سؤال مهم

موضوع: سؤال مهم 7/21/2008, 18:44

يا جماعة انا فى سؤال مهم محيرنى اوى هقوله وكل واحد فيكوا يرد عليه

تعمل ايه لو حسيت ان كل اللى حواليك انت مخدوع فيهم وانهم عارفينك علشان مصلحتهم

ودايما هما يغلطوا وانت تصالح وهما يعكوا وانت تحاسب اوى على كلامك وعلى شعورهم

وانك بالنسبالهم احتياطى بيطلعوك فى الوقت الضايع ودايما حاسس منهم بحقد وبتخاف وانت بتتعامل معاهم وتخاف تكلمهم براحتك ليزعلوا من كلامك فى نفس الوقت اللى كل واحد فيهم
بيرمى كلام زى الطوب

وتعمل ايه كمان لو انت بتسال عن الناس دى كلها ومحدش بيعبرك الا ما رحم ربى

وحاسس خلاص انك مش طايق ولا واحد فيهم وجبت اخرك معاهم؟؟؟؟؟؟؟

مستنية ردودكم على الاسئلة دى

موضوع: رد: سؤال مهم 7/21/2008, 19:53

مساء الخير عليكي يا قمر
حلو الموضوع بتاعك ده اوي
و الأسئلة اللي فيه كمان حلوة
بصي يا قمر
انا هرد عليكي بس مش حالا

موضوع: رد: سؤال مهم 7/21/2008, 22:25

ميرسى يا مريم على مشاركتك ومستنية الرد

موضوع: رد: سؤال مهم 7/21/2008, 23:28

مريم بتفكر في رد ولا مشغولة............

علي العموم خدي راي
باختصار شديد وبدون لف ولا دوران تنسي الناس دول خالص تمحيهم من حياتك ودوري علي ناس تانية تسألي عليهم ويسألوا عليكي
وعلي فكرة في ناس كتيرررررررررررر نفس موضوعك
بنصحهم بنفس الكلام
توبيك مولع عايز مريم تطفيه بردها مستنين.....................

موضوع: رد: سؤال مهم 7/21/2008, 23:55

ههههههههههههه يا موحا

انا هقولك رأيي يا قمرة
بصي انا من رأيي انك تتعاملي معاهم زي ما بيتعاملوا معاكي
بس مش زيهم بالظبط
لا
يعني انا اقصد انك انتي كده بتهيني نفسك معاهم و هما ولا هنا و لا عاملين حساب لشعورك
و انتي بتحبيهم و مش حابة تفارقيهم و هما مش مقدرين النقطة دي
فأنتي تصارحيهم بالحاجات اللي بتضايقك و تزعلك منهم بكل صراحة و بدون أي احراج
ده أولا
أما ثانيا ادي لنفسك و ليهم فرصة اخيرة بس الفرصة الأخيرة دي بعد ما تكوني صارحتيهم باللي بيضايقك منهم
و الفرصة دي لازم تكوني باردة جدا معاهم يعني عملوا حاجة ضايقتك حاولي تخرجي من الموقف ده بهزار منك مثلا او اي طريقة تحبيها بس المهم يعني او المغزى من كده انك متبينيش انك متضايقة بس مش عشان متبينيش ليهم انك متضايقة
لا
لأن الفرصة الأخيرة دي اعتبريها كاختبار ليكي و ليهم
يعني لما بقولك خليكي باردة جدااااااا معاهم و لو صدر منهم حاجة ضايقتك اخرجي من شعور الضيق ده بصنعة لطافة ده عشان تشوفي رد فعلهم و عشان كمان تعرفي تفكري و تقرري
و بعد كده تشوفي لو حصل تغيير من ناحيتهم و لا لا
و لو حصل يبقا انتي بكده عرفتي الطريقة اللي الحاجات اللي بيضايقوكي بيها ازاي تقدري تغيريهالهم
اما لو محصلش اي تغيير و كانك يابو زيد ما غزيت
يبقا شكرااااااااا و كل واحد فيكم من طريق في حاله

موضوع: رد: سؤال مهم 7/22/2008, 00:07

يسلم عقلك يا مريوم

مريم كده حطتلها بنزين مطفتهاش
مش مهم خوضي الاختبار ده عشان خاطر مريم
بس...................ببرررررررررررود شديد
وخلي كرامتك فوق اي حد

