فرصة لكل الاعضاء فى رمضان اوعى تفوتك

بسم الله الرحمن الرحيم

الحمدلله رب العالمين والصلاة والسلام على اشرف الخلق سيدنا محمد علية افضل الصلاة والسلام

اللهم صلى وسلم على سيدنا محمد وعلى ال محمد كما صليت على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى ال ابراهيم فى العالمين انك حميدا مجيد

كل سنة وانتوا طيبين بمناسبة الشهر الكريم شهر رمضان المبارك عادة الله علينا بالخير والبركات

انا كنت بفكر فى فكرة كدا قولت مش هتمشى ولما لقيت الفكرة فى اذهان ناس تانية قولت ومالة نعرضها ونشوف

الاول احنا عايزين رمضان دا مش يعدى كدا لانة فعلا شهر عظيم مش هينفع يعدى كدا زى اى شهر

احنا مش عارفين ولا ضامنين نفسنا هيجى علينا رمضان تانى ولا لاء

طبعا الكل مننا فكر فى انة هيصلى فى الجامع هيقرا القران وهيصلى التروايح وكدا وهيعمل اعمال الخير وهيتصدق وهيذكى

بس احنا عايزين نعمل الموضوع دا جماعى وبالذات فى قرات القران

هيا اشبة بمسابقة هيا فعلا مسابقة فى القران

بسم الله الرحمن الرحيم
( شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ )
صدق الله العظيم

كَانَ رَسُولُ اللَّهِ صلى الله عليه وسلم أَجْوَدَ النَّاسِ، وَكَانَ أَجْوَدُ مَا يَكُونُ فِي رَمَضَانَ حِينَ يَلْقَاهُ جِبْرِيلُ، وَكَانَ يَلْقَاهُ فِي كُلِّ لَيْلَةٍ مِنْ رَمَضَانَ فَيُدَارِسُهُ الْقُرْآنَ، فَلَرَسُولُ اللَّهِ صلى الله عليه وسلم أَجْوَدُ بِالْخَيْرِ مِنَ الرِّيحِ الْمُرْسَلَةِ رواه البخاري
علية افضل الصلاة والسلام

عايزين نختم القران فى رمضان بس مش مرة لا مرتين

ودى فوائد قراءة وختم القران الكريم في رمضان

1-قراءة جزء واحد من القران يوميا تفوز فى نهاية الشهر ب 147 مليون حسنة والله يضاعف لمن يشاء


2-عند ختم القران لك دعوة لاترد

3- يرزقك الله بتلاوته نور فى الوجة وانشراحا فى الصدر

4- شفيع يوم القيامة قال صلى الله عليه وسلم(اقرؤوا القران فانه ياتى يوم القيامة شفيعا لاصحابه)

5- نور فى القبر

اللهم ارزقنا واياكم حسن التلاوة

شوفتوا دى مرة واحدة احنا هنختمة مرتين بقى
يااااااااااااااااااة فرصة بجد يا جماعة واحنا هنا اخوة كلنا هنشجع بعض باذن الله
ياريت كل واحد يعرف حد يقولة اننا هنعمل كذا


انا فكرت فى التوقيت بتاع اليوم
يعنى كل جزء حوالى 20 صفحة الجزئين يبقوا 40 صفحة
يعنى اربعين صفحة فى اليوم لو اخدنا كل ساعة عشرة صفحات هيبقى تمام


وهيبقى كالتالى

الفجر هيبقى الساعة اربعة لو اخدنا من اربعة ونص لحد خمسة ونص ساعة يعنى عشر صفحات

وبين الضهر والعصر من 12:30 الضهر هيدن 12 بقى بعد اما الساعة تتغير يبقى من 12:30 لحد 2 كدا ساعة ونص يعنى 15 صفحة

و ببين العصر لحد المغرب ساعة ونص كمان يعنى 15 صفحة

واللى مش هيقدر يقوم للفجر هيبقى بعد الضهر ساعتين وبعد العصر ساعتين

كدا الاربع ساعات اتخدوا وممكن كمان انت تزود

يعنى الاربعين صفحة مش هياخدوا وقت ولا هتحس بيهم

انا مش جى جمب بعد العشا علشان التروايح يعنى القراية كلها هتكون واحنا صايمين

انا منزل التوبيك بدرى شوية اهوة لو فى افكار تانية ياريت تفيدونا بيها

وياريت فى كل نهاية اليوم ندخل نقول النهاردا اليوم كان تمام وتم على خير علشان كلنا نشجع بعض

ياريت الفكرة دى تنول اعجبكم وياريت نشوف التفاعل من الناس ياااااااااااااااارب

فى حد سعدنى فى الموضوع دا بدون ذكر اسماء جزاة الله خيرا

ونسألكم بالدعاء

بارك الله فيك يادادا

بجد الفكره حلوه اوى وعجبتنى موت

وطريقه حلوه عشان نشجع بعض

وانت ساعدتنا وقولتلنا ازاى نختم القرأن مرتين

وموضوع سهل اوى ومش هياخد مننا كتير

ولازم فعلا نبلغ كل اصحابنا وكل الناس ونشجع بعض

وزى مابنتجمع ف الفرح .. نتجمع برضه ف الخير

وخصوصا اننا ف شهر رمضان اللى بنستناه من السنه للسنه

بجد مشكوره ليك كتير .. وتحياتى لك ولشخصيتك المحترمه

وان شاء الله هكون معاكم وهدخل كل يوم واقول عملت ايه

شكرا يا دادا الموضوع الجميل

وبصراحة الخطوات سهلة اوووووي

وانشاء الله نختم القران

شكرا ليك يا دادا

وكل سنة وانتوم طيبون

وفي المزيد اشاء الله

جزاك الله كل الخير واثابك خير الثواب

بس اهم حاجة يا جماعة ان واحنا بنقرا القران نتدبر معانى اياته

مش نقراه واحنا دماغنا فى حاجة تانية

وان شاء الله بكل حرف ثواب والله يضاعف لمن يشاء

شكرا بجد يا دادا على التوبيك وان شاء الله ربنا يقدرنا ونواظب على قراءة القران فى رمضان وفى غير رمضان

وجزاكم اياة ان شاء الله

بس احنا عايزين كلام رجالة ونبقى هنا دايما

محدش عندهم افكار تانية ولا اية فى حكاية التوقيت

على العموم بجد انا فرحان ان الفكرة نالت اعجابكم وان شاء الله كلنا نقوم بيها

شكرا ليكوا يا شباب

الفكرة حلوة وجميلة لكن أنا عندي سؤال يادادا

هل يمكن تختم القرأن بالسمع

عشان أنا مابعرف أقرأ قرآن بغلط كتير

لكن أنا عندي mp4فيه قرأن كله ممكن أسمع كل يوم شوية لغاية ماأختمه

جزاك الله كل خير يادادا

بجد انا مبصوط اوووى ان الفكرة عجبتكم

وان شاء الله نبقى دايما متواصلين مع كل يوم فى ايام رمضان هنا فى الموضوع

بالنسبة ليكى يا امانى ومالة طالما انتى مش بتعرفى تقرى من القران او بيكون صعب عليكى خلاص مفيش مشاكل المهم انك تكون معانا وخلاص

ربنا يبارك فيكم يارب ويجزيكم خير

تحيتى ليكم

والله يادادا انت شخصية متميزة بجد ربنا يتقبل منك ويجازيك عن كل اللى هيتبع البرنامج دة
ويجعلة فى ميزان حسناتك وانا عن نفسى ان شاء الله هتبع البرنامج بس هشيل انا بعد العصر وهقراة فى قيام الليل ان شاء الله بتهيئلى دة احسن للبنات علشان الابداع المطبخى انت فاهم ونتقابل ان شاء الله كل يوم
ربنا يعنا جميعا ويتقبل منا ويرزقنا الاخلاص
تقبل خالص تحياتى

ربنا يا خليكى يا ستار يارب

تسلمى على كلامك

وجزاكى اياة يارب

اية يا جماعة

النهاردا اول رمضان كل سنة وانتوا طيبين

ياترى النهاردا حصل اية معاكوا

ياريت اللى يدخل يقول عمل اية النهاردا

وخلص الجزئين ولا اييييييييييييييية ؟؟

يارب يكون خلصهم

منتظر ردك بفارغ الصبر

الحمد لله انا خلصت سورة البقرة وماشية على الجدول
يا رب نكمل رمضان على كدة ونتجمع دايما على الخير
صحيح يادادا مقولتلناش على الهدية للى هيمشى على الجدول
مش المفروض تعمل حافز كدة يشجع الشباب
اكيد انت عامل هدية ومخليها مفاجاة

الحمدلله رب العالمين الذى هدانا الى طريقة واتبعنا سنة حبيبة النبى علية افضل الصلاة والسلام

بجد انا مبصوط اوووووووووووووووووووووووووووى

بجد انتوا مش هتتخيلوا انا مبصوط بيكوا اد اية

العدد اللى انا كلمتة فى الموضوع دا وكلمنى انة معاية وماشى على الكلام دا بجد كبير اوووى

الحمدلله رب العالمين

انا يا نورين الحمدلله خلصت سورة البقرة وماشى معاكوا اكيد يعنى ماشى معاكوا

المهم بجد ياريت الجماعة اللى دخلوا ندخل كل يوم ونقول الحمدلله اليوم عدى على خير

وياريت اللى مدخلشى يدخل يعنى حتى لو مقراشى فية لسة الفرصة ادامة يعنى مش خلاص

يلا مش عايز اطول عليكوا

جزاكم الله خيرا

:ll:



ماشاء الله عليكم كلكم

أنا كمان متابعة معاكم والله بسمع طبعا وبركز وبقراه كمان

ثوابكم أكترمن ثوابي مع دالك أنافرحانة عشانكم

ربنا يوفقنا جميعا لختم القرأن

حاجة أبهرتني صراحة جزاكم الله كل خير

وجعله في ميزان حسناتنا جميعا

وجزاك اياة ان شاء الله

ياريت بجد اامل فى ذلك

نورت التوبيك واهلا بيك معانا وياريت تكون ماشى معانا فى القراية



يلا يا جماعة مش عايزين الايام تعدى وهنا قاعدين كدا

ياترى عملتوا اية النهاردا ؟؟؟؟؟؟؟؟؟؟؟؟؟؟؟؟؟؟؟؟؟

انا الحمدلله خلصت النهاردا التالت والرابع

عايز اسمع اخبار كويس وعايز كل الناس تشارك معانا

احنا كدا بنشجع بعض

الحمد لله امبارح عدا زى ما اتفقنا

والنهاردة كمان فاضل كام حاجة كدا ويكمل ان شاء الله

بجد يا جماعة انا مبسوطة اوى اننا مع بعض وبنشجع بعض

ان شاء الله رمضان السنة دى هيكون احلى من اى سنة