دردشة عامة عن تعاملنا مع اهالينا

مساء الخير عليكم جميعا
ازيكم جميعا
يارب تكونوا كلكم بخير ان شاء الله




يا جماعة الموضوع ده خطر على بالي و اكيد بيخطر على بالكم بعض الأحيان
الموضوع هو عن ان احنا بنتعامل مع اهالينا ازاي
هو بصراحة انا مبعرفش اعبر اوي على اللي اقصده بس هحاول على قد ما اقدر
احنا يا جماعة كشباب و بنات بنحب اهالينا جدا اكيد
بس بنيجي عند اختلاف وجهات النظر بيننا و بينهم و بنبتدي نعاملهم وحش
يعني بنزعق معاهم بنفضل مصرين و مصممين على ارائنا مع ان هما عندهم خبره اكتر مننا و اكيد هما ليهم نظرة ابعد لأي موضوع مطروح و في خلاف بيننا و بينهم عليه
بس المسئلة بتكون من ناحيتنا ان احنا بنعبر بطريقة غلط
يعني بنكون عاوزين نثبت شخصيتنا و نعتمد على نفسنا و كمان بنكون متحمسين
و اوقات بيكون حماسنا بزيادة اوي بيوصلنا اننا مش عاوزين نرجع لهم و ناخد رايهم في المواضيع
يعني انا مثلا عن نفسي عندي عادة سيئة جداً اللي هي العند الشديد
بالرغم من انه اوقات بيكون كلامهم انا مقتنعة بيه و هو الأفضل في موضوع معين مثلا بس هي كده طالبة عند معايا
بصراحة انا عن نفسي يعني بتمنى اني ابطل العادة المنيلة بتاعة العند دي لأن العند مبيكسبش طبعا بالعكس بيخسرنا كتير
و اكيد كل واحد فينا في نقط خلاف مع اهله فيها بيعبر بيها بطريقة مش صحيحة و بنبقا بعض الأحيان ماشيين على نظام خلف خلاف معاهم يقولوا هما يمين نقول احنا لا يمين يقولوا طيب شمال نقول احنا لا يمين


يلا استناكم تشاركوني الموضوع ده بارائكم

الله على الموضوع بجد جاااااامد اووووى

لى راى فى ذلك الموضوع

فاصل ونواصل

انا جيت بعد الفاصل

التوبيك بتاعك تحفة بجد

تسلمى على افكارك دى

انا عن نفسى ليا وجه نظر فى الموضوع دا

يعنى انا شايف ان موضوع العند مع الاهل دا مش بتكون قرارت مستقبلية

ولكن قرارت عادية جدا جدا وبسيطة مش تخص الحياة دى اول احجة

تانى حاجة ان العند دا مش بيكون مع كل اللى فى البيت

عندنا فى البيت انا بعاند مع اى حد بس لما يجى بابا خلاص الموضوع خلص

بابا مش بيعرف اى حاجة عننا غير المواضيع اللى مش ينفع ماما تخبيها عن بابا بقى

ولما بابا يجى خلاص الموضوع خلص والقرار يتاخد ههههه

التعامل مع الاهل مش صعب ولا حاجة بس احنا بنشوف حاجات من وجهت نظرنا احنا

هما بيكونوا مش مدركين بيها نعتقد احنا شباب 2008 الكبيوتر والانترنت هما هيعرفوا اكتر مننا ولا اية

بس العكس اللى بيحصل مهما الواحد شاف بردة مش هيعرف يوصل لدرجة خبرة الاهل بردة

بجد التوبيك بتاعك جميل اوووووى

عجبنى جدا جدا جدا

تسلمى الايادى

تحيتى ليكى وفى مزيد ان شاء الله

امم اولا تحياتي لكي يا مريم علي التوبك

هوة بصي انا شايف اني معدتش لسة صغير .... وليا فكري الخاص بيا الي بية اكيد بعتمد بية علي نفسي ..... هوة اكيد مش كلة هيطلع صح بس علي الاقل انا مقتنع بية ... دي من ناحية

اما بالنسبة لاهلي بقي ... الحمد لله كلمت اهلي عليا سيف ميتردش ... اكيد لازم ارضيهم

بس اذا كان الموضوع دة يخضني ( انا ) يبقي لازم اقولهم رايي واسمع اريهم ويا اقنعهم يا يقنعوني ......

من ناحية تالتة بقي .... ان الي محتاج مساعدة يدورلة علي كبيير يساعدة .
وانا اهلي الكبيير بتاعي ... اكيد لو الامر اختلط عليا هيكونوا اول حد ارجعلهم .....

بس بردة لازم اعتمد علي نفسي لحد ما نفسي يخلص وبعدن ابدأ ارجعلهم .

اممم مش عيب اني يكون ليا رايي الخاص وفكري بس العيب اني انكر حق اهلي عليا في انهم يوجهوني ......

اسف علي الاطالة ولكي مني تحية علي التوبك
سلام

التوبك هايل اوى

هوا فيه حاجه بقى انا شايفها
انا شايف ان عادى اننا نتناقش مع اهلينا فى كل حاجه
يعنى لو مثلا حد فى الاهل شايف حاجه
و انتا شايفها من ناحيه تانيه خالص
و شايف ان رأيك صح
ممكن توصل الفكره دى
بشرط
المصلحه و المسكب لازم يكون واحد
و بكده مش ممكن يكون فيه خلاف
و بعدين احنا شباب
و طبيعه الشباب من جوة متمردين
اه والله محدش يستغرب
كل الشباب متمرد
حتى البنات
ممكن يحكم رأيه فى حاجه وهيا غلط
و يعلق الاخطاء دى على شماعه انه مش بيحب حد يديله نصايح
عشان بقى كبير و بتاع
بس عادى يعنى
كل دى مراحل و بتعدى
تسلم ايدك على التوبك الهايل ده
تحياتى