موضوع: رد: سؤال مهم 7/22/2008, 01:54

معلش انا معاكى ان الحجات دى والتصرفات دى تضايق جدا بس نتكلم بجد شوية انت لو بتحبى الى حواليكى دول اكيد انت الى هتسعى لمصلحتهم ومش هتضايقى منهم لانهم عرفينك عشان مصلحتهم لانك لو حبتيهم بجد هيحبوكى وهيتقربولك عشان نفسك مش عشان اى حاجه تانيه
وحكاية انهم مبيسالوش عليكى اكيد عندهم سبب وسبب قوى كمان
وحكاية الكلام انت لو عرفتيهم انك بتزعلى منهم من الكلام الي زى الطوب اعتقد انهم هيراعو شعورك سعتها لانهم ممكن اتعودو منك انك بتسحميهم علطول اول ما يعتزرولك
ولو حسيتى انك جبتى اخرك يا ريت تبعدى شويه عن جو التوتر دة وبعد كدة تفكرى
مع خالص تحياتى

موضوع: رد: سؤال مهم 7/22/2008, 02:02

احب احيكي علي المجهود الواضح اولا

ثانيا : مش اي حد الواحد ممكن يصاحبه

الصديق ده لازم يكون ليه مواصفات معينه يعني مش اي حاجه كده

وكمان الواحد لازم يحس بأهميته بين الناس اللي هو بيعتبرهم جزء منه يعني لو ماحسش بكده

منهم يبقي هما مايستهلوش انه يعتبرهم موجودين اساسا

ولازم الواحد علي قد مابيدي من حب وموده لازم ياخد علي الاقل شويه من اللي هو بييهم

وفي الاخر اقدراقولك في الحاله دي مش انتي الخسرانه هما اللي خسرو كتير

صعب ان الواحد يلاقي انسان وفي

تحياتي بمذيد من الابداع

موضوع: رد: سؤال مهم 7/22/2008, 05:01

صباح الخير

انا هرد على المشكلة دى فى ايجاز شديد

من الاول خالص الاختيار منك كان خاطىء ولازم انتى تصلحية

نيس توبيك

تحيتى ليكى

موضوع: رد: سؤال مهم 7/22/2008, 13:14

ميرسى يا جماعة على ارائكم الصائبة دى بس المشكلة انى بجد بحب صحابى دول وحاسة فعلا انهم بيحبونى بغض النظر عن التصرفات بتاعتهم تقولولى ازاى بحس الاحساس دا اقولكم معرفش بس انا فعلا حاسة انهم كويسين وعموما يا مريم انا فعلا هعمل ان شاء الله اللى بتقولى عليه بس انا هقوللك باختصار المشكلة بجد
المشكلة انهم كلهم بنات محترمة ويعرفوا ربنا وبحس معاهم انهم اخواتى يمكن تحسوا ان كلامى فيه تناقض بس فعلا هما ساعات بيكونوا كويسين اوى وساعات تانية بحس فعلا بمنتهى النداله منهم المشكلة بقى ان اناحاسة انى لو سبتهم علشان التصرفات دى متهيالى صعب انى الاقى بنات محترمة زيهم وعموما موضوع اسيبهم دا عمره ما جه على بالى اصلا علشان كدا متهيالى ان الحل الوحيد فعلا انى اواجههم بقى باخطائهم دى ولو استمروا على التنفيض دا يبقى هتسمعوا خناق بقى وكلام من دا
ميرسى بجد جدا يا جماعة على مشاركتكم

موضوع: رد: سؤال مهم 7/22/2008, 15:46

الله..........الله..............الله
بجد صاحب المشكلة هو ال يعرف يحلها
انتي جبتي الحل الصح والله بجد
واجهيهم
بحييكي بجد
هو ده الحل المظبوط

مشكورررررررررررررررررررررررررره
نااااااااااااااااااايس توبيك

موضوع: رد: سؤال مهم 7/22/2008, 15:49

ميرسى يا موحا على مشاركتك

وادعيلى بقا

موضوع: رد: سؤال مهم 7/28/2008, 17:34

طبعا بعد الكلام اللى انتى قلتيه زى:
"تعمل ايه لو حسيت ان كل اللى حواليك انت مخدوع فيهم وانهم عارفينك علشان مصلحتهم

ودايما هما يغلطوا وانت تصالح وهما يعكوا وانت تحاسب اوى على كلامك وعلى شعورهم

وانك بالنسبالهم احتياطى بيطلعوك فى الوقت الضايع ودايما حاسس منهم بحقد وبتخاف وانت بتتعامل معاهم وتخاف تكلمهم براحتك ليزعلوا من كلامك فى نفس الوقت اللى كل واحد فيهم
بيرمى كلام زى الطوب

وتعمل ايه كمان لو انت بتسال عن الناس دى كلها ومحدش بيعبرك الا ما رحم ربى

وحاسس خلاص انك مش طايق ولا واحد فيهم وجبت اخرك معاهم؟؟؟؟؟؟؟"

مفيش غير تصرف واحد هعمله هلغيهم طبعا من حياتى وبناقص

نايس توبيك يا جميل