هل تقبل.........؟

هل تقبل ان ترتبط بواحدة كانت بتكلم وتهزر مع كل اللى فى الكلية على اعتبار انهم زمايلها؟
ايه نظرتك ليها؟

وفيها اية ياعم مودى

هزار طالما بالادب مفهاش حاجة

صوتها مش عالى الهزار مش بالايد وفيا اية

لكن غير كدا يبقى اكيد يبقى فى كلام تانى


هل تقبل ان تكون الحب الثانى فى حياة امرأة؟

لو كان الحب الاول مات بالنسبلها يبقى لية لاء

عادى حتى لو انا العاشر طالما نسيت اللى فات ومفيش غير دلوقتى يبقى عادى مفيش مشاكل

هل تقبل ان ترتبط بواحدة نفضلك قبل كده ورجعت تقول انا اسفة؟

على حسب بردة هيا نفضلتى لية

علشان كان فى واحد ف حياتها

وانافى اللحظة دى لسة بحبها ولا لاء

دى هترجع بقى للظروف بس لو انا لسة بحبها اكيد هقبل عزرها

ثانكس يا مودى على التوبيك

بصى انا هاتكلم عن نفسى
فى حاجات الواحد يبقى فيه سبور وعادى وحاجات لا
زى ماقال دادا
يعنى واحدة ماشية بتهزر مع ده وده وراحة مع ده وجاية مع ده
وتضحك مع ده
ليه ده كله
لكن تخيلى لو هى ماشية فى حالها لو بتتكلم بيبقى فى حدود
اسألى الولاد هايبصولها ازاى وهايبقو هايموتوا عليها ازاى
هاقولك على مثل كنت سمعته قبل كده اتقال على لسان الشيخ الشعراوى
قال لو واحد ماشية فى الشارع ولابسة لبس يعنى وماشية جمبها واحدة منقبه
انت هاتبص على مين فيهم
اللى لابسة اللبس اللى مش تمام خلاص انت شوفتها لكن المنقبة انت ماشفتهاش
فابتن تبص على المنقبة
كذالك البنت اللى مابتكلمش حد كل الناس بتبصلها وهاتموت وتكلمها
لكن واحدة فتحاها ع البحرى يافرحتىوانا ماشى معاها كل شوية تقف تسلم على احمد وعلى وحسين وعبد السميع وعبد العليم
انا مش ضد انها تكلم بس تكون الظروف هى اللى تحكم ده ويبقى فى حدود
بالنسبة لموضوع ليه يحق للولد وليه يحق للبنت
هى مش حكاية يحق او لأ
مهما كان الولد مش زى البنت اللى يقول غير كده يبقى غلطان
مهما عمل الولد مش هايتأثر قد ما البنت هاتتأثر
ولا ايه

معلش وجعت دماغك بقى

وجهة نظر فى الاول وفى الاخر