هام و ضروري جداااااا للنقاش ( العلاقة بين الاخ و اخته )

مساء الخير على الجميع
ان شاء الله الكل يكون بخير
النهارده جيت و معايا موضوع يحتاج بالفعل للنقاش
الموضوع هو عن (( علاقة الاخ باخته ))
بعض منا له اخت و البعض الاخر له اخ
و كثيرا ما تحتاج الاخت أن يسمع الأخ لها و لمشاكلها
لكن الأخ لا يعيرها الاهتمام و اذا اعارها الاهتمام فيكون مصطنع و مزيف يعني يعمل نفسه انه سامعلها و هو اساسا مش هنا و لا سامعلها
فماذا عليها أن تفعل؟ و لمن تذهب و تتحدث معه و تشكو له مشاكلها
هتقولولي تحكي لباباها مامتها مثلا او حد من اصحابها
بس في اوقات الواحدة بتبقا محتاجة تحكي لاخوها بالذات و مش لحد تاني
فايه الحل يعني
و ايه الحال لو من كتر ماهو مبيسمعلهاش اصبح في فجوة بينها و بين اخوها
و معادتش بتفكر تحكي لاخوها على اي حاجة و لا عن مشاكلها؟
اكيد الحال ده مينطبقش على الكل بس ده الغالب بين الاخوات بعضهم البعض
فياريت تسمعوني ارائكم
و ارجو ان يكون الموضوع عجبكم

مممممممممم
بصراحة يا مريم انتى بتتعرضى لمواضيع واقعية جدا
كتير منا دلوقتى مبيلاقيش اللى يسمعة
مش بس الاخ
يعنى الواحد ساعات بيحتاج اللى يتكلم معاه وميلاقيش
وعموما كل واحد دلوقتى منشغل بحياته الخاصة
يعنى مش كتير الاخوات اللى بيسمعوا لبعض
وساعات كتير اللى قدامك مبيسمعكش من قلبه
يعنى زى ما تقولى كدا بيقضى واجب
بصراحة انا مش عارفة للمشكله دى حل خصوصا لما يكون اللى مبيسمعكيش دا هو اقرب واحد ليكى(اخوكى)
عموما سيزر تمام
صحيح عشان يسمعنى ممكن اتخانق معاه
بس فى الاخر بيسمع
تسلم ايديكى يا مريوم على التوبيك
فى مزيد ان شاء الله

مبدئيا أحييكى يا مريوم على التوبيك

مفيش حد ميحبش يقرب من أختة خاصة لو كانت قريبة منه فى السن

لأنه كمان محتاجلها يحكيلها مشاكلة وهمومه

أما بقى لو البنت بقت أخوها مش بيسمعلها يبقى لازم تدرك ان فية حاجة غلط

إما هى عملت حاجة زعلته

أو هو عنده مشكلة صعبة مينفعش يقلها لحد حتى لأخته

أو هو قالها على حاجة وهى قالتها لحد وبالتالى معدش هيقلها حاجة بعد كدا

يبقى البنت عليها انها تحاول تقرب من أخوها أكتر

ويحاولو يحافظو على بعض

تحياتى

La Plus Belle rose
مشكوره يا قمره على مرورك اللي اسعدني
معاكي حق كتير منا مش بيلاقي اللي يسمعله مش بس الاخ و لو سمع يسمع و يرد عليكي رد كاستعطافا عليكي بس بيتهيقلي ان صلة الاخ اكبر بكتير
Mesho
مشكور على المرور و ادلاء الرأي
و انا اوافقك الراي

بس تعرفوا بقا يا جماعة انا مشكلتي مع اخويا مش بس مبيسمعليش لا ده لو حصل و سمعلي يرد بانفعال و عصبية ملهاش اي داعي لما كرهت اقول اروح احكيله حاجة و برضه بعض الاحيان بطلب منه اتكلم معاه و يسمعني و يسمعلي بس بيطنش
يلا ااسف للاطالة عليكم
:)

بجد التوبيك فوق الهايل انا بحييكى ياقمر على مواضيعك اللى دايما بتعجبنا
ثانيا انا شايفة فعلا ان دى مشكلة كبيرة بس للاسف ممكن مانلقلهاش حل وفى نفس الوقت مانقدرش نجيب اللوم على اخواتنا ىن ده ممكن يكون غصب عنهم لكذا سبب مشكلة مثلا شغل مثلا كده يعنى
مرسى ياقمر على التوبيك

ملوكه مشكورة على مرورك
و نورتي بعد غياب
هو عندك حق احيانا بيكون لهم سبب قرفان من الشغل او اي حاجة
بس لما يكون مثلا مبيشتغلش و مفيش حاجة شاغلة باله بتبقا فعلا حاجة تغيظ و تضايق
:(
بس برضه الواحد بيلتمسلهم اي عذر
نورتي يا قمر التوبيك

» شاب خليجي ينشر صور اخته في الانترنت ..ما رايكم؟؟؟؟؟
» أيهما أشد غيرة الرجال أم النساء...؟؟ (دعوة للنقاش)....
» ماذا لوعلمت أن هناك فتاه تتمناك زوجا ؟ ( للنقاش )
» العلاقة بين الدراسة و الرسوب
» موضو هام جدا للنقاش ارجوا من الجميع الدخول