انا وحبيبتي بنسيب بعض لظروف معينه وبدات عليه الفرحه الشديدة اوى وكان بدا يكلمنى على طوول ويخرج معايا واول ما شافنى معاها فى يوم وشه اتقلب الوان وكلمها بطريقه مش كويسه وانا عديتها دة عزيز عليا اوووووووى لحد ماعرفت عن طريق الصدفه انه بيتكلم عليا وحش جدا فى غيابي لكل اصحابي انى اقل من الحيوان بكتييير وبعته وضحيت بيه عشان واحدة مش كويسه وقال عليها كلام وحش فانا دلوقتى فى حاله ذهووووووووووول اعمل ايه معاه انا بحبه اوى بس مش هقدر انسى اكيد الموقف دة فياترى اقطع العلاقه اللى ما بينا ولا اعمل ايه بالظبط انا بقيت بتعب من التفكيير فى الموضوع دة

ياريت يا جماعه تفيدونى بجد محتاج مساعدتكم ارجو الردود السريعه

فى البدايه انا عوز اقولك ع حاجه انت بتقول فى البدايه ان هو بيساعدك عشان تكون قريب من الفتاه ديه .

ديه حاجه حلوه اوى وجميله ان الصديق يساعد الصديق بدام ع حاجه كويسه


وبعدين قرب من ناس وحشه وشرب سجاير .

اقوله بلاش وحول ترجعه عن الموضوع ده عشان هو اكتر من اخوك

بعيد بداء يحس بالغيره اتجاه حببتك .

بعدين جاب اللوم عليك واقلك ان انت انانى .

طيب هو اقل السبب ياتره تقدر تقوله ان ده من حقك ان انت تعرف وتقبل وهتجوز ويكون ليك ابناء ان شاء الله وهو كده

بعدين اقل كلام وحش ع حببتك بغرض ان انت ترجع له لوحدى.

ياتره هو اقل كده انا هقولك لو انت شوفته او تعرف تشوفه اقوله واسئله متكلموش وتقوله ازيك وانت فى قلبك حاجه له انت بتقول اكتر من اخوات صح حول تصلح فيه
هو يستحق كده حتى لو غلط ومتنساش ان ديه اول غلطه له وانتم اخوات
وهو ماقلش كده فى وشك صح
اكيد فى فرصه له ممكن ناس تشوف الموضوع ده غلط بس لو انت بتحبه اكيد هتلاقيه الموضوع ده صح

ولو هو حصل منو حاجه زعلاتك او كده بس تكون متاكد اوى او بمعنى تقول بينك وبين نفسك مش مصدق عنيه .

ممكن اكون مختلف بس اكيد انت هتعرف الاحسن عشان انت من عاش الواقعه وتقدر تحدد وده مجرد رايه وانت الاهتختار بس اتاكد من كل حاجه فى حياتك اقبل متاخد قرار
عشان مش سهل الانسان يخسر صديق بجد

وشكرا واتمنى التوفيق ليك وله

ميرسي ليكم كتييييير على مروركم وردودكم وتقبل احترامى تقديرى ليكم

احذر عدوك مرة واحذر صديقك الف مرة
ودا سورى بجد على الكلمة اللى هاقولها
دا بجد مش صدايق ولا عمرة هايكون كدة
لان الصداقة عمرها ماكانت انانية
ودا حد بجد انانى
فالبعد عن الحد اللى بالشكل دا احسن وافضل بكتييييييييييييييييييييييييير

حسام انا مرة حصل معايا موقف زي كده
يعني صاحبتي مرة كانت بتغير لما انا بقوللها عن الانسان الي انا بحبه وكان عندها حب تملك ليا انا.. بس انا مع الايام حسيت انها مريضة نفسيا وانانية مش عايزاني اكلم حد غيرها..
صدقني الافضل من رايي انك تبعد عن صاحبك ده..
بعدين اسمحلي اقلك ان الي يتكلم عليك من ورى ضهرك وهو عامل صاحبك يبقى منافق..
بجد ومن غير متفكر سيبه ..
وانت ماشاء الله عليك اكيد هتلاقي غيره والي احسن منه..والي يكون اخوك بجد..
بعتذر على الاطاله ويمكن انا ردي جه متأخر شوية..
بس تقبل رايي المتواضع وتقبل مروري..
نور..

هشيبة خالص لغاية لما يعقل ويرجع تانى

ويفهم إنه غلطان ساعتها ممكن أسامحه

شوف يا لامور مهما كانت علاقتك بيصاحبك قوية ما
كان لازم شي يهزكم بس بحب اقللك انو مو هاد الصاحب اللي بينزعل عليه ومين باعك
بيعه لانو اللي بيحكي عنك بالغيب مو اخو والصاحب الحقيقي حيكون احسن من اخو نصيحتي الك
انساه وانت اكيد حتكون صداقات احسن منه بكتير وانما الاعمال بالنيات كل واحد بياخد على نيته

هوالاكيد ان صحبك دة عندة حاجة غلط فى دماغة
وانت تبق المفروض مش تعرفة بعد كدة بس تتاكد ان كلامك دة صح ومش فية اى غلط

يا لهوي
لأ بصراحه
انا شايف انك تنسى ولا كأنك عرفتو بس

تقبل مروري يا مان