يا رب انا بناديك ورميت تكالى عليك
محتجاك يا ربى جنبى لما ادعيللك الاقيك
يا ربى انت العالم ومفيش فى قلبى سواك
يارب خلاص تعبت امتى يقرب لقياك
انا خايفة يا ربى منك وخايفى اكون بعصاك
سامحنى يا ربى لو مرة مفكرتش فى رضاك
دا انت العالم بحالى وقلبى ما بينساك
يا رب انت اقربلى وانا من غيرك مسواش
يا رب انا تعبانى كلمة حق مقلتهاش
مش عارفة اتكلم واقول ولا اسكت وبلاش
ضميرى يا ربى معذبنى ودنيتنا ما بتنساش
كلامى هيهدم دنيا وسكوتى عليه مرضاش
بس يا ربى دى كلمة حق والحق ميستناش
كلمة حق تعبانى وب سكوتى عنها راضيين
هى بصراحة وجهة نظر وهما مش فاهميين
لو قلت يبقى خلاص ضاعت ليالى سنين
ولو سكت معرفش الدنيا هتودينا لفين
خلاص يا ربى تعبت وعلى حالى بقالى كتير
سامحنى يا ربى ضعفت وسكت عن فعل الخير
ويا ريتنى بجد اعرف اذا كان دا خير ولا تدمير
بس بجد خلاص تعب عقلى من التفكير
من امتى بس لسانى بيسكت عن كلمة حق؟
يا ربى انت العالم طول عمرى بقول للغلط لاء
ساعات بقول لنفسى انا هعمل اللى يرضى ضميرى
لقيت الدنيا من حوليا بتصرخ تقولى لاء
وساعات اقول وانا مالى ؟ كلامى ملوش دعوة بمصيرى
بلاقى قلبى اتقبض وبفتكرك يا ربى وبفتكر الحق
ارحمنى يا ربى والهمنى الصواب بقدرتك
انا حاسة انى فى كابوس واخرة سكوتى دا ايه؟
انا عارفة يا ربى ان كل شىء بحكمتك
ويارتنى اعرف الحكمة بس من اللى انا فيه
ياربى انا حاسة انى بتغير والدنيا من حوليا واقفة
يا ربى احنا عمرنا قصير وبين الخير والشر مش عارفة
يا ربى انا نفسى اقربلك مبقاش فى حاجة بترضينى
يا ربى انا نفسى افضفضلك عذاب ضميرى بيكوينى
يا ربى ارحمنى من فضلك وبرحمتك يا ربى اروينى